رواية التضحية الفصل الحادي عشر 11 بقلم آية حسن

رواية التضحية الفصل الحادي عشر 11 بقلم آية حسن

رواية التضحية البارت الحادي عشر

رواية التضحية الجزء الحادي عشر

رواية التضحية الحلقة الحادية عشر

شخصيات الحلقة الحادية عشر 🔥
اعتقد بديتو تتاقلمو مع اللي عرفناهم خودو معاهم هادو🥀
مراد: ولد لا يعرف الحب ولا ليه اي علاقة بقلبه ماشي بدماغه، مصراتي وعايش في طرابلس بعيد علي عيلته، فضل الخدمة ومستقبله علي عيلته وهدا اللي مخليه معتمد علي نفسه، شاب طموح، طويل وحلو، ظهوره كان في موقف او اثنين بس، لكن شن الاثر اللي خلاه؟ 💕
خديجة: ام لولدين وبنت وحدة طيبة لكن قراراتها قاسية وتشوف في روحهاديما ااناس غلط، لكن جتها مرة وندمت علي قرار من قراراتها ، شن هو زعما؟ 💕
خليل: عمره 28 مدير لشركة خاصة تعتمد عالحاسوب والكمبيوتر ، خاطب وهو ناجح في حياته العملية، اخر عنقود عيلته، اجتماعي ويحب يخدم الناس 💕
ربيع: ولد خدوم عمره 26سنة لكن عنده الخبث خاطب قريبته لكن مش معبرها يحب المشاكل والعراكات عنده مواقف بسيطة معانا، منها الطيب ومنها الشرير 💕
الحلقة الحادية عشر 🔥
شهد: الغلط لا من نورة لا من محمد، الحق هو كويس، اني اكتشفت مرضي بالقلب مانبيش نعلق معاي حد، محمد مكسور واني مانبيش نزيده خديتها من قصيرها 🖤
مرام: مريضة قلب؟ محمد عنده علم بالموضوع هدا؟ 🤔
شهد: لا مايعرفش، ماتقوليلاش بالله عليك، محمد نوعه حساس شوية بالذات بعد موضوع نورة واللي صار 😞
مرام: من الاول اني مانبيهاش هو عاشق فيها شوفي كيف خلاته وضحكت عليه، مسكين خوي لكن ارتاح منها 💔
شهد: اني عندي علم بموضوعهم قبله هو، هي كلمتني وحكتلي كل اللي تبي اديره، اني وجعني هو لحق😔

مرام : شهودة انتي عندك حق من ناحية صدك لمحمد ضرفك مايسمحش انك تكملي، اني هذا رقمي امتا ماتبي كلميني اني اقرب وحدة لمحمد وبإذن الله حتى ليك انتي🥀
سكرت شهد المكالمة، ضميرها مرتاح وموقفها واضح، ما تبيش تحب حد تبي تعيش براحة بال باقي حياتها ماتبيش حد يتعلق بيها وبعدين تصير حاجة تكسر الشخص هدا💔
في مصراتة …🔥
محمد مقعمز علي نار مع مراد خوه متوتر علي جيت مرام
مرام: محمد وخيي ننصحك تقعد معاها صديق بس لان البنت ضروفها صعبة والوضع مش مستقر 💔
مراد: تعرف يا خوي برا شوف بنت تانية خيرلك من صحاب النت راهم بلا فايدة فوتها احسن سلم وخيي😒
مرام: البنت مريضة يا مخلوق، قول الحمد لله ماكدبتش عليك🙄
محمد: كييف! مريضة؟ خيرها شن مرضها؟ 🥺
مرام: قلب، عندها مشكلة في القلب💔
محمد: اني لازم نكلمها، ضروري لانها الوحيدة اللي وقفت معاي في ضيقتي، اعطيني رقمها مرام الله يربحك 🥺
مرام: لا منقدرش، ماقلتلهاش وبعدين مادخلكش فيها خليها في حالها، هي بعدت عليك ماتبيش تكسرك تجي انت تقرب منها، واني حنقعد نتواصل معاها ونسال عليها 🥀
محمد: ربي يشفيها البنت كويسة وربي يلين قلبها عليا 😞
مراد: اسمع مدامه البنت هكي، اصبر وخلاص، هي اني ماشي لطرابلس ماتبي شي ي مرام؟ ☺️

