رواية ظننتك أماني الفصل الثاني 2 بقلم آية عبدالسلام
رواية ظننتك أماني الفصل الثاني 2 بقلم آية عبدالسلام
رواية ظننتك أماني البارت الثاني
رواية ظننتك أماني الجزء الثاني
رواية ظننتك أماني الحلقة الثانية
ظننتك امانى الجزء التانى
بيرى باصرار:ودينى لمراتك يا محمود
محمود بلهفه وامل:يلا بسرعة قبل ما تمشى اكيد راحت على البيت الاول عشان تاخد حاجتها وترجع على بيت باباها
بيرى:انا وراك علطول
شغل محمود العربية وركبوا وساق بسرعة على بيته ووصلوا فى وقت قياسى
محمود بسرعة وهو بينزل من العربية:يلا بسرعة نلحقها عشان لو وصلت لبيت باباها الموضوع هيكبر ومش هعرف الِمه وطلع يجرى على فوق وبيرى وراه
محمود فتح الباب و دخل بسرعة وقعد ينده عليها ويدور بس ملقهاش
بيرى دخلت وهى بتنهج لانها كانت بتحاول تلحقه
بيرى:ايه موجودة
محمود بفقدان امل وهو بيمشى ايده على شعره بعصبيه:لا دى مجتش اصلا هدومها وحاجتها زى ما هى
بيرى:هتكون راحت فين يعنى
محمود بخوف وعصبية:اكيد راحت على باباها ولو باباها عرف مش هيرتاح الا لما يطلقها
بيرى وهى بتحاول تهديه:اهدى وتعالا نروح على باباها يمكن تكون مراحتش على لسه هناك
محمود بلهفه:تفتكرى
بيرى:اه يمكن يلا بسرعة بس بدل ما احنا واقفين كده
محمود بسرعة:عندك حق يالا ومشى بسرعة بس قبل ما ينزل حس ان فى حاجه بتخبط فى دماغه جامد ومن بعدها محسش بحاجة
…………..
بعد ساعتين
محمود بيفوق وبيفتح عينيه ببطئ وحاسس بصداع رهيب وحس ان فى حاجة ضاغطه على جسمه جامد بيبص لقى نفسه مربوط فى الكرسى
-اخيرا الباشا فاق حمد لله على السلامه
محمود بص باستغراب ناحية الصوت
بصدمة وعدم تصديق:انتوا ازاى
بيرى بشماته:صدمة مش كده
محمود بعدم تصديق:شاهيندا وبيرى
شاهيندا كانت بتبصله بالم ودموعها نازلة وبيرى بتبص عليه بحقد وكره
محمود بعدم استيعاب:ايه اللى بيحصل دا انتوا اللى خطفتونى طب ليه وازاى انا عملتلكوا ايه وبص لبيرى دا انا ساعدتك وحميتك منهم من غير مقابل لدرجة ان انا كنت هخسر مراتى وبعدين بص على شاهندا وانتى انا عملتلك ايه انا عارف انى غلطان انى اتجوزت عليكى بس والله كان جواز صورى انا محبتش الا انتى هونت عليكى تعملى فيا كدا..بعدين ابتدى يستوعب شوية وقال بعدم فهم:انتوا ازاى مع بعض اصلا وخطفتونى ليه انا مش فاهم حاجة ماتفهمونى ولا دا مقلب ولا ايه
بيرى بكره وقرف:متعملش نفسك بريق واكملت بسخريه يا يا على الاباصيرى
محمود بص عليها بصدمة:انتى عرفتى الاسم دا منين
شاهندا بصتله بكره والم:ايه مالك مصدوم كدا ليه مإجاش فى بالك خالص ان حد ممكن يعرف حقيقتك القذ”رة صح
قامت وفضلت تلف حواليه:انا اللى مصدومة من ساعت ما عرفت انى حبيت واتجوزت الراجل اللى دمر حياتنا وقربت من وشه وقالت بقسوه:بس وحياة رحمة اللى انتح”رت بسببك لهناخد حقها انا وبيرى منك
محمود بصلها بصدمة ومكانش مستوعب اللى بيحصل:انتوا تعرفوا رحمة
بيرى و شاهيندا بكره وحدة:متجبش اسمها على لسانك الق”ذر
بيرى ببكاء وكره:كنا احنا التلاتة ايد واحدة انا وشاهيندا ورحمة كان الكل بيحسدنا على صحوبيتنا وكان فى بنات كتير كانوا نفسهم يصاحبونا بس احنا اللى مبنرضاش ندخل حد جديد معانا كنا مكتفين بنفسنا بس
شاهيندا بتكملة:كنا اصحاب لدرجة ان انا احنا كان لقبنا الثلاثى المجنون كنا بنعمل كل حاجة مع بعض بصتله بكره وكملت:وانت عملت ايه بقى خدت من وسطنا نجمة ودمرتها واكملت بصراخ:انتح”رت بسببك
بيرى:للاسف افترقنا بعد الثانوية عشان انا وشاهندا سافرنا ندرس بره وهى مرضتش تيجى معانا عشان ماتسيبش باباها لوحده ويارتنا ما سفرنا
شاهندا:كانت دايما بتحكيلنا انها لقت فارس احلامها اللى هيحتويها ويعوضها عن غياب امها اللى سابتها وهى صغيرة
بيرى بحسره وقهر:ماكنتش تعرف ان انت هتبقى سبب دمارها دخلت عليها باسم الحب وزورت اسمك وانتحلت شخصية واحد غنى وهيساعدها انها تدير شركات ابوها اللى عاملها توكيل عام
شاهيندا ببكاء شديد:لحد ما فى مرة ادتلها حبوب مخدرة وخليتها تمضى على تنازل كل املاكها ليك حتى القصر اللى كانت عايشة فيه مع باباها وللاسف باباها مستوعبش الصدمة اللى حصلت وهو شايف كل حاجة بناها بتضيع وكمان وهو شايف بنته الوحيده مقهورة ومكسورة ولانه كان عنده القلب مستحملش ومات علطول واكملت بإنهيار وللاسف رحمة مستحملتش هى كمان وحست انها السبب فى موت ابوها وانتح”رت
بيرى ببكاء وحسرة:ومن ساعتها واحنا اقسمنا انا وشاهيندا نجيب حقها ونخلى اللى ضحك عليها يدفع التمن تالت ومتلت
شاهيندا بالم:فضلنا سنتين ندور على اللى عمل كدا مكناش نعرف اى معلومة عنه غير ان اسمه على الاباصيرى ولان الاسم كان مستعار موصلناش لاى حاجة لحد ما قررنا ان احنا ندور على املاكها ونشوف هى بقت ملك مين دلوقتى ووصلنا لصاحب شركة من شركاتها واتاكدنا انه مش هو وسالناه مين اللى باعله الشركة دى والصدمة كانت هنا بقى لما اكتشفت ان جوزى اللى بحبه هو سبب دمارى
محمود بصلهم بصدمة ومكانش متوقع ابدا ان شر اعماله هينقلب عليه فى الاخر
يتبع……….
- لقراءة الفصل التالي : اضغط هنا
- لقراءة باقي حلقات الرواية اضغط على (رواية ظننتك أماني)