Uncategorized

رواية ليل الفصل الرابع 4 بقلم ياسمين خالد

 رواية ليل الفصل الرابع 4 بقلم ياسمين خالد

رواية ليل الفصل الرابع 4 بقلم ياسمين خالد

رواية ليل الفصل الرابع 4 بقلم ياسمين خالد

هو فهمني إنه بيحبني اوي وهيتقدملي 
-هه دي لعبـه  يـاغبيـه، لعبـه رمـالك الصناره وإصطادك ف شَبكتهُ الكدابه  والمزيفه 
“بيقاطع كلامهم خبطه علي البـاب” 
ف نفس واحد 
مـامـا!! 
بصوت غلبه النُعاس إيـه ده إنتي جيتي ياحبيبتي
“ساره وليل خدوا نفس طويل كإنهم إطمنوا إنها مسمعتش” 
“بتقوم تحضنها”، كل سنه وإنتـي طيبه ياحبيبتـي أنا لسه جايـه أهو وكنت قاعده مع سـاره بتحكيلي علي حلقه رامز جلال عشان متفرجتش عليه إمبارح 
= هي دي وراها غير كده  و 
” بتبص عليها “
إيه ده بتعيطي ليه ياساره
_ “بترتبك ” أنـ أنـاا
= “ليل بتقاطع كلام ساره”  لأ ده أنس جاي بياخد اللاب من ساره طرفلها عينها غصب عنهُ
_ “أنس جاي بيتكلم ليل بتغمزله ” أنس بذكاء” أه ياتيتا غصب عني أنا أسف 
= ياروح تيتا نورت الدنيا كلها ده إنت تخرق عيني وعين ليل وابو ليل كمان 
“بيضحك” 
“ليل بتضيق عينها وبتضحكله انه فهمها” 
_ثم نُهي”الام” أكملت حديثها كنت جايه أصحـي ساره عشان تجيبلي الخضار من تحت عشان أبدأ أحضر الفطار  
= خلاص  هننزل نشتريه أنا وهي متشغليش بالك
– خلاص هصلي الضهر وإنتو إجهزوا وإنزلوا 
– حاضر، بابا ولؤي فين 
= أبوكي إتوضي ونزل الجامع ولؤي نايـم جوا 
– خلاص إجهزي ياساره وأنا هخش أرخم علـي لؤي 
– ماشـي
= تعالي معايا ياأنس عشان عمتو ساره تلبـس 
– حاضر 
_____________________
بيخرجوا ومامتـها بتدخل تتوضيٰ، بتبوسه وبصوت خافت:  شكرا ياأنس إنك فهمتني، بتوطي علي رُكبتها عارف عمري ماحسيت غير إنك إبني، إبني وبس وفاهمني كده وعمري ماحسيت إن عندك ٨ سنين ماشاء الله عليك، أنا بحبك أوي 
= وأنا كمان ياليل بحبك أوي، لما تخلفي نونو هتبعدي عني صح 
_ بتبتسم، لما أخلف نونو هعرفه إن إنت إبني وأخوه الكبيـر
“بيترمـي ف حضنها”
يلا نصحي لؤي 
يلا 
___________________________
“بيتسحبوا بُراحه” 
“وبيقربوا علي السرير”
بتتكلم بصوت خافـِت:  روح هـات من هنـاك المـايك ده 
– حاضر 
_بتتكلم ف المـايـك إتجاه أذن لؤي:  بيقولك مره واحد نايم ف رمضان والضهر أذن ولسه مقامش يصلي 
“بيقوم بخضه” إيه مين ف ايه لا اله الا الله والله هتوب
“أنس وليل بيضحكوا” 
gιve мe ғιve 
خطتنا نجحت ياأنس 
_ “بيمسك المخده ويحدفها بيها ” هو إنتي والله عيله جزمه حرام عليكي أنا بحسب اني كنت بتحاسب ف القبر وبيقولي مصليتش ليه 
_”بتضحك ” نايم لحد الضهر ف رمضان، فين الصيام فين وِرد القرٱن أمال هتختموا إزاي ياأستاذ 
_”بيتاوب” طب سيبيني أنام نص ساعه بس 
=  “بزعيق” قوم فِز من مكـانـك عشان تصلـي
_   حاضر “بيقوم يتعدل من علي السرير”  أهو قومت “بيحضنها”  وحشتيني، كل سنه وإنتي طيبـه ياحبيبتي 
-وإنت طيب ياحبيبي، ها عامل إيه مع خطيبتك! 
