رواية روح الفصل الأول 1 بقلم مارينا يوسف

رواية روح الفصل الأول 1 بقلم مارينا يوسف

رواية روح البارت الأول

رواية روح الجزء الأول

رواية روح الحلقة الأولى

=شمس انا قررت اهرب من البيت
-انتي متخلفه بتقولي اي انتي دول لو مسكوكي هتروحي فيها؟!!!
=كده او كده هروح فيها مش فارقه كتير المهم هتسعديني؟
-ياروح انا خايفه عليكي!!!
=متخفيش..وبعدين انتي يرضيكي اتجوز الشمام ابن عمي ده؟يرضيكي افضل متبهدله وسطيهم وضرب وقله قيمه ومحسسني اني خدامه عندهم!!!
-لا ياروح ميرضينيش بس خايفه عليكي!!
=متخفيش هيا موته وله اكتر ياستي المهم احكي لامك كل حاجه وخليها تشوفلي حل واروح فين وكلميني بس قبلها ابعتي كلمتنا عشان تتاكدي الفون معايا وله مع المقطيع..
-حاضر خلي بالك من نفسك ومترديش عليهم كتير لحد منتصرف
=علي الله يلا باي
*مشيت وسبتها وكنت بفكر وسرحانه طول مانا ماشيه لو هربت فعلا ممكن يبقي ليا حياه تانيه!! ممكن انجح وافتح المشروع بتاعي!!ممكن اشوف ناس جديده واتعلم حاجات جديده بدل الذل الي انا فيه؟! فضلت سرحانه لحد موصلت البيت الي بنسبالي جحيم واستنيت لحد بليل وشمس كلمتني*
-عايشه؟
=لسه عايشه..
-يبقي روح..المهم امي موافقاكي علي قرارك وعيزاكي تمشي فعلا عشان تنجدي نفسك
=كنت متاكده أن طنط هتعمل كده
-وعيزاكي تروحي علي اسكندريه ومن هناك لو حد وصلك هتوديكي علي شرم ومش هيوصلولك بس اسكندريه امان
=طب اعمل اي اتحرك امته واخد اي وكل ده!!
-جهزي هدومك الليله دي ولو عرفتي تتحركي بعد مينامو تعالي علي بيتنا هنديكي كام حاجه وتمشي..
=تمام اوي هقوم احضر شويه حاجات اخدها وهجيلك لما يتخمدو
*قفلت معاهم وفتحت دولابي بدأت اخد كام طقم ف شنطتي الضهر وبدأت ابص لكل ركن ف الاوضه بحزن قد اي كنت طفله مدلعه بوجود بابا ومن بعد مااتوفي حياتي انقلبت بسببهم جتلي لحظه ادارك لو قفشوني هعمل ايه!!! بس قولت هيموتوني وهخلص ودعيت وقولت يارب لو قراري غلط سد الطريق ف وشي..*
=شمس كلهم نامو ولبست وجهزت هتحرك..
-ركزي عشان خطري وخدي بالك ليكون حد صاحي
=علي الله متخفيش لو طلعت من البيت بخير هرن عليكي
-ربنا يستر مستنياكي
*قفلت وفتحت باب الاوضه بهدوء اطمنت أنهم نايمين وكان المفتاح ف الباب الحمدلله فتحت براحه وبصيت ع البيت بحزن لآخر مره وقفلت بهدوء نزلت السلم جري وفضلت اجري ف الشارع وانا مش مصدقه اني بره جريت لحد موصلت لبيت شمس الي كان بعدينا ب اربع شوارع بظبط طلعت*
-ياحبيبتي وشك اصفر ادخلي ادخلي
*دخلت وشربت مياه وطنط حضنتني وادتني فلوس تكفيني لمده كويسه ونبهتني اخد بالي من الي حوليا وادتني مفتاح لشقه ليهم هناك!!!! كنت بعيط من اهتمامهم بيا واني هفتقدهم بجد بعد عياط واحضان مشيت ونزلت ع الموقف زي مطنط قلتلي وركبت اتوبيس لسكندريه..
*بعد اربع ساعات وصلت كانت الساعه 6 الصبح الموبايل لسه مرنش لغيت الموقع بتاعي عشان ميلقونيش واشتريت خط جديد اول منزلت كلمت شمس وطنط طمنتهم وخدت تاكسي بعنوان الشقه ووصلت كانت العماره ع البحر دخلت وطلعت الدور التالت وقبل مفتح سمعت صوت خضني”
_انتي مين؟؟
=بسم الله ف فزعتني يااخ!!
_اخ؟انتي مين بقولك ومعاكي المفتاح ازاي دي شقه طنط حنان
=ما اصل انا بنت اختها وجايه هقعد هنا
_بنت اختها ؟
=ا اه انت مين ؟
_زين المقدم زين
=مقدم؟ظابط يعني
_عليكي نور اه وبعدين انتي اا..
“ملحقش يكمل لقيت تلفوني بيرن وطلعت شمس رديت بسرعه
-روح اهلك عرفوا وقلبين عليكي القاهره
=ينهار اسود يشمس هما لحقو طب جولك البيت طنط قلتلهم اي و..
-اهدي خالص دلوقتي وركزي هما جم فعلا وانا مسحت الشات واتاكدو اننا اخر مره اتكلمنا كان من يومين وأننا منعرفش بس مستحلفينلك لو حصل جديد هنقولك اقفلي الباب كويس ومتفتحيش ل اي مخلوق انتي فاهمه؟!!
=ح حاضر حاضر هتابع معاكي بردو سلام دلوقتي
*قفلت ونسيت اني بتكلم وهوا ورايا*
_هما مين الي قلبين عليكي الدنيا ؟
=ها؟؟؟؟
_تلفونك كان عالي انتي مين وجايه هنا ليه؟؟؟؟؟

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية روح)