روايات

رواية حب غير مشروط الفصل الثاني والعشرون 22 بقلم لولا

رواية حب غير مشروط الفصل الثاني والعشرون 22 بقلم لولا

رواية حب غير مشروط البارت الثاني والعشرون

رواية حب غير مشروط الجزء الثاني والعشرون

حب غير مشروط
حب غير مشروط

رواية حب غير مشروط الحلقة الثانية والعشرون

عبدالله مسك ايديها باسها واكمل بحب وانا اكتر
داليا مش بلكلام
عبدالله بتنهيده طب انتي عايزاني اعمل ايه يا داليا
داليا نطلع علي المصحه وتتعالج من اللي بتنيله ده لان لو فضلت كده يا عبدالله انا بنسبالك هبقي بعيده اوي وغصب عني وعنك مش هبقي ليك اعتبر اخويا وافق انا مرضاش ابدا ان جوزي وابو ولادي يبقي مدمن انا عارفه انك مكنتش كده وموت اهلك دمرك بس ده مش سبب يا عبدالله المفروض ظروفك تقويك وتعمل منك راجل مسئول مش. تكسرك بلشكل ده
عبدالله بحزن حاضر يا داليا سبق وقولتلك اني اه غلطت لما عملت كده بس موت اهلي اثر فيا بجد وكسرني واللي قابلتهم في طريقي بعد موتهم ربنا يسامحهم اقنعوني اني كده هنسي وارتاح واتاريهم علشان كانوا طمعانين في اختي فخادوني تحت ايديهم ولما اتجوزت كله باع
داليا بحزن حتي لو مقدره كل كلامك ده بس مش معناه انك كنت ترمي المسئوليه علي اختك ?? دي مهما كان بنت ازاي جالك قلب تبهدلها كده
عبدالله بحزن ودموع ندمت وعارف ان ده غلط وياريت اعرف عنوانها واروح ابوس علي دماغها واطيب بخاطرها واترجاها تسامحني انا ندمان علي كل لحظه وجعت حته مني فيها بلشكل ده في عز ما المفروض اني امانها وحمايتها بجد استحقرت نفسي اوي لما لقيت صاحب جوزها او اخو معرفش محموق ليها وبيساعدها وبيقف جمبها وبيحميها مني انا اللي المفروض اخوها بجد انا حيوان وياريت اقدر بس اشوفها مره ولو لمره واحده بس انا واثق انها هتسامحني اختي مفيش اطيب ولا احن منها وعياطه زاد واكمل بجد واحشتني اوي اوي البيت من غيرها عامل زي المدافن بس انا خسرتها بغبائي يا داليا انا مني لله ضيعت الامانه اللي ابويا سبهالي وجيت عليها كتير ياريت كانت ايدي تتقطع قبل ماتتمد عليها في يوم ااااه وهل هيفيد الندم بشئ ده حتي جوزها كسر خطها وغيرهولها وقالي متحاولش توصلها احسنلك وهددني
داليا حطت ايديها علي ايديه بحزن من اجله واكملت هساعدك توصل لاختك بس لو سمعت كلامي واتعالجت يا عبدالله ورجعت زي زمان انما لو فضلت بلضعف ده حتي انا انساني
عبدالله باس ايديها واكمل بحزن ودموعه في عنيه هتعالج والله وهدخل المصحه وهخرج منها واشتغل في الشركه علطول وهعملك كل اللي انتي عايزاه حاجه تاني يا ست البنات
داليا بحب لو عملت كده فعلا مش هعوز حاجه تاني
عبدالله بحب يلا اسيبك انا تدخلي محاضراتك وخلي بالك من نفسك يا حبيبتي وعوزتي حاجه كلميني
داليا بابتسامه حاضر
عبدالله تخلصي تروحي علطول متكلميش حد ولا تقفي مع حد
داليا والله حاضر
عبدالله بصلها واكمل بحده ودخلي شعرك ده جوه الطرحه مش كل شويه هنتخانق علي نفس السبب
داليا بستغراب هو شعري طلع من الطرحه
عبدالله بتنهيده لا بكدب عليكي ومسك فونه وراها شكلها في الكاميرا واكمل دخلي شعرك واخلصي
داليا حاضر اهو ودخلته واكملت اهو يا سيدي
عبدالله باس راسها واكمل يلا همشي انا
داليا استني يا عبدالله
عبدالله لفلها واكمل ايه يا حبيبتي
داليا اوعدني انك هتتغير
عبدالله ابتسم بحب واكمل اوعدك يا داليا لانه اول حاجه ده الصح واللي كان المفروض يحصل تاني حاجه طلما هكون معاكي بعدها فمش هتردد اني اعمل كده علشان اكسبك
داليا ابتسمت بحب واكملت هنشوف
بليل في البار
تالا بحب حاتم عامل ايه
حاتم بتعب كويس انتي ايه اخبارك
تالا بابتسامه فل وقعدت جمبه واكملت مالك ياروحي شكلك زعلان ليه
حاتم بتنهيده مفيش وابعدي عني يا تالا الله يخليكي
تالا بضحك الله واانا الحق عليا عايزه افك عنك شويه بدل منتا قالب وشك كده
حاتم بسخريه الا عمري ماعملتها وانا حر اعملها وانا متجوز
تالا بصدمه انت اتجوزت
حاتم بتنهيده اممم ومراتي حامل كمان
تالا بحزن ليه من امتي وانت بتاع جواز
حاتم وهو بيشرب اكمل النصيب اكيد مش هرمي ابني يعني
تالا بخبث طب واللي يخلصك من اللي في بطنها تعمل ايه
حاتم اتصدم وبصلها واكمل بحده اوديه في ستين داهيه ورمي الكوبايه وقام تني دراعها ورا ضهرها واكمل بعصبيه بت انتي.. انتي كل شويه تيجي تقرفي اهلي وانا اقول معلش متكسرش بخاطرها انما لحد ابني انسي مش ابن حاتم الشريف اللي زباله زيك تموته
تالا شدت ايديها منه وحطتها حواليه بدلال واكملت بدلع خلاص ياروحي انا اسفه اهدي حقك عليا وغمزت واكملت طب ايه مش ناوي تخاويه
حاتم نزل ايديها بحده واكمل هخاويه طبعا وبصلها بقرف واكمل بس من مراتي مليش في الشمال
تالا برفعه حاجب شوف مين بيتكلم
حاتم بحده ليه ياروح امك عمرك شوفتيني مع واحده ?
