رواية اياد ورنا الفصل الثالث 3 بقلم رنا سليمان

رواية اياد ورنا الفصل الثالث 3 بقلم رنا سليمان

رواية اياد ورنا البارت الثالث

رواية اياد ورنا الجزء الثالث

رواية اياد ورنا الحلقة الثالثة

_رنا شكلها حبتكم اوي……..اول مرة اشوفها قاعدة مع حد وهادية كدة
_واحنا كمان حبناها اوي والله يا طنط ………مش كدة يا رنا
_مالك يا حبيبتي بتبصيلي كدة لية
_ها……….انا اسفة بس حضرتك شبه تيتة اوي بصراحة
_ربنا يخليها ليكي يا حبيبتي
ابتسمت وفضلت باصة ليها وانا ساكتة……….مسك في ايدي……….بصتله وابتسمت ورجعت بصيت ليها تاني
_انتو جيتوا اسكندرية علشان اية
_شغل………في موكل قريب واحد صاحبي من اسكندرية هنا وكان عايزني امسك القضيه بتاعته ف جينا هنا نقعد كام يوم كدة لحد معاد الجلسة ونرجع تاني
_ربنا معاك ويوفقك وانتي يا رنا خريجة اية
_لا انا لسة بدرس في كلية حقوق السنة دي اخر سنة ليل
_انتي لسة صغيرة اوي علي كدة
_ايوة انا ٢٣ سنة
_ربنا ينجحك يا رب
_رنا بصي الصورة بتاعتي دي ………..اتصورتها في الحضانة اية رايك
_وريني كدة
اخدت الصورة ب ابتسامه وبصيت فيها ……….اول ما عيني جات عليها ابتسامتي أختفت وفضلت باصة علي الصورة بحزن مسك الصورة وبدا يكلمها
_الله الصورة بتاعتك حلوة اوي يا رنا …….دي انتي صح
_ايوة ودي رضوي صاحبتي ………رضوي اول صاحبه ليا في الحضانة وانا بحبها هي وعمر صحابي وبس
_طيب وانتي لية مش بتصاحبي غيرها هي وعمر علشان يبقي عندك صحاب كتير اوي بدل ما يكون عندك اتنين اصحاب بس
سكتت وبصيت ناحية ماما ……….ابتسمت وبدات هي اللي تتكلم
_اصل رنا مش بتحب يبقي عندها صحاب هي ورضوي بقوا صحاب بعد كتير اوي ……….طول الوقت بتكلمني عن رضوي وعن عمر وحياتها كلها مش بتتكلم غير عنهم ……….عمر علشان ابن خالتها واخوها كمان ورضوي لانها معايا في الحضانة واغلب الوقت بيقعدوا مع بعض
_والله انا مش عارفة هي متمسكة بيها كدة لية……….بصراحة انا عُمري ما ارتحت ليها
_هو حضرتك شوفتيها قبل كدة
_عمري ما شوفتها يا بنتي……….بس من اللي رنا بتقوله عنها والمواقف اللي بتحكيها انا محبتهاش بس هنقول اي ……….دي طفلة ومش هتفهم اللي هقوله
_يمكن فكرة حضرتك تكون غلط عنها وهي كويسة وهتكون صاحبه كويسة ليها
_اتمني يا ابني
_تحبوا تشربوا شاي ولا عصير
_لا شكرا لحضرتك احنا لازم نمشي دلوقتي……….احنا اسفين علي الازعاج اللي عملناه دا
_ازعاج اي بس احنا اللي اسفين على الصداع اللي رنا عملته ليكم دا
_لا ابدا احنا اتبسطنا اوي معاها وحبناها
_اية دا انتو هتمشوا خلاص
_ايوة هنمشي……….بس متقلقيش هنجيلك تاني ونقعد نلعب مع بعض كتير اوي
_هستناكم اوعوا تتاخروا
_لا متقلقيش هنرجع تاني
_هنستناكم احنا
_ان شاء الله ………مع السلامة
سلمت علي ماما وانا ببتسم……….قربت عليها علشان اسلم عليها ابتسمت ومسكت ايدها وبوستها وفي لحظة واحدة اخدتها بالحضن ………فضلت حضناها وبدات اعيط……..مسك ايدي وبعدها عنها……….مسحت دموعي وبدات اتكلم وانا ببص الناحية التانية
