رواية اغتصاب ولكن بدافع الحب الفصل الأول 1 بقلم إسراء علي

رواية اغتصاب ولكن بدافع الحب الفصل الأول 1 بقلم إسراء علي

رواية اغتصاب ولكن بدافع الحب البارت الأول

رواية اغتصاب ولكن بدافع الحب الجزء الأول

رواية اغتصاب ولكن بدافع الحب الحلقة الأولى

هييييييييييييييي مش قادرة اصدق احنا خلصنا امتحانات خلاص
– يا بنتي وطي صوتك احنا لسه في المدرسة
– اوطي صوتي ليه محدش ليه دعوة بينا خلاص يابت خلصنا خلاص لوولووولووووي
– اششششش اسكتي يا مايا دا انتي مجنونة رسمي
– والنبي ما فاهمة حاجة يابت انتي يا ياسمين
مبدئياً مايا وياسمين صديقات مقربات جداً مايا بنت متحررة شوية و دلوعة ابوها مغترب وعايشة مع امها واخوها واختها هي جميلة وانثوية وشكلها أحلى من ياسمين ، أما ياسمين فهي البنت الكبيرة عاقلة وشكلها مقبول بس عقلها كبير يعني الصديقتين فيه اختلاف بينهم كبير بس برضو علاقتهم حلوة من هم في ثانوي وهما خلصو امتحانات الثانوية العامة وكانوا فرحانين وقاعدين في المدرسة
ياسمين : يااه يا مايا وأخيراً خلصنا من الهم دا انا فرحانة اووي
مايا : اه والله أخيرا ربنا يفرحنا في النتيجة بس يارب
ياسمين: ان شاء الله يارب .. بقولك مس فاطمة سألتني عليكي كانت عايزة تشوفك اشتغلتي كويس ولا لأ
مايا : يوووه بقى من الست دي .. دي كانت طول السنة مش راحماني مايا كتبتي مايا حفظتي مايا ليه لبسة ضيق مايا زفت مش عارفة ايه عايزة اي تاني مني
ياسمين : يابت حرام عليكي عايزة تتطمن عليكي حليتي ولا لأ دا مهما كان كنتي واحدة من طالبتها وهي كانت مشرفة الفصل بتاعنا مالك مش طايقاها ليه
مايا : خلاص يا ست ما تتحمقيش كدا هي قاعدة فين دلوقتي خليني اروح اسلم عليها واقولها متشكرين يا أبلة
( جاتهم بنت ومسكت في مايا وياسمين)
شادية : بناااااات إحنا خلاص خلصنا امتحانات الفسحة فين النهاردة
مايا : جمعي باقي القروب واتفقوا على مكان حلو وانا deal تمام يلا اشوفكم بعدين
شادية: اي دا انتي رايحة فين ، هي رايحة فين دي يا ياسمين
ياسمين: شكلها رايحة الحمام قولي بقى حليتي كويس في الامتحان؟
………………………………………………………………..
مايا جنب الحمامات وبطلع التلفون من جيب بنطلونها وبتكلم
مايا : ألوو ، ايوة يا حبيبي
– هااا عملتي اي طمنيني
مايا: مانا لو كنت هاماك فعلاً كنت لقيت منك مكالمة
– يا بت كنت مشغول والله ودلوقتي بكلمك وفي ايدي مية حاجة بعملها بس فداكي يا حبيبتي عملتي اي طمنيني
مايا: ماشي يا سيدي ، عملت زي ما عملت ما تسألش كتير (بصوت متحمس ) هااا ح تفسحني امتى
– والله صعب الليلة يا مايا عندنا زباين كتير الليلة واخويا سافر مافيش حد يسد مكانو بس أوعدك بكرة عندك عندي أحلى فسحة
مايا : طيب تمام مع السلامة (قفلت الخط) حسرة عليا كنت عايزة ازوغ معاه من البنات بس ماليش نصيب دخلت التلفون في جيبها وهي طالعة من الحمام
– مايا ..

