رواية 30 يوم حياة 3 الفصل الثلاثون 30 بقلم أميرة أسامة

رواية 30 يوم حياة 3 الفصل الثلاثون 30 بقلم أميرة أسامة

رواية 30 يوم حياة 3 البارت الثلاثون

رواية 30 يوم حياة 3 الجزء الثلاثون

رواية 30 يوم حياة 3 الحلقة الثلاثون

شهد…..بانهيار وقفت علي باب المدخل مش عيزاه ياصلاح عيزاك انت لو عملت اللي في دماغك ورحمه امي ياصلاح همشي ومحدش هيعرف عني اي حاجه.
صلاح…مسح دموعه خلصت يا شهد كفياني ظلم بقي..💔
شال ايدها من عليه وبعدها من الباب وفتح وجري علي بيت حاج سعيد وهي بتجري وراه وحاسه ان الدنيا بتلف بيها ومل همها تلحقه قبل ما يقول اي كلمه وبتحاول تلحقه عشان يسكت فحاولت تضعفه بكلامها.
شهد وهي بتطلع وراه
صلاح طيب استني عشان خاطري اسمعني خليها بعدين ارجوك يا صلاح بلاش ننكد عليهم في يوم زي ده بلاش عشان خاطري افتكر هيما وايهاب وفرحتهم اللي هتتكسر يا صلاح
صلاح كان بيطلع وهو كأنه في دنيا تانيه لا سامع ولا شايف غير حاجه واحده وبس انه يعترف بالحقيقه ويطلق شهد ويسبها تشوف حياتها مع حد غيره وميحرمهاش من نعمه الامومه.
شهد كانت طالعه تجري وراه وتتكعبل عالسلم وكل همها انها تلحقه قبل ما يبوظ كل حاجه.كان اهون عليها تعيش من غير ما تكون ام ولا ان رجولته تتهز كانت اكتر حد عارف قلب صلاح ونضفاته وعارفه انه بيحبها ومضايق عشان بجد اكتر ما هو مضايق عشان نفسه.
دخل صلاح زي المارد الكل حواليه فرحان وبيزغرط الكل بيتكلم وبيضحك كان حاسس انه تايه شايفهم لكن مش سامعهم وعينه كانت بتدور علي عم حسني.
دخلت بسرعه شهد مسكت الباب بايدها والدموع مغرقه وشها.الكل بص علي شهد اللي طالعه بتجري وبتنادي علي صلاح في لحظه سريعه وكانها مرت عمر بحاله علي صلاح وشهد وحسوا ان الدنيا سكتت من حواليهم.الكل سكت وبص باستغراب راح صلاح لحسني.
صلاح….عم حسني

شهد…..صلااااح 🥺🥺عشان خاطري ياصلاح
جري عليها عامر وايهاب
مديحه…اللهم اجعله خير يارب
فاطمه…في ايه ياولاد
عامر….في ايه ياشهد
شهد…بصوت واطي الحقوه عشان خاطري قيل ما يتكلم
ايهاب…يتكلم يقول ايه في ايه ياشهد😡
عم حسني….مالك ياصلاح يا ابني وشهد مالها بتعيط ليه انتوا متخانقين .
جريت عليه شهد مسكته من دراعه صلاح تعالي معايا
بعد صلاح ايدها عنه
ايهاب….صلاااااح في ايه
زين….اهدي يا ايهاب
عامر…بغضب في ايه صلاح واختي بتعيط ليه
صلاح….هقولك اختك بتعيط ليه يا عامر ومتقلقش علي اختك يا ايهاب
ايهاب….اختي متعوره في ايدها يا صلاح انت مديت ايدك عليها
شهد….لا والله لا ورحمه ماما لا انا وقعت عالسلم ابوس ايدكم اسكتوا بقي يلا ياصلاح نروح بيتنا ارجوك
الكل كان واقف مصدوم ومش فاهمين اي حاجه
صلاح….بص لايهاب تتقطع ايدي قيل ما تتمد يوم علي شهد صاحبك راجل يا ايهاب ومبيمدش ايده علي حريم
ايهاب…امال في ايه مالكم
صلاح….في ان انا وشهد مش هينفع نكمل مع بعض
شهق الجميع وحط البنات ايدهم علي بوئهم بصدمه وكل واحد تخيل سيناريوا مختلف
فاروق…في ايه ياض وكلام ايه اللي بتقوله ده انت اتجننت هي شوطه جت فيكم ولا ايه
حسني….اهدي يا حاج فاروق يا ابني فهمني في ايه لو في خلاف بينك انت وشهد ممكن تحلوه براحه
صلاح ….لا يا عم حسني مفيش خلاف بس خلاص لحد هنا ومش هقدر اكمل ولا هقدر اظلم شهد معايا اكتر من كده
شهد….بدموع وانهيار فضلت تخبط في ايده وتشد اسكت بقولك اسكت يلا يا صلاح وحيات غلاوتي عندك يلا
صلاح….بوجع عم حسني انا لما خدت شهد خدتها منك ومن اخواتها ولما هطلقها هطلقها ادامكم
عامر….بغضب تمام يا صلاح ارمي عليها اليمين بس قبل ما تعمل كده عايز اعرف اختي عملت ايه او ايه سبب الطلاق
صلاح…اختك معملتش اي حاجه شهد ست الستات عمرها ما زعلتني بس هي مش هينفع تعيش معايا يا صاحبي عشان باختصار
حطت شهد أيدها علي بوئه اسكت اسكتتتتت
شال صلاح ايدها من علي بوئها مقدرش يا صاحبي اكون ظالم واحرم اختك من الخلفه اكتر من كده
حسني….يابني دي حاجه بتاعت ربنا وبعدين مش الدكتور قال انها محتاجه شويه علاج ووقت
صلاح…..ده الكلام اللي شهد قالته ياعم حسني لكن الحقيقه ان انا اللي مبخلفش