_انا اسفة بجد بس افتكرت تيتة الله يرحمها وانا كنت بحبها اوي وكان نفسي احضنها بس هي ماتت من وانا صغيرة ولما شوفت حضرتك افتكرتها علشان كدة عملت كدة………انا بجد اسفة
_ولا يهمك يا حبيبتي……….اعتبرني جدتك وفي اي وقت حابة انك تيجي وتقعدي معايا انا هستناكي
_شكرا
مسك ايدي وخرجنا من البيت اول ما نزلنا سيبت ايده وقعدت في مدخل البيت وبدات اعيط……….قعدت جمبي ب حزن ومسك في ايدي
_قولتلك يا رنا الموضوع هيكون صعب عليكي وانتي اللي مسمعتيش كلامي
_مش متخيلة اني شوفتها يا اياد………مش مصدقة اني حضنتها وكنت قاعدة اتكلم معاها
_عارف انه احساس حلو وانك فرحانة………..بس بردو يا حبيبتي احنا لو فضلنا هنا وفضلتي تقابليها كل يوم هتتعلقي بيها اكتر من تعلقك بيها زمان ولما تموت هتتوجعي اكتر من اول مرة ………..تعالي نرجع يا حبيبتي وكفاية انك قبلتيها مرة واحدة
_لا يا اياد مش هينفع………..انا في حاجات كتير عايزة اعيشها معاها ولازم اعملها مش هينفع نرجع دلوقتي
_ومش هينفع كمان انك تستني لحد ما تشوفيها بتموت قدام عينك يا رنا……….يا حبيبتي انا خايف عليكي وعلي اللي ممكن يحصلك لو فضلنا هنا
_انت جمبي واكيد مش هتسبني
_اكيد يا حبيبتي بس
_علشان خاطري يا اياد……..بلاش نتكلم في الموضوع دا لاني مش هغير رايي………مش بس علشان تيتة لا علشان حاجة تانية
_كنت عارف………كنت واثق ان دا هيحصل وانك هتحاولي تبوظي كل حاجة
_ابوظ كل حاجة……….اياد انا كل اللي انا عايزاها انها متعيش اللي انا عيشته
_هتعملي اية يعني يا رنا………..هتمنعيها بالعافية
_اكيد لا يا اياد …….بس
_بس اية……….بس اية يا رنا………..انتي عيشتي حياتك اول مرة ومحدش نصحك تعملي اية ولا متعمليش اية………مينفعش اللي انتي عايزاه دا يا رنا مينفعش يا حبيبتي
_بس انا مش عايزاها تعيش نفس الوجع اللي انا عيشته يا اياد مش عايزة تثق في الناس اللي هيأذوها من تاني
_لو عملتي كدة فعلا وخلتيها متثقش في كل اللي حواليا يبقي مفيش رنا واياد
_يعني اية
_يعني انتي لو فكرتي مجرد تفكير انك تغيري حاجة واحدة بس في حياتها دلوقتي هتغيري كل حاجة في المستقبل بتاعها واللي ليه اياد اللي هتحبه وتتجوزه وبدل ما تكوني بتساعديها يبقي انتي كدة هتدمري حياتها
فضلت باصة عليه وساكتة وانا بفكر في كلامه………مسك في ايدي وابتسم وبدا يتكلم
_انا عارف انك عايزة تصلحي الحاجات الغلط اللي في حياتك بس دا مينفعش يا حبيبتي……….انتي مهما حاولتي تعملي مينفعش انك تغيري الماضي ابدا لان دا فدرنا اللي مكتوب واللي مينفعش يتغير……….علشان خاطري يا حبيبتي انسي اللي بتفكري فيه دا وخليها تعيش حياتها من غير ما تفكري انك تغيري فيها حاجة……….وبعدين احنا هنفضل هنا كتير احنا ورانا مشاوير كتير اوي
_مشواير اية دي؟!
_طالما احنا هنا لازم نستمتع بكل لحظة ونعيش حياتنا في الوقت دا وانا بقي محضر ليكي كام مفاجاة مش هتصدقي نفسك لما تروح هناك…….يلا
مد ايده ليا ابتسمت ومسكت في ايده وبدانا نمشي

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اياد ورنا)