رواية صدفة غيرت حياتي الفصل الثامن 8 بقلم نشوه عادل
رواية صدفة غيرت حياتي الفصل الثامن 8 بقلم نشوه عادل
رواية صدفة غيرت حياتي البارت الثامن
رواية صدفة غيرت حياتي الجزء الثامن
رواية صدفة غيرت حياتي الحلقة الثامنة
كانت كنزى بتتوجع من شدة قبضة ادهم وصوتها على وفجأة جه فخر ومسك ادهم وضربه بالبوكس ووقع ادهم ع الارض من قوة الضربة واتجه ناحيته فخر تانى عشان يكمل عليه لكن وقفه صوت
كريم: فخر
فخر: نعم ي باشا
كريم: ارجع ع مكانك وسيبنا لوحدنا شويه
فخر: اوامرك
مشى فخر وبص كريم لادهم بعيون بطق شرار: انت عايز ايه ي ادهم ها وازاى تجرأ انك تعمل حاجة زى دى!
ادهم: البنت دى نصابة دى مش كنزى يا كريم؟
كريم بتوتر: سلامة الشوف لو نظرك ضعف روح واعمل نضارة احسن
ادهم: لو انت مصدق ان دى بنت عمك فأنا مستحيل اصدق ابدا دى مش كنزى وانا واثق من كلامى صدقنى احنا ممكن نعملها DNA عشان تصدقنى
بص كريم لميرال اللى حطت وشها بالارض وقالها: ادخلى جوة لو سمحتى ومتسمحيش لعمى او مراته انهم يجوا هنا
ميرال: ح… حاضر
اخد كريم ادهم من دراعه وراح قعد ع الكراسى اللى بالحديقة …. فى كافيه كانت راما بتتكلم ف الفون مع البوص وكان عمار قاعد بالقرب منها وبيسجل كل كلامها وبعد ما خلصت مكالمتها قام وشد الكرسى اللى ادامها وقعد
راما: ايه ده يا حيوان انت ازاى تقعد كده معايا؟
عمار: الرائد عمار حمدى من امن الدولة
راما بلعت ريقها بخوف وقالت: راا….. رائد وامن دولة خير حضرتك فى ايه؟
عمار: هتعرفى فيه ايه لما تنورينا ف المديرية
راما بخوف: مديرية ليه انا عملت ايه؟
عمار: انتى عارفة كويس اوى انتى عملتى ايه والاحسن انك تقومى معايا بهدوء من غير شوشرة اتفضلى
قامت راما ادام عمار والغريب انه اخدها ف عربيته الملاكى مش فى عربية الشرطة وطبعا شكت فيه والفضول اخدها
راما: انت واخدنى ع فين انت مش ظابط وبتكذب عليا صح
عمار: اخرسى خالص ومسمعش نفسك الا لما اسألك مفهوم
راما: انت حرامى وقف العربية حالا قبل ما اصوت او ارمى نفسى من العربية واجيبلك مصيبة
عمار سحب مسدسه وحطه ع رأسها: اقسم بالله لو سمعت منك حرف زيادة ما هتردد لحظة وهفترك دماغك سامعة
خافت راما جدا وفضلت قاعدة مكانها بترتعش شويه ووصلوا ع مكان سكنى شكله بيتبنى جديد ومفيش فيه سكان نزلها عمار من العربية وطلع بيها ع شقة واتصل ع شخص ما
عمار: البت معايا هتيجى امتى
………: حالا هكون عندك
عند كريم وادهم … كريم: اظن انت كده فهمت كل حاجة
ادهم والدموع مليت عيونه: طب وليه معرفتنيش كل ده يا كريم ليه خبيت عليا؟
كريم: مكنتش متوقع انك ممكن تعرف ان دى مش كنزى الحقيقية بس الظاهر ان حبك لكنزى كان اكبر مما تخيلت وعشان كده ارجوك يا ادهم مش عايز حد يعرف بأى حاجة والا كل حاجة خططت ليها هتبوظ ارجوك
ادهم: ماشى بس ليا شرط واحد بس
كريم اللى فهمه: وانا عارف طلبك واوعدك هنفذه ليك النهاردة بليل بس دلوقتى انا لازم امشى عشان جاتلى مكالمة مهمة زى ما انت شوفت
ادهم: ماشى هستنى منك مكالمة يلا خدنى معاك ف طريقك
وصل كريم ادهم ع بيته لانه مكنش قادر يسوق وطلع ع المشوار اللى رايح ليه …. عند عمار وراما
راما: ارجوك بس فهمنى انت مين وعاوز منى ايه وجايبنى هنا ليه؟
عمار: الاسئلة دى كلها هتعرفى اجابتها بس مش منى انا
راما: اومال من مين؟!
