رواية شيء من الماضي (احببت مجنونة 2) الفصل الثامن عشر 18 بقلم نجمة براقة
رواية شيء من الماضي (احببت مجنونة 2) الفصل الثامن عشر 18 بقلم نجمة براقة
رواية شيء من الماضي (احببت مجنونة 2) البارت الثامن عشر
رواية شيء من الماضي (احببت مجنونة 2) الجزء الثامن عشر
رواية شيء من الماضي (احببت مجنونة 2) الحلقة الثامنة عشر
بيت انور
انور _ حبيبتي عامله ايه دلوقتي
مريم _ كويسه، ايه فين الاسكتش انت نسيت تاني
انور _ لا يا مصلحجيه جبتهم، استني كده، بيفتح الشنطه،
اهم تلاته اهم يارب يكون معانا بيكاسو مش بنضيع فلوسنا علي الفاضي
مريم _ انا هبهرك، استني كده شوف رسمتي الجديده
انور _وريني،… اوه بصي انا حاسس اني شفته قبل كده بس مش عارف في ايه جنينة حيوانات
مريم _ جنينة حيوانات ايه ده مش حيوان ده انت
انور يبتلع لعابه_ مش حيوان دا انت انا مش عارف افرح انك رسمتيني ولا اقطع الرسمة دي عشان بتلبخي في الكلام
مريم _ ههههه اسفه، بس ايه ده لمين الاسكتش التاني ده والالوان
انور _ ليه انا في حآجه
مريم _ ودا من امتي
انور _ من ساعة ما شوفت صورتي اللي رسماها قررت اتعلم وارسم نفسي احسن
مريم _ ههههه برافو ايوه اتعلم علشان ننافس بعض
انور _ اووكي انا مستعد،، امال الست دي مجتش ولا ايه
مريم _ لا لسه كلمتني وقالت انها مشغوله مع ابنها اصله تعبان اوي
انور _ خلاص خليها معاه وانا هجبلك غيرها مش هينفع كده
مريم _حبيبي انت من يوم وفاة بابا وماما بقيت فاضي محسسني اني هيا’كولني الكل’ب خلاص انا مبقتش صغيرة اقدر اعتمد على نفسي
انور _ مرريم مش هنبتدي كلام في نفس الموضوع انتي مينفعش تقعدي لوحدك
مريم _ يوووه طيب ما تجوز انت وتيجي عروستك تقعد معايا
انور _ يعنى يرضيكي اتورط بواحده تقولي في الرايح والجاي خد الزباله في ايدك وهات لحمه وخضار ومتنساش السكر يرضيكي يعني
مريم _ ههههه طيب وايه يعنى طيب ما دي سنة الحياة
انور _ سنة الحياه انت وصلتي لسنة الحياة كمان، طيب قومي ارسمي علشان انا مش فاضي
في المستشفي
جودي _ خد
مراد بزهق_ لا شكرا
جودي _ انت مكالتش حآجه خالص كده هتتعب
مراد _ مش جعان
جودي _ بابا قال انك لازم تاكول ولو جه وعرف انك مكلتش هيزعل
مراد _ جودي بالله عليكي خلاص انا مش جعان كليهم انتي
جودي _ طيب خلاص بلاش اكل، ممكن تهون علي نفسك شويه
مراد بخنقه_ انتي مش عارفه انا حاسس ب ايه دلوقتي
جودي _ حاسه وفاهمه وصدقني هو هيكون كويس انت ملكش ذنب
مراد _ اه صح انا يدوب ضر’بته بالر’صاص
جودي _ طيب ممكن تقعد رجليك هتوجعك كده
مراد _ انا مستني كده لغيت ما يصحا
جودي تمسك ايده بحنان وتوقف جمبه
مراد يبصلها _ عارف انه مش وقته بس انا بجد عاوزك تحضنيني
جودي _ ايه
مراد _ خلاص انسي
جودي بجديه_ تعاله عاوزاك
مراد بخنقه _ انا اسف مش عارف بقول ايه بس حاسس اني مخنو’ق
جودي تشده من ايده وتروح بيه بعيد عن الناس
