رواية الوقوع في الحب الفصل الأول 1 بقلم هبوش
رواية الوقوع في الحب الفصل الأول 1 بقلم هبوش
رواية الوقوع في الحب البارت الأول
رواية الوقوع في الحب الجزء الأول
 |
رواية الوقوع في الحب الحلقة الأولى
ساعة اثنين اخر الليل راقدة في فراشي ونهدرز بالتلفون من تحت البطنية بصوت واطي ????
انا/ يا خالد راهو عييت كل يوم توعد فيا اتجيب هلك ولعند توا ماشفتهم لامتى نقعد نستنى
خالد/ ياروحي قريب ان شاءالله كلمتها امي وقالت باهي
انا/ خلاص مالا حدد هاليوم وخليهم ايجوا
خالد/ اوكي… وسكت وبعدين… حبيبي افتحي واتس نبي نشبحك و شن لابسة مرتي
انا/???? لا ياحبي بعد نقعد مرتك حق هذاك الوقت تشبح شن لابسة
خالد/ خيرك عاد راهو الحكاية جفاف امتى تحني عليا قريب نهبل عليك
انا/ بانزعاج… بالله عليك ياخالد تعرفني مانحبش جو هذا مانبيش نبدوا حياتنا بالحرام والكلام الماسخ
خالد/ بملل و شقلب عيونه… فهمت هيا ناعس نبي نرقد
انا/ اوكي بيش اتقولي ع الموعد
خالد/ موعد شنو
انا/ جيت امك
خالد/اااه تمام تمام
انا/ تصبح على خير
خالد/وانتي بخير… وصكر الخط
خالد/ ااوووف مثقل امها الزززح… واتصل على رقم ثاني
خالد/ الووو ياحبي ????…. ????
.
.
فات ثلاث ايام وخالد لا اتصل ولا دورني صبرت عليه لعند رابع يوم واتصلت اني وبعد ثلاث مكالمات بيش رد
انا/ باهي اللي رديت
خالد/ مشغول
انا/ وين قاعد
خالد/ بنرفزة… شن تبي
انا/ وخيرك تعيط عليا
خالد/ مانعيطش مش فاضي
انا/ باهي كلمني بعد تفضى سلام…???? وصكرت عليه
فات يوم ويومين وثلاث معش اتصل تعقدت منه وقعدت شادتها وراه مكالمات لعند رد عليا
انا/ مش حالة هذه راهو وينك معش كلمتني
خالد/ بصوت عالي… مافضيتش مافضيتش
انا/ اوكي حوشنا وتعرفه عندك يومين ياتجيب امك يا معش تكلمني
خالد/ لالا ماتستنيش انا خطبت خلاص
انا/ ???????? شنووووو
خالد/ امي خطبتلي بنت خالتي وعرسنا قريب
انا/ ???? الف مبروك وبيش تخلي امك تلبسك حفاظات يابيبي…
وصكرت عليه وقعدت نبكي ????
ثاني يوم
في العيادة يلي نشتغل فيها خشت عليا صاحبتي تشتغل معايا
حنين/ خيانة تشربي قهوة ماتعزميني
انا/ بضيق… خشي اهي مازالت ساخنة
قعمزي اشربي …. ????
حنين/ قربت مني… خيره جوك شين وقالبة وجهك
انا/ الحقير خالد امس قالي خطبت بنت خالتي
حنين/لوت وجهها… مالا فكه والله تريحتي منه قايلتلك مش ابتاع زواج ويلعب عليك والله مايستاهل تزعلي عليه
انا/ اوووف انا مش زعلانة عليه انا زعلانة على روحي كل ما نتعلق بحد ايفوتني والله مليت من عيشتي نبي نفتك من الحوش و نعيش كيف هالبنات.. وقعدت نبكي
حنين/ حضنتني.. اوصصص ياروحي والله مانحب انشوفك هكي وين وردة البنت القوية يلي كلهم دايرلها احساب
انا/ نشهق…. لعند امتا نقعد انكابر وندس في قلبي ليش ما نفرح ليش مايكون في حد جنبي ايحبني ويحسسني بالامان شن ناقصني ????????
حنين/ قعدت تمسح في دموعي.. ياروحي والله ما نقصك حاجة بس ربي مازال مانزل نصيبك
انا/ خذيت منديل ومسحت????.. الحيوان بعد مش راجل وقد كلمته ليش ايعشم فيا ست اشهور وانا انراجي فيه
حنين/ انتي قلتيها مش راجل هيا حبيبتي صبي اغسلي وجهك وتعالي شوفي شغلك قبل لا ايدورك دكتور سامي
انا/ صبيت.. معنديش جو نشتغل نمشي ناخذ اذن ونطلع للحوش
حنين/ على راحتك بس ديري بالك من روحك و ماتزعليش
انا/ بستها.. ربي يحفظك ليا والله لو ما انتي جنبي ونشكيلك كنت متت من قهري
…
و مشيت خذيت اذن وروحت للحوش
من خشيت استلمتني نجوي
نجوي/ جيتي وربي جابك هيا خشي بدلي وتعالي للمطبخ
انا/ بلا نية.. مررريضة ماااااعنديش جو لا مطبخ ولا نفخ راس.. وخشيت داري
نجوي/ وقفت ع الباب… من شنو مريضة اهو قاعدة كيف الحصان هيا نستناك مش ح ندير حاجة ابروحي خوك عازم وحدين ع غداء
انا/ جيت طلعتها… مااااديري شي وانا مش جااااااية …
وصكرت في وجها الباب وقفلته
نجوي/ قعدت تعيطلي… باااااهي يااااا ست وردة والله لانقولها لعزيز يااا ¥¥¥¥¥ يا قليلت ترباية….