دخل شخص ما وقال: منى انا يا رورو
راما بصدمة: كريم😳 انت اللى طلبت منه يعمل فيا كده طب ليه ما انا بحاول اوصلك بقالى فترة وانت……….
وقبل ما تكمل كلامها شاور ليها كريم بايده بمعنى اسكتى: انتى هنا متتكلميش غير لما انا اسمحلك بالكلام
راما: الجو البوليسى ده تمارسه مع المتهمين اللى بتتعامل معاهم يا سيادة المقدم مش معايا انا
كريم: ما انتى متهمة برضه وهمارس معاكى وظيفتى الشرطية
راما: والله بجد الكلام ده ف القسم مش ف شقة ي حضرة الظابط المحترم
كان عمار هيضربها بالقلم لكن كريم مسك ايده ومنعه وبعدها شد كرسى وقعد ادامها: اوعى تفتكرى انى مش فاهمك من اول مرة دخلتى فيها عليا بالحنجل والمنجل والهيهيه ودور الحب انا من اول يوم شوفتك وانا براقبك وعارف ان وراكى مصيبة فبلاش تلفى وتدورى وتتعبينى معاكى
راما: قصره عايز منى ايه؟
كريم: عايز اعرف مين اللى وراكى
راما: وان رفضت اتكلم
طلع عمار فونه وشافت راما المكالمة اللى كانت مع البوص والمكان اللى كانت بتروحله فيه ومصايب تانية كتير بلعت ريقها بخوف وكمل كريم كلامه: عارفة ده معناه ايه؟
راما بخوف: ايه؟
عمار: ده معناه انك هتروحى فى ستين داهية لو متكلمتيش وفضلتى ع عنادك
كريم: وخلى بالك انتى بالنسبة للبوص بقيتى كارت محروق يعنى ببساطة ممكن يتخلص منك ويتاويكى من غير صلاة عليكى حتى
فكرت راما بكلامه ولقت ان هو معاه حق فقالتله: طب لو ساعدتك تضمنلى منين انى ما موتش!
كريم: اوعدك وعد شرف انى هحميكى وفى القضية هعتبرك شاهد ملك وهتخرجى كأنك مش اشتركتى معاهم فى اى حاجة
راما: سعد الديب
كريم: رجل الاعمال المعروف وعضو مجلس الشعب ماله؟
راما: هو نفسه البوص
كريم: ازاى والمعلومات اللى عندنا بتأكد انها مافيا اجنبية
راما: هى فعلا مافيا عالمية اجنبية مقرها وزعيمها الاول فى ايطاليا لكن المافيا دى زى ما بيقولوا ليها فى كل خرابة عفريت يعنى ف كل دولة عميل او بوص
عمار: وطبعا البوص المصرى هو الديب
راما: بالظبط كده
كريم: طب وعايزين ايه من كنزى ليه عايزين يتخلصوا منها؟
راما: لان معاها دليل قوى جدا ضده هيوقعه ويوديه فى داهية اللى هى الاسطوانة
كريم: اسطوانة ايه دى؟
راما: الاسطوانة اللى فيها المخطط بتاع التفجير الاخير اللى حصل فى معرض السيارات اللى ف الهرم واللى كان بيشرحه الديب بنفسه لرجالته ودى كانت الذلة اللى ماسكها ربيع اللى هربت معاه كنزى عليه
كريم: والاسطوانة دى فين؟
راما: معرفش والله صدقنى معرفش
كريم: ماشى ع العموم انتى هتفضلى هنا بأمان لحد ما نوقع سعد اكسرى خطك وفونك كله مفهوم
عدى اليوم اوام وحل الليل ووصل كريم عند بيت ادهم و………………………..
نيهاهاهاها مش قولتلكم البارتات الجاية هتبقى ضرب نار وادى اولها كيمو طلع ظابط 😂 عارفة ان الفضول اخدكم وطبعا الاسئلة والاحداث والسيناريو بقى الف شكل فى دماغكم بس معليش هانت اوى وهنقطع الشك باليقين بس يستمر الريتش عالى ❤
*****ولسه الجاى دمار بحروف وكلمات من نار 🔥*****
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية صدفة غيرت حياتي)