رواية كان ممرضا لقلبي الفصل الأول 1 بقلم مريم سمير

رواية كان ممرضا لقلبي الفصل الأول 1 بقلم مريم سمير

رواية كان ممرضا لقلبي البارت الأول

رواية كان ممرضا لقلبي الجزء الأول

رواية كان ممرضا لقلبي الحلقة الأولى

_اتجوز بنت المعلمه بتاعت الحته ! دي مثبته كل الحارة ، دي مثبتاني أنا شخصيا تلت مرات !!
=بنتها الي طلبتك مينفعش نكسر كلامها
_والنيش علي مين !!
=نعم ؟
_اصل انت مش واخد بالك يوالدي ، أنا راجل وليا مركزي ومش هتجوز واحده جاهله
*هي مين دي الي جاهله؟
_المعلمه حبيبت قلبي عامل أي يحبي؟
*سمعت انك مش موافق علي بنتي ! بنت المعلمه جمالات احلي واجمل بنت في المنطقه
_طبعا طالعه لمامتها اكيد ، مش حكايه مش موافق والله ، هو انا اطول ! بس انا مش بفكر في الجواز دلوقت ، مش جاهز يعني
*وشقتك الي خلصت؟
_هحرقها
*ايييي؟
_قصدي ، هو الجواز شقه بس يمعلمه ! دا كلام بردو ، وبعدين بصراحه انا متعلم ومعايا شهاده
*انت تمرجي يالا ! انت هتنسي نفسك !! انت بتاع حقن فوق !

جزيت علي سناني _انا اخصائي تمريض واخد كليه ومش بدي حقن أنا
*ما علينا اخصائي من تمرجي عندي واحد ، كتب الكتاب النهاردة بليل
_احيه !! يجدعان متهزروش ، أنا من حقي اقول رأيي
رجالتها طلعوا المطاوي والسلاح من جيبهم ووجهوه عليا
*قول رأيك طبعا من حقك ، اشجيني يحليتها ؟
بلعت ريقي _انا من رأيي نكتب الكتاب دلوقت ، أي الي يخلينا نستني لبليل ؟ الشيخ يبني بسرعه أوام
جابوا المأذون وتمت الجوازه من غير مشوفها من غير دم من غير زوق ، من غير كرامتي أيوة بالظبط !
جت بنت وقفت جمبي لابسه اسود ف اسود ومش باين منها أي حاجه ف بعدت
_امال فين العروسه ؟ مش من حقي أشوفها بردو ولا انتي شايفه أي يست المعلمين؟
*مهي جمبك اهيي !!
_جمبيي ايي؟؟ ديي !! لا لا انا كده ادبست ، انتي مجوزاني ستارة !
*بتقول حاجه يروح امك؟
_تبارك الله انا حاسس انها ملكه جمال بجد ، أنا مشوفتش بس حاسس الله اكبر ، أنا لازم أرقيها
مامتها عملتلنا زفه عرفت كل الناس اني اتجوزت ، يفضيحتك يا احمد ، وصلنا البيت وفتحت الباب
_انتي هتباتي معانا ولا اي يحماتي؟ كلك نظر يعني !!
*انت عارف لو زعلتها في يوم أنا هعمل فيك اي؟
_تحبي نطلع علي القسم نعمل محضر عدم تعرض؟

*قسم ! لا انا اعرف اخد حق بنتي كويس ، يلا فتكم بعافيه ، حطها في عينك
_اكيد طبعا
مشيت ف قعدت علي الركنه وخدت نفس وطلعته ب الراحه وانا مغمض عنيا ، فتحت عيني لقيتها قدامي ، كانت حلوة جامد ف فتحت بوقي !
_انتي مين ؟
=مريم ، مراتك
_احلفي
ضحكت =والله!!
_طب تعالي ، قربي اقعدي عاوز اتكلم معاكي
قعدت بعيد _ايدا انتي طلعتي بتتكسفي وبتخافي ! انتي متأكده انك بنت المعلمه؟
=انا مبخفش من حاجه
_تعجبني يجميل ، المهم هو انتي بجد الي طلبتي تتجوزيني !! مش غريبه ديي ! ، هو الجواز ب الإجبار تتحسب؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية كان ممرضا لقلبي)