انا نسمع فيها ونبكي كنت مضايقة ونفسيتي مدمرة خشيت سريري وبكيت بكيت لعند غلبني النوم و ما وعيت الا على صوت الباب ايدق و بالقوة
عزيز/ ااااافتحي يااااا حيوانة انتي يلي ماتحشمي …
نضت صبيت فتحت الباب وعيوني متورمات
عزيز/ خش وشدني من شعري… توااا يا مسخة نعزم رجالة و تحشمي بيا ليش ما طلعتي درتي الغداء مع نجوى
انا/ ادموعي ايصبن وعصبت…. انتم شنوووو مااتحسوش كل يوم انجي تعبانة وتشغلوا فيا كيف البهيمة خلااااص اررحموني…
عزيز/ اتعيطي في وجهي يا كلبة ياعانس…
و يعطيني كف لعند اوذاني قعدوا ايصفروا…
انا لما قال هالكلمة ومع الكف انسودت الدنيا بوجهي و زدت عصبت
انا/ عانس في عينك والله مااانك راااجل اتعاير فيااا … ????
ويشدني ويبدأ فيا ضرب نقاش القبور هو يضرب بكل قوته وهي وراه وتشحن فيه انا قعدت حاطة ايديا على وجهي باش مايتعلم من الضرب و خوي الله ايسامحه انتزعت منه الرحمة ضربني وطلع صكر وراه الباب بالقوة
قعدت نبكي ونشوف في جسمي كيف احمر من الضرب
وطول اليوم ماطلعتش ماكنتش قادرة نتحرك بعد العشاء خشت سيدرا بنته جايبتلي خبزة وجبنة
سيدرا/ مدتلي الخبزة… خوذي كولي
انا/ امقعمزة مستندة ع السرير… مانبيش
نأكل جيبيلي مية بس
سيدرا/ باهي كولي توا انجيبلك مية هيا خوذي .
انا/ خذيته منها.. بوك قاعد
سيدرا/ ايي قاعد ايتفرج ع الاخبار
انا/ باهي اندزك
سيدرا/ بااهي وين
انا/ امشي افتحي دولابي تلقي صندوق جيبيه ليا…
مشيت فتحت الدولاب وتطلعاته
سيدرا/ هذا ياعميمة
انا/ ايي هو تعالي
سيدرا/ تهز فيه.. شن فيه جوا.. ومداته ليا
انا/ خذيته.. هيا امشي جيبيلي مية وصكري وراك الباب
سيدرا/ باهي انشوف شن في الصندوق
انا/ مافيش حاجه اوراق وحاجات للشغل هيا امشي و كان سالوك عليا قوليلهم راقدة
سيدرا/ عينها ع الصندوق.. باااهي…
وطلعت وصكرت الباب
افتحته وطلعت هداياه و حطيتهن في كيس و شوي خشت جايبة مية
سيدرا/ هاكي اشربي..
انا/???? مشيتي جري مالا شن دزيتك امك اتراقبيني
سيدرا/ لوت وجهها… المطبخ خطوتين
انا/ اهااا باهي ياشاطرة اقلبي وجهك نبي نرقد… و حطيت راسي ع مخدة
سيدرا/ ماتبيش تعرفي شن قالت ماما لبابا
انا/ قلبت عيني… شن قااالت
سيدرا/ قعمزت ع السرير… وانا نلعب في صالة سمعت ماما سألته على ال… قاطعتها
انا/نفخت… وااااك راااسي اختصري يابت
سيدرا/ ماهو بنقولك من الاول
انا/ عقدت حاجبي… اعطيني من الاخير
سيدرا/ اوووف باااه هذا جارنا اللي طلق مرته وعنده عرم اعيال ايدور على عروس
انا/ فنصت عيوني… طيح سعده من تقبل بيه
سيدرا/????♀️ ماهو ماما قالت اخته سالتها عليك والله اعلم يمكن ايجي يخطبك رااه????
انا/ بقرف… هذاااا اللي ناااقص و شن قالتله اخرى السوسة ااااه قصدي امك
سيدرا/ ????… شي سكتت وبابا قال كان جو نعطيها له
انا/ عيوني طلعوا… يبوااا يتخلصوا مني خزي ع الدم اللي مافيه حن ????????