تالا بحب معلشان كده عاجبني لانك مميز
حاتم نفخ واكمل استغفر الله العظيم يارب وبصلها واكمل اغزي الشيطان واحترمي نفسك يا تالا وراح قعد بعيد عنها وفضل يشرب بحزن
وبعد شويه روح البيت عند شهد
الباب خبط
شهد ايوه حاضر جايه مين علشان الباب مقفول
حاتم بتعب ده انا يا شهد وفتحت المفتاح بس بيعلق افتحي من عندك هتلاقيه اتفتح
شهد فتحت واكملت بخوف مالك يا حاتم مين اللي عمل فيك كده
حاتم بسكر تعبان اوي وقلبي واجعني
شهد حضنته واكملت بحزن سلامه قلبك يا حبيبي حصل ايه ودخلته وقفلت وهي بتطبطب عليه
حاتم بصلها بحب واكمل سيبك من زعلي دلوقتي ودفن وشه في رقبتها بحب واكمل انتي واحشاني اوي
شهد بتوتر حاتم انت مش فايق ابعد عني علشان خاطري
حاتم شالها بين ايديه وحطها علي السرير وحاوطها بين ايديه وقرب عليها وهمس والله بموت فيكي
شهد بدموع فرح وانا كمان بموت فيك بس دلوقتي انت مش فايق يا حبيبي ممكن تبعد
حاتم فك توكه شعرها ورماها وفضل يمشي ايده علي خدها ووطي باسها بحب وهي حطت ايديها حوالين رقبته وقربته اكتر
بعد دقايق بعد وسند جبينه علي جبينها وهو بيتنفس بسرعه وقرب منها واكمل بحب تعرفي انا دلوقتي فرحتي مش سيعاني لفكره انك معايا علشان انا مش شايف ولا هشوف غيرك يا منه هتفضلي انتي اللي جوايا مهما قابلت بنات ودموعه نزلت واكمل سيبك من ادم ده وحبيني زي منا بحبك
شهد اتصدمت من كلامه وقلبها واجعها اوي وكرهت نفسها وحبها وضعفها قدامه وزقته من عليها بحده وقامت واكملت بدموع وبحده للدرجه دي وانت معايا بتنطق اسمها ???? لا وكمان طلعت بتحب غيرك
حاتم ركز شويه واكمل بسكر شهد انا اسف حقك عليا والله مش قصدي بس سكران مركزنش
شهد مسكت كوبايه المايه دلقتها في وشه واكملت بحده ودموع بعد كده ركز ومتجليش تاني روح لخرا واتحايل عليها تحبك انما انا من اللحظه دي مش هخليك تلمسني تاني مهما حصل
حاتم بعصبيه انتي اتجننتي يابت انتي ايه اللي عملتيه ده
شهد بحده ودموع قصدك عقلت .. عقلت يا حاتم ومش هقعدلك فيها تاني وورقتي توصلي
ومسكت طرحتها لفتها باهمال ورايحه تتطلع حاتم وقفها واكمل بعصبيه رايحه فين انتي اتجننتي
شهد بعصبيه ملكش دعوه ممكن تبعد عني وتسبني في حااالي
حاتم بحده ده عند امك ااكلام ده انتي حامل في ابني ومش هتمشي من هنا غير علي موتك
شهد رمت ايديه وزقته في صدره جامد ولانه سكران وتعبان وقعته علي الارض بسهوله
وراحت تفتح الباب وهتنزل سمعته بيتكلم
حاتم بدموع وسكر حتي انتي عايزه تسبيني يا شهد هو ليه كلكم بتكرهوني كده
شهد بصتله بحزن وعنيها دمعت
حاتم بدموع وهو بيحاول يقوم بس بيقع وجسمه واجعه اوي اكمل بوجع ودموع اااه ارجوكي متمشيش يا شهد ارجوكي انا مليش غيرك وبحب وجودك جمبي ومقدرش اعيش من غيرك اقسم بالله لو مشيتي هتوجعيني زيهم انا محدش في حياتي كلها حبني غيرك يا شهد وجيه يقوم كان هيقع
شهد خافت عليه وراحت ناحيته واكملت بخوف بس بس متقومش اقعد علي السرير مالك في ايه
حاتم بوجع جسمي كله واجعني وتعبان اوي
شروق رجعته نيمته علي السرير وقلعته جاكته وفتحت القميص واتصدمت من الكدمات اللي في دراعه وصدره واكملت بدموع مين عمل فيك كده
حاتم وهو بيغمض عنيه اكمل بحده ودموع ادم اللي الهانم فضلته عليا
شهد قامت جابت علبه الاسعافات واكملت وهي بتعقم جروحه بدموع ووجع بردو بتحبها يا حاتم ?