= اهو كويسين الحمدلله
– يعني إيه أهو! 
= يعني شويه كده وشويه كده 
– ربنا يصلحلكم الحال ياحبيبي 
= يارب 
– يلا قوم وأنا هنزل أشتري مع ساره الطلبات لماما من تحـت 
= ساره مش متظبطه اليومين دول ودخلت أكلمها بس كانت بتتهرب مني، كانت بتتهرب عيونها تيجي ف عيني كلميها انتي ياليل أكيد هتحكيلك 
_ “ليل بتتكلم بقله حيله ويجي ف بالها إللي ساره حكيتهولها”  حاضر يالؤي 
_مين السكر ده!
= ده أنس إبن يوسف متعرفهوش!
– لأ كنت بشوفه بس ف الصور بس هو ف الحقيقه أحلي،عامل إيه يابطل!
_”بيسلم عليه” انا الحمدلله،إنت عيونك زرقا زي عمتو ليل!
= بيعدل بغرور التيشرت” بس إيه رأيك فيا واد قمر وعضلات وحركات بقي وكده
_اه عسول ياعمو 
= ونبي وانت سكر يلا بينا نصلي سوا إيه رأيك 
-يلا 
_______________________________________________
“بينزلوا السـوق” 
——————-
_ليـل هتفضلي ساكته، أنا مش حمل تأنيب ضمير أكتر من كده 
= إحنا ف الشارع يـاساره خلاص دلوقتـي.
–  طب أعمل إيه قوليلي 
= هو كلمك! 
– “بتتوتر”  لـ لأ، رنيت عليه كتير مردش، بيفتح واتساب وفيس ببعتله مسدجات مش بيرد عليا ياليل 
– هيرد إزاي ياساره مااخلاص، إللـي عايزوا منك خدوا 
= انا غلط، والدرس ده علمنـي كتير أوي علمني مثقش ف أي حد، علمنـي مخونـش ثقه أهلي فيا تاني تعبت من التفكير عارفه جربت كتير أنتحر 
– هه تنتحـري!  عايزه تخسري دنيتك وأخرتـك! 
ليه مقولتيش أنا يارب غلط وتصلي وتدعيلـه!  تقوليله يارب أنا توبت وأوعدك يارب مش هرجع للذنب ده تاني، يارب انت الوحيد اللي تقدر تخرجني من المِحنه دي! 
ليه اختارتي الحل الأصعب وإللي يغضب ربنا 
“دموع ساره بتنزل” 
مفيش حد معصوم من الغـلط وكل واحد فينـا غلطوا بيختلف عن التاني المهم نرجـع ونتوب 
“إن الله يحب التوابين” 
– يعني ربنا هيسامحني 
= إدعي، إدعـي وبس. 
– حاضـر 
= يلا نشتري الحاجه قبل ما ماما تنفخنا 
– يلا بينا 
= إذيك ياخالتو أم محمد عامله إيه 
– أذيك يالوله عامله إيه وحشتيني 
= وإنتي كمان والله 
-إتجوزتي ونسيتينا ياست هانم بتشتـري من مين الخضـار دلوقتـي 
– والله ياست الكل دمك الخفيف ناقصني مش بشتري حاجه والله مؤمن بيجيبلي الحاجات وهو جاي من الشغل 
= طب يابنتي ربنا يباركلك فيه، بصي ياستي انا هنقيلك انا الخضار عشان عارفاكي لسه مبتعرفيش تنقي حاجه 
_ يادي الكسوف، انا فعلا لسه مبعرفش والله 
= لازم تتعلمي عشان تعلمي بنتك.. ٱلا صحيح معاكي إيه دلوقتي
_” بتسكت شويه” لأ لسه ربنا مأرادش ادعيلي كل ماأجي علي بالك 
= عيونـي حاضـر، ربنا يرزقك بالذريه الصالحه يارب يابنتي كله خير وربنا هيرزقك إن شاء الله 
– يارب، يارب 
= هتاخدي بتنجان 
_ اه هاخد بتنجان وكوسه وفلفل وطماطم وخيار 
= حاضر
_______________________
“بتشتري الحاجه ويطلعوا البيت”  
__________________________________
“ف الشغل عند مؤمن” 
——————
_يـابشمهندس الديكور ده هو إللي ينفع مع الفيلا صاحب الفيلا اللي بيقول عليه ده مينفعش 
– مؤمن إنت شكلك متوتر ومتعصب مينفعش كده لازم تهدا 
= بـ إنفعال:  انا مش متعصب انا هادي جدا بس انا فاهم مش علي أخر الزمن حد يعدل علي شغلي 
– طب خلاص إهدي شكلك مضغوط روح النهارده 
_ “بيهدا”  أنا أسف يابشمهندس عمرو، بس فعلا مضغوط وفـ مشاكل كتيـر فوق دماغـي  
“بيطبطب علي كتفهُ”  
خلاص خد اجازه النهارده متتأسفش أنا مش زعلان منـك 
_مُمتـن جداً لحضـرتك شكراً جزيلاً 
—————————
“بيمشي، ويركب عربيته، بيضرب علي الدريكسيون بـ إنفعال ويفرمل فجأه”  
“بيكلم نفسه”  الوقاحه وصلت بيكي ياسهيله تدي صور مراتي لواحد!!!  سهيله إتجرأت إنهـا تبتزنـي أنــا..!!!!! 