التفتت مايا ولقتها مس فاطمة
– أيوة يا مس فاطمة
– ازيك يا مايا عاملة اي ؟
– انا كويسة الحمد لله .. حليت كويس جداً النهاردة
– بجد ؟ انا كنت شايلة همك اووي والله عشان الدروس اللي فاتتك لما اتفصلتي من المدرسة
– لا ما تقلقيش ماهي ياسمين شرحت لي كل حاجة ربنا يخليكي يا مس انتي تعبتي معانا جامد اوي
– يا حبيبتي ولا يهمك يا رب بس تفرحوني بعدين في نجاحكم
– آمين يا رب ادعي لي وحياتي يا مس
– بدعي لكم كلكم يا مايا ربنا يوفقكم
– ربنا يخليكي لينا يا مس يارب شكرا ليكي بجد ( مايا حضنت مس فاطمة )
ياسمين وشادية واقفين معاهم ٣ بنات
– هااا يجماعة ح نخرج فين ؟
شادية : استني يا علا لما تيجي مايا دي لفت نص الحتات اللي في البلد ح تكون عارفة مكان جامد نروحو
علا : طيب قشطة بس هي راحت فين
ياسمين: زمانها جاية يا بنات
(بعد شوية )
مايا : قلبي انتو .. تيجو نروح على مطعم جامد آخر حاجة نتغدى فيه وناكل ايسكريم
علا : مطعم اي بس حد موافق ع الاقتراح دا ؟
شادية : مش عاجبني موضوع المطعم دا
{ واحدة من البنات اسمها سمر }
سمر : وانا كمان عايزة اشم هوا مش عايزة اقعد في مكان مقفول
مايا : يخربيت فصلانكم مانا جيعانة ومش عايزة اعمل حاجة غير اني اكل لي اكلة حلوة
ياسمين: وانا كمان والله يا بنات خلونا نروح مطعم ونظبط خروجة لحتة جامدة يوم تاني
سمر : مانتي صحبتها لازم تتفقوا
شادية: بصراحة احنا مش عايزين نضيع اليوم انتو لو ح تروحو مطعم احنا مش معاكم
مايا : خلاص يا حبيبتي روحو وانبسطو واحنا ح نروح ناكل لو خلصنا اكل بدري ممكن نجي للمكان اللي ح تكونو قاعدين فيه قشطة؟
شادية : انتي مش بتوزعينا يا مايا صح ؟
مايا : اوزعك مين يا هبلة ، هو مين اللي قال انو مش معانا في خروجة المطعم ؟ يلا يا بت بلاش رغي كتير
سمر : طيب تمام احنا يمكن نروح الملاهي أو المقطم ح نبقى نقولكم بعدين يلا
مايا : يلا يا حبيبتي موبايلات بقى هاا باي
ياسمين: يلا ناكل انا ح اموت من الجوع
مايا : على رأييك وانا كمان
ياسمين: اي دا دا بجد مانتي قولتي لي انك ح تخرجي مع أمجد
مايا : أخرج؟؟ بلا نيلة ياختي قال مشغول واخوه مسافر فلازم يسد هو .. هي حبكت يعني يحصل كل دا على آخر يوم في امتحاناتي يخربيت حظي
ياسمين : (بضحك) معلش يا حبيبتي معلش اهي ياسمينتك حبيبتك معاكي بدل سي أمجد دا
مايا: أحلى ياسمينا في حياتي يلا يا بنتي خلينا نضرب لينا أحلى اكل
ياسمين : يلا بينا ^^
……………………………………………………………….
مايا : ح تاكلي اي ؟

ياسمين: انتي جيتي هنا قبل كدا؟
مايا : يوووه كتير ياما اتعزمت هنا
ياسمين: يا سلام ، طب ياستي اطلبي لي حاجة على مزاجك مانا مش عارفة اكلهم حلو ولا اي
مايا : ومال انا جايباكي ليه دا على ضمانتي اكلهم حلو اووي ، ح اطلب لك معايا حالا
ياسمين : ماشي يا حب ( تلفون ياسمين اتصل ) اي دا دي ماما نسيت اتصل عليها
– الووو ايوة يا ماما
– طمنيني يا قلب امك عملتي اي ؟
ياسمين: الحمد لله يا ماما اهو عدى وخلاص انا اشتغلت بس مش زي باقي الامتحانات
– يعني حليتي اوحش ولا احسن ؟
ياسمين : اوحش بشوية بس عامة اشتغلت كويس
– طيب يا بنتي ماشي ومايا عملت اي
ياسمين: اهي بتقول انها اشتغلت كويس برضو
مايا: روحي يا شيخة ربنا ما يفضحك
ياسمين: (ضحكت بصوت واطي ) طب يا ماما احنا ح نتأخر شوية النهاردة ماشي
– طيب يا حبيبتي بس ما تتأخريش اووي انتي عارفة ابوكي
ياسمين: ماشي يا مامتي مش ح اتأخر يلا مع السلامة
مايا : اي مش ح اتأخر دي هو عمو علي لسه مشدد الحصار
ياسمين: ايوة ياستي عمو علي اللي هو ابويا مشدد الحصار فلازم نرجع بدري
مايا : طيب ما تنقيش كدا الخروجة لسه في أولها انا رايحة اطلب الاوردر
ياسمين : روحي ياختي
مايا قامت رايحة تطلب من الكاشير وياسمين مستنية مايا وهي ماسكة تلفونها مايا غابت شوية وجات بعدها بسرعة مسكت في ايد ياسمين وهي كانت ماشية بسرعة
مايا: ياسمين لازم نمشي من هنا حالاً
ياسمين: ليه بس حصل أي..؟

يتبع…

• لقراءة الفصل التالي : اضغط هنا
• لقراءة باقي حلقات الرواية اضغط على (رواية اغتصاب ولكن بدافع الحب)