رواية دمية مطرزة بالعشق الفصل الثامن 8 بقلم هنا سامح

– رايحيـن فين يا ولاد؟

– أوبـا! صفـا! جيـتِ إمتى؟

صفـا بإبتسامـة: لسه دلوقتي، أدهم! عامل إيه؟

أدهم بإبتسامة: كويس الحمد لله.

صفا بإستغراب: مين اللي معاك دي؟ مش تابعنـا صح؟

أدهم بإبتسامة: أيوة، دي يُسـر مراتي.

إبتسمت لها يسر، و بادلتهـا صفا الإبتسامة و هي تقول:  كان نفسي أتعرف عليها، رايحين فين؟

أمجد: حسام عازمنـا على العشـا.

صفا: وسعولي كـدا وسعولي أجي معاكـوا؛ أفلسـوا الليلادي.

– خلصانـة، أول و أخر مرة أعزمكوا في حياتي.

إستقل كل منهم سيارته، وصلوا إلى المطعـم، و أخذ كل منهم يطلب بإبتسامة مستفزة لحسام الجالس، واضع رأسه بين يديه و هو يقول بحسرة.

– أنا أسف يا جماعة، أنا غلطان و مش هاتحصل تاني!

……………………………………

إنتهى اليوم بسلام و فرحة و ذهب كل منهم إلى غرفتـه، أما في الحديقة ف تقف صفـا أمام الورود و تضعها على أنفها لتشُم رائحتها الجميلة.

– مِسـا مِسـا على الناس الكويسة.

انتفضـت صفا بخضة و هي تقول بغيظ: حسـام!

حسام بإبتسامة: أيـوة حسام يا مُـزة.

صفا بغضب و حدة: حسـام! إحترم نفسك و بطل قلة أدبك دي!

حسام بتراجع: خلاص خلاص إهدي.

صفا ببرود: جاي ليه؟

حسام ببرود هو الأخر: بيت أبويا أتمشى فيه براحتي!

صفا بقرف: مش عارفة هاتبطل ألفاظك المقرفة دي إمتى!

حسام و هو يرفع حاجبه: لاء دا أنتِ العيشة بـرة نسيتـك نفسك بقى!

صفا: دي مالهاش علاقة بـ دي! وسع كـدا أنا ماشية، حاجة تقرف!

كادت أن تذهب لكن أمسك يدها بغضب، ف صرخت هي بحدة: إيدك دي شيلهـا! أنتَ مابتحرمش!

حسام بعنف: مش باعِد أنتِ بتهربي مني ليه؟

صفا بسخرية: لاء بجد و الله! بهرب منك ليه؟ أنتَ نسيت أنتَ عملت إيه معايا! لو نسيت أفكرك يا ابن خالي!

حسام: عـدى سنتين إنسي بقى! و بعدين قولتلك هاتجوزك! مع إني ماغلطتش!

رفعت يديها ثم صفعته على وجهه بقوة.

صفا بغل: رجعنا تاني لنفس الموضوع و تقولي مش غلطان و مش متهبب! أنتَ واحد مالكش أمان و ماقدرش أعيش مع وسخ زيك.

حسام بغل و هو يلوي ذراعها: وسخ! هي وصلت لوسخ!

صفا بصراخ: أه وصلت! أنتَ إيه حيوان! أنتَ دمرتني! أنتَ خليتني أقرف من نفسي! و أقرف من صنفك كله!

حسام: أنا أسف!

صفا بهدوء: أعمل بيها إيه أسف!

حسام: تسامحيني!

صفا و هي تذهب: ربنا اللي بيسامح مش أنا!

حسام بدموع: يا صفا إسمعيني أنا بحبك، و الله العظيم بحبك.

ذهبت صفا و الدموع عالقة بعينيها و هي تهمس بداخلها: كان نفسي يا ابن خالي، كان نفسي.

……………………………………

خرجت يسر من المرحاض بعد أن أخذت حمام بارد، نظرت لأدهم الواقف في الشُرفـة بإستغـراب.

يسر بتساؤل: بتبص على إيه؟

لم يستمع لها أدهم، ف ذهبت للشرفة و نظرت حيث ينظر رأت حسام جالس على الأرض و رأسه بين يديه و من الواضح أنه يبكي.

يسر بقلق: هو حسام مالـه! إنزل شوفه!

أدهم بشرود: لاء سيبيه، هو هايرتاح كـدا.

يسر بإستغراب: يرتاح من إيه؟ هو في إيه؟

أدهم: كان بيتخانق هو و صفا.

يسر: أها، شكله بيحبها كان عمال يبصلها و إحنا هِناك في المطعم.

أدهم: كانوا متجوزين.

