رواية عروستي المجنونة الحلقة الرابعة 4 بقلم فاطم الشاعر
رواية عروستي المجنونة الحلقة الرابعة 4 بقلم فاطم الشاعر
 |
| رواية عروستي المجنونة الحلقة الرابعة 4 بقلم فاطم الشاعر |
رواية عروستي المجنونة الحلقة الرابعة 4 بقلم فاطم الشاعر
فاطمه لفت وشها لاقت مروان قاعد مع بنتين
فاطمه : احيه ???? يعني يوم ما تخوني … تخوني مع اتنين يا ابن الكلب والله لموتك النهارده
عند مروان
مروان : بنات فاطمه جايه اهيه زي ما اتفقنا ها
البنتين : اشطا اشطا
فاطمه ل مروان : انت يا سي زفت مين دول
مروان : انتي ايه اللى جابك هنا وثانيا انتي ملكيش دعوه يلا غورى من وشي
فاطمه كانت هتعيط لكن مسكت نفسها واتكلمت : اغور من وشك طيب ماشي مش غايره غير اما اعرف مين دول
# البنتين كانوا صحاب مروان فى الكليه واتفق معاهم يعمل تمثيليه كده قدام فاطمه عشان يخليها تغير وكان اسمهم ريهام وندي
ندي : وانتي مالك يا شاطره
فاطمه : وشك للحيطه وافاكي شبه القاطره
ندي : وات ؟
فاطمه :واتي انتي
ريهام : هو انتي هتوقفي تردي وترغي معانا وانتي لسه مطلعتيش من البيضه يلا يا بت من هنا
فاطمه بصت على مروان لاقيته ساكت ومش بيتكلم لكن كان بيحاول ميبصش فى عينيها
فاطمه : شيفاك ساكت مبتتكلمش يعني
مروان : هتكلم اقول ايه هما قالو حاجه غلط
فاطمه : يعني ده كله ولسه مقالوش حاجه غلط
مروان : مش عارف
فاطمه : تمم متشكره كابتن سلام
مروان كان هيقوم وراها لكن ندي مسكت ايده وقعدته تاني
فاطمه لما اديته ضهرها ومشيت بدأت تعيط ومش عارفه توقف عياط
كانت لسه هتعدي الطريق عشان ترجع للبحر تاني جت عربيه كبيره ( چامبو ) وكانت عماله تزمر عشان فاطمه تبعد عن الطريق لكن فاطمه كانت فى عالم تاني وهوبا العربيه خبطتها وكل ده كان قدام عين مروان وصحابه
الناس اتلمت عليها وطبعا السواق جري ومروان واقف من الصدمه مش عارفه يتحرك والبنات صحابه راحوا جري يشوفوها
ندي قعدت على الأرض : فاطمه …. فاطمه قومي بصيلى متغمضيش عينيك احنا معاكي والله كنا بنهزر
فاطمه : م… مم….. را……..م…. مرواااان
ندي : حد يطلب الإسعاف بسرعه فين مروان
ريهام : مش عارفه مش عارفه حاولي توقفى الدم ده البنت بتموت وجسمها ضعيف مش هتستحمل اكتر من كده يلا نوديها على المستشفى
ندي : مروااااااااان انت واقف عندك بتعمل ايه تعالى نركبها العربيه لازم تروح على المستشفى بسرعه
مروان واقف مكانه ومش عارف يتحرك وعينيه مليانه دموع
ريهام راحت ليه ووقفت قدامه : انت عامل زي الصنم كده ليه ما تتحرك من مكانك يا اخي .. مروان … مروان فوق … مروااااااااااااااان وضربته بالقلم على وشه
مروان ببكاء هيستيري : فاطمه هتموت بسببي انا السبب
ريهام : امشي قدامي نوديها على المستشفى وبعدين نتكلم لو فضلنا اكتر من كده هتموت فعلا
وركبوا العربيه وندي كانت مع فاطمه فى الكرسي اللى ورا وريهام قدام مع مروان وطول الطريق مروان مش مبطل عياط وكل شويه يبص علي منظرها فى المرايه فيجري بسرعه رهيبه لحد ما وصلوا للمستشفى
مروان نزل وشالها ودخل بيها المستشفى
ندي : حد يجيب ترولي بسرعه
لاقوا ممرضه جايه جري معاها ترولي ف حطوها عليه وخدوها على العمليات
ممرضه الاستقبال : عفوا يا فندم مش هينفع نيجي جمب المريضه غير لما تملى الاستماره ديه
ندي : انتى متخلفه ولا بتستعبطي
مروان بزعيق : قسما بالله العظيم لو حصلها حاجه ولو ما شوفتو شغلكوا وخليتوها تصحاالي تاني هحرق المستشفى باللى فيها هى الاستماره ديه واقفه على انكوا تنقذوا حياه شخص بيموت يا كفره وقسما بربي كمان مره اهد المستشفى عليكوا روحي قولي للدكتور يبدأ علاجها حالا وإلا يا ويلكم مني ومن شري
الممرضه بخوف : حاضر حاضر انا اسفه
ندي : مروان اهدي مينفعش كده
ريهام : هتقوم تاني بس انت اهدي وصلي على النبي
مروان بعياط شديد وندم : أهدي ازاي ده حصل فيها كده بسببي مشيت وهى زعلانه مني مكنش لازم اعمل كده اااااااااااااه يا قلبي … قلبي وجعني اوي مشوفتوش منظرها وهى غرقانه فى دمها ورغم أنها كانت زعلانه مني كانت بتنادي عليا وانا واقف مش عارف اعملها حاجه انا عاوز اخدها فى حضني واعتذر منها لحد ما تسامحني والله ما كان قصدي
ندي وريهام عيطوا من كلامه
ريهام : عشان خاطر فاطمه اهدي هي اكيد عارفه ولو بتحبك مش هتزعل
مروان : هي اصلا مش بتطيقنى يبقى هتحبني ازاي بس ????????