إزاي!!! 
سهيله قدرت تخلي ليـل تروح عند أهلها بسبب كلام قاسـي أنا قولتهولها!!!!! 
“صوت كلكسات العربيات المجاروه” 
“بيفوق ويلتفت حواليه بيلاقي نفسه واقف ف نص الشارع بيبتدي يتحرك”  
_____
عند الإشـاره 
——————
ربنا يسترك يابني وينولك مرادك اشتري مني علبه المناديل دي 
_ “بيطلع فلوس من جيبهُ”
=خدي ياحجه وإدعيـلي 
ربنا يكرمك يابني وينور بصيرتك يارب
_يارب  _________________
“فِ البيـت”
_____________________
_إيـه يابنـي إللي رجعك بدري! 
=البشمهندس إداني أجازه النهـارده 
– ف حاجه! 
= لأ مفيـش، ليل كلمتك النهارده! 
= لأ يابنـي، إنت إتصـل كلمها إطمـن  عليهــا
– الموبـايل إتكسـر
= خد الموبـايـل بتاعي وكلمها 
– هاتي 
بيتصل بيها 
——————
أنس هات الموبايل بتاعي 
_”مين اللي بيتصل” بيقرا الإسم
دي تيـتا 
= ألو ياخالتو 
– إنتي كويسه! 
” ضربـات قلبهــا بتـزيد “
= إنت ف البيت 
– أه 
= إنت كويس! 
_  أه كويس، انتي مرتاحه 
= “بتكست شويه”  أه مرتاحه 
– مرتاحه وإنتي بعيد! 
= أنا مش بعيد يامـؤمـن 
_ هتقعدي قد إيـه!  
“بتقاطع كلامهم”  
أمـهـا 
بتكلمي مين ياليل وسايبه تأوير المحشي 
– ده مؤمن يـاماما 
= هاتي أكلمه حبيب خالتو 
– خد ماما معاك يامؤمن 
= إيـه ياحبيبي عامل إيه 
– كويس ياخالتـي 
= امال إنت فين كده! 
_ أهو لسه جاي من الشغل وقاعد ف البيت 
= طب يلا هستناك تفطر معانا 
-ليل من جواها بتفرح” 
=………. 
– لا لازم تيجي هستناك يعني هستناك وهتيجي 
= ف مشكله مع يوسف وهروح اتكلم معاه وإحتمال أتـأخـر برا 
_ هات يوسف وتعالي 
– ليل بلهفه:  يوسف! هيروح لـِ يوسف 
= ليل بتقولك هتروح ليوسف
_”بتقولها بصوت خافت افتحي الاسبيكر”
“بتفتحوا”
– قوليلها أه معتز قالي تعالي وإتكـلم معاه 
= بتشاورلها تقوله خليه يجيبوا ويجي 
_ واد يامؤمن لسه بدري الساعه ٢ ونص إتكلم معاه وهاتوا وتعالي 
= حاضر ياخالتي 
“ليل بفرحه”  يـاس “بتسقف براحه” 
هات بقي امك أرغي معاها شويه 
_ “بيضحك حاضر”  خدي ياماما خالتي عايزاكي 
=   هاتها يابنـي
————————
“بيطلع ياخد شاور ف بيتهم فوق” 
_بيشوف ذكرياتهُ مع ليـل ف كل ركن ف شقتهم بيدخل البلكونه ويسقي الزرع إللي كانت زرعـاه
_____________________
“فلاش باك”
______________
إيه يابنتي ده قَلبتـي البلكونه جنينـه 
“بتاخد نفس طويل” 
“طب إستنشق كده، شامم ريحه الزرع والجـمـال 
_أه شامم طب زارعه إيه
= زارعه نعنـاع، عشان بعد كل أكله بليل ندخل نستكنيص بليل ف البلكونه
_ نستكنيص!! 