حاتم بتعب لو بمزاجي كنت كبرت دماغي انما انا متعودتش اكون عايز حاجه ومخدهاش حتي لو حصل ايه
شهد وعنيها مليانه دموع اكملت بسخريه هو ده كده حب ?
حاتم بحده اعتبري مش حب انا متعودتش حد يتحداني ويكسب ابداا حتي لو مش بحبها مين دي علشان ترفضني انااا وتفضل الكلب ده عليا
شهد وهي بتلف جرح راسه اكملت بوجع ودموع واقفه علي احرف عنيها ربنا يجمعك بيها علي خير يا حاتم بس عايزه اطلب منك طلب
حاتم بصلها بتعب واكمل اطلبي يا شهد
شهد بدموع يوم خطوبتك علي منه يكون يوم طلاقنا
حاتم بحده نعم ليه هو انا اتجوزتك علشان اطلقك
شهد بدموع حاتم والله انا مش هحرمك من ابنك وتقدر تشوفه اي وقت بس ارجوك افهمني ولو لمره واحده ومسحت دموعها واكملت انا كنت ممكن امشي دلوقتي علي فكره بس صعب عليا اني اسيبك بلشكل ده لوحدك فابلذوق يا حاتم تخطبها تطلقني علطول
حاتم بحده ده لما تشوفي حلمه ودنك يا شهد انتي هتفضلي علي ذمتي لاخر يوم في عمرك وده اخر الكلام انا مستحيل اطلقك مهمل حصل وقام غسل وشه وفاق وطلع
حاتم بسخريه ده ايه اللي انتي عملاه ده
شهد بصتله واكملت ماهو مش بمزاجك وتمام طلما مش هطلقني انا حره اقعد والبس ازاي
حاتم بضحك اه حره طبعا مانتي في بيتك وعلشان المفروض تبقي حره انا مستغرب وصلت بيكي تلبسي اسدال وقدامي انا ?
شهد ضحكت بسخريه واكملت بوجع ليه هو مين انت ?
حاتم وهو بيقلع قميصه اكمل بيقولوا جوزك
شهد اتوترت وقامت وقفت واكملت بخوف والله العظيم الم عليك البيت
حاتم بضحك مالك يابنت المجنونه في ايه انا بغير هدومي يخربيت عقلك يا شهد وغمز واكمل بعدين منتي من شويه كنتي راضيه حصل ايه
شهد بوجع لا ما ده بقي القانون التاني
حاتم ضحك بسخريه واكمل التاني ليه هو فين الاول ?
شهد بحده انا مبهزرش الاول اني مش هقلع قدامك الاسدال خالص التاني مش هتلمسني تااني وده اثناء وبعد حملي يعني طلاق بس صوري كده من غير ماتطلقني
حاتم بضحك اه بتحرمي نفسك عليا يعني
شهد بحده اه بلظبط كده
حاتم لبس بنطلون جينز واكمل وهو بيقرب عليها انتي متاكده من كلامك ده
شهد وهي بترجع لورا اكملت بحده ابعد يا حاتم واتلم
حاتم قرب عليها لحد ماحاوطها بين ايديه وبص لعنيها بحب واكمل انتي ازاي حلوه كده
شهد زقته بحده واكملت انا مش حلوه ولا زفت روح للحلوه بتاعتك وحدد معاد فرحكم وخطوبتكم وسبني انا لنفسي
حاتم بتنهيده طب اعتبري طلقتك انتي هتقدري تعيشي من غيري يا شهد ?
