رواية حب غير مكتمل الفصل الأول 1 بقلم نشوة عادل

رواية حب غير مكتمل الفصل الأول 1 بقلم نشوة عادل

رواية حب غير مكتمل البارت الأول

رواية حب غير مكتمل الجزء الأول

رواية حب غير مكتمل الحلقة الأولى

-طنط ممكن تودينى عند مامى وبابى انا خايفة اوى ومش عارفة اروح ليهم
كنت واقفة بالمول مستنية واحدة صاحبتى عشان احتفل بعيد ميلادها وكنت ماسكة بايدى البالونة ولقيت البنوتة القمر دى جات وقالتلى كده وهى بتعيط وبترتعش من الخوف نزلت لمستواها وقولت: اهدى يا قمرايتى اسمك ايه؟!
البنوتة: اسمى سيدرة وانتى
…….: الله اسمك حلو اوى يا حبيبتى انا كنت ناوية لما اتجوز واخلف بنوتة اسميها سيدرة ع فكرة انا بقا اسمى رهف
سيدرة: اسمك حلو خالث
كنت مركزة اوى فى عيونها ملامحها الطفولية مألوفة بالنسبة ليا كنت ببتسم تلقائى وانا متخيلة شخصى المفضل فيها لقيتها بتقولى: هتودينى لبابى
رهف: طبعا يا روحى تعالى معايا
سيدرة بخوف: انتى هتخطفينى زى الناس الوحشين اللى مامى قالتلى عليهم ؟
رهف: لا يا قلبى متخافيش انا مش هعمل كده
سيدرة: بس مامى قالتلى متروحيش مع حد غريب عشان ميخطف.كيش ويقت..لك
رهف بضحك: لا يا قلبى متخافيش احنا هنروح لعمو بتاع الامن اللى ع البوابة وهو هينده بالميكرفون عشان بابا وماما يسمعوه ويجوا ياخدوكى
سيدرة بفرحة: اشى يالا بسرعة
فى مكان تانى داخل المول …. بنت شابة بهيستريا عياط: بنتى يا شريف انا عاوزة بنتى هاتولى بنتى
شريف بغضب: اخرسى بقا انتى السبب انتى اللى مهملة
……..: كفاية بقا حرام عليك اهملت فى ايه احنا كنا قاعدين فى الديسكافارى كلنا ولابسين النضارة ولما خلصنا ملقنهاش جنبنا انا ذنبى ايه ؟
شريف : خلاص اهدى بقا يا منة خلينى اتصرف
اتجه شريف للامن اللى ع البوابة وقال: لو سمحت انا بنتى تاهت مننا
الامن: طيب كنتم فين او كانت لابسة ايه؟!
قبل ما يجاوب شريف سمعوا صوت : الاستاذ شريف الشبراوى عليك التوجه لبوابة مدخل رقم ٣ لاستلام ابنتك سيدرة
بمجرد ما سمع شريف ومنة الصوت جريوا بسرعة ع مكان البوابة واول ما شافتهم سيدرة جريت عليهم وكانت الصدمة ان منة ضربتها بالقلم: يا حيوانة وقعتى قلبى
سيدرة عيطت بوجع وشريف وقف قصاد منة وبغضب: قولتلك مليون مرة حسك عينك تمدى ايدك عليها انتى ايه مبتفهميش قسما بالله لولا اننا بمكان عام كنت عرفتك حدودك كويس
منة بعياط: انا كنت هموت من الخوف عليها انت عمرك ما هتحس بوجع قلبى
شريف: ومحسش ليه هو انا مش ابوها وخايف عليها زيك واكتر منك ع العموم كلامنا فى البيت مش هنا … بص للامن وقاله: شكرا جدا
الامن: العفو الشكر للانسة دى هى اللى جابتها لهنا
لف شريف وشه ليها وقال: شكرا لحضر……….
مكملش كلامه من صدمته وسعت عيونه اول ما شاف رهف اللى كانت بتبادله النظرات بنفس الصدمة والدموع متجمعة بعيونها وفى عقلها مليون سؤال فاقت ع صوت سيدرة وهى بتمسك ايد شريف: بابى طنط دى طيوبة خالص بص جابتلى الشوكليت والبالونة دى
منة بامتنان: شكرا جدا ليكى انتى رجعتيلى روحى
رهف بحزن ودموع: لا ابدا انا معملتش اى حاجة ربنا يباركلك فيها
منة: تسلمى يلا عشان نروح
مسكت ايد سيدرة ودراع شريف عشان يمشوا لكن سيدرة وقفت وقالت لابوها: بابى هات فونك
طلع شريف فونه واخدته سيدرة وراحت لرهف وقالت ليها: طنط ممكن ناخد سيلفى عشان افضل فكراكى ومتنسيش لما تخلفى بنوتة تسميها سيدرة
رهف بدموع نزلت لمستواها واتصورت معاها باستها سيدرة من خدها ورجعت لابوها وامها …. وصلوا عند العربية وركبوا
شريف: انا نسيت اشترى حاجة من جوة ثوانى وراجع
نزل جرى من العربية وراح للمكان لكن رهف مشيت سأل الامن عنها لكنه قال انه معرفش هى راحت فين فضل يجرى زى المجنون بيدور عليها لحد ما شافها واقفة ادام فستان عروسة وبتعيط وووووو……….

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية حب غير مكتمل)