روايات

رواية عكس السير الفصل الثاني 2 بقلم محمود مصطفى

رواية عكس السير الفصل الثاني 2 بقلم محمود مصطفى

رواية عكس السير البارت الثاني

رواية عكس السير الجزء الثاني

رواية عكس السير الحلقة الثانية

يا آنسه انتي كويسه ؟!
طب هدومي شكلها وحش !!
حضرتك مبرقالي ليه طيب !!!
ياحج يلي بتسوق انت
” السواق بيبص عليه بقرف من المرايه وبيقوله ”
حج !!
هو معلش هيا الانسه بتاخد علاج ؟؟!
” روان بتفوق من السرحان الي كانت فيه وبتقوله بزعيق ”
انت فاكر نفسك مين ياحيوان
انا حيوان !! الله يسامحك

 

 

فاكر نفسك جي تهددني انا ، روان منير الدرملي هانم
اهلا وسهلا اخوكي برعي المفك ،احنا جاين نتعرف ياست روان
ايه ست دي بيئه اوي ، وبعدين انت عاوز ايه ها
” بتبرقله ”
عاوز فلوس ؟؟!
لأ انا بس كنت بهرب من ال…
” بتبرقله اكتر ”
بتبرقيلي ليه طيب ؟!!
روان بتبص للسواق وبتقوله
بقولك ياعم اسماعيل ارجع تاني للفيلا انا زهقت..
بتوتر بيقولهم
فيلا ايه يا اسماعيل !!! فيلا احنا ماتفقناش على كدا
لا ياهانم لا ،انا جايز ابان فقير اه ، وهو انا فقير اه فعلا ، بس محلتيش الا شرفي
انت بتقول ايه ؟؟!
انتي ممكن تاخدي جسمي ، مش هقولك لأ ، بس استحاله تاخدي قلبي
” بتبصله بيعينيها العسلي ”
ولا اقولك خدي قلبي عادي مش مشكله
انت مجنون صح !!!
” اسماعيل بيكلم روان “

 

 

انتي متأكده ياهانم ؟! نرجع للفيلا !! احنا حجزنا الدور كله في المول
روان بتقوله وهيا بتحط رجل على رجل
اتصل بيهم والغي الحجز وقولهم روان هانم غيرت رأيها
الي تشوفيه ياهانم
بيبص عليهم برعي
هو انا ليه حاسس انكم بتتكلمو جد
بتبصله بقرف وبتقوله
بس رغي
خلاص ياهانم اتصلت بيهم ولغيت الحجز
برعي بيبص عليهم هما الاتنين وبيقولهم
هو انا شفاف طيب , الي ف ايدي دي سالكه ودان مثلا ؟!
روان بقرف بتقوله
هششش بس رغي انا سيباك في العربيه بمزاجي
لأ بمزاجك ايه ، انا ساكت من الصبح لكن عليا الن…
ملحقش يكمل جملته ، كانت روان مسكت دراعه ولوته وراه ضهره ، ووقعت المطوه من ايده
انا اسف ياهانم ،انا اسف والله ، دراااعي…
روان بتقوله بثقه
انا نسيت صحيح
نسيتي ايه يا انسه ؟؟! درااااعي..
نسيت اقولك ان معايا الحزام الاسود في الجودو والكارتيه
خلاص صدقتك والله ..
بتفك دراعه وبتقوله
وبس رغي لحد ما نوصل للفيلا
طب انا ممكن انزل هنا على فكره وكملو انتو طريقكم
هششش بس رغي

 

 

يعني اجي اهرب من…
هششش صوتك بيعملي صداع
بيوصلو الفيلا بعد فتره من الوقت
برعي كان منبهر من الفيلا والحرس ،كان مبلم طول الطريق لحد ماوصلو لحد باب الفيلا
ابوها بيشوف العربيه داخله من شاشه المراقبه ، بيستغرب لان بنته بتاخد على الاقل خمس ساعات في الشوبينج
بينزل من الفيلا…بيشوف روان بنته مبسوطه على غير العاده وجنبها برعي
بيبص عليه بقرف من فوق لتحت وبيسألها
مين دا يابنتي ؟!
روان بتبوسه من خده بوسه كبيره قبل ماترمي قنبله مفاجأة الموسم
دا يابابا خطيبي
السواق بيبرق
ابوها وبرعي ف نفس الوقت بنفس النبره
نعم !!!!!!!!!!!!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية عكس السير)

اترك رد