… وقعدت نبكي
سيدرا/ جت قربت مني… علاش بابا يكرهك مش انتي اخته
انا/ شفتلها بكسرة… مش كل اخ اخ ????
سيدرا/ باهي و حبيبك ليش ماتقوليله ايجي يخطبك
انا/ فنصت عيوني????… مممن حبيبي ااني ماانعرف حد وبعدين شن عرفك بالكلام الماسخ هذا
سيدرا/ حطت يدها ع فمه تضحك… والله يااعميمة اتضحكي كل البنات عندهم حبيب شن معنى انتي ????????
انا/ باهي باه صكري فمك يسمعك بوك اديرلي مشنقة ????
سيدرا/ شبحت للصندوق… شن فيه داخل
انا/ وااااك ع زنان طالعة كيف امك بعد تحشر خشمها صبي من قدامي راه انطلع خلوقي فيك ????… ودفيتها
سيدرا/ صبت اتمتم… ااهو صبيت ????
… وجت تطلع
انا/ تعاالي سيدرا ????????
سيدرا/ جت بزعلة… هممم شن تبي
انا/ فتحت ايديا… تعالي حبيبتي ماتزعليش مني… وجت حضنتها
انا/ انتي وخيتي اللي ماعنديش غيرك حنونة عليا ماتزعليش مني …
وقعدت انبوس فاها…
سيدرا/ لا مانزعلش منك اني ياعميمة
انا/ ياروح عمتك ياريت كلهم كيفك هكي …
.
……….. ????????????????????????????????????
سليمان/ صباح الخير يا صفية ان شاءالله جمعتك مباركه
صفية/ صباح النور يا حاج ربي يعطيك طولت العمر…
وقعمز الحاج ع صفرة الفطور
سليمان/ بدا يفطر… بسم الله…
وخذا اول لقمة وشبحلها..
سليمان/ امتى روحوا الشباب
صفية/ كانت بتغمس نزلت الخبزة… بعد مااارقدت على طول
سليمان/ اني لساعة واحد قاعد نتقلب مارقدتش ومسمعتش انهم روحوا
صفية/ بلكلكة… لااا عاااد من ساعة واحد كانوا في الحوش بسلامتهم
سليمان/ بتنهيدة… ااااايه ايه والله نتمنى يوم انوض نلقى حد فيهم واعي حتى الجمعة خامرين لا صلاة لا خوف الله مش عارف شن داير لعند ربي ايعقب فيا
صفية/ يا حاج ماصارلك متعود عليهم علاش اتضايق في روحك ان شاءالله ربي يهديهم مازالوا صغار مايعرفوش مصلحتهم
سليمان/ عقد حاجبه… هذا اللي مخلي حالهم هك لولا دلعك ليهم كانوا طلعوا رجالا
صفية/ بزعلة… الوااه خيرك ياحاج عليهم بسلامتهم رجالا شن ناقصهم
سليمان/ تي اما رجالا والله لو مخلف بنات راه ارجل منهم
صفية/ زعلت لوت وجها… الله ايسامحك…
قعد تلفونها جنبها ايشرين قلباته????????
سليمان/ ايوة كل نقاش تلوي وجهك عليا في شن غلطت مش عشان مصلحتهم مانبيش نقعدلهم ديما امتى يعتمدوا على نفسهم
صفية/ ربي ايطول في عمرك ويخليك فوق روسهم…
زاد ايشرين ع هزاز ????
سليمان/ الموت حق شن بناخذ عمري وعمر غيري
صفية/ بعد عمر طويل بالله عليك غير هالسيرة وجعتني ع صبح
سليمان/ على قولتك ماعندي علاش انوجعلك راسك و اصحاب الشان خماير مايندروا على الشمس من وين تزرق
صفية/ ????اااييه …
وتلفون قعد هزاز ايدير في صوت????
سليمان/ تي منو اللي من بكري ايرن عليك
صفية/ بلكلكة… تي هذه غالية تبي تهدرز
سليمان/ اهااا ردي عليها…
صفية/زمطت… توا بعدين نكلمها…
وقعدت تفطر مرتبكة
يامن/يشبح للتلفون… تي خيرررهااا ماترد ااالززززح …
وصفية متوترة وتشبح للباب بخوف اشوية وانفتح وخش يامن مسطول لما شبح بوه في صالة قعد ايبين انه طبيعي وعدل من مشيته جاء بيفوت من جنبهم وماحوتك وقف وهو ايدروخ مش متوازن
صفية/????
سليمان/????
يامن/ ااا???? صباااح ااالخير…
سليمان/ بغضب… اااي خيرررر ياااعديم الشرف جاي الصبح سكران اتفؤؤه علي هك خلفة…
وشبح لصفية… قاااعدة اتستررري عليهم ياااصفية هذا اللي دايرته راااااجل وفرحانة بيه
صفية/????