شهد بسخريه ودموع ومعيش ليه يا حاتم ده انا الوحش اللي شوفته معاك اكتر بكتير من الحلو وكل مره تحتاجني ارجع زي الهبله تاني اعاملك حلو لالا حقيقي انا تعبت من دي عيشه اه هعيش وهعيش لابني وبس وبعدين هو انت مفكر نفسك جوزي بجد ..حاتم فوق انت اسم وخانه اجتماعيه في بطاقتي مش اكتر انما انت عمرك ماعملت اي حاجه بيعملها او يقدمها الزوج لزوجته انت من يوم ماشوفتني ومعتبرني جاريه عندك بنت من بتوع الليل ولما ابتديت تبقي كويس وحنين وخلتني حبيتك رجعت اقسي من الاول تاني وخلتني كرهتك وكرهت قلبي اللي حبك واتعلق بيك وحتي لما هاا نسيت شويه وكبرت دماغي وقولت هيجلنا طفل لازم يجي نبقي اهدي مع بعض فمعلش عدي يا شهد زي ما عديتي حاجات كتير ولقيتك محتاجني عنيها اتجمعت فيها الدموع واكملت بوجع طاوعتك ولقيتك نطقت اسمها وانت في حضني شايف الرخص وصل بيك لفين ???? بس معلش انا اللي استاهل
حاتم بتنهيده شهد انا اسف والله انا بس كنت متعصب بسبب موضوع ادم االي طلعت بتحبه ده وسكرت فاكيد مش قصدي انطق اسمها معاكي انما انا عارف اني كنت جايلك انتي طبعا
شهد بعصبيه ودموع عارف ولا متعرفش ميخصنيش ويلا وريني عرض اكتافك عايزه اتخمد وياريت تخلي عندك ذره دم وتسيبها هي وحبيبها في حالهم وترحمها بقي والله ادم ده راجل انه ادالك العلقه دي تستاهل وبصتله بقرف واكملت عينك ميملهاش فعلا غير التراب
حاتم بعصبيه هو انتي ياروح امك علشان عامل لاهلك كرامه وبقولك انا اسف هتشوفي نفسك عليا وتطولي لسانك ومسك طرحتها جامد واكمل بحده لا فوقي لنفسك ده انا حاتم وسواء انتي او الكلب اللي عايزها مني ده تحت رجلي ادوس عليكم وقت منا عايز
شهد بسخريه ودموع لا ماهو واضح بصراحه حتي لو وقفت قدام المرايا هتتاكد انك تقدر تدوس عليه وقت منتا عايز
حاتم بحده اقسم بالله يا شهد اقسم بالله كمان مره انا اللي مانعني عن اني اوريكي مقامك صح اللي في بطنك احمدي ربك انك حامل وزقها واكمل بحده وهو بيلبس قميصه جتك الارف بومه .. حقيقي عيشتك بقيت تقصر العمر وقال انا اللي جايلها تقف جمبي قال
شهد بعصبيه اقف جمبك ايه انت اتجننت هو انا لو جيت وانا في حضنك قولت اسم راجل غيرك انت هتعمل ايييه هاااا
حاتم مسك دراعها جامد واكمل بحده ده انا اقتلك فيها
شهد بدموع اممم ومفروض انا بقي مقتلكش علشان انت الراجل وحقك .. عارف يا حاتم اوقات بفكر اجهض نفسي علشان مش هقدر اجيب طفل تكون انت ابوه مش هقدر اعيش طفل بريئ مالوش ذمب العيشه اللي تقرف دي
حاتم بعصبيه انتي اتجننتي تجهضي مين ابقي فكري اعمليها يا شهد ده انا كل اللي فارقلي اصلا هو ابني انتي لو مش حامل كان زمان ليكي رد تاااني خاالص دلوقتي بس انا مش عامل خاطر غير لابني علشان يجي بخير ابني وبس انما انتي كلك علي بعضك متفرقليش
شهد بصتله بوجع واكملت بدموع تشكر كتر خيرك .. ومن انهارده انا هعمل زيك مش هعيش غير علشان خاطر ابني وهخلي بالي منه هو بس لان في النهايه ده حته مني محدش هيتعب فيه قدي انما ابوه في نظري خلاص معتش ليه لازمه في حياتي ولا كانه موجود لحد ماتخلي عندك دم وتطلقني لاني فعلا مش هقبلك تاني يا حاتم
حاتم بسخريه وهو بيفتح باب الشقه اكمل يبقي بتحلمي وانتي صاحيه يا شهد وقفل بحده
وشهد قعدت علي الارض وفضلت تعيط
في بيت تاليا وتحديدا اوضه تاليا وعمر
تاليا اه يعني انتي عايزاني اعمل ايه
داليا تعملي زي مابقولك تقومي تلبسي الدريس ده وتفردي شعرك وسبيني احطلك ميكاب هادي جداا ويليق بلقمر بتاعنا
تاليا بحزن هتفرق ايه يعني يا داليا كبري دماغك
داليا بضحك لا تفرق المضروبه نسرين جايه دلوقتي ومتعرفش ان عمر اتجوز اصلا فلما تشوفك هتتغاظ مبالك لما تشوف الجمال ده كله هيبقي ايه
تاليا بضحك فكره حلوه بس الدريس حماله وقصير هتحرج البسه بجد
داليا يابت هضربك هو في حد غريب ده انا وماما وجوزك
تاليا بضحك ماهو المشكله في عمر بجد انا لسه مخدتش عليه اوي
داليا بضحك لا مرارتي والنبي قومي كده علشان نلحق نخلص
تاليا قامت مسكت الدريس بحماس ودخلت لبسه وكان ستان احمر حماله وقصير لحد الركبه بلظبط