مرام: سلم خوي عيلة خليل جايين الاسبوع الجاي للفضانية، نبيك حاضر مش زي فاتحة ربيع ولد عمك ماجيتش 😒
مراد: لالا اكيد حاضر، قداش عندي مرام اني؟، حقاا امتا عرسه ربيع؟ 🤔
محمد: شهر بالكتير ويخش القفص المصدي 😂😂
مرام: البرادة لا تعوض عندك، مراد مافيش حاجة هكي ولا هكي، ماتبيش تفرحنا بيك وخيي🫀🦋
مراد: ت اني نحب وحدة مافيش زيها، زين وفلاحة واسلوب وطيبة ت كله جامعاته، احلى حتى من شهد اللي تدوي عليها 😁
محمد: اسكت، شهد مش شايفها بكل اني 😢
مرام: اول شي شهد قنينة اني شايفتها وماتقوليش نبي نشوفها، تاني شي تكلم مراد من هي السندريلا؟ 🤔🤔
مراد: امي، امي تعالي …اهيا اسمها خديجة 💕
مرام: مبردك، امي حبيبتنا كلنا ربي يخليهالنا 🫀🦋
لهني انتهت العيلة المصراتية بنتعاملو معاها هلبا الحلقات الجاية ولكل حد موقف خاص ولمسة معينة طبعا 🥀
في طرابلس🔥
شهد تتكلم: اني مقعمزة نفكر في كلام مرام ومرضي وكيف ندير، اني معش عندي مشاعر تجاه حد، حتى المرحوم معش نبي نفكر فيه لان خلاص انتهي كل شي ومرضت بسببه، توا ليه 3شهور متوفي واني الشعور بدي يبرد لكن هدا ما يعنيش ان قلبي ينفتح لحد تاني لاني عييت مش علي خاطر حد ولا شادة حد في بالي، حرفيا اللي جاني ساد🫀
قص التفكير علي شهد صوت تليفونها (نورية) تتصل 🦋
شهد: ايوه خويلة كيف حالك انشالله بخير؟ ☺️
نورية: الحمد لله انتي شن صحتك؟ وينك معش دورتي 🥺

شهد: والله لاهية وكنت مريضة الفترة اللي فاتت. الحق🥺
نورية: لاباس عليك توا كيف قالتلي ندى هدا علاش كلمتك، معقولة ماتقوليليش تخليني نسمع متاخرة؟ اني نبي منك تجيني غدوة لاني مستاحشاتك ونبي نشوفك يابنتي🥺
شهد: ماقلتلكش لاني مانبيش نزيدها عليك، تمام غدوة نجيك لاني حتى اني مستاحشاتك يعلم الله حالي عليك💔
نورية: مرحبتين بنيتي نستنى فيك، هي سلامات 🦋
فات الليل علي شهد عادي وبارد بدت ترتاح نوعا ما 💕
ثاني يوم مع العصر لبست شهد ومشت لحوش ندى 🚶‍♀️🚶‍♀️
لما خشت للحوش لقاته مظلم، كئيب، عكس لما تجيهم قبل كان كله مقالب وضحك 💔
تماسكت شهد وغيرت جو نورية بضحكتها اللي ترد الروح وهدرزت وغيرت جوها وبعدين جي الموضوع الجد 😔
نورية: اني وندى بنسافرو لمصر، بنعالج اني زي ماتعرفي مريضة وموت عبدو زادني قررت نسافر لخوي ونعالج 😔
شهد هني معش قدرت تشد دموعها بعد الخبر هدا منها🥺
شهد: بتمشي وبتخليني معقولة هكي؟ امتا بتروحو به؟ 😔
نورية: اني علي ندى، بندخلها للمدرسة اشتراك وفي الامتحانات بنجو هني وبتتلاقو اكيد، ماتزعليش روحك🥺
شهد: اهم شي صحتك عادي، تمشو وتجو بالسلامة 💕
ندى: تعالي نوريك حاجة في داري وتيت شنطتي 🥺🦋
شهد خشت لجناح النوم لقت دار عبدو مسكرة ماجتش جيهتها بكل، خلاص حرفيا شهد بردت 😔💔
شهد: تمام شنطتك واتية وكله حلو اهم شي دارك تغطيها بقماش لان الغبرة تلصق 🥀
ندى: اي انشالله والله بنستاحشك هلبا والله 😔