يامن/ايهز براسه… تؤ تؤ تؤ علاااش ااالغلط يااحااااج بس…
وجاء بيمشي لفوق
سليمان/ بعصبية… تعااال اااهني قااااعد نكلم فيك
يامن/ بغضب… اااوووووووه خلاااص نفخ ااالزززح تي فوووتني من ع الصبح …
ومشى طالع لفوق قريب ايطيح
سليمان/ عيط عليه… الله يااااخذني ويريحني منككمممممم … قاطعاته
صفية/ بعيد الشر ياااحاج
سليمان/ بعياط… هذااااا اااخر دلعك ليهمممم اااهو هذا الكبير مالا الثانيين شن حااالهم
صفية/ شداته وطبطب عليه… اااهدى ياحاج ماتمرضش روحك ااا… قاطعها
سليمان/ الكلاب معاذ و ادم ووووين ????????
صفية/ والله قاعدين فوق امرقدين
سليمان/ بوجع… اااااخ اخ ناس تنوض الصبح وتذكر ربي وتصلي في جوامع
وانا ربي مبتليني بصياع ايخشوا الصبح مسطولين ???? لا حولا ولا قوة الابالله توا هذه مش قهرة …
خش يامن داره طاح طول ع سرير بحوايجه لا حساس ولا تانيب ضمير
والراجل الطيب مقهور يمشي كل جمعة للجامع ابروحه و يلقى في شباب الحي والاقارب محافضين ع الصلاة الجماعة
وهو يناري اولاده حتى زيارة للجامع ماخشوله
المهم صلى وقرا قران وروح الحوش
وصفية دايرة الغداء كسكسي وعصبان قعمزت هي و شيبانيها تغدوا برواحهم ماكانهمش امخلفين وعندهم شباب طول في العرض
امتى ناضوا الفرسان العازة واحد ناض العصر والثاني بعد المغرب اما يامن كملها نوم لثاني يوم ????♀️
وكيف كل يوم اينوض حاج سليمان من الستة ايصلي الفجر ويمشي المصنع ومنها للمزرعة ايشوف العمال وحال الابقار ويقعد ماشي كل يوم بين المزرعة والمصنع مايوصل للحوش الا بعد المغرب تاعب
وعنده بس يوم الجمعة يرتاح فيه ويتفقد اولاده
ويعاود نفس الكلام عليهم وهما
مش امدورينه ولا سالين على حاله
.
.
……… ????????????????????????????????
عند صفية اخت وحدة اسمها غالية وعندها بنتين و ثلاث شباب اثنين منهم دكاترة سامي 34 و بلال36 متزوج وعايش ابروحه
و عبود في جامعة مع معاذ اما البنات ساجدة 26سنة خريجة علم نفس ومخطوبة ولد عمها
جوري 20 سنة تقرا هندسة
حالتهم المادية متوسطة وميسورة بس عندها عبود امشيب شعر رأسها من طلباته ويبي يعيش كيف معاذ ولد خالته وصاحبه في نفس الوقت و كيف هلبا شباب يشربوا في الحشيش و ديما يصرفوا في افلوسهم ع دهوير و الشرب مش حارمين من حاجة وعبود مش سال ع وضعهم وعنده اهم شي ياخذ افلوس وخلاص
المهم ع العصر بعد ماوعي معاذ اتصل عليه
معاذ/ بصوت ناعس… شنجو
عبود/ تمام قاعد شنو راقد؟
معاذ/ اايه توا وعيت اسمع بنمشوا لتونس تمشي
عبود/ امتى
معاذ/ جهاد قالي ساعة تسعة
عبود/ اوكي توا انشوف
معاذ/ مافيهاش توا نشوف نغيروا جو اسبوع ونروحوا
عبود/ بااهي باهي
معاذ/ خلاص توا انجيك قبل تسعة تكون جاهز
عبود/ اوك تم
… صكر منه وطلع لامه قاعدة هي والبنات ع تلفزيون مكسدات جاء خش عليهم
عبود/ امي نبي فلوس
غالية/ شبحتله… علاش شن تبي تاخذ
عبود/ نبي انسافر
غالية/????بصدمة… شنووو وين بتسافر وعلاااش
ساجدة وجوري/ ????????
عبود/ عصب… نبي اانهج شنو تعطيني ولالا
صفية/ لوت وجها…لا ماااعنديش والسفر مااافيش اايوووه
عبود/ بغضب… ماتقدروش تمنعوني وهيااا ااعطيني ااافلوس والا نمشي نسررررق والله العظيم انديرها ????
جوري/ ???? ماهو امصاحب معاذ شن
بيطلع منك هذا اللي ناقص امغير تسرق
عبود/عصب… صكرري فمك يااحيواانة رااه نقتلك????
ساجدة/???? كلامها صح
غالية/ خلاااص انت وياهااا ماااتنفخوش راااسي كذا اسكتوااا
جوري/ اني ماغلطتش بيش نسكت????