=تبقي قاعده إسترخاء طيب يااعم الرقيق
” بيقربها من حضنه، أنا بحبك أوي،ومقدرش أعيش من غيـرك يوم واحد
_ أيوه أيوه!  عشان كده قاعد علي القهوه مع صحابك وسايبني طول اليوم صح! 
= صح 
_ إتصدق إنك رخم 
=”بيبوسها من راسها” طب وكده 
_لأ كده أنا بدوب والله وسيكا كمان هحس إني بسكوته نواعم ساكت ف كوبايه شاي بلبن 
= طب ماتعملـيلنا شاي بلبن ونسهر ف البلكونه 
_ ونتفرج علي فيلم ف البلكونه 
= أه وهتتفرج علي فيلم ف البلكونه
_ نتفرج علي فيلم إيه! 
_ إللي إنتي عايزاه يلا 
“بتجهز الشاي بلبن بتميل علي كتفه ويشغلوا اللاب توب علي فيلم 
_ بحبك 
= بحبك
___________________
” بيبتسم ” 
بيدخل عشان يحضر اللبس ف الدولاب 
بيفتكر لما كانت ليل بتحضرله هدومهُ
مفتقدك جمبي أوي ياليل 
“بيلبس ويجهز ويروح بيت معتز عشان يتكلم مع يوسف” 
______________________
يـلا يامـامـا  نجهز بسرعه 
– مالك ياليل متسربعه كده ليه فكرتيني ب أول يوم إتقدملك فيه 
_ لا هو وحشني الشويه دول بس يعني 
= ياسلام يابكاشه 
– اه وعلي فكره مكنتش موافقه علي إبن أختك ده 
= إنتي تطولي يابت ده قمر 
– من ناحيه قمر ف انا ماشوفتش ف جماله 
= طب يلا نجهز الحاجه قبل الفطار بسرعه 
___________________________________________
“مؤمن بيروح ليوسف” 
__________________
بيخبط علي الباب بيفتحله يوسف بيبصله بزعل”:  إتفضـل 
– بيقعد، هو فين معتز! 
= جوا بياخد دش
_ إنت كويس 
= أه كويس 
_” بيقرب عليه ” تفتكر إن اخوك مؤمن يقدر يخونك
“بيغمض عينه ويتك علي إيدو”  
_ ليك حق تتعصب انا عارف، بس انا عمري ماأتجرأ أعمل حاجه زي كده ولو كنت عاوزها كنت خطبتها هي أولي مااروح واتجوز ليل واديك شايف بحبها ازاي! 
= يمكن بتعمل كده قدام سهيله بتندمها إنها سابتك 
– أندمها!  إنت مجنون دايماً بفخم فيك قدام الناس وقدام نفسي ليه بتقلل من نفسك كده طول ما مكفي بيتك ومحافظ علي عيالك وكش بتخون مراتك يبقي مفيش اسباب تانيه ابقي مريض لو فكرت التفكير ده، سهيله متخصنيش والله ولا كإني حتي كنت أعرفها سهيله متحرمه عليا وانا بحب مراتي 
– والصوره يامؤمن! 
= الصوره دي كنت فعلا متصور معاها ومع بنت تانيه زميلتنا بس من أيام الجامعه بس إنت عارف الفوتوشوب دلوقتي مخلاش اي حاجه علي مااتعقد سهيله طلعت كل اللي ف قلبها قدامك وقدام الكل سهيله عاوزه تنتقم واكيد دي كانت خطه منها هي إنها تحط الصوره ف الدرج وتخلي ليل تشوفها عشان تحصل بينا مشاكل “بيجيب المصحف” يارب يعميني المصحف ده لو بكدب عليك، من احلف بغير الله ف قد اشرك بس انا حاطوا علي عيني عشان يكون شاهد بينا والله انا ماخونتك 
يوسف انا واحد بعتلي صور ليل بشعرها علي الموبايل بتاعي وفضل يبتزني ووجعت ليل بكلام وبصتلها نظرات إستحقار ولميس وهي افتكروا ان الصور دي مش مع حد غير سهيله 
– “اتعصب وضم إيدو”  سهيله تعمل كل ده، للدرجادي كنت عايش مع شريره وجايب منها أولاد! 
