رواية أحبني متمرد الحلقة العاشرة 10 بقلم رنا
رواية أحبني متمرد الحلقة العاشرة 10 بقلم رنا
 |
| رواية أحبني متمرد الحلقة العاشرة 10 بقلم رنا |
رواية أحبني متمرد الحلقة العاشرة 10 بقلم رنا
سليم بعصبيه: انت!!
عمر: سليم بنفسه هنا!!
سليم مسكه من هدومه بعصبيه: كويس انك جيت برجلك.. انا كنت جايلك قريب.. هدفعك تمن ال عملته غالي اوي
عمر زقه: انت بتهددني!! وبعدين انا جاي لنور..نوور!
سليم مسكه من رقبته بعصبيه: انت لو نطقت اسمها تاني..لأ انت لو حتي فكرت فيها هيكون اخر يوم ف عمرك
نور نزلت علي صوتهم: سليم في ايه!!! عمر؟
سليم بيكلم عمر وهو لسه ماسكه: صدقني ياعمر هندمك علي قربك منها في يوم من الايام
عمر بصوت مخنوق: ابعد عنيي
نور قربت من سليم: سليم سيبه
سليم وهو ماسك رقبته بعصبيه: هقتلك
عمر بيكح بخنقه: ابعد عني..هتروح ف داهيه لو حصلي حاجه
نور بدموع: سليم سيبه.. خلاص بقي سيبه عشان خاطري
*سليم سابه وعمر وقع ف الارض*
عمر: صدقني هتندم
سليم كان رايح يضربه بس نور مسكته: خلاص ياسليم… عايز ايه ياعمر عاجبك ال حصل ده!!
عمر وقف قدامها: شكلك نسيتي يانور
نور مسكت ايد سليم ال كان قدامها وقالت بثقه: لا مش ناسيه واللي عندك اعمله
سليم بتحذير: صدقني لو قربت منها تاني…مش هتلاقي حد ينقذك مني..بره
* عمر بصلهم بخبث علي اللي هيعمله وطلع من البيت *
نور حضنت سليم بسرعه: انا اسفه
سليم: علي ايه!
نور: اني بعدت عنك عشان خايفه منه ومن ال معاه
سليم: مش عايزك تخافي من حاجه طول مانا معاكي
نور بعدت عنه: سليم انت مش مجبر تفضل معايا يعني لو عايز تبعد و….
سليم مسكها من شعرها بمرح: بتقولي حاجه
نور ضحك: خلاص..خلاص سيب شعري
سليم: طيب هطلع ارتاح شويه..وان شاء الله بكره هتكوني ملكي
نور: دي خطوبه بس يعني لسه مش ملكك ولا حاجه
سليم بتفكير: اممم خلاص نخليها كتب كتاب علي طول
نور: مش هينفع طبعا
سليم: ايه ال مش هخليه ينفع بقي!! احنا كده كده هنتجوز بكره او بعده هنتجوز
نور: هو تمرد وخلاص!!
سليم: اذا كان عاجبك
نور: لا مش عاجبني
سليم قرب منها: هو ايه ده ال مش عجبك
نور رجعت ولزقت ف الحيطه وهو حد ايده حواليها *
نور بتوتر: خلاص خلاص..سوري
سليم بيقرب منها اكتر: تؤ تؤ انا عايز اعتذار من نوع تاني
*نور غمضت عينها وكان لسه بيقرب منها سمعو الباب بيتفتح *
نور زقته بسرعه: بابا!!
مدحت دخل: فيه ايه مالكو!!
سليم: مفيش ياعمي..اهلا بحضرتك
مدحت: كنتو بتعملو ايه كده
نور ابتسمت: مفيش يابابا ده سليم كان بي…..
سليم بسرعه: مفيش ياعمي كنت بقولها ان جدي جاي بكره…عن اذنكم
نور ضحكت: اه اه فعلاً
مدحت بابتسامه: تعالي يانور عايزك
نور: خير يابابا انت كويس
مدحت قعد وقعدها جمبه: طبعا انتي عارفه جدك وعمك جايين بكره ليه
نور هزت راسها بابتسامه: اها
مدحت: لو انتي ياحببتي عندك مشكله او مش عايزه دلوقتي ممكن نأجلها..المهم تكوني مرتاحه
نور بسرعه: لا يابابا نأجلها ليه
مدحت ضحك: بقي كده!! ماشي يحببتي ربنا يسعدك
نور بكسوف: ربنا يخليك ليا..عن اذنك
_____________________
عمر بعصبيه:ماشي يانور لو مخلتكيش تندمي مبقاش انا عمر
داليا: اهدي ياعمر.. ونفكر براحه
عمر بعصبيه: اهدي!! بقي واحد زي سليم يعمل فيا كده!!
داليا: طيب هتعمل ايه دلوقتي
عمر بتفكير: لازم اعرفها اني مبهددش وخلاص
داليا: عمر متعملش اي تصرف مجنون يوديك ف داهيه
عمر:لازم اعلمها كويس اني مبهددش وخلاص وكلامي بيتنفذ
داليا: طيب سيبك من نور دلوقتي وخليك معايا
عمر بصلها: عايزه اي ياداليا مش فايقلك
داليا بدلع: ليه بس ياحبيبي…انا عايزاك تهدي خالص
عمر بعصبيه: بردو بتقولي اهدي
داليا قربت منه بدلع: عمر!!
بصلها وبص قدامه علي طول وهي كملت بدلع: اي رأيك نتجوز
عمر: ههه نتجوز مره واحده!!
داليا: انا معاك ف اي حاجه
عمر: داليا حببتي فوقي!! انا وانتي بنشحت لما نتجوز هنصرف منين
داليا: من الفلوس ال بابا بيبعتها
عمر ضحك: بجد!! دي لو كانت بتكفيكي لوحدك مكنتيش هتساعديني اسحب فلوس من نور واديكي
داليا بعصبيه: نور دي غبيه..سيبك منها بقي وخليك معايا
عمر: نعم!!
داليا: عمر انا بحبك وعايزه اكون معاك..انا مش هي
عمر وقف بعصبيه: داليا انا فايقلك سلام
داليا بعصبيه: ماشي ياعمر براحتك
______________________
*في الصعيد*
زينه: ايه ياامنيه مش هتيجي معانا ولا ايه
امنيه بزعل: لأ
زينه قعدت جمبها: امنيه احنا اه مش قريبين من بعض اوي بس انتي بنت عمي وزي اختي ولازم انصحك
امنيه: تنصحيني!!
زينه: عايزاكي تنسيه..سليم هيخطب بكره وخلاص مبقاش ليكي حق انك تفكري فيه..ومش عايزاكي توقفي حياتك علي حد.. لو وقفتي حياتك علي حد هتفضلي زي مانتي وممكن ترجعي لنقطه الصفر تاني..الدنيا ماشيه واحنا لازم نجاريها.. الحاجات دي قسمه ونصيب وهو مش نصيبك…لسه الدنيا قدامك واكيد هتقابلي نصيبك الحلو من الدنيا…فكري كويس ف كلامي يا امنيه
امنيه بابتسامه: معاكي حق…انا اسفه يازينه علي معاملتي ليكي بس صدقيني انتي زي اختي واكتر
زينه حضنتها بحب: اكيد مش هزعل منك… ويلا بقي عشان هتيجي معانا..مش عايزه اسمع كلمه
امنيه: ماشي هقوم اجهز حاجتي.
زينه: ماشي.. هستناكي تحت
_______________________
نور: سليم!! انت هنا!! سليييم
* دخلت الاوضه وكانت فاضيه *
نور بيأس: راح فين ده!!
سليم من وراها: هروح منك فين
نور بابتسامه: كنت فين.
سليم: معاكي
نور ضحكت: مالك يابشمهندس!! بقيت كاظم الساهر ف نفسك كده ليه
سليم قرب منها: بمناسبة كاظم الساهر بقي ماتقولي احبكَ
نور: ليه!!
سليم : كي تزيد وسامتي
نور ضحكت: ههه..اسيبك انا شكلك مجنون دلوقتي
سليم شدها من هدومها: هو مين ده ال مجنون
نور بخوف: مش انت مش انت..ده افيه عادي
سليم قرب منها بهدوء: اممم افيه هااا
نور بتوتر: ااه يعني ده بس…
سليم قرب منها: ده ايه!!
نور: سليم انت…
*سليم كان بيقرب اكتر بس سمعو صوت تحت *
نور زقته بسرعه: ده اكيد جدو جه..سلاام
سليم ضحك: مش وقتك خالص
_______________________
نور راحت سلمت عليهم كلهم وقعدو يتكلمو ويهزرو *
محمد: مبروك يانور ربنا يسعدك يابنتي
نور بابتسامه: الله يبارك فيك ياجدو
محمد: لو الواد ده ضايقك قوليلي بس وانا اكسرلك عضمه
نور ضحكت: بصراحه بيضايقني ياجدو
سليم: بقي انا بضايقك!!
نور بسرعه: لا لأ.. مين قال كده
محمد: مالك بيها ياواد انت
نور راحت تقعد جمبه: ربنا يخليك بيا ياجدو ههه
* كانو قاعدين بيضحكو بس الباب كان بيخبط..وسليم راح يفتح *
سليم: ايوه!!
_ انسه نور موجوده!!
سليم: ايوه تحبي اقولها حاجه!!
_ اتفضل ده اوردر مبعوت لها
سليم: من مين!!
_ من استاذ عمر شاكر
سليم بعصبيه: شكلك محرمتش!! تمام شكرا
محمد: مين ياولدي
سليم: مفيش ياجدي
محمد: ايه اللي ف ايدك ديه
سليم: دي هديه من عمر زميل نور
محمد: هديه ايه دي!!
*سليم كان بيفتحها ونور قاعده بتبصله بتوتر وخوف مش عارفه مصدره *……..
يتبع..
لقراءة الحلقة الحادية عشر : اضغط هنا
لقراءة باقي حلقات الرواية : اضغط هنا
نرشح لك أيضاً رواية عريس من ديزني للكاتبة ندى حمدي.