داليا باعجاب يخربيتك ده احنا لسه محطناش حاجه وقمر
تاليا قعدت واكملت بضحك والله بموت فيكي
داليا بحب والله وانا اكتر وفردتلها شعرها واكملت باعجاب انتي كوياه
تاليا لا طبيعي
داليا بضحك ايوه يابختك يا عم عمر جايبلنا حلويات
تاليا قربي يابت داليا قربت منها فاباست خدها. واكملت بحب مفيش حلويات غيرك يادودو
داليا بحب والله انتي قلب دودو وسرحتلها شعرها وكان طويل وشكله حلو وحطتلها توق من الخرز هادي وميكاب هادي جدا بس الروج احمر ابرز ملامحها بشكل رائع
داليا هوريكي بس قبل ماتحكمي علي الروج انا عارفه انه ملفت وغمزت واكملت بس انتي مش هتنزلي بيه يعني كده كده ده في البيت
تاليا بحب ماشي وريني وشافت نفسها واكملت بانبهار بجد ايه ده تسلم ايديكي يا روح قلبي وحضنتها بحب
داليا بحب والله انتي اللي قمر اصلا انا محطتش حاجه يعتبر
تاليا بحب بجد مش عارفع اقولك ايه
داليا بضحك متقوليش حاجه انتي اختي الكبيره تعالي بس نفرج عمر علي الموزه اللي معاه
تاليا باحراج يابت اتلمي
الباب خبط
داليا بضحك طب يلا اهي العقربه جات ولو سألوكي ليه متشيكه كده وده غالبا هيكون سؤال من ماما عرفيهم ان مشروعك اللي اشتغلتي عليه نجح وده حقيقي بس انتي لسه معرفتيش حد غيري
تاليا بحب ااه قولت هقول لعمر بليل فخلاص ماشي
برا في الصالون
سهير فتحت واكملت بفرح حبيبت مرات عمها عامله ايه
نسرين بفرح حبيبت قلبي ياناس زي الفل انتي ايه اخبارك
سهير بحب بقيت بخير لما شوفتك يا قمرايه ادخلي
نسرين دخلت ودخلت شطنتها واكملت باعجاب وحب ازيك يا عمور
عمر بابتسامه بارده بخير يا نسرين وانتي
نسرين بحب بقيت بخير لما شوفتك معلش هنرخم عليك لحد ماشقه مرات عمي سهير تتصلح فيها السباكه فهقعد معاكم هنا
سهير ابتسمت بحب واكملت اقعدي يا نسرين ده بيتك يا حبيبتي وبعدين ايه فرقت من هنا وفوق كله بيتك يا قلبي وبعدين مش هتقعدي لوحدك منا قاعده انا وداليا معاكم اهو
نسرين قعدت واكملت بحب تسلمي يا قلبي
وفضلت تبص لعمر بحب اللي خد باله وعمل نفسه مش شايف واكمل بتنهيده من غير مايبصلها اقعدي زي مانتي عايزه ده بيتك يا نسرين
داليا راحت قعدت واكملت منوره يا نسرين
نسرين بابتسامه بنورك يا دودو
تاليا وهي بتتقدم ناحيتهم اكملت بابتسامه واثقه يانهار ابيض عندنا ضيوف ومش معرفني يا حبيبي
عمر اتصدم من جمالها وقام وقف وفضل يبصلها بحب واعجاب واكمل دي نسرين بنت عمي يا حبيبتي
نسرين بصدمه مين دي
تاليا بابتسامه ازيك
نسرين بضيق كويسه بس حضرتك مين
تاليا راحت حاوطت بايدها رقبت عمر واكملت بابتسامه مش هتقولها مين
عمر بحب اكيد لا طبعا وبص لنسرين االلي حرفيا شايطه وهتولع وداليا كانت بتبصلها وتضحك بصمت واكمل بحب دي مدام تاليا مراتي يا نسرين وباس خدها بحب
نسرين بصدمه نعم مراتك .. مراتك ازاي يعني وبصت لسهير
تاليا بضحك هو ايه اللي ازاي هي ليها انواع واضحه اهي بيقولك مراته
سهير بتوتر اه يابنتي تاليا مرات عمر
نسرين بصتلها بغيظ وسكتت
سهير بحده بعدين ايه اللي انتي لابساه ده هو انتي فاكره نفسك قاعده في الشقه لوحدك انتي وجوزك احترمي نفسك في ضيوف
عمر بحده ماما تاليا في بيتها وتلبس اللي هي عايزاه وفي اي وقت هي حره طلما مفيش راجل غيري قاعد
تاليا بابتسامه ياطنط انا معملتش كده من باب للطاق في سبب وبعدين حتي لو مفيش سبب انا لابسه كده قدام جوزي يعني حلالي وده دريس مش لانجيري مثلا و حضرتك زي امي وداليا ونسرين اخواتي الصغيرين عادي يعني مفيش حد غريب
نسرين بابتسامه بارده انا معنديش اخوات سوري
داليا بضحك عادي انا اختها مش مهم انتي خالص
تاليا باستها في الهوا واكملت قلب اختك انتي
عمر بحب سيبك منهم ايه القمر والحلاوه والطعامه دي
تاليا بحب ياروح قلبيي دي عنيك واكملت بحب انا عايزه اقولك مفاجاه يا عمر
عمر بحب قولي يا قلب عمر
تاليا بحب انا مشروعي نجح وخدت مركز اول فيه والمدير بعتلي شكرني جداا
عمر بفرح بتهزري
تاليا بحب لا بتكلم جد مكنش هيحصل كده لولا دعمك ليا ووقفتك جمبي بجد يا عمر انت حقيقي ونعم السند والزوج والحبيب ربنا يخليك ليا يارب
