روايات

رواية عشق من الماضي الفصل السادس عشر 16 بقلم الكاتبة المجهولة

رواية عشق من الماضي الفصل السادس عشر 16 بقلم الكاتبة المجهولة

رواية عشق من الماضي البارت السادس عشر

رواية عشق من الماضي الجزء السادس عشر

عشق من الماضي
عشق من الماضي

رواية عشق من الماضي الحلقة السادسة عشر

فتح الباب و دخل
أحمد بلهفه : سحرررر
سحر بخضه : انت مين
أحمد بندم : انا احمد اللي انتي حبتيه و بسببه حصل لك كل دا
سحر : ااه احمد اللي كسر قلبي و خدعني نعم و عايز ايه
أحمد بلهفه : انتي كويسه
سحر : سلوى يا سلوى
سلوى : افندم
سحر : دخلي الكل
أحمد : في ايه يا سحر
سحر : مفيش يا قلب سحر هتعرف يا روح*ي
سلوى : ادخل يا استاذ ياسر يا محترم ادخل يا استاذ اسلام يا تقي ما تدخل يا علي هو انت محتاج وسيط اتفضل يا حبيبي اتفضل ما تدخلي يا عروسه الليله ادخلي ياما و انت كمان يا د/ محمد اتفضل يا حبيبي
سلوى بحده : واقفين ليه ما تدخلوا
الكل دخل

 

 

 

سحر : خشي و اقفلي الباب
سلوى : حاضر يا سحوره
على بلهفه : في ايه يا سحوره
سحر بحده : خد بعضك واوقف جنب زمايلك
سحر بحده ل أحمد : وانت قاعد ليه اتحرك
أحمد قام جري وقف
سحر بحده : طبعا مستغربين ان انا جمعتكم هنا رغم ان انا مش مستغربه خالص عارفين ليه
سحر معقبه : سلوى هاتي الشريط
أحمد : شريط ايه
سحر : دا فديوا صغير جدا هنشوفه مع بعض
سلوى راحت جابت الشريط و شغلته
و كان فيه الصدمه كلها
علي : زي ما قلت لك يا احمد انت تدخل حياه سحر و تخليها تتعلق بيك و تحبببها فيك انا عايزك تسحرها باسلوبك و تشدها ليك بكل الطرق و بعد ما تتأكد انها بقت متعلقه بيك انا عايزك تبعد عنها و تكسر قلبها
أحمد : سهله و مش مستاهله عملتها كتير قبل كدا بس في المقابل
على : هديك اللي انت عاوزه اول ما سحر تموت بحسرتها و اخد الورث
الفديوا خلص
على بلهفه : سحرر انا
قاطعته سحر بحده : انت تخرس خالص هههههه مكنتش اتوقع ان انت كدا يا علي و لا كنت أتوقع انك حقير للدرجه دي و علشان ايه الفلوس يا شيخ ينعل ابو ام الفلوس اللي تعمل في الإنسان كدا

 

 

 

على : انا انا
قاطعته سحر بحده و انهيار : أخرس خالص
سحر وهي بتمسح دموعها : خشي على اللي بعده يا سلوى
شغلت سلوى الفديوا
أحمد : في مصلحه يا اسلام هيطلع لك منها بالميت كدا ارنب
اسلام : تمام مين الضحيه
أحمد : سحر بنت خالك
اسلام : لا يا عم يفتح الله
أحمد : تب ليه بس
اسلام : أرنب صغير اوي و البت بصراحه هبله و هتتعبنا فشخلل جيبك شويه
أحمد : خلاص يا عم خليناهم ٢ أرانب هااه
اسلام : معاك يا زميلي المطلوب
أحمد : تجس لي نبض القموره بما انك ابن عمتها و تنفذ اللي هقولك عليه
اسلام : تمام و هنفذ من النهارده لو حبيت
أحمد : تمام
الفديوا خلص
اسلام : و الله العظيم انتي فاهمه غلط دا كان من زمان حالا الوضع اختلف
سحر بانهيار : ااه الوضع اختلف فعلا
جه على يتحرك
بس سلوى واقفت قدامه
سلوى بحده : ارجع مكانك لحسن واقسم بالله هتتفاجأ بوش اختك الجديد
علي بخوف رجع مكانه

 

 

 

سحر : غيره يا سلوي
و شغلت الفديوا
على : هااه يا احمد
أحمد : جس النبض مبدئيا تمام البت ولا مخطوبه ولا مرتبطه و لا بتحب حد على الطريق المستقيم
على : و العمل
أحمد : مفيش حاجه صعبه خش يا اسلام
على : اهلا اسلام
اسلام : اهلا يا علوه دا الحبايب هنا و انا معرفش
على : دي صدفه زباله انها جمعتنا في حاجه واحده
اسلام : المصلحه يا بابا تعمل اكتر من كدا
على : تب اسمع بقى يا حلو هنعمل ايه
اسلام : قول و اشجيني يا ابن الغالي
علي : معانا يا احمد
أحمد وهو ماسك السجاره : معاك يا كبير
تب اسمعوا بقى
على : انت هتعلق سحر بيك في أسرع وقت ممكن لازم تكون عجينه في ايدك و بعدها اخلع انت قول انك هتتجوز هتسافر هتخترع اي حجه و تبعد عنها
أحمد : تمام

 

 

 

اسلام : وانا هعمل ايه
على : انت هتساعده ازاي مش انت مع سحر علطول و بتحكي لك كل حاجه
اسلام : ااه دا مبيعديش يوم الا وانا مكلمها
علي : حلو اوي كل ما تجي تتكلم وياها جيب لها سيره احمد باي موضوع و احكي لها أن انت ملاحظ ان احمد كمان بيجيب سيرتك علطول و كلام من دا
اسلام : من عيوني
سحر بحده : و طبعا انا الهبله اللي صدقت كل حاجه و حبتك يا احمد ومشيت على منهج خططكم بالظبط
قاطعها ياسر : يا سحر افهمي دا كله كان من ٥ سنين الوضع و الله حالا مختلف
على : ااه و الله
سحر بحده : انت تخرس خااص يا ياسر تتفق معاهم عليا انا انا يا ياسر
ياسر : منكرش اني عملت كدا بس
قاطعته سحر بحده : كل اللي انا سمعته دا حصل ولا لا
محدش رد
سحر بحده و انهيار : ما تنتطقوا حصل ولا لا
الكل : حصل
قاطعها على اللي طلع المسدس من جيبه و حطه على دماغ سحر
على بحده : كدا اللعب بقى على المكشوف يا بنت عمي و…….

يتبع…

لقراءة الفصل التالي: اضغط هنا

لقراءة باقي حلقات الرواية اضغط على : (رواية عشق من الماضي)

اترك رد