ريهام : مين قالك كده اومال هي كانت بتستغيث بيك ليه
مروان : مش عارف مش عارف دماغي هتفرقع انا هموت لو حصلها حاجه
ندي : ان شاء الله خير اهدي
تليفون مروان بيرن
بص عليه لاقاه ام فاطمه
مروان : اقولها ايه دلوقتي اقولها تعالى شوفي بنتك اللى بتموت بسببي ولا اقولها ايه ديه ممكن تروح فيها لو عرفت الى حصل
ندي : هات الموبايل ده
ندي فتحت المكالمه
ندي :الو
أم فاطمه : انتي فين يا ست زفته انا مش قولت متتاخريش وترجعي البيت بدري انا قلبي وجعني عليك وقلقانه انتي فين
ندي : استني بس يا طنط انا ندي صديقه فاطمه وفاطمه بخير بس فى واحده زميلتنا عاملت حادثه واحنا معاها وفاطمه دلوقتي جمبها ف نسيت تتصل عليكي وتقولك معلش
مروان بصوت واطي خالص : قوليلها هي بايته عند مريم
أم فاطمه : يا خرابي مين ديه اللى عاملت حادثه طب فاطمه كويسه
ندي :كويسه يا طنط وواحده صاحبتنا هي اللى عاملت حادثه
أم فاطمه : هو مش ده تليفون مروان
ندي : اه
أم فاطمه :اومال هو فين
ندي : هو راح يجيب لفاطمه حاجه تاكلها وبيقولك متقلقيش هى هتبات عند مريم صاحبتها
ام فاطمه : طيب ماشي يا حبيبتي شكرا بس ممكن اكلم بنتي
ندي :والله يا طنط انا بره دلوقتي وفاطمه مع صاحبتنا فى الاوضه وممنوع حد يخش غير شخص واحد بس هى أول ما تطلع هقولها تكلمك علاطول
أم فاطمه :ماشي يا بنتي خلي بالك من فاطمه والنبي
ندي : فى عيوني يا طنط
أم : شكرا يا بنتي يلا سلام
ندي :مع السلامه
وقفلت المكالمه
ندي : امسك تليفونك
مروان : حست بحاجه
ندي : لا
مروان : هو الدكتور لسه مطلعش ليه
ندي : مش عارفه اصبر شويه أن شاء الله خير
مروان : يا رب
بعد ساعتين
الدكتور طلع
مروان : ها يا دكتور عملت ايه هو كويسه صح
الدكتور : الحمد لله هى كانت عندها نزيف نتيجه الضربه الى إصابتها فى الدماغ والحمد لله وقفناه وعندها شويه خدوش فى جسمها وكسر فى اليد اليمنى لكن دلوقتي هي محتاجه لنقل دم لأنها فقدت دم كتير جدا وده هنتصرف فيه من بنك الدم دلوقتي هي محتاجه للراحه التامه ومع العلاج هتقوم وتبقى زي الفل أن شاء الله ادعولها وقولوا الحمد لله انها جت على قد كده ديه جسمها ضعيف خالص وحده مكانها كانت راحت فيها قبل ما توصل المستشفى لكن شكل ربنا بيحبها بعد اذنكو
ندي : الف حمد وشكر ليك يا رب
ريهام : الحمد لله انها جت سليمه
مروان لسه مستمر فى العياط وحاطط ايده على قلبه
ندي : طب انت بتعيط ليه دلوقتي ما خلاص الدكتور طمنك عليها
مروان : انا طالع بره اقف فى الهوا شويه
استنى نيجي معاك
مروان : لا خليكوا هنا عشان لو الدكتور قال حاجه تاني
ندي وريهام :ماشي
بره المستشفى
مروان لنفسه : ينفع اللى انت عملته ده كنت هتموت نفسك بنفسك النهارده قولي كده ينفع قدرت تزعلها ازاي ..ازاي تبقى بتحبها وتزعلها انت غبي شوفت تفكيرك ودانا لفين روحك كانت هتضيع منك وانت واقف زي الغبي مش عارف تتحرك ولا تعمل اي حاجه كل ده عشان تغير وعشان تحبك ملعون ابو الحب على ابو الغيره اللى تخليك تعمل فى حد كده انا مش عاوز منها حاجه مش عاوزها تحبني مش عاوزها تغير عليا كفايه اني بحبها وخلاص مش عاوز حاجه تاني يا رب عشان خاطري …… عشان خاطري انت خت مني ناس كتير اوي كانوا أساس حياتي وانا رضيت بقضائك ولسه راضي بس انا علاطول لوحدي وعلاطول حبايبى بيروحو مني المره ديه لو ختها كده انت هتاخد قلبي يعني انا هموت من غيرها خليها تقوم وتبقى احسن من الاول وانا مش عاوز حاجه غيرها يا رب اقبل دعائى ………
ندي خرجت وقالتله : برده لسه بتعيط مش الدكتور قالك انها بقت كويسه
مروان : مدام هى كويسه مصيحيتش ليه لحد دلوقتي
ندي : متنساش أن الحادثه مكانتش سهله وديه لسه صغيره يعني احمد ربنا انها بقت بخير وهتصحى أن شاء الله
مروان : الحمد لله ????????