عمر حضنها بفرح واكمل بحب وفرح بجد مش مصدق وفرحتي مش سيعاني انتي حقيقي تستاهلي تعبتي وسهرتي عليه اوي وقولتلك ربنا هيكرمك في شغلك لانك امينه في جهدك وبتتعبي ده مش انا ابداا يا نورعين عمر ده انتي .. انتي اللي تعبتي وربنا بكرمه فرحنا الحمدلله
تاليا بحب ودموع بجد انا مش عارفه اقولك ايه غير بشكر ربنا كل يوم علي وجودك في حياتي
عمر بحب من غير دموع طيب ومسح دموعها واكمل وهو بيبوس جبينها والله يا تاليا ده انا اللي بشكر ربنا كل لحظه انك مراتي وحلالي
تاليا باسته في خده واكملت بحب وهي بتحط ايديها حوالين رقبته طب ايه فاضي نتكلم شويه جوه ده حتي معاد نومنا جيه
عمر اتفاجئ من كلامها وفرح جدا واكمل بحب وهو بيبوس خدها طبعا هدخل ونتكلم زي مانتي عايزه ودي فيها كلام كده كده هما هيناموا هنا زي مانتي عارفه فا اللي عايز ينام يدخل
داليا بضحك اه بلظبط كده روح انت يا حبيبي اتكلم مع مراتك ومتضيعش الفرصه دي وهي قمر كده
نسرين اتخنقت اوي واتعصبت بس سكتت مش هتقدر تتكلم وبصت لسهير بحده
سهير بتنهيده خد مراتك وناموا ياعمر
عمر وطي شالها بين ايديه واكمل بحب طب تصبحوا علي خير انتوا بقي
تاليا فضلت تضحك بدلع وبصت لنسرين وابتسمت بانتصار
نسرين بصتلها بحقد وكره وغل كبير
وداليا كانت ملاحظه ده وبتضحك علي مرات اخوها
في الاوضه عمر نزلها وشدها ليه بحب واكمل بابتسامه اول مره اشوفك بلجرأه دي بس الشهاده لله عجبتيني
تاليا بتوتر عمر ابعد بس كده واتلم انا بقولك نتكلم انت فهمت غلط خاالص
عمر بضحك يابت فهمت غلط ايه بس انا فاهم كل حاجه مانتي اكيد مش هتقوليها صريحه ده نوع من التمويه كده علشان ندخل اوضتنا واحنا محترمين قدام الناس انما كلهم فهموا انتي تقصدي ايه ودفن وشه في رقبتها بحب
تاليا بتوتر لالالا والله هيغمي عليا انا مقصدش كده انا فعليا اقصد كلام اللي هو الرغي ده انما اانت نيتك مش سالكه خالص بعدين انا كنت بغيظ الحيوانه نسرين دي انما انا اتفهه من اللي انت بتقوله ده اساسا يا روحي
عمر بحب يعني زي القمر وسيبالي شعرك ومتظبطه علشان في الاخر تقوليلي كلام طب بالله تبقي بتهزري وباس رقبتها بحب
تاليا غمضت عنيها واكملت بتوتر عمر
عمر همس بحب قلب عمر
تاليا باحراج اتلم وابعد عني
عمر بضحك اللي يشوفك دلوقتي ميشوفكيش برا جريئه وعماله تبوسيني في خدي وتتدلعي انما لوحدنا بترجعي زي الكتكوت المبلول
تاليا ضحكت واكملت لان انا واثقه قدام الناس انت ردك هيبقي معقول وطبيعي انما لوحدنا لاااا انت بتستغل الفرصه
عمر بضحك والله يعني مش بتكيدي في نسرين
تاليا بضحك لا بكيدها طبعا ده هو ده الاساس من الاول
عمر بضحك ااه يعني مش المشروع
تاليا بضحك تؤ تؤ
عمر اممم وغمزلها واكمل طب انا فعلا عايز استغل الفرصه قمر وجاتلي لحد عندي اقولها لا
تاليا بضحك يا عمر بقي
عمر بضحك طب طلما انتي مش قد الحاجه بتعمليهاااا ليه بس مسمعتيش بلمثل اللي بيقولك اللي بيحضر العفريت لازم يكون بيعرف يصرفه ?
تاليا بضحك اممم طب ولو مصرفهوش
عمر بضحك هيقرفه معروفه يعني
تاليا بحب بس انت عمرك ماتقرفني هو انا ليا غيرك يا عمر ده انت نورعيني اللي بشوف بيها الدنيا احلي انا من يوم مابقيت مراتك وانا حياتي اتبدلت 180 درجه مش اتحولت بس
عمر ابتسم واكمل بحب معرفش بتعملي فيا ايه بس شوفتي انك انتي اللي بتعملي حاجات مش قدها اهو وبتخلي مشاعري تتحرك لوحدها
تاليا ابتسمت بخجل واكملت بحب بجد بحبك اوي يا عمر
عمر بحب وعمر بيموت في تاليا وقرب باسها بحب وتاليا حطت ايديها حوالين رقبته وتجاوبت معاه بحب
في الفيلا
منه ماشيه في الطرقه ماسكه الفون وفاجاه لقيت ايد بتشدها لجوه والباب اتقفل
منه بتوتر وخوف ايه يا حيوان في ايه … ايه الطريقه دي عايز ايه مني وابعد عني كده
حاتم وهو بيبصلها بخبث اكمل هعرفك ياروح قلبي
بعد شويه في اوضه جيسي
جيسي دموع لالا بكره الصبح اجيلك النادي ونحكي انا والله ماقادره
صافي بقلق طب مالك يا جيسي في ايه طيب قلقتيني
جيسي بدموع هقولك بكره يا صافي والله مش قادره اتكلم بس ياريت متتاخريش