عبود/ نقز عليها معصب… ااانتي بالذات ماتفتحيش فمك معاااي ياااحقيرة ياااوسخة…
وقعد نازل فيها ضرب وسب
ساجدة و غالية / ايبعدوا فيه… خلاااص خليهاااا واااخر… ودفاته ساجدة
ساجدة / ااااطلع برااا راهو نكلم سامي
عبود/ معصب ويشبح لجوري… والله نوريك ياكلبة
غالية/ مش اصغااار ع عرايك انت وياها شن الهم ????
جوري/ تبكي… خزي الحيوان شووفي شن داار فيا…
وكانت محصلة ضربة باهية
عبود/ اااهو شفتيهااا يااامي قاااعدة تستفز فيا توا بعد نقتلها ماحد ايلومني…
وجاء بيهجم عليها شداته امه
غالية/ بعياط… وااااك عليااااا خلاااص امشي ساافر فكني من سؤك
عبود/ اهدي… باهي هيا ااعطيني افلوس
غالية/ كم تبي
عبود/ اقل شي الف
غالية/ الووواه من وين نلقاهملك
عبود/ مش مشكلتي دبروهولي
ساجدة/ امشي اشتغل على راسك احسن ماهو قاعد تمد في ايدك شن ناقصك تعتمد على روحك واطلع مصروفك
عبود/ بعصبية… صكرررري فمك حتى اااانتي مش شوررررك رااااه نفصل على *** ااامك
غالية/ وااااك ااهفت اختك اكبر منك تحشم على وجهك
عبود/ بتفنيصة… قوليلها معش تدخل في حاجة مش شورها
غالية/ خليك معاي اني توا الف شن بدير بيهم
عبود/ مصررروفي ياامي شن تحسابي كل حاجة رخيصة في تونس
ساجدة و جوري/????????????
غالية/ تنهدت… ماعنديش الا خمس مية توا انشوف سامي يزيد عليهم
عبود/ راهو معاذ ساعة وايجي هيا شوفيه توا
غالية/ لا اله الا الله باهي اصبر نتصل بيه…
و معاذ خش ايجهز شنطته
ساجدة/ قربت منها… قاعدة اتساعدي فيه ع ظلال شن عندهم في تونس غير صياعة وتضييع وقت
غالية/ وانا شن بنديرله حتى خوته وحلوا فيه ???? ربي يهديه و خلاص…
واتصلت ع سامي????
سامي/ نحى الكمامة… الووو يا امي كيف حالك توا
غالية/ الحمدلله ياوليدي شن حالك انت
سامي/ تمام الحمدلله
غالية/ بتردد… قلتلك يا سامي نلقى عندك خمس مئة
سامي/ ان شاءالله توا بعد انروح نعطيهملك
غالية/ الحق راهو نبيهم توا
سامي/ لشنو تبيهم!
غالية/ زمطت… لا مش اني اللي نبيهم هذا عبود يبي ايسافر لتونس… قاطعها
سامي/ بحزم… شن عنده ماشي
غالية/ قال ايغير جو مع اصحابه
سامي/ هو وين توا
غالية/ قاعد في داره
سامي/ اعطهولي
غالية/ باهي… ومشيت لعبود
غالية/ سامي يبيك… وعطاته تلفون
عبود/ ايوة يا سامي
سامي/ امي قالت تبي تسافر
عبود/ بملل… ااايه
سامي/ ماتمشيش خليك في قرايتك و.. قاطعه
عبود/ بغضب… ااني حر ونبي نمشي
سامي/ بهدؤء… هي كلمة وحدة لا يعني لا
عبود/ عصب… تي ماااشي ان قلتوا اي او لا معش عندكم صااالح بيااااا
سامي/ بعياط… ماااتعندنيش فاااهم ولالا
عبود/ مش ااصغيرررر تمنعني نبي نمشي كيف اااصحابي …????
وصكر الخط ومشى لامه
عبود/ بغضب… امحرشة ولدك علياااا والله ااالا مااا نسااافر ومعش نببهم فلوسك…
وحطلها تلفون في يدها وخش ياخذ في حوايجه
سامي/ عصب اللي صكر عليه عاود اتصال… الحيوان ماتخليش ايسافر
غالية/ شن بنديرله قاعد امصكر راسه
سامي/المهم ماتعطيش افلوس توا غصب عنه يقعد
غالية/ تعرفه خوك مايوحلش بعد ايحط حاجة براسه… وشبحتله طالع يتكلم بتلفون
غالية/ اهو طالع ماعندي مانديرله… وصكرت تلفون ومشيت وراء عبود
غالية/ بااهي ااستنى الله يهديك
عبود/ وقف… هااا شن تبي
غالية/ نعطيك اللي عندي مشي بيهم حالك
عبود/ باهي هااتي…
خشت لدارها وطلعت ست مية وجاته
غالية/ خوذهم بس تربح دير بالك على روحك من الحرام
عبود/ بملل… ااايي بااهي… وطلع
غالية/رفعت ايديها… ياارب احميه وبعد عنه اولاد وبنات الحرام يااارب…
نزل عبود وكان معاذ في سيارة
عبود/ سلام
معاذ/ سلام شنجو
عبود/تمام
معاذ/ شبحله… خيرك قالبها…وشغل سيارته طلع بيها
عبود/ تي كبدي دارها وقسم بالله مليت من هالعيشة الززح
معاذ/ شغل المسجل… فوووت عنك وعيش حياتك مادورش…وزاد ع صوت وقعد ايغني
معاذ/ ايهز في راسه… ماااتلومنيش نويت الهدرة ياما كنت عليا لايم …وقعد يضحك
وعبود طلع طرف حشيش ولعه وجبد منه واعطه لمعاذ قعدوا طول الطريق غناء وحشيش لين وصلوا حدود تونس
.