يسر بصدمة: بجد! أومال مالهم بقى متخاصمين؟

أدهم بسخرية: يا بت بقولك كانوا متجوزين! همَّ دلوقتي مطلقين.

يسر بشفقة: يا عيني، شكله زعلان.

أدهم: هو يستاهل و كل حاجة؛ بس صعبان عليا، بس برضو هو اللي غلطان!

يسر و هي تنظر له بتتضيق عين: كل الرجالة غلطانين يا حب.

ضيق أدهم عينه: الحلوة بتلمح لحاجـة!

يسر و هي تشير لنفسها: ماحصلش! كل واحد عارف هو عمل إيه!

أدهم: امم. بتلمح لاء و بقلب جامد كمان.

يسر: إنزل شوف حسام يا عم حرام!

أدهم: سيبيه، أنا حاسس بيه جربت قبل كـدا الموضوع دا.

يسر بتوتر و ندم قليل: طب خلاص براحتك، ما دام أنتَ حاسس ف خلاص.

صمتت قليلًا ثم قالت بمرح: بس أنتَ عارف؟ مافيش حاجة مودياك في داهية غيـر إحساسك دا و…..

لم تنهي كلاماتها و كانت قد جرت بسرعة من أمامه، و هو يجري خلفها بغضب.

أدهم بغضب: تعالي بقى أنا ساكتلك من الصبح.

يسر بضحك: و الله أسفة ماكنتش أقصد و الله.

أدهم بصراخ: ماكنتيش تقصدي إيه! أنتِ عمالة تحرقي في دمي من الصبح!

يسر و قد أمسكها أدهم: خلاص، أخر مرة.

أدهم بغضب: هه! أخر مرة إيه؟ يا حبيبتي أنتِ كدابة قد الدنيا.

يسر ببرود: معلش يعني! و هي الكدابة هاتتجوز إيه؟ غير كداب شبهها!

أدهم و هو يمسكها من خصلات شعرها و يقول بغيظ: عيدي كـدا تاني.

يسر بألم: أنتَ قلبت جد كدا ليه؟ أنا بهزر!

أدهم بوعيد: و رحمة أمي يا يسر لو ما احترمتي نفسك لأزعلك.

يسر بألم و ببكاء: خلاص حاضر، أنا أسفة، أنا عارفة إني غلطانة، أسفة و مش هاعمل كدا تاني.

أدهم و هو يقبل خدها بإبتسامة: شاطر يا حبيبي، هات بوسة بقى.

إبتعدت يسر عنه و ذهبت للفراش: لاء أنتَ مخاصمني و أنا مخصماك.

أدهم: تعالي بس و هاصالحك.

يسر بخجل: أدهم إبعـد!

أدهم و هو يأخذها في أحضانه: و بعدين معاكِ!

يسر: بس إحنا مش في بيتنـا و كدا غلـط و….

أدهم مقاطعًـا إياهـا بحُـب: بطلي كلام أنتِ بس.

……………………………………

– أنا عايـزة أفهم حاجة واحدة بس! إنتوا ماشيين ليه ما إنتوا قاعدين؟

أدهم بإبتسامة و هو يضمها: خلاص يا تيتا المشاكل إتحلت و أوعدك هانبقى نيجي تاني كل فترة.

– يا ابني ما إنتوا قاعدين! خليك قاعد بقى!

أدهم: يا تيتا هاتعيطي و لا إيه؟ إنتوا بقى اللي المفروض تيجـوا عندنا و لا إيه؟

يسر بتأكيد: أيوة، إحنا جينا يبقى دوركوا إنتوا اللي تيجوا.

– ماشي يا بنتي، هانبقى نيجي إن شاء الله في فرحكوا، أه صحيح إنتوا مش ناويين تعملوا فرح؟

نظر أدهم ليسر الواقفة بخجل بخبث و هو يغمز لها.

أدهم بإبتسامة: هانعمل إن شاء الله بس إنتوا تيجوا قبلها.

– طبعًا يا حبيبي، علشان نعمل و نجهز معاكوا.

رحمة: يــاه يا جماعة أخيرًا هالبس سواريـه!

حسام و هو ينظر لصفا بخبث: أكيد يا رحمة، شوية كدا و هايبقى عندنا بدل الفرح إتنين.

رحمة بأمل: يــاه.

أدهم بجدية: تعالى يا حسام بـرا عايزك.

حسام: تمام، تعالى.

_ في الحديقة _

أدهم بجدية: أنا شوفت اللي حصل بينك و بين صفا من أسبوع و سكت.

حسام بإحراج و برود في ذات الوقت: و إيه يعني مراتي و أنا حر معاها!

أدهم: كلنا عارفين إنها طليقتك ف ماتحورش!

حسام: مش بحور شوية و هاتجوزها!