= بص ياايوسف عايزك تستخير ربنا وتدعي ان ربنا يهديها ورجعها لازم تعيش مع أولاد، البيت من غير الست بيخرب والعيال هتتبهدل بينكم، انا بحكيلك عشان انت اخويا سندي ومش فارق معايا غير انك تفضل ف ضهري انا بتقوي بيك 
_بيترمي عليه ويحضنه” حقك عليا ياأخويا مراتي السبب ف كل ده واوعدك والله لهاخدلك حقك 
= عيب عليك، تنتقم من مراتك او ع الاقل ام عيالك انتقام ربنا اشد واصعب هي مش قددوا، اهم حاجه عندي إنت حقك عليا ف اي سوء تفاهم حصل وفهمتني غلط فيه 
– مفيش حق بينا، المهم روح وصالح ليل بنت حلال وتستاهل 
= خالتي عزماني وعزماك معايا وصممت انك تيجي 
– لا لا أنا هتكسف 
= ياض تتكسف إيه أنا معاك، وبعدين خالتي وجوز خالتي والبت ساره ولؤي لو قعدت معاهم هتحبهم أوي أوي وكانك عارفهم من سنين 
_ طب ومعتز هنعمل ف ايه 
“بيقاطع صوتهم معتز”  لا انا رايح اصيع مع صحابي هنفطر برا فرصه ولميس مش موجوده 
– مؤمن بمشاكسه:  اه منك والله اروح اصلطها عليك واقولها بيلعب بديلوا 
= لا ياعم ونبي 
“بيضحكوا طب يلا بينا”  
———————–
“بيتحركوا بالعربيه إتجـاه بيت ليل” 
__________________
“ف بيت سهيله”
_ إنتي اتجنني ياسهيله ازاي تعملي كده 
=” بكل حقد”أه ياماما ولسه مشافوش مني حاجه، هندم مؤمن علي كل دمعه نزلت مني 
– ليه الحقد ده ماالراجل سابك ف حالك ومتدخلش ف حياتك ولا حاول يخربهالك ليه كميه الأذي دي ليه تروحي لرئيس عصابه وتبعتيلوا صور لمراته وياعالم الواد ده ف الاخر هيبتزك عشان ياخد منك فلوس اكتر لا لا وليه تخلي أنس إبنك يشوفك وانتي بتحطي الصوره ف الدرج لأ والنصاحه بتاعتك بتعملي نفسك بتهدديه عشان الولد يعرف إنه شايل سر وبيحب ليل وهيحكيلها
– عشان ف نار بتكويني كل م بتخيل انها واخده مكاني، وكل ليله ف حضنه وانا لا ولسه هخربلها حياتها مش ههنيها علي يوم واحد
– الشر اخرته وحشه يابنتي 
“بتضحك بسخريه” 
_________________________
“بيوصلوا بيت ليل”  
“مؤمن ويوسف بيدخلوا”  
_ اذيك يايوسف نورت 
_ كويس ياليل 
“انس بيجري علي أبوه بابا وبيحضنه” 
إيه ده جيت مع ليل 
_ اه مقدرش اسيبها 
“بيرحبوا بيه”  
وبيفطروا 
الفرحه كانت باينه علي ملامح يوسف وكان بيضحك من قلبه، ساره إبتدت تضحك وتهزر معاهم رغم انها كانت قافله علي نفسها 
_ مؤمن عايزاك 
“بيقوم معاها”  
= إيه ياليل 
– مبسوطه انك اتصالحت مع يوسف 
= الحمدلله، واحنا مش ناوين نتصالح! 
_ انا مش متخانقه معاك
– خلاص هتروحي معايا يعني! 
= لا ليلي جايه بكره وهنبات سوا ف يومين كده وهرجع 
_ اليوم التالت هاجي أخدك 
= ياسلام 
_ أه، وحشتيني 
_ بتوطي ف الارض “بيرفع وشها”  بقول وحشتيني 
= وانت كمان وحشتني جدا، جايبالك حاجه 
_ جايبه إيه! 
“بتوريله التليفون” 
_ ايه رايك 
= جميل اوي، ده ليا 
– امال ليا 
= بطلي لماضه يابت انتي، ياااه اخيرا جبتيلي حاجه غير الضغط والسكر 
_ نينيني، اتصدق انا غلطانه هات الموبايل ده 
– خلاص خلاص، بحبك ربنا يديمك ليا ياحبيبتي 
بس جيبتي الفلوس دي منين 
– كنت عامله جمعيه مع ام سيد، وأهي كلها ف الاخر فلوسك 
= فلوسي وفلوسك واحد انا بحبك أوي 
– وانا كمان بحبك اوي 
“بص يوسف وساره ولؤي بيهزروا إزاي ومبسوطين. 