شهد: سيورة بنتلاقو وانتو اكيد بتروحو مش رح تقعدو عمركم كله غادي، نشوفك بخير يا قلبي هي سلام 🦋
روحت شهد وكانت عديمة احساس مش حاسة بشي زي اللي احساسها كله فرغاته في الفترة الماضية 🦋
وبعد شهر …🔥
جي اليوم اللي شهد رجعت لايميلها وقررت تعيش بكل حرية لا ارتباط لا عذاب قلب 💔
واول ما تفتح النت بعتت لمحمد: لو تقبل نقعدو اصدقاء باهي وعلي عيني وراسي اما نرتبطو ف لا من توا، اني مش مفكرة في قصة ارتباط نهائي ياريت تفهم 🥀
محمد قعد دقايق بعد ما شافها ماردش عليها يستوعب في الكلام، وافق ان يقعد صديقها لعل وعسى ترتخى مع الوقت وترضى او يجيها من الباب طول من غير علاقة 🫀
محمد: عادي اي انتي طيبة وكويسة واني مانبيش نخسرك ولو صديقة احسن ☺️💕
شهد: تمام نبدو من اليوم نتعرفو واللي صار قبل مش موضوعي بكل، …هلا اني اسمي شهد ……☺️🫀
ومن هني بدو اصدقاء بس من ناحية شهد طبعا 🦋
تاني يوم علي صبح ربي يرن تليفون شهد (مريم) تتصل 💕
مريم: صباح الفل يا حلو وينك معش دورتيني؟ 🥺
شهد: صباح الورد. اني ندور ولا انتي، من لما خداك معاذ نسيتيني، عالمهم شن جوك انتي ومعاذ شن اخباركم؟☺️
مريم: الحمد لله، شهودة بنقولك …اني حامل 🤰🏻🤰🏻
شهد: مشالله الله يبارك واخيرا بنولي خالة مزال 9شهور؟

مريم: اول ما عرفت قلتلك، حتى معاذ اليوم في الليل بنقوله قلت شهد هي الاولى لازم تعرف لانك غالية عندي🦋
شهد: سلمها ياربي انشالله تشوفيه بين يديك يارب👩🏻‍🍼
الفترة هادي شهد حياتها شوية مملة وروتينية يعني مافيش حاجة جديدة، الا انها هي ومحمد يهيجو في القروبات في الفيس ورا بعضهم عالدعسة بجو حلو 😂❤
ولان الحلو ما يكملش تطلع السوس (روبين) مرة تانية في حياة شهد هكي تبي تنتقم مزال ممكن ولا مش عارفة 🥴
روبين تتكلم: شفت شهد عايشة حياتها عادي مش كافيها موت عبدو، وهي اللي خداته مني، توا تشوف كيف نضيعها معاه هدا اللي في القروب، شهد حتندم انها عرفت عيلتي😈
طبعا عرس ربيع كيف تم والعيلة مزال تلتم عند حوش ربيع يباركوله، طبعا محمد اقرب واحد ليه ربيع فطبيعي بيقعد معاه، ❤
شهد تكلم في ندى تطمن عليها شن صاير فيها في السفر وكيف دايرة مع عيلة خالها اللي عايشين غادي 💕
روح محمد في الليل يهدرز علي شهد قعدت تحكيله علي ندى وكيف هما صحاب هلبا وهكي،
بعدين جت لمحمد رسالة من ايميل غريب ولبنت والواضح انه وهمي 🥴
محمد: شهودة سكري توا نهدرزو غدوة، توا شفت حاجة بنديرها وبعدها لو لقيتك فايقة حنكلمك، ليلتك سعيدة 🦋
شهد: زعلت من حاجة معينة في المكالمة؟ ولا نعسان؟
محمد: لالا مازعلتش، ومش نعسان عندي ماندير، سلام 💕
سكرت شهد الخط وقالت في قلبها: انشالله خير، مرات حصل بنت يبي يرتبط بيها، يلا عادي اني مش موضوعي🦋
محمد كان يكدب يبي يعرف منو هادي لانه خايف من نورة تخربله حياته، طول رد عليها بجفاف🙄

محمد: اهلين، منو؟ لو نقدر نساعدك تفضلي، كلام فارغ مش ضروري منه 💕
روبين: اني وحدة نبي نديرلك خير، اسمعني كويس، اسمي روبين، انت تعرف شهد الساعدي؟ شن تعنيلك؟ من وين تعرفها؟ 😒
محم: عاشت الاسامي، اي نعرفها، نكلم فيها حاليا انتي من تكوني بالزبط؟ 🤔
روبين: فاعلة خير، اسمعني ومش ح تندم، انت واضح عليك ولد عيلة وناس، راهو شهد مش كويسة وتضحك علي الشباب (ماخلت ماقالت علي شهد كلام ماينقالش❌)
محمد مصدوم والمعلومات علي شهد صحيحة معناها الدوة مش كدب هكي كان يفكر في هداكه الوقت😔
محمد: بارك الله فيك وخيتي شكرا وريتيني اللي كان مدسوس وليلتك سعيدة 💕
سكر الخط لقي شهد فاتحة نت فاتها وكلم ربيع ولد عمه
محمد: اسمع برو انت وين؟ تعالا عندي نعكسو هني اليوم
ربيع: خاطر علي بالي ياولد سيدي هي جايك هي 🥀
وصل ربيع وقعد محمد قدامه مهموم ومش مرتاح 😞😞
ربيع: محمد خيرك؟ شن مضايقك ياخوي؟ شني مزال شهد معتبراتك زي خوها؟ 😁
شن بيصير ل محمد وشهد في الحلقة التانية عشر؟