وانا اللي طلعت واطي ومستاهلش شهد يوم ما طاوعتها في كدبتها وخليت الكل فاكر انها مبتخلفش يمكن وقتها كنت مصدوم بس والله كنت هسبها وهي مرضيتش لكن خلاص حرام اضيع عمرها معايا حرام احرمها من انها يكون عندها عيال مع واحد عمره ما هيقدر يخليها ام…. اتصدم الكل انهارت شهد فاللحظه دي وهي بتضرب فيه ادامهم كلهم اسكتتتتتت اسكتتت بقي حرام عليك كداااااب والله كداب يا بابا صلاح بيخلف العيب فيا انا حرام عليك يا اخي حرام عليك ليه عملت فيا كده ليه خرحت سرنا ليه استغنيت عني بسهوله كده انا حلفتك بغلاوتي يا صلاح قولتلك اني مش عايزه عيال
صلاح….قرب منها مسك أيدها يحاول يهديها من حاله الانهيار اللي اتملكت منها حضنها بكل قوته وباس راسها…وبصلها بدموع اسف يا شهد والله بحبك وبعمل كده عشانك انتي طا
حطت أيدها علي بوئه بسرعه ابوس ايدك متقولهاش متكسرنيش ياصلاح….متكسرنيش ياصل….وفجأه وقعت شهد فاقده الوعي بين ايده
صرخ البنات وجريوا عليها
صلاح…شهدددد شهدددد قومي ياشهد
عامر….هاتها بسرعه عالمستشفيييييي
شالها صلاح وجري بيها ونزلوا كلهم وراه طلعوا علي اقرب مستشفي.
دخلت بسرعه شهد اوضه الكشف..الكل واقف بره مصدوم البنات بيعيطوا في صمت الموقف كان يوجع ويصدم ويجرح صعبان عليهم شهد وصعبان عليهم صلاح كمان اللي كان باين علي كل حرف بينطقه الوجع والحزن دموعه لوحدها كانت كفيله تبكي الكل وهو حاسس انه نص راجل .
عامر…وايهاب وحسني كانوا واقفين هيتجننوا علي شهد
عامر…وايهاب برغم غضبهم من صلاح في الاول إلا انهم اتوجعوا لما عرفوا الحقيقه وحسوا بالوجع اللي كان حاسس بيه طول الفتره اللي فاتت..مكانش عارف عامر هو مضايق منه عالحاله اللي وصل اخته ليها ولا يزعل عشان صاحب عمره وكسره قلبه والوجع اللي في عينه.
كان مع شهد في اوضه الكشف مديحه وسهير وفاطمه.
وفجأه سمعوا زغاريط فالاول افتكروا صوت صوات المكل اتصدم ووقف صلاح بفزع بعد ما كان ساند عالحيطه
اتفتح الباب لمحوا سهير خارجه تزغرط بصولها بصدمه وهما مش فا همين حاجه
خرجت وراها مديحه وهي مش قادره تمسك نفسها من العياط.
مديحه….مبروك يا صلاح ربنا خيب ظنك فيه يا ابني ربنا رضاك شهد حامل يا صلاح..
صدمه اصابت الجميع ولجمت صلاح اللي كان واقف متصنم مش بينطق
خرج الدكتور ايهاب….طمنا يا دكتور.
الدكتور…خير ان شاء الله مبروك هي حامل تقريبا في ست اسابيع يعني ممكن نقول شهر ونص
وقف صلاح مصدوم
صلاح…ازاي ازاي
الدكتور ..انا سألت المدام قالتلي ان اخر معاد للدوره الشهريه كان من شهر والمفروض ان ده معادها بس هي يظهر حاسبه غلط المعاد فات هي كويسه الحمد لله والجنين مويس بس الضغط مرتفع جدا وضربات القلب كمان عاليه وواضح انها متأثره نفسيا بحاجه محتاج ترتاح وتهدي نفسها عشان الفتره الاولي من الحمل تعدي علي خير وبعد كده نبقي في امان انا كتبتلها علي شويه ڤيتامينات ومقويات وتحاليل تعملها