أدهم بهدوء و تعقل: حسـام إسمع! أنا واقف بتكلم معاك دلوقتي مش علشان أتخانق، أنا واقف علشان أنصحك! أنا تقريبًا شبه مريت بنفس التجربة ديه و طلعت منها خسران و مانصحش حد بيها، صفا مش هاتسامحك لو فضلت تتعامل معاها بالعنف ده! الستات مش بتيجي بالعنف، لو فعلًا بتحبها بجد و عايز ترجعلها خليها تسامحك و ماتستسلمش! فاهم؟ أنا قولت اللي عندي و ماشي.

كاد أن يذهب لكن نادى عليه حسام، التف أدهم ف ذهب إليه حسام و احتضنه.

حسام: شكرًا إنك وقفت معايا، كل اللي هِنا ماحدش فاهمني و لا عارف أنا حاسس بإيه! و لا فاهمين إني أتغيرت و عايزها ترجعلي.

أدهم: أنا معاك و جمبك و لو عوزت حاجة رن عليا، و هاتلاقيني في ضهرك علطول.

حسام بصوت عالي و مرح: أخــويــا.

أدهم ضحك ثم ودع الكل و ذهب هو و يـسر عائدين لمنزلهــم.

……………………………………

_ في السيارة _

أدهم: إتكلمتي مع صفا؟

يسر بإبتسامة و هي تتذكر ما قالته: أيـوة.

Flash Back…

سمعت صفـا طرقات على باب غرفتها ف أذنت للطارق بالدخول.

يسر بمرح: السلام عليكم يا أهل الغرفة.

صفا بضحك: و عليكم السلام و رحمة الله و بركاته، خشي خشي.

يسر: عاملة إيه؟

صفا: الحمد لله، ماشيين برضو؟

يسر: أيوة، الأزمة إتحلت الحمد لله و راجعين.

صفا: تعرفي إني حبيتك أوي؟

إبتسمت يسر بخجل ف قالت صفا بصوت عالي: يا اختي بيضة! دا إحنا بنتكسف.

يسر بضحك: بس يا بت ماتحرجنيش!

صفا بضحك: خلاص، خلاص.

يسر: المهم؟

صفا بتساؤل و استغراب: المهم؟

يسر بإبتسامة: هو أنتِ بتحبي حسام؟

صفا: إيه اللي فتح الموضوع دا بقى؟

يسر: هو بيحبك على فكرة، و أدهم قالي إنكوا يعني كنتوا متجوزين.

صفا: أيوة كنا، بس دا مش بني أدم يتحب كنت غلطانة.

أمسكت يسر يدها: ليه بس؟ دا شكله بيحبك، ممكن تديله فرصة؟

صفا بضيق: دا دمرني! مش بحبه و بكرهه، و مش بطيقه.

بدأت يسر بالضحك فجأة و هي تقول: عارفة؟ أنا كنت بقعد أقول كـدا لأدهم برضو، بس بيبقى في قلبي عكس كدا، ف أنا فهماكِ نـاو.

صفا: بخ! إنكشفت؟

يسر: أيوة، أنتِ ممكن تديله فرصة؟ مش تسامحيه علطول بصي خليه يلف حوالين نفسه كـدا ماتسيبهوش! مش أنتِ بتحبيه؟

صفا بخجل: أيـوة.

يسر بإبتسامـة: يبقـى خلاص.

Back.

أدهم بسخريـة: لففيـه حواليـن نفسـه! نينينـي!

يسر مقلدة إياه: أيوة! نينينـي!

ضحك أدهم ثم قالت يسر بتمثيل: هانوصل إمتى؟ أنـا حـران يا كابتن! حران!

أدهم: طب و التكييف اللي شغال دا إيه؟

يسر بسخرية: مش بيجيب! مش بيجيب!

أدهم بضحك: خلاص وصلنـا أهو يا جميل.

يسر بهمس: و الله ما حد جميل غيرك! لا إله إلا الله.

……………………………………

_ بعد مرور شهرين _

الحيـاة مستقـرة بين أدهم و يسر، و لكن لا تخلو من مقالبهـم، تـارة تنتهي بضحك و تـارة تنتهي بغضب و صراخ.

و لكن هل الحيـاة تستمـر ورديـة إلى الأبد؟

أدهم بإرهاق: يـسر تعالي عايزك؟

يسر و هي تتحدث من المطبخ: نعم يا حبيبي؟

أدهم و هو يرفع صوته لتسمعه: بقولك تعالي عايزك في موضوع؟

يسر بطاعة: حاضر، ثانية و جاية.

بعد ثواني أتت إليه يسر و تحمل عصائر.

يسر و هي تمد يدها بالعصير: إشرب دا شكلك تعبـان.