و بحب واحتواء تحضنه بشده
وهو يضمها ويبكي من غير صوت
جودي بحنان_ انت عارف انا حاسه اننا هنرجع هناك نلاقيه فاق وهياخدك في حضنه كمان
مراد يبعد عن حضنها وبخنقه _ مفتكرش ان ده ممكن يحصل مش سهل ان يتقبل ان ابنه يعمل فيه كده
جودي بحب تمسحلو دموعه _ مستحيل يزعل منك صدقني هو دلوقتي نفسه يشوفك انت بذات
مراد بشرود _ يارب يفوق ويكلمني عشان لو حصله حآجه انا همو’ت نفسي مقدرش اعيش طول عمري وانا شايف اني قت’لت ابويا
في غرفة مصطفى
يبتدي يستعيد وعيه وبتعب يبص حواليه يلاقي نفسه في غرفة مستشفى وحوليه أجهزة ومتركبلو محاليل
مصطفى بصوت يكاد لا يسمع _ مراد.. انا فين لكن مفيش حد جمبه، وبعدين يحاول يقوم من علي السرير بالعافيه ويسند علي الحيطه بتعب شديد، وفجاه بيدوخ ويوقع
مي برا الغرفه تسمع صوت خبطه ف تفتح الباب بسرعه وتلاقيه واقع علي الأرض
مي تجري عليه و بصوت عالي_ مراااد، ايه وقعك كده، ياااسمين مراد حد يلحقني
ياسمين بتيجي جري عليها تلاقيها قاعدة جمبه وهو مفتح عنيه بس تعبان مش قادر يقوم، بتجري تنده الدكتور
مراد يسمع الصوت ويجري عليهم
بيدخل الغرفة هو وجودي يلاقوه واقع على الأرض و مي حاطه رأسه علي رجلها وبتبكي
مي_ مراد الحقني
مراد يشيله علي ايديه ويرجعه تاني السرير _ ايه اللي نزله… بخوف،،، درش انت سمعني
مصطفى بتعب شديد يفتح عنيه بالعافية ويبتسم ابتسامه خفيفه
مراد بفرحه ودموع _ ماما ده فاق، مصطفى انت سامعني، ماما والله فاق بصي يا جودي مفتح عنيه صح
جودي ببكاء_ ايوة فعلاً
مي ببكاء_ مراد انت سامعني يا حبيبي
مصطفى يمسك ايد مراد وبصوت متعب _ حبيبي وحشتني يا اهبل
مراد ببكاء وضحك في نفس الوقت _ انت فوقت بجد، انا اسف والله انا اسف، بيمسك ايده يبوسها ويسند راسه على حضنه ويبكي… والله مكنتش اعرف انك بابا
مصطفى بوجع_ اااه
مراد بخوف _ مالك
مصطفى بتعب_ دوست على الجر’ح بس انا كويس ومش زعلان منك
مراد بدموع_ انا اسف مخدتش بالي، جودي استعجلي الدكتور
تاني يوم في شركه ياسين
بيدخل رياض الشركه ويدور علي صبا اللي مشفهاش من امبارح
رياض _عم محمد مشفتش صبا فين
محمد _ لا والله بس هي جت امبارح ومشيت تاني
رياض باستغراب _ يعني ايه، تكون تعبانه طيب
محمد _ معرفش
رياض _ طيب ياعم محمد اتفضل انت…. خير معقول يكون الزفت ده ضا’يقها تاني
في مكان اخر
انور بيدخل البيت وفي ايده اكياس
بيسيبهم في المطبخ ويروح عند صبا بيلاقيها نايمه وشكلها مجهد من العياط، بيقرب منها ويبصلها يلاقي خدها ازرق من الق’لم اللي ادهولها
انور _ لحق يزرق كده،، انتي قومي
صبا تقوم بفزع _ انت
انور _ ايوه انا قومي مش لكنده هي، يلا عشان تفطري وصحتك تستحمل اللي هيحصل بالليل
صبا ببكاء وبترجي_ حرام عليك وحياتك أغلى حآجه عندك تسيبني ترضا يحصل كده لحد من اخواتك
انور بغيظ يضر’بها قلم تاني_ هو انا اختي هتكون زيك ليه، طيب انتي ر’خيصه هي لا