.
.
في حوش حاج سليمان
ساعة اربعة الفجر
صفية قلبها نار تتصل ع معاذ تلفونه مقفل مش عارفته امسافر
صفية/ ادم نوض… وقعدت تهز في يده
صفية/ يااادم نوووض هيااااا شوف خوك وين… ونحت منه البطنية
ادم/ تقلب ع بطنه… رجعي البطنية الزززح خليني نرقد
صفية/ بغضب… تي نوووض سااااعة خمس الفجر وخوك برا
ادم/ توا ايروح… وخذا البطنية تغطى
صفية/ ياانهاري الاحرف امتى ايروح هيا سلم ولدي امشي دور عليه عند اصحابه والله لو يعرف بوك ايديرلنا انهار اغبر
ادم/ بملل… توا اينوض للفجر ويمشي منه للمزرعة مايجيب علم من حاجة
امغير انتي اسكتي وخشي ارقدي وخلينا انرقدوا… وغطى وجه… طفي معك الضي
صفية/ بغضب… اااارقد ماهو مايجي الا على راسي اني…
ومشيت طفت الضي وطلعت
قعدت واقفه ع باب دارها وبعدين خشت ترقد قعدت واعية في سريرها لعند ما اذن الفجر ناض سليمان توضى وطلع للفجر وهي خشت اديرله في الفطور
بعد مافطروا طلع سليمان لشغل وهي قعدت تحوس في المطبخ وحايرة في معاذ اللي لتوا ماروح
استنت تطلع الشمس و اتصلت باختها
و غالية بعد شافت المكالمة رعشت ايكون صايرلهم شي ردت بفزع
غالية/ الووو ياااا صفية
صفية/ سامحيني ياوخيتي وعيتك
غالية/ لا واعية مااتصلش معاذ عليك
صفية/ بقلق… لا تلفونه من امس مقفل والبارح مارقدت مشغوله عليه اكيد حتى عبود معه قلت نسالك
غالية/ بتعجب… مش عارفته امسافر!
صفية/ بشهقة… شنو وين امسافر
غالية/ ماشيين لتونس هو وعبود
صفية/ تهز وتمتم… ياحليلي ياحليلي اني شن بنقوله للحاج
غالية/ اسمعي يا صفية راهو ولدك امشوش على عبود والله امشنقني من هن ومعش ايخاف من حد
صفية/ مش قادرة عليه بسلامته كيف هالحيط شن بنديرله
غالية/ حتى انتي امدلعته مغير شن يبي
صفية/ باهي عبود ماقلكش كم يوم بيقعدوا
غالية/ لا طلع امعصب متعارك مع خوه ماقلش
صفية/ ربي يستر…
.
.
………… ????????????????????????????????????
عندي
كان اليوم توكتي في العيادة
نضت متكسرة من ضرب عزيز ومشيت للحمام توضيت وطلعت صليت
قعدت ندعي بعد الصلاة ودمعتي ع خدي
انا/ يارب ارزقني بالزوج الصالح يارب اجبر بخاطري نتزوج ونفتح حوش
نجوى/ واقفة ع باب دار المعيشة… تصلي في قيام الليل!
انا/ بتمتمة… اصبحنا واصبح الملك لله صبح راهو شن تبي????
نجوى/ هذا خوك يبيك اطلعي شوفيه شن يبي… ومشيت
انا/ استغفرالله ياربي… وصبيت انلف في الصلاية وطلعت بدون نية انشوفه بعد طريحة اول امس
انا/ نعم ????
عزيز/ قعمزي
انا/ نبي نمشي للعيادة وقت
عزيز/ مش ضروري تمشي اليوم
انا/ راهو من يومين مامشيت توا يخصموا من معاشي
عزيز/ خليهم يخصموه المهم بعدين يبي ايجي جارنا حمدي واخته
انا/ قاطعته… وانا شن دخلني ايجوا ولا يقعدوا… ولفيت بنمشي
عزيز/ ماهو جايين على شانك انتي
انا/ نعممممم وعلاش
عزيز/ يطلب في ايدك
انا/قعدت نضحك… شن ناقصني ناخذ راجل كبير وعنده اصغار لا والله ماتنكتب عليا بعد الصيام نفطر على بصلة… ????