ايهاب…بفرحه بجد يا دكتور
صلاح…..بس انا مكنتش بخلف الدكتور كان قايل ان الحمل نسبته ضعيفه جدا ومحتاج علاج وقت طويل
الدكتور.. بابتسامه….وربنا اكرمك وقصر عليك المده الطويله
حاج سعيد…حكمتك يارب حكمتك يارب
الدكتور…مبروك ربنا يقومها بالف خير
فضل صلاح واقف مصدوم زين مبروك يالاااحه
عامر…بابتسامه حزن انا عايز اقتلك عاللي حصل ده بس قلبي مش مطاوعني اقسي عليك في الموقف ده بالذات
صلاح…انا هبقي اب ياعامر هبقي اب يازين
حضنه عامر فضل صلاح يعيط زي الاطفال قرب صحاب منه كلهم يهدوه ويباركوله
ادهم….بابتسامه ودموع بتلمع في عينه اجمد ياض وادخل لمراتك يلا باركلها
قربت نعمه وحاج فاروق بدموع خدوا صلاح في حضنهم حاسين بوجعه اللي كان بيحاول يخبيه
صلاح….هجبلك حفيد يا ابا
حضنه فاروق وفضل يطبطب عليه
قرب حسني من صلاح بفرحه مبروك يا لاحه
صلاح…باس ايد حسني حقك عليا يا عم حسني والله كانت صعبانه عليا
حسني …واهو ربنا طبطب علي قلبك انت وهي يا ابني
البرنس….ربنا كريم وجعت قلبي يا واطي وانت اتاريك مخبي ومدكن 😂😂
زين…..ده طلع اهبل وابنه بيستهبله مخبي عليهم انه جاي في الطريق
وطي صلاح في الارض سجد وهو بيشكر من قلبه ربنا قام وقف
زين….ادخل يلا لمراتك
هيما…يلا ياعم انجز عايزين نكمل السبوع
ضحكوا كلهم علي هيما
ده صلاح كانت شهد اعده عالسرير دموعها نازله وبتضحك بسعاده دخل صلاح من غير اي مقدمات خدها في حضنه وفضل يعيط هو وهي من غير ولا كلمه لكن فرحتهم مكانتش تتقدر بأي مال في الدنيا..
❣️❣️❣️❣️❣️❣️❣️

عدي 3 شهور علي حارتنا حجات كتير اتغيرت اولهم كانت حيات صلاح وشهد وفرحتهم اللي كانت باينه علي ملامحهم
شغل شهد بيكبر
صلاح ولاحه قرروا يوضبوا القهوه وحولوها لقهوه تواكب العصر بطريقه شبابيه (كافيه)😉
عامر…قدر يحقق نجاح كبير وبقي من اهم المطربين الشباب كمان ايهاب نزل لبه اول البوم كسر الدنيا وشعبيته زادت اكتر انس كمان شغله بقي احسن حياته اتغيرت اكتر سواء مع سهر او في شغله ومنتظر معاد نزول اول البوم عشان يقدر يحتفل بنجاحه..
اخيرا اجتمع كل شباب ورجال الحته واتعاونوا وحطوا ايدهم في ايد بعض

