رواية فرحة حياتي الفصل الثاني 2 بقلم نشوه عبدالعزيز
رواية فرحة حياتي الفصل الثاني 2 بقلم نشوه عبدالعزيز
رواية فرحة حياتي البارت الثاني
رواية فرحة حياتي الجزء الثاني
رواية فرحة حياتي الحلقة الثانية
فرحة: كنت وما زلت بحبه بس انى عرفت عنيه حاجة خوفتنى منيه ومن عيشتى معاه وهو انه يعرف بت من بتوع بحرى اللى بيلبسوا المحزج والملزج والمكشوف وع طول معاه ومش بتفارجه واصل
جنات: وه وه ليه ملهاش اهل يسألوا عنيها وبعدين انتى عرفتى كل ده منين؟
فرحة: من النت عيكون منين يعنى!
جنات: من النت برضك تكونى مفكرانى جاهلة اياك ولا يكونش بيكتب تفاصيل حياته كلها ع النت اعترفى عرفتى منين؟!
وهنا دخلت نجاة مرات رفيع واخت جنات الكبيرة وقالت: ابااااااى عليكى يا جنات مهملانى لحالى فى المطبخ وجاعدة هنا تتسايرى
جنات: خبر ايه عاد وانتى يعنى لوحدك ما انتى معاكى من الخدم بدل الواحدة خمسة عاوزة منى ايه
نجاة: عاوزاكى تجومى معاى ع المطبخ عشان نطلع العصير والفاكهة لضيوفنا وانتى يا فرحة غيرى خلاجتك بسرعة وانزلى
خرجت نجاة وجنات اما فرحة فكانت بتجهز نفسها .. فى المندرة قعد الجميع بعد السلام .. خطاب: البلد نورت بيكم والله يا بدر يا ولدى وزادت نورها بوجودك يا حاجة
بدر: منورة بيك يا عمى
ريحانة ام فرحة: والله اتوحشتك جوى يا رجية ده احنا النهاردة عيد عيندنا
رقية: والله انتم اللى وحشتونى والبلد وحشتنى وبحس براحة كده لما باجى هنا الا صحيح فين نجاة وجنات وعروستنا القمر
دخلت جنات ونجاة بالعصير والفاكهة: احنا هنا يا خالة نورتونا والله
رقية: ما شاء الله عليكم قمرات ربنا يرزقكم الخلف الصالح
ومن ورا نجاة وجنات دخلت فرحة اللى كانت لابسة دريس زيتى وطرحة بيضه وكحل وروج هادى جدا وقالت: احم السلام عليكم
رفع بدر وشه وبص لفرحة واتصدم من جمالها صفر بهيمان وقال: اللهم صل ع النبى ايه التقفيل الاوروبى ده!
فارس بحدة: عتجول حاجة يا بدر
بدر وهو بيلحق نفسه: ابدا ده انا بصلى ع النبى ايه غلطت!
ريحانة: سلمى ع مرات عمك وولد عمك يا فرحة
سلمت فرحة ع بدر بالكلام وبعدين حضنت رقية اللى قالت: ما شاء الله فرحة كبرت وبقت قمرين عينى عليها باردة
بعد كده قعدوا وقالت رقية: طبعا يا عمدة انت عارف احنا جايين ليه وخير البر عاجله والا انت ليك قول تانى
خطاب: جولت لا اله الا الله يا حاجة انتم لسه واصلين النهاردة واكيد تعبانين من رأيى ترتاحوا اليومين دول وع الخميس نلبس الشبكة
بدر: طب وكتب الكتاب والفرح يا عمى؟
خطاب: كنك مستعجل جوى يا بدر.. ع العموم اخر الشهر نعملكم فرح يحكى وتتحاكى عنه سوهاج كلها
رقية: ع خيرة الله نقرأ الفاتحة
قرأ الجميع الفاتحة وقعدوا يتكلموا ويضحكوا شويه … ريحانة: يالا يا نجاة خدى الحاجة رجية والباش مهندس وريهم جوضهم اللى هيجعدوا فيها عشان يريحوا شوى
نجاة: حاضر يا امى اتفضلوا يا جماعة معاى من هنا
طلعت رقية مع بدر ع اوضهم واترموا ع السرير يريحوا اجسامهم من تعب الطريق بدر وهو نايم: فونى! فونى فين زمان چايدا هدت الدنيا عليا
وبالفعل قام فتح فونه ولقى فوق ال 50 Missed call منها فرن عليها
بدر: حبيبى وحشتينى
چايدا بحدة: انت فين يا بدر وفونك مقفول ليه؟
بدر: انا اضطريت اسافر فجأة عشان…………………..
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية فرحة حياتي)