صبا تحط ايدها علي خدها وتبكي _ منك لله ربنا ينتقم منك
انور بغيظ_ انتي بتدعي عليه، ماااشي كله هيطلع عليكي بالليل ويروح يجيب كيس كبير من اللي جايبهم ويطلع كل اللي جواه
انور _ القميص ده اجي الاقيكي لابساه
صبا بذهول_ انت اكيد مجنون، فكني احسنلك والا والله اقت’لك
انور _ اوووه القطه بقت تخربش، طيب وريني كده انا اهو جمبك وادي ياستي الكلبش اهو نفتحه، اهو يلا بقيتي حره
صبا بغيظ ترفع ايدها علشان تضر’به لكن بيمسك ايدها ويرميها علي السرير ويقرب منها ويثبت ايديها الاتنين
انور _ قويه اوي فعلاً، طيب ما تيجي اللي كنا هنعملو بالليل نعملو دلوقتي، وهو نشوف قوتک کویس بيقرب منها اكتر وفجاه بتضر’به بركبتها تحت الحزام
انور يقع على الأرض ويتو’جع من الضر’به
صبا بانفعال تضر’به تاني برجلها _ يا حيو’ان يا زبالة، وربنا لا ابلغ عنك
انور بوجع_ ااه انا هوريكي يا ر’خيسه
صبا بتجري بسرعه وتحاول تفتح باب الشقه لكنه بيلحقها قبل ما تفتح
انور _ انتتي ليه مش عاوزه تقتنعي انك خلاص مش هتخرجي من هنا تاني،، بيكتفها بايده،،، اهدي اهدي متحاوليش عشان مش هتقدري
صبا _ سيبني احسنلك
انور يزقها علي الحيط ويثبت بايديها ويبصلها في عنيها بحده _ انتي عارفه طبعا ان الشيطا’ن شاطر وانا بقوله لا يا شيطان دي بنت ناس ومحجبه يعني مينفعش اعمل فيها اللي بتقوله ده، يقولي بس جرب هتعجبك اوي وبصراحه كده انا اقتنعت بكلامه ويبتدي يقرب منها وهى تغمّض عنيها وتبكي
صبا ببكاء_ الله يخليك بلاش ونبي وحياة اغلي حآجه عندك ما تعمل فيه كده
انور يحس بضعف وان حآجه منعاه، يسيبها ويبعد عنها _ ماااشي انا هسيبك دلوقتي علشان انا اصلا مش فاضي والحاجات دي بتحتاج وقت كبير
صبا بدموع_ انت عاوز مني ايه دلوقتي، لو كان اللي في بالك ما في بنات كتير مستعده الله يخليك سيبني انا اهلي لما يسمعو هيمو’توني بسببك
انور _ وهما مربوكيش ليه من الاول، ثم ان البنات المستعده دی انا مش عاوزهم انا بحب الحلویات المغلفه اکتر.. بيمسك كيس تاني ويطلع منه اسكتش رسم واقلام،.. خدي دول ارجع الاقيكي رسمالي صوره وتكون حلوه زي صورة رياض كده تعرفي ولا انتي تخصص ناس معقده
صبا بغيظ _ انت اللي معقد ياريتك في ربع اخلاقه مش واحد ملوش اهل يربوه زيك
انور _ لااا دا انتي قعدتك معايا قوتك اهو، اشكريني طيب واخلصي ارجع الاقي الرسمه جاهزة وتكون حلوه علشان نفسي تتفتح واعرف اشتغل بالليل وبز’عيق… امسسسكي
صبا بخضه تمسك منه _
انور_ شاطره اوى، الاكياس دي فيها اكل، وهدوم… اه ومتحاوليش تهربي عشان مش هتعرفي خالص
صبا لنفسها_ حسبي الله ونعم الوكيل فيك يا حقي’ر
انور _ اشت’مي اشت’مي في سرك لغيت ما تو’لعي. ويخرج ويقفل الباب عليها بالمفتاح
انور _ كان لازم از’لها انا مش عارف ايه مانعني اعمل فيها اللي انا عاوزه، سهله كله هيتم غصب عنها.