صافي بقلق ماشي يا حبيبتي عنيا حاضر
جيسي طب هقفل معاكي دلوقتي علشان عايزه انام
صافي بحب ماشي يا حبيبتي باي
جيسي بحب باي
وفتحت باب اوضتها ورايحه تنزل استغربت ان منه طالعه من اوضه حاتم بتعيط وبتجري علي اوضتها وكم دريسها مقطوع اترعبت عليها وحطت ايديها علي بوقها بخوف
في اوضه منه
منه دخلت واكملت وهي بتتكلم في الفون وبتحاول تكون طبيعيه
منه وهي مغمضه عنيها بحزن الو يا حبيبي
ادم ايه يا حبيبتي عامله ايه
منه بوجع بخير انت فين دلوقتي
ادم انا خلصت خلاص ولسه نازل من المستشفي حالا اهو
منه بقلق وخوف طب طب اركب اي حاجه يلا يا ادم مستني ايه
ادم بستغراب مالك يا منه منا هركب اوبر اهو بس كنت مستنيه يوصل اكيد مش هروح علي رجلي يعني
منه بدموع وخوف مفيش يا حبيبي بس الدنيا ليلت اوي
ادم ركب واكمل بحب متقلقيش يا حبيبتي عليا اديني ركبت اهو
جيسي دخلتها واكملت بخوف مالك يا منه
منه بصتلها بصدمه وعملت بصباعها انها تسكت
ادم بستغراب دي جيسي
منه بتوتر اه هي
ادم طب وبتقولك كده ليه
منه بدموع بصمت ابدا بس علشان بقالها شويه بتنادي وانا بكلمك ومردتش فبتقولي مالك مبردش ليه يعني
ادم بشك متاكده انك كويسه
منه بحزن اه ياعمري
ادم بحزن اومال انا قلبي واجعني ليه
منه بحزن ووجع سلامه قلبك يا حبيبي انا بخير
ادم بتنهيده معرفش فعلا مضايق اوي وقلبي واجعني بس طلما انتي مش زعلانه يبقي متهيالي
منه بوجع وهي دموعها بتنزل بصمت اكملت اه يا قلبي مفيش حاجه متقلقش
ادم طب هاتي جيسي ثواني
منه وهي عنيها حمرا اكملت امسكي ادم عايزك
جيسي مسكت الفون واكلمت ايه يادوما عامل ايه
ادم بحب زي اافل المهم انتي يا حبيبتي عامله ايه وكالتي وخدتي دواكي ولا لسه
جيسي بحب متقلقش يا حبيبي كلت وخدت الدوا وبقيت زي الفل
ادم مالك كلمك ?
جيسي بتنهيده لا مكلمنيش
ادم بستغراب ازاي ميطمنش عليكي يعني
جيسي هو مش معاه الرقم متهيالي
ادم خلاص خدي رقمي من منه ورني عليا علشان اعمله سيڤ وابقي اطمن علي صحتك
جيسي بحب حاضر عنيا
ادم يلا هاتي منه
جيسي خدت رقم ادم واكملت امسكي
منه ايه يا حبيبي
ادم انا يعتبر خلاص قربت اوصل اهو
منه بحب طيب يا حبيبي كل ونام بقي كفاياك كده
ادم حاضر يا قلبي
منه يلا تصبح علي خير يا روحي
ادم بحب وانتي معايا علطول ومنوره حياتي ياست البنات
منه بدموع بتحاول توقفها اكملت باي
ادم بحب باي
جيسي بحده ممكن اعرف حاتم عملك ايه يخليكي بلمنظر ده
منه بعياط جيسي اطلعي برا انا مش طايقه نفسي
جيسي بصدمه يانهار اسود لمسك يا منه واكملت بعصبيه انطقي وردي عليا
منه بعياط وعصبيه قولتلك مش عايزه اتكلم انتي ايه مبتفهميش ليه اطلعي برااا
جيسي بصتلها بحزن وطلعت فمنه رزعت الباب وقعدت علي الارض وفضلت تعيط
منه بعياط تعبت يارب تعبت اوي انا ليه بيحصلي كل ده اعمل ايييه بس يارب اعمل ايه دلوقتي واتصرف ازاي في المصيبه دي وفضلت تعيط
في بيت ادم
ساميه اخيرا يا ادم كل ده برا يا حبيبي
ادم بحب الشغل ياست ااكل غصب عني والله
ساميه بحب ربنا يقويك يابني يلا احضرلك العشا انا
ادم لاولا اي حاجه انا خلصان يادوبك هنام مش قادر بجد
ساميه والله مايحصل يعني انا سهرانه لحد مترجع وبطمن عليك ومش بيغمضلي عين غير لما انت واخوك تكونوا هنا علشان بعد كده اسيبك تنام من غير اكل ? … ده لو وصلت اكلك انا بايدي بس متنمش جعان من التعب ليه يعني ودخلت المطبخ
ادم راح وراها واكمل بحب ربنا يخليكي ليا يا ست الكل بجد .. صح هو فين مالك
ساميه بتنهيده جوه في بلكونه اوضتك قاعد مع نفسه من ساعه ماجيه مستنيك تطمنه علي البت علشان اتكسف يتصل بمنه
ادم بتنهيده زي الفل هدخل اطمنه دلوقتي
ساميه بتنيهده واخره يا ادم هتعلموا ايه مع ابوها
ادم ولا حاجه ياست الكل هنتقدم وناخدها من بيتها معززه مكرمه
ساميه بتنهيده وفكرك هو هيوافق اخوك لجيسي وانت لمنه مع بعض كده يدي بناته الاتنين ليكم
ادم وميوافقكش ليه انشاء الله
ساميه بتنهيده نسيت فرق المستوي الاجتماعي طب لو عداها في واحده هيعديها في ااتانيه