– أه الحمدلله ربنا يديم الونس مابينا 
_يارب 
_____________________________ 
” بيمشوا وتيجي الساعه ١٢”
_ ليل كانت قاعده ف الصاله ساره بتشاورلها تعالي 
= “بتقوم”  ف ايه!!! 
_ بصي مين بعتلي أدد! 
= مين!! 
– يوسف 
“بصدمه”  بجد!!!! 
– اه والله 
وبصي باعتلي المسدج دي ” مبسوط إني شوفتك واتكلمت معاكي حسيت اني اعرفك من سنين، كنت عارفك وبسمع عنك لكن ف الاخر كانت علاقه سطحيه،لكن قاعدتي معاكي انتي ولؤي فرقت معايا شكرا علي اليوم اللطيف ده “
“بتوتر واللمعه ف عيونها” ها أرد أقول إيه 
_مممم إيه اللمعـه دي وليه الفرحه دي ياساره!
=” ب ارتباك” لأ واللـه عادي إنتي فهمتي غلط
_ ساره انتي لسه خارجه من موضوع صعب و.
= و إيه ياليل “بنبره يأس” أدفن نفسي بالحيّٰ مش كده!
_”بتقرب عليها وتحط إيديها علي وشها”لأ ياحبيبتي طبعا مقصدش،بس لازم تفكري كويس وتفكري ف مشاعرك كويس،إنتي أي كلمه لطيفه ف الوقت ده هتكوني مُنبهره بيها،ده راجل متجوز ومعاه ولد وبنت أه طلق مراته لكـن إحتمال يرجعلها 
_يعني أصدوا 
= قوليله أنا كمان إنبسط أكتر بوجودك 
– حاضر 
“بتبعتله” ليل ده قاعد ف الشات!
= “ليل ب استعجاب وبينها وبين نفسها”معقول يكون اعجب بيها ،طب حتي لو اعجب بيها هعمل ايه وهتصرف إزاي!
يارب دبرها من عندك 
—————————-
” بيعدي الوقت وليل بتروح بيتها يوسف رجع يعيش ف بيت أهله،  ورجع الود والمحبه والغريبه ان طول الاسبوعين دول سهيله معملتش أي مكيده، ساره إبتدت تتعلق ب يوسف، مش شايفه أي عقبات ف موضوعهم حاس إنه إبتدا هو كمان يميل ليها 
“ساره بتتصل ب ليل” 
_ ألو ياليل 
= نزلت عند خالتو تحت ويوسف كان قاعد فاتح شات وكان بيضحك والكل ابتدا ياخد باله، انتو لسه بتتكلموا 
– اه ياليل، اتعلقت بيه ف وقت قصير اوي، هو مش هيرجع تاني لسهيله وعرفها علي حقيقتها انا بس خايفه، خايفه يبعد ويسيبني لما أحكيله علي اللي حصل فياا 
=……… 
_ ليل ساكته ليه 
= مش عارفه، مش عارفه أتصرف إزاي ياساره ليه علقتي نفسك بيه نبهتك بلاش، بلاش إنتي دلوقتي محتاجه لأي حد يطمنك بلاش تعلقي نفسك بحبال دايبه هتاخدك وهتقع ياساره 
_ بس يوسف مش حبال دايبه ياليل،بصي يوسف بيتصل هرد عليه واكلمك 
= يابنتي استني… 
“بتقفل معاها وليل ف حيره مش عارفه تتصرف ازاي” 
____________________
_ نزلتي ليه من غير ماتقولي مش عارفه اني بقلق عليكي 
– خلاص يايوسف مكنتش ساعه اتاخرت عليك فيها 
= ساعه!!  انتي مستهونه بالساعه دي! 
– لا مش مستهونه خلاص،متزعلش 
– مش زعلان
= وبعدين فيها ايه امال هتعمل ايه لما اتخطب وانشغل عنك”كانت بتحاول تشوف رد فعله”
_ تتخطبي”!
= نفترض يعني!
“بياخد نفس طويل”  
= عاوزك ف موضوع كده  
_ ها قول!
= أنا هرجع لسهيله 
يتبع..
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية وقعت أسيرة في حبك للكاتبة غفران

اترك رد