في بيت هشام
بيجي يوسف ويرن الجرس
رودينا_ اكيد خالي وجودي رجعو بتجري بفرحه عشان تفتح ف تلاقي يوسف قدامها
يوسف بإبتسامة_ صباح الخير
رودينا _ صباح النور في حآجه ولا ايه
يوسف_ ايه مش هتدخليني
رودينا_ اسفه بس مفيش حد في البيت
يوسف_ روحو فين كلهم
رودينا_ خالي وجودي ومرات خالي راحو اسكندريه وماما راحت تجيب حاجات من السوبر ماركت
يوسف_ طيب ممكن تيجي نقعد في الجنينة شويه
رودينا بارتباك_ م ماشي اتفضل
بيتمشو في الجنينة مع بعض
يوسف_ هو في حاجه حصلت مع عمي عشان كده راحو اسكندريه كلهم؟!
رودينا_ لا بس راحو يشوفو حد قريبهم تعبان
يوسف_ تمام ماشي
رودينا_ انت قاعد لوحدك؟
يوسف_ ايوه بحكم شغلي، وبابا وجني قاعدين في اسكندريه علشان الشغل ودراسة جني
رودينا_ مش بتخاف لوحدك
يوسف بإبتسامة_ علي اساس ان ابو رجل مسلوخه هيطلعلي من تحت السرير
رودينا _ لا بس القعدة لوحدك تخوف اكيد أفرض شفت كابوس مثلا او حر’امي دخل عليك
يوسف_ ههههه لا مفيش حراميه عندنا وبنسبه للكوابيس والاحلام ف انا تقريباً من سنين محلمتش غير امبارح
رودينا _ وه هو في حد مبيحلمش
يوسف_ لا طبعا بحلم بس بصحا مش فاكره
رودينا_ طيب وايه كان حلم الليله عشان تفتكره
يوسف بإبتسامة_ مش هقولك
رودينا_ لا بجد قول ولا انت من بتوع الاحلام بتتحسد وكده
يوسف_ ههههه لا خالص بس لو قولتلك ممكن تضحكي عليه
رودينا_ مش هضحك بس قول
يوسف يبصلها بتأمل _ حلمت بيكي انتي
رودينا بارتباك_ ط طيب كان ايه
يوسف_ ههههه كنتي بتجري ورايا وف ايدك ازازة مية نا’ر
رودينا_ ههههههههههههههه بتهزر صح قول انك بتهزر
يوسف_ لا بجد
رودينا_ ههههه يابني عليك ربيتلك الخفيف
يوسف بإبتسامة شارده_ صح انا علي طول خايف تطلعيلي لدرجة بحس انك حوليا حتي انا ونايم
رودينا بارتباك _ متخفش مش هطلعلك..
يوسف_ اممم هو انا ممكن اعزمك علي فسحه
رودينا_ فين يعني
يوسف _ المكتبة في كتب عاوز اجيبها واكيد انتي كمان عاوزه كتب جديدة
رودينا _ بس ماما مش هتوافق
يوسف _ انا هقولها واكيد هتوافق بس وافقي انتي الاول
رودينا _ طيب لو وافقت تمام نروح
يوسف اوكي وبالمناسبه تعالي نعمل تبديل، انتي تختاريلي كتاب اقراه وانا كمان اختارلك كتاب تقريه
رودينا بإبتسامة _ مواافقه اوي بس يارب توافق،
يوسف _ اهي جت اهي
رودينا _ بقولك ايه انا مليش دعوه لو زعقتلي
يوسف _ متخافيش مش هتزعق
ملك بتيجي وتلاقيهم واقفين مع بعض _ يوسف؟! جيت امتي
يوسف _ لسه حالا عامله ايه
ملك _ الحمدلله بخير، تعاله اتفضل جوه
يوسف _ مش دلوقتي خليها وقت تاني، المهم دلوقتي عاوز اخد رودينا عشان نشتري كتب
ملك _ لا طبعاً ميصحش
يوسف _ متقلقيش عليها احنا مