رواية عريس مراتي الفصل الثاني 2 بقلم دعاء زينة

رواية عريس مراتي الفصل الثاني 2 بقلم دعاء زينة

رواية عريس مراتي البارت الثاني

رواية عريس مراتي الجزء الثاني

رواية عريس مراتي الحلقة الثانية

_ايه جنابك هتفضلى مبحلقة فى الأرض كده كتير
رفعت راسها بهدوء بعد وعيونها فتحتها علي الأخر حاسة أنها سمعت الصوت ده قبل كده بصت ليه وأول ماعيونها وقعوا ليه بصدمة
=نوووووووووووووح
نوح بسماجة: ايه رأيك فى المفأجاة دي
=بشر قربت منه ومسكته من طوقه وبصوت افعي إزاي ده حصل وأنت هنا إزاي
نوح ببرود مسك إيده واتك عليها وحط ايديها جمبها وهو ماسكها وباصص فى عيونها: أنا متأكد أنها مفاجأة حلوة يازوجتى العزيزة
=شدت أيديها منه بعصبية وبصوت عالي مفاجأة سودة علي دماغك ودماغ اللي خلفوك يابن سليمان
راح نوح رافع إيديه ونزل بيها علي وشها خلي الدم نزل من بقها: شكل ابن عباس نسي يعلمك الأدب
=اتعدلت وهي مش مستوعبة اللي حصل وحاطة ايديها علي خدها مكان الضربة
نوح: ايه اتصدمتي من ايه هي أول مرة هو ابن عباس مش كان مصبحك بعلقة ومسيكِ بعلقة ولا ايه مفيش جديد عليكي يعني
=اتكلمت من بين سنانها بفيحيح أفعي ابن عباس ده سيدك واللي جايبك دلوقتي زي الكلب عشان حيلة تبقى محلل يعني كوبري عشان يرجعني ليه تاني
نوح بغضب ظهر فى عيونه وبروز عروقه قرب منها زي الأسد اللي هيلتهم فريسته ولما لاقها كشت فى نفسها خافت يضربها تاني خرج زفير قوي منه ومسكها من دراعها وهزها بعنف: متخفيش مش هنولك شرف إن أمد إيديك عليكي مرة تانية بس عاوزة أقولك أنك دلوقتي بمزاجك غصب عن اللي خلفوك أنتي مراتي وعلي ذمتي وشايلة اسمي فاهمة يعني إسم اي راجل غيرى علي لسانك صدقيني هقطعهولك اما بالنسبة لشتمتك دي حسابك معايا بس أم أرجع وغمز ليها غمزة ذات مغزي
=اللي بتفكر ده بعيد عن شنبك يانوح أنت فاهم

نوح بعد ماكان مشي خطوة قرب منها تاني ونزل لمستواها بحيث عيونه تبقى قدام عيونها وبخبث: وايه بقى اللي أنا بفكر فيه يابنت الأغراب
=كشت فى نفسها أكتر ولمت طوق فستانها أكتر من الخوف رغم أنه مقفول عليها كويس
نوح بضحكة خبيثة: تؤ تؤ تؤ أهدي كده ومتخافيش السواد لسه جاي وعدل نفسه فى وقفته ونفض إيديه وبعدين الصراحه أنت مش نوعي المفضل خالص وأخاف اقرب منك يغمي عليا من القرف
=بعصبية فكرامتها كأنثي اتهانت قال وانا اللي هيموت عليك يابن سليمان فوق لنفسك أنت حيلة ليلة وسوادها وهتروح لحالك
نوح: صدقي كنت فاكر زيك كده لحد مالسانك طول وشوفت قلة أدبك فقولت لازم أربيك وأعلمك الأدب وأصوله من أول وجديد
=مبقاش طيف الغريب إن عملتك ودفعتك حق كل كلمة بتقولها يابن سليمان وخليك فاكر أنت اللي بادئ
وقع إسمها علي قلبه كما لو كان عود الكبريت اللي اتحدف علي كومت قش فى الصحراء مسكت فيها الولعة ومفيش سبيل لأنها تتطفي……….
وسابها ومشى ومقدرش أنه يرجع ليها مرة تانية
*************
قاعد علي بحر إسكندرية، ورغم الصقعة اللي محاوطة المكان والهواء اللي بيحرك بيبان البلكونات والموج اللي بيخبط فى الصخور وبيصدر أصوات مرعبة إلا أن قلبه النار شاعلة فيه مش بتهدي وخصوصاً كل مايفتكر إيديه وهي بتنزل علي وشها بيتمني الدنيا كانت وقفت عند اللحظة دي
+حد من وراها حط إيديه علي كتفه: ايه يابو الص
وقبل مايكمل كلمته كان نوح حاطة تحت رجله وخانقه بإيديه
+ بكحة شديدة ومش قادر ياخد نفسه ايه ياعمنا أنا أنا كح كح احووو
نوح أخد نفسه: زيااااد خضتني
زياد: ياعم ده أنا اللي قطعت الخلف حرام عليك
نوح: ما أنت عارف اما ابقى سرحان مبحبش حد يلمسني
زياد بيفرك فى رقبته: لسه فيك الخصلة المهببة دي
نوح: اهو كل حاجه اتغيرت إلا الخصلة دي ياجدع
زياد: يارب سلم منك ومن غمك ياجدع ايه مقعدك كده اوماااال
نوح: أنت اللى كنت فين وبتعمل ايه هنا دلوقتي
زياد بفرحة: كنت عند خطيبتى هنا ولسه نازل وفرحنا خلاص قرب ياساحبي عقبالك
نوح: علي خير ياصاحبى
زياد: وأنت بتعمل ايه هنا
نوح: بشكي همي للبحر وهواء إسكندرية ياصاحبى
زياد: هم ايه ياعمنا ماتفك كده كله رايح
نوح بسرحان فى لون البحر: قولي يازياد هو الواحد لما يااخد حاجه كانت ليه من الأول بس اتسرقت منه وبعدين رجعتله بس مش بالشكل اللي هو كان يحبه ومش بس كده دي هتاخد منه تاني تفتكر ده يبقى عدل
زياد بيفرك فى رأسه من وراه: اممممم ده كلام يصعب على أمثالى فهمه والله بس شكله موضوع مهم
نوح باستغراب وعقد مابين حواجبه: أنا بكلم مين أصلا قوم يلااا قوم
زياد بضحك: خلاص ياعم متزقش بس هقولك حاجه اللي ليك ياصاحبى خده ولو فى بق الأسد وهتحارب السباع عشانه مش كل حاجة بنحبها ممكن تيجي الفرصة اللي ترجع لينا فيها تاني وأنت فرصتك جاتلك ياصاحبي سلااااام
نوح بيردد كلامه فى شكل همهة: والفرصة وجاتلي
**************

رجع البيت بعد نص الليل تقريباً لقي حسن واقف علي باب شقته
حسن: أنت مغير كلون الباب ليه يابني آدم أنت
نوح بعدم إهتمام: يمكن عشان بقى للبيت حرمة ومينفعش تدخل وتخرج زي الأول عادي
حسن بنرفزة: أنت نسيت نفسك ولا ايه يانوح فوق ده كله سواد الليل
نوح بنفس اللامبالاة وبعصبية: فوق أنت ياحسن وبعدين يكش حتي يكون ساعة اللي جوه دي مراتي علي سنة الله ورسوله حتي ولو لدقيقة واحدة فاهم ويلا بقى من هنا عشان متغباش عليك وتونون فى نفوخي سواد الليل ده يكون سنة سنتين أنا ومزاجى
حسن: أنت فاهم بتقول ايه
نوح: وحافظه كويس جدا كمان تحب اسمعهولك اتفضل من غير متروط
ودخل بيته وقفل فى وش حسن وهو لسه واقف مكانه
****************
دخل لقي طيف قاعدة بنفس هدومها ووشها كله عبوس
نوح: مساء الخير
طيف بصتله برفعة حاجب وسكتت:…….
نوح قرب منها: ياساتر ده انا علي كده لا ليه صباح ولا مسا ولا حتي كلمة كويسة وبعدين نفخ بقلة حيلة طيب احنا مع الكام ساعة دول ايه رأيك نأكل عيش وملح مع بعض
طيف بغضب وبنفس هيئتها: العبش والملح مش مع اللي زيك أنت فاهم
نوح قام راح ناحية المطبخ: وأنا مش ميت علي الأكل معاكي بس علي الأقل تشربى حاجه بدل ما تموت وابن عباس يقول عليا كنت بخيل معاكي الكام ساعة اللي كنتي فيهم مراتي
طيف: شايفك جبت وراء يعني كلامك مكنش كده من ساعتين
نوح: أنت عارفة اللي فيها بقى متدقيش علي الكلام ومد إيديه ليها بكوباية عصير خدتها منه وبعجرفة
طيف: أحب اللي يعرفوا مكانهم وقيمتهم بسرعة بس وحياة أمي لعلمك الأدب
نوح بيعمل حركات تدل علي عدم إهتمامه لكلامه وسابها ودخل أوضته
************
اول ماطلع الصبح حسن خرج بسرعة علي شقة نوح دق دق دق دق، الباب اتفتح
حسن بصدمة:…………

• لقراءة الفصل التالي : اضغط هنا
• لقراءة باقي حلقات الرواية اضغط على (رواية عريس مراتي)