ندي : هما دلوقتي علقوا ليها الدم والدكتور قال انه متابع حالتها وفى خلال ساعتين لو مصيحتش يبقى هى كده داخله فى غيوبه ف ادعي من هنا لحد ما يعدي الساعتين انها تصحى
مروان : حاضر حاضر ????????????????
بعد ساعه ونص
الساعة كانت 3:00 الفجر
مروان لسه بره المستشفى مش عاوز يدخل لكن ندي وريهام قاعدين جوه
الدكتور ل ندى : يا انسه انتى تبع المريضه اللى جوه
ريهام : إيوه يا دكتور
ندي :فى ايه يادكتور طمني
الدكتور : مفيش اي حاجه المريضه كويسه وتقدروا تشوفها كمان
ندي : بجد
الدكتور : اه هي فاقت
ريهام : ماشي يا دكتور شكرا
ندي : انا هروح اقول لمروان بسرعه
ريهام مسكت ايديها : استنى هنا احنا لازم نصلح اللى عملناه لازم نفهمها اللى حصل قبل ما تشوف مروان عشان متنفعلش وتتعب اكتر
ندي : معاكى حق يلا ندخلها
فى الاوضه عند فاطمه
ندي وريهام دخلوا
ندي : حمد الله على السلامه يا انسه
ريهام : الف سلامه عليكى حمد الله على سلامتك
فاطمه : ………………..
ندي : ليكي حق مترديش انا عارفه انك زعلانه مننا ومن مروان
فاطمه اول ما سمعت اسم مروان عيطت
ريهام : ليه كده بس اهدي متعيطيش انا هفهمك
بصي يا فاطمه مروان بيحبك اكتر مما تتخيلى بس فكره انك مبتحبهوش ديه مديقاه جدا جدا فحب يعمل حركه كده عشان تغيري عليه وهو اننا نقعد معاه ونعمل حركات كده عشان اول ما تشوفينا تزعقي وكده بقى انتى فاهمه لكن اللوم كله علينا احنا اللى قولنا ليكي كلام يجرح بس صدقينى مكنش قصدنا حاجه خالص وعلى فكره مروان كان قايم وراكي وندى مسكته وخليته يقعد لولا مسكتها لايده كان زمانه فهمك بس حصل خير واديكي فهمتي كل الى حصل لسه زعلانه منه
فاطمه : ………………
ندي : طب بتعيطى ليه دلوقتي
فاطمه :. عشان انا بحبه مين قال اني مبحبهوش
ريهام : انتى بتتكلمي بجد
فاطمه :انا كنت مروحه البيت عشان أقوله اني بحبه وبحبه اوي كمان لكن حصل اللى حصل بقى
ندي : تعرفي يا فاطمه أن مروان كان هيموت ويسمع منك الكلمه ديه
فاطمه : هو فين
ريهام : قاعد بره المستشفى ومش مبطل دعاء ليكي ولا مبطل عياط حتى وحاطط اللوم كله عليه ومشيل نفسه ذنب كل حاجه حصلت
فاطمه : طب خليه يجي انا عاوزه اشوفه
ريهام وندي فى صوت واحد : ثانيه واحده وهنجبهولك
ريهام وندي راحوا لمروان
ندي : تعالى
ريهام : قوم
مروان : اجي فين واقوم ليه
ندي : فاطم صحيت
مروان : ايه
ندي : شيبسى وكارتيه
ريهام : يلا ياض امشي قدامي روح شوف البت
مروان : لا مش عاوز اشوفها
ندي وريهام فى صوت واحد : نعاااااااااااااااااااااااااااااااااااااااااااااااام ????
يتبع..
لقراءة الحلقة الخامسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية رقية للكاتبة هاجر محمود.