وظبطوا حارتهم من كل مشكله كانت بتواجهها ظبطوا الصرف ظبطوا الانوار في الشارع سفلتوا الارض وحطو بين كل كام بيت باسكت كبير للقمامه حطوا زرع في كل مكان..حط عامر وايهال ايدهم في ايد بعض وجددوا مسجد حارتهم علي حسابهم الشخصي رمموه وجابوا سجاجيد جديده وظبطوا الحمامات فيه وركبوا مراوح وتكييفات وخلوا الارضيه بتاعته كلها رخام واتحول المسجد القديم لمسجد جديد واتحولت الحاره لجنه بناسها
قرر عامر انه ياخد محل كيمو وينفذ فيه الفكره اللي كانت في دماغه بقالها وقت طويل وضب المحل وفتحه من جديد نفس شغل كريم للاكل والسندوتشات وفتح باب رزق لشابين من الحاره
وقرر ان الربح اللي هيطلع جزء منه تكون اجور الشباب اللي شغاله وباقي الفلوس كلها هتطلع لله صدقه جاريه علي روح كريم
حط عامر المجسم الخشب اللي عمله في فرحه علي دخله باب المحل عشان يفضل كريم موجود بينهم ويفضل هو احلب حاجه كان بيشوفها جوه المحل…
رجعت الحياه للحاره من جديد لكن بتجديد خارجي وداخلي الكل كان طاير من السعاده احلام بتتحقق وحب بيكبر ومكان بيشع حياه .
ولدت شمس وولدت وجابت بنت فيها شبه كبير من منار سموها…(مكه)وولدت مريم جابت ولد ملاك يشبه يوسف ومريم وواخد من كل واحد فيهم احلي ما فيه…وسموه (إبراهيم) علي اسم والد يوسف و لكن بفرق اسبوع بين كل واحده لكن قرروا يعملوا سبوعهم هما كمان سوا..
وكان اليوم هو التجمع المعتاد علي سطح بيت حاج سعيد عشان يحتفلوا بالسبوع…
الكل اجتمع وابتدوا يوزعوا السبوع بفرحه ولكن المرادي الفرحه الاكبر كانت من نصيب شهد وصلاح اللي حضروا مناسبه من غير حزن
روحيه…كانت طايره من الفرحه وواخده الولد طول الوقت في حضنها وكأنها علي درايه كامله بالموقف وكأن روحها ردتلها بمجرد ما شافت حفيدها اللي اتسمي علي اسم حبيبها.
اتجمعوا كلهم عشان ياكلوا مع بعض ويحتفلوا
صوت ضحكهم وحكايتهم كانت مسمعه الكل وكأن السطح ده اتبني مخصوص عشان يوثق اهم المناسبات ويحكي احلي الحكايات ويطلع من قلوب نضيفه ضحكه صافيه توصل من القلب للقلب…وجدرانه تدندن احلي الاغاني لاحب الاصوات.
اندمج المل وبعد الاكل شغلوا الاغاني واحتفلوا بفرحه
وفجأه وبدون مقدمات قطع صفو التجمع 😂😂😂😂🙈
عمر
دخل عمر بسرعه عالسطح.
وهو بينادي بصوت عالي
عمر…ياعم زين الحق ياعم يوسف بسرعه..
سكتوا كلهم وبصوله..

زين…عمر والحق بسرعه مع بعض….يبقي في مصيبه في ايه ياض
عمر….الحق ياعم چو لمحت خالتي روحيه علي اول الشارع خارجه بتجري ورا العيال اللي معاهم سبوع حاولت اوقفها وارجعها ضربتني بالشبشب جريت عشان اقولكم تلحقوها قبل ما تخرج من الشارع.
بصوا الشباب لبعض كلهم وهما بيضحكوا..
تاااااااااااني ياروحيه🥴
زين…الحق امك يا يوسف
🏃🏃🏃🏃🏃🏃🏃🏃🏃
وابتدت رحله بحث جديده عن روحيه.
😂😂😂😂
تم بحمد الله وفضله🙏❣️

لقراءة باقي حلقات الرواية اضغط على (رواية 30 يوم حياة)