روايات

رواية اين زوجي الفصل الرابع عشر 14 بقلم ايه عطيه

رواية اين زوجي الفصل الرابع عشر 14 بقلم ايه عطيه

رواية اين زوجي البارت الرابع عشر

رواية اين زوجي الجزء الرابع عشر

اين زوجي
اين زوجي

رواية اين زوجي الحلقة الرابعة عشر

 

حازم/انا عارف ان شهد دلوقت في شغلها و التانيه في دروسها… زينه بقه فين دلوقت المفروض تكون رجعت من ساعه

ام حازم /زينه هربت

جحظت عين حازم بشده و لم يستوعب ما تحدثت به ولدته

حازم /انتي بتقولي ايه….. هربت ازاي و ليه و امتي

ام حازم/ هربانه من يوم ما انت سافرت…. علشان العريس اللي كان جيلها اول ما شاف اختك طلب اديها بدل ما يطلب ايد المحروسه زينه فضلت تزعق و عملت هوليله و فرجت علينا الدنيا و مع ذلك مهنش عليا انها تنقهر كلمت ابن اختي يجي يسترها و بردو رفضت

تحدث حازم باستنكار و غضب

حازم /ابن اختك… ابن اختك مين دا اللي عايزه تجوزيه زينه…. رامز الشمام الخمورجي عايزه تجوزيه المهندسه زينه……. دا عليا و علي اعدائي

ام حازم /و انت مالك يا روح امك…. انت مالك محموق كدا ليا تكونش كنت راسم عليها….. يكون في معلومك زينه دي لو اخر واحده في الدنيا مش ممكن ابدا اوافق انك تتجوزها انت سامع

ثم تركته في ذهول و ذهبت نحو غرفتها

وقف هو قليلا يفكر في حديث ولدته هل هي تعتقد انه يحب زينه……. حب رجل لامرأه

لا هو يحبها نعم و لكن يحبها كا حبه لشقيقاته بل اكثر قليلا

جلس علي اقرب مقعد يفكر اين هي زينه الان و كيف لها ان تهرب من المنزل و كيف لم تغبره بما حدث

بعد قليل من الوقت تذكر صديقتها ميار التي كانت دائما التحدث عنها و تذكر ايضا انها تمكث في بيت الطالبات

نظر في ساعه يده وجد ان الوقت لن يسمح بالذهاب الي بيت الطالبات الان ف لينتظر الي الغد

ذهب الي غرفته و هو حزين علي ما حدث لزينه في الماضي و ما يحدث لها الان في الحاضر و ما سوف يحدث لها في المستقبل