عزيز/ عصب… اااحترمي نفسك شن الخراف اللي اتقولي فيه وبعدين مانخذش في رأيك انا موافق
انا/ خلاص مالا مبروك عليك… ومشيت للدار صبى لحقني وضربني ع كتفي
عزيز/ وقسم بالله اللسانك انقصهولك اتعاودي اتردي عليااا
انا/ بغضب… مش اااموافقة لو تطبق السماء ع الارض مش موااافقة فاااهم ولا لا…
عزيز/ فنص عيونه… باااهي يا وردة كان مازوجتك له مانسمى راجل
… وطلع
انا/ بغضب … مامسترجل غير على بختي المايل … وشبحت لفوق… ياربي خوذني علاش عايشة في هالقهر ????…
وقعدت انطلع في حوايجي نلبس وندعي على روحي وعلى عيشتي مشيت للعيادة قريب انموت من زعل
فات النهار وروحت العصر
لقيت امجهزين الضيافة و يستنوا في العريس واخته
نجوى/ لحقتني… شوي ويوصلوا مانبوش فضايح قدام الناس ????
انا/ مش طالعة ماتعبوش عليا… ودفيتها من ع الباب وصكرته
نجوى/ بغضب… علاش عابية تحسابي ايجيك واحد صغير ياقعادك مالا اتكملي عمرك قدام وجوهنا
انا/ دمعتي نزلت… حسبي الله ونعم الوكيل…
وقعمزت نبكي وجعتني روحي وفي نفس الوقت خفت ايكون كلامها صح وان خلاص فاتني القطار
ساعة وكان العريس في المربوعة وخش عليا عزيز
عزيز/ هيا اطلعي… ومشى
وانا طلعت عباية سودة وشاح اسود لبستهم
سيدرا/ وحق الله ياعمتي شين و شعره كله شيب…
انا/ شن بندير الله غالب…
وطلعت دقيت ع مربوعة وخشيت وعزيز شبحلي بتفنيصة وطلع
حمدي/ بسم الله ماشاء الله ????
انا/ شبحتله… ????حسبي الله ونعم الوكيل فيك ياعزيز وفي مرتك هذا كيف بنصبح عليه ????♀️????
حمدي/ نعم قلتي حاجة ياعروسة ????
انا/ بصوت تمتمة… الله ياخذك…وعليت صوتي… اسمع بنقولك حاجة قبل مايجي عزيز راهو اني مش موافقة يعني خوذ اختك وروح احسن ????
حمدي/ بزعلة… وخيرك مش موافقة
انا/ مش هي اسمها نضرة الشرعية اهو شبحتك ومعجبتنيش لا عمرك مناسب ولا شكلك مناسب استغفر اللة ياربي
حمدي/ بزعلة… تحسابيها واقفة عليك والله ح ناخذ اصغر واحلى منك ????…
وطلع معصب
انا/ جيبها حتى روسية ان شاءالله بلا في شكلك ????
شبحت لسفرة القهوة… هالسوسة داستهم عليا وتقولي كملوا يعطيها سم…
وقعدت نشرب في قهوة وناكل فالبسكوت
????????
اما عريس الغفلة تلقى مع عزيز ع الباب الخارجي
حمدي/ وقف عليه… راهو مافيش نصيب ????
عزيز/ بصدمة… ليش بس شن صاير
حمدي/ انتوا قلتوا البنت موافقة لو هذا ماجيت نتبهدل وتهينوني ????
عزيز/ له له ماعش من ايهينك انا توا انشوفها ونكسر رقبتها… قاطعه
حمدي/ خلاص معش نبيها خليها تمشط الشيب… وطلع لسيارته
عزيز/ كرامته تحركت … بالناقص ????…
واني كنت طالعة من المربوعة في يدي سفرة القهوة وناكل في بسكوت ????
عزيز/ بالتفنيصة… ياكلبة شن قلتيله بيش طلع زعلان
انا/ ولا حاجة اني دوبني بنساله ناض ومشى ابصر مريض ولا حاجة????♀️
عزيز/ ايي باهي باهي احسابك بعدين خشي كلمي اخته قاعد يستنى برا
انا/ ???? ووووباه…
وخشيت نزلت السفرة في المطبخ وخشيت عليهم وكانوا ايهدرزوا ع العرس ????ضامنات انوافق
عاد اني حرقتلهم الحلم وقلت لاخته خوك برا ومافيش نصيب وعاد نجوى قريب ماتت تبي تتخلص مني باي مصيبة
عزيز/ شن بندير نرفعها له ونقوله تربح تزوج اختي
نجوى/ ماقلتلكش هك راهو اختك هي اللي جرحاته بالكلام عنده حق يحرد
عزيز/ هذا اللي صار مش حلوة بحقي نمشيله
نجوى/ بغضب… باهي لعند ااامتى بتقعد ع قلبي عييت راااهو منها حتى اصغاري قالبتهم عليا بناخذ راحتي في حوشي حتى خوتي مانقدر نستقبلهم كيف الناس ايجوا للمربوعة خمس دقائق ويمشوا
عزيز/ وااااك وااااك شن بندير نعزقها في شارع اااختي راااهو
نجوى/ لوت وجهها… مايهمنيش دبر راسك
عزيز/ لا آله الا الله… وسكت شوية وشبحلها… اصبري ان شاءالله اول حد يتقدملها نقروا الفاتحة قبل مايشوفها
نجوى/ بهزوة… ريت هالخطابة اللي زاحمة ع الباب خليني ساكتة …????????