أدهم و هو ينام على قدمها: أيوة تعبـان.

يسر بقلق: مالَك؟

أدهم بإرهاق: مش عارف أتأقلم هِنـا! الحال مش متظبـط!  و الشغل واقف، و الشركة نزلـت في السوق على الأخر من قبل ما تطلع حتى.

يسر: شوية و كل حاجة هاتتظبط إن شاء الله، أنتَ بس علشان بقالك شهرين ف الحال لسه واقف، إنما شوية و هاتتعرف و يجيلك شغل.

أدهم بيأس: شكلها مش باين كـدا.

يسر: طب إشرب العصير دا طيب؟

أدهم: حاضر.

يسر: أجيب لك تاكل؟

أدهم: ماشي، هاتي علشان أقوم أشوف حل في الشغل دا.

يسر بقلق و هي تمسك يده: ما ترهقش نفسك، شوية و هاتتحل إن شاء الله، ما ترهقش نفسك علشان صحتك و علشان تبقى فايق و تعرف تشتغل.

أدهم: ماشي، الحمد لله.

ذهبت يسر تحضر الطعام و أدهم ينظـر في أثرهـا بغموض و هو يقول بحزن.

– شكلنـا كـدا مش مكتوب لنا نعيش زي الناس الطبيعية، و اللي بفكـر فيه هايوجعك.

……………………………………

مـرَّ شهر أخر و الحال على ما هو عليه، و تفكير أدهم في ذلك الموضوع يكبر بعقله، و قد كان.

قرر مصارحة يسر بالموضوع و الأمر يتوقف عليها.

أدهم: يسـر.

يسر: نعم يا أدهم.

أدهم بجمود: الحال مش متظبط و لا هايتظبط.

يسر بأمل: يا حبيبي هي فترة و….

أدهم مقاطعًا بجمود: هاسـافر.

يسر بصدمة و ألم: إيه؟

أدهم: هاسافر، مش عارف أعيش هِنا إتعودت على هِنـاك!

يسر بألم: على الغُربـة و الهجرة و الفراق!

أدهم: غصب عني! بس مش هاروح لوحدي و أكرر الغلط المرة دي، أنتِ هاتيجي معايـا.

يسر بجمود: و لو قولت لاء؟

أدهم بهدوء: يبقى أنتِ اللي بتفرقينا المرة دي!

يسر بسخرية: أنتَ مقرر بقى؟

أدهم بتعب: حاولت أعيش و أتأقلـم ماعرفتش! مجرد إني ماعرفتـش!

يسر: هاتسيبني تاني يا أدهم! هاتسيبني تاني و تالت و رابع و عاشر، فعلًا اللي ساب مرة هايسيبك مِيـة.

أدهم بأمل: و أنا بقولك هاتيجي معايا مع بعض نعيش هِناك! مكاني مش هِنا!

يسر بدموع: قولتلك فتـرة و هاتعدي! إصبـر!

أدهم: و أنا تعبت!

يسر: الصبر مفتاح الفرج.

أدهم: هاتيجي؟

يسر بجمود و هي تذهب: مش جايـة.

ذهبت يسر للمرحاض و أغلقت الباب خلفها، جلست وراء الباب على الأرضية تبكي بشهقات مكتومة و هي متكومة على الأرض بوضع الجنين.

قالت بألـم و هي تضع يدهـا على فمها تكتم صوت بكائهـا: أه لـو تعـرف إني كنـت جايـة أقولـك أنـا حامـل! كسـرت فرحتـي يا أدهـم، كسرتهــا.

| لـم تكن أول مـرةٍ فـراق ؛ و مع هـذا قلبي يحتـرق بلا هـوادة |

……………………………………

_ في مسـاء ليـل اليوم التالـي _

كانت يسر تجلس على الأرجوحـة تنظر للسمـاء ببكـاء، تتحدث معهـا و هي تنظر للقمـر، التي كلما نظرت له تتذكر حبيبهـا الخائن، كل مـرةٍ يجرحهـا بنفس السكيـن البـاردة.

شعـرت فجأة بإنقـباض في قلبها و دقائق و إستمعـت لصوت رنين هاتفهـا الذي لوهلـة شعرت بـه ك لحـن الـموت!

– ألــو؟

إستمعت فقط لصـوت أنفـاس أحدهـم، ف كررت حديثها.

– ألــو؟

– أنتِ زوجـة أدهم سـلامة؟

إنقبض قلبهـا.

– أيـوة!

– للأسـف الأستـاذ عمـل حادثـة و هو في مسـتشفى**** و…..

لم تستمـع لباقـي كلماتـه، و قادت سـيارتها و أثنـاء قيادتهـا و

يتبع…..