ادم ماهو غصب عنه لازم يعديها علشان سمعه بنته وبلنسبه لمنه متخافيش
ساميه عنيها دمعت ومسحتها يسرعه واكملت في سرها انا بعد ماكنت خايفه قيراط دلوقتي 24 قيراط يا ادم بس اقولك ايه بس مش عارفه الاقيها منك ولا من اخوك ليه مصممين تربطونا بكمال للدرجه دي ليه هو انا طيقاه علشان اشوف مراتات عيالي اللي مليش غيرهم يبقوا بناته وبعدين هي دي ست اابنات اللي ساره وصتني اجوزهالك بنت كمال .. كمال اللي قتلها وقتل جوزها وقهرك عليهم طول عمرك يا نورعيني من صغرك انت متعرفش انت حطيت نفسك في وجع قد ايه يا ادم لا وزادت وغطت اخوك كمان رايح يناسب منهم وغلط مع بنته التانيه وتنهدت بحزن واكملت في سرها اااه يارب لو بايدي ابعده عنها واخليه يبطل يحبها بس ازاي وانا شيفاه روحه فيها وهي بتموت فيه ولو حليت مشكله هتتطلعي ااتانيه اللي حامل دي ااه بجد تعبت ودماغي خلاص هتنفجر بس ارجوك يارب بترجاك اي ان كان اللي هيحصل يارب ماشوف ادم قلبه مكسور وزعلان ابداا وطلعت حطت الاكل وادم قعد ياكل
وبعد شويه ادم قام واكمل بحب تسلم ايدك يا حبيبتي
ساميه بحب الف هنا يانورعيني
بعدين دخل اوضته
ادم دخل بلكونه اوضته واكمل سهران ليه لحد دلوقتي
مالك بلهفه ادم كويس انك جيت معلش هو الوقت متاخر بس كلملي منه اطمن علي جيسي معرفش عنها حاجه من الصبح
ادم رايح يتكلم قاطع كلامه صوت رنه فونه وكان رقم غريب فاكمل بضحك اهي بتيجي علي سيرتها قولتلها تاخد رقمي وتتصل بيا اكيد دي هي
مالك بضحك بتهزر يعني دي جيسي صح
ادم بضحك اه هي ورد عليها
جيسي بحب اهو رقمي يا دوما سجله بقي
ادم بحب حاضر يا حبيبتي. المهم امسكي الرخم ده علشان صدعني من ساعه ماجيت واداله الفون وطلع يغسل وشه
مالك بحب عامله ايه دلوقتي يا حبيبتي
جيسي بتنهيده الحمدلله احسن يا مالك انت عامل ايه
مالك طلما انتي كويسه خلاص انا زي الفل
جيسي ابتسمت واكملت ميرسي بجد يا مالك
مالك بضحك ايه ميرسي دي فين انت مال اهلك والزعيق وطوله اللسان ايه جو الخطوبه والرقه اللي انتي عايشه فيه ده خلاص انا شوفت الحقيقه من زمان
جيسي فضلت تضحك واكملت انت اللي كنت بتستفزني
مالك نعم مين اللي بيستفزك انا ?? وانتي اللي كنتي بتعمليه ده عادي ??
جيسي اه عادي عملت ايه يعني
مالك بتنهيده اللهم طولك يا روح بصي يا جيسي انا هسكت مؤقتا بس هصبر هصبر لحد مانتجوز وارنك علقه محترمه بقي علي كل اللي عملتيه علشان حوراتك كترت الصراحه
جيسي بضحك الله يعني عادي كده عندك تضربني يا مالك
مالك ابتسم بحب واكمل ده والله انتي قلب مالك اكيد لا طبعا مقدرش
ادم خرج من الحمام واكمل من جوه خف محن شويه يا حبيبي
جيسي باحراج سامع اخوك قال ايه ينفع كده
مالك بضحك ده كل اللي فارق معاكي واللي انا قولته متسمعش والله انتي بت بارده وتلاجه
جيسي بغيظ انا كده واذا كان عجبك قولتلك كده مصدقتش ان قلبي ماات
مالك عاجبني يا جيسي وبردو انا عند التحدي وواثق هكسب
جيسي بابتسامه هنشوف
مالك المهم خدتي الدوا وكلتي
جيسي اه متقلقش
مالك طب اقرب وقت تحددي معاد مع ابوكي وبلغيني علشان نشوف هنعمل ايه
جيسي بتنهيده حاضر
وفضلوا يتكلموا شويه بعدين قفلت معاه ونامت
الصبح في النادي
صافي اديني جيت ها يا ست جيسي في ايه بقي قلقتي اهلي من امبارح
جيسي بدموع اقعدي هحكيلك كل حاجه
صافي بقلق ادينا قعدنا ها
جيسي فضلت تحكيلها كل حاجه وهي بتعيط وصافي مصدومه بشده وفي حاله ذهول من اللي بتسمعه
صافي بصدمه وبحده انا مش قادره اصدق يخربيت اهلك وبعدين حصل ايه
جيسي بدموع انا حامل يا صافي
صافي شهقت واكملت بصدمه حامل يانهار اسود ومنيل طب والعمل هتتصرفي ازاي في المصيبه دي دلوقتي
جيسي بدموع ولا حاجه مضطره اتجوز مالك علشان ابني
صافي بحده ادي اللي جالنا منك ومن افكارك ومن حبك لحاتم اللي وداكي في ستين داهيه
جيسي بعصبيه ودموع انتي بتلوميني علي ايه انا ايش عرفني ان هيحصل كده انا مكنتش اقصد كل ده انا كنت اقصد منه مش انا افهميني بقي

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية حب غير مشروط)

‫8 تعليقات

اترك رد