و لكنه طمئن قلبه ان الله معها و سوف تكون في حمايته
~~~~~~~~~~~~~~~

 

 

اما زينه و ميار فهم الان في احدي الشركات الصغيره بانتظار الدور فهم في اخر الكشف

مالت ميار علي زينه و تحدثت بصوت لم يسمعه غير زينه

ميار /انا بقول نقوم نمشي بكرمتنا احسن

نظرت لها زينه بعدم فهم و تحدثت بنفس الهمس

زينه /بكرمتنا ازاي مش فاهمه هو في ايه

تحدثت ميار بغضب مكبوت

ميار /انت عاميه يابت

زينه /ما توضحي انتي قصدك ايه

تحدثت ميار بهدوء مصطنع

ميار /انتي مش شايفه اشكال البنات عامله ازاي… يعني بذمتك هيسيبو كل المزز دول و يختارونا احنا

زينه /و احنا مالنا بقه ان شاء الله محسساني ان احنا جيين نشحت بهدو مقطعه و شعرنا منكوش….. ما احنا زي الفل اهو و يمكن كمان نكون احسن منهم مش كل حاجه المظاهر يا ميار

ميار /لا بقه كل حاجه بالمظاهر تقدرى تقوليلي احنا صف الشركات اللي احنا من الصبح بنلف عليه متقبلناش في و لا شركه ليه

جائت زينه تتحدث اكملت ميارحديثها بدون اعطائها فرصه للحديث

ميار /اقولك انا ليه…. الشركات دي محتاجه وجهه ناس بتلبس و تتكلم كويس ناس خريجه جامعه امريكيه و ممكن يكونو فشله و نجحين بالكوسه بس هما دول اللي بيتعينو علشان تقابل العملا الناس دي مش بتدور علي الخبره اد ما هي بدور علي المظهر

زينه /ممكن يكون كلامك في جزء من الصح….. بس انا عايزه اقولك حاجه مهمه جدا…. و هي ان انتي اللي بتدي فرصه للي قدامك ان يقلل منك او يعملك الف حساب….. انتي لو واثقه من نفسك و بتمشي بثقه و تتكلمي بثقه اكبر عمر اللي قدامك ما هيقلل منك…… و اهم من المظاهر في حاجه اسمها اخلاق

ميار /تقدري تقوليلي دلوقتي مين عنده اخلاق

زينه /احنا اهو

ميار /حد غيرنا

زينه /ما دام احنا موجودين هتلاقي غيرنا كتير بس منكتر ما بنقابل ناس كتير وحشه بنعتقد ان الناس كلها بقت كدا بس لو دورنا كويس هنلاقي

ميار /بس…….

قطع حديثهم صوت المسؤله عن تنظيم المتقدمين للعمل تنادي علي زينه

نظرو لها ثم تحدثت زينه

زينه /هو ينفع ندخل احنا الاتنين مع بعض

البنت/اتفضلو

تحركت البنت للامام و هم خلفها و تحدث زينه لميار بصوت لم يسمعه غيرها

زينه /خلي عندك ثقه بنفسك و ثقه بالله

تحدثت ميار بنفس الهمس

ميار /ربنا يستر

 

 

 

وصلو اخيرا امام باب المكتب الخاص بالانترفيو

البنت/ثانيه واحده

دخلت البنت استأذنت لهم ثم خرجت و افسحت لهم الطريق للدخول

دخلت زينه و خلفها ميار

زينه /السلام عليكم

الرجل /و عليكم السلام… اتفضل اقعدو

جلست زينه امام المكتب و ميار بالمقعد المقتابل لها

الرجل /ممكن السي في بتاعكم

قدمت زينه و ميار اوراقهم
نظر الرجل قليلا بداخل الاوراق

الرجل /انتم لسه بتدرسو…. ممكن اعرف ليه بتقدمو علي شغل و انتم لسه في الدراسه

تحدثت زينه

زينه/هو حضرتك احنا حابين نشتغل لاسباب كتير و اهمهم ان احنا نكسب خبره بجانب الدرسه و بعدين دي اخر سنه لينا و كمان في اسباب خاصه

الرجل /ممكن اعرف لو مش هيدايقك

زينه /انا محتاجه للشغل جدا علشان اصرف علي نفسي

الرجل /و انت اهلك فين

زينه /انا مليش اهل اهلي كلهم ميتين

الرجل /انا اسف الله يرحمهم

زينه/و لا يهم حضرتك يا…….

الرجل /فاروق اسمي فاروق

زينه /حصل خير يا استاذ فاروق

 

 

 

نظر فاروق الي ميار

فاروق /انتي عايزه الشغل ليه

ميار /انا مش هكدب علي حضرتك و هتكلم بصراحه

ابتسم فاروق ورد

فاروق/و انا مبحبش غير الصراحه اتكلمي

ميار /انا كنت مش بفكر في الشغل خالص و كنت مستنيه لما اتخرج و ارتاح كدا اد خمس ست سنين….. بس نزلت ادور علي شغل مع زينه علشان متزعلش و متبقاش لوحدها……. بس بجد لما فكرت كويس في الوضوع لقيت اني لازم اثبت نفسي و يكون عندي هدف

فاروق/كلام كويس بس احنا هنا عايزين فعل…. و عموما انتم هتكونا هنا اسبوعين تحت التمرين

نظرت زينه و ميار الي بعضهم بصدمه ثم نظرو الي فاروق

ميار /بجد يعني احنا كدا اتقبلنا في الشغل

فاروق /اسبوعين تحت التمرين لو منفعتوش هنقولكم شاكرين لخدمتكم

ميار /مش مهم المهم اننا اتقبلنا و احنا ان شاء الله هنمضي العقد معاكم

فاروق/هههههه تمضو العقد مره واحده دا انتي واثقه في نفسك قوي

ميار /طبعا

فاروق/ خلاص بكرا الصبح الساعه تسعه تمونو قدامي هنا هعرفكم نظام الشغل و ايه المطلوب منكم

زينه/تسعه بالدقيقه هنكون قدام حضرتك
فاروق/اتفضلو

خرجت زينه و ميار من المكتب و هم سعداء للغايه

زينه/انا مبسوطه جدا و مش مصدقه نفسي ان احنا اتقبلنا في الشغل دا بعد لف طول النهار

ميار /الحمد لله بس مش عايزاكي تفرحي قوي كدا علشان ممكن منكملش

زينه/فال الله و لا فالك يا شيخه اتفائلي خير يا بومه ان شاء الله هنكمل فيه

ميار /يارب نكمل… انا مش بقولك كدا علشان اكسر مقديفك و الله انا بس بقول كدا لان ممكن شغلنا ميعجبهمش لاي سبب

زينه /تفائلو بالخير تجدو و انا متفائله جدا و واثقه في ربنا و وثقه في نفسي

 

 

ميار /ماشي يا ست المتفائله يلا بينا بقه علشان نلحق نرتاح شويه

زينه /يلا

و ذهب الاثنين فيطريقهم لمنزل ميار
~~~~~~~~~~~~~~~
في مساء اليوم في منزل سعيد في غرفه الصالون يجلس سعيد و معه………..

 

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية اين زوجي)

اترك رد