واني سمعت كل كلامهم وجيت وقفت ع الباب وايديا على وسطي و نهز????
انا/ مالا انتي اللي كان طوابير بالبوني عليك راهو ياماما لولا امي الله يرحمها داعية عليه راهو مزلتي مخلل في مطبخ هلك????
عزيز/????
وطبعا اني فيا خصلة بعد نشحن اللساني ينطق بروحه لا عاد نشبح ولا نوزن شن انقول ????
واخر شي نتذكره عزيز في وجههي ياعين جاك عماك????????
حصلت طريحة متعلمة في اليابان ????
ماوعيت الا بي سطل مية ساخنة اتقول يسلخوا في دجاجة…
انا/ قعمزت نعيط… اااه يااامي ليش مشيتي وسيبتيني وااااك عليااااا يا اليتيمة يالمكسورة اهه اهه اهه????????????
عزيز/ واقف على راسي… بيش اتادبي ياااكلبة وتصكري فمك…
انا/ صبيت نتقطر بالمية… حسبي الله ونعم الوكيل معش بنقعد في هالحوش توا نبي حصتي وناخذ حوش بروحي اهه اهه اهه????????
نجوى/????
عزيز/ صكررري فمك ولا قسم بالله ماتباتي الا في قبرك
انا/ عيطت عليه… ياااريت خير من عيشة القهرررر … ????????
نجوى/ ???? يااارب
عزيز/ دفني… ااامشي من قدامي قهر في عينك مزالك…
انا/ بااهي يااعزيز والله كله عند خاالي ????????…
ومشيت داري نلعن ونبكي
وسيدرا كانت داخل واقفة تشبحلي بحزن ????
انا/ علاااش تشبحيلي اااطلعي براااا يابنت الكلب ????…
قعمزت نعصر في حوايجي من المية وندعي…
انا/ ياااربي خووذني معش نبيها العيشة السودة اهه ???????? الله يكسر يدك ياعزيز وتنكسر رقبتك يانجوى الشر حسبي الله فيكم…
وصبيت نحيت حوايجي المبلالة ولبست حوايج اخرى وخذيت تلفوني قعد يضرب
و خالي واقف في مزرعة مع الحاج سليمان
خالي/ الووو يا بنت الغالية
انا/ ببكاء… دبررلي يااااخالي معش بنعيش مع عزيز ????????????
خالي/ تبعد من جنب سليمان… شن دار اخرى هالمغضوب
انا/ ضرربني ياااخااالي ????
خالي/ لا حول ولاقوة إلا بالله ربي يهديه ان شاءالله… قاطعته
انا/ نبي حللللل ياخاااالي ولا تبيه يقتلني ????
خالي/ توا بعد نطلع من المزرعة انيجي نتفاهم معه وحيات خالك معش يضربك
انا/ نمسح في خشمي… مادرها من قبل هذه مش ااول مررررة يضربني
خالي/ معليش وسعي بالك خوك عصبي وانتي الله يهدك اللسانك مر
انا/بزعلة… من الحياة اللي فاها ياخالي مش من فراغ باهي هيا مانعطلكش على شغلك ????
خالي/ يستر الله…
صكر مني ورجع لشغله
وسمعه حاج سليمان يقول لا حولا ولا قوة الا بالله
سليمان/ لابأس يا محمود شن صاير
خالي/ والله ياحاج ماعليك شحاتة هذه بنت اختي تشكيلي من خوها ضاربها المسكينة
سليمان/ الله يهديه شباب توا عصبيين
خالي/ ايه هو عصبي ومرته حتى هي مشاكل مع اخته وهذا الحال ديما مشاكل وعراك والبنت يتيمة وضلعها قاصر وجعتني قعدتها في الحوش مع انها ماشاء الله عليها كويسة مانقصها حاجة و طبيبة بيطرية بشهادتها
سليمان/ بتعجب… قلتلي طبيبة بيطرية????
خالي/ ايه بس ماحصلتش تشتغل بشهادتها مجال هذا ماعليش طلب كيف باقي التخصصات
سليمان/ ماقلتليش عليها قبل يامحمود! اهو نحن متعقدين مع كم طبيب في المزرعة كنت قلتلي
خالي/ قصدك تشتغل هنا
سليمان/ وليش لا مش احسن من الغريب
خالي/ بتفكير… والله ماجت في بالي ????
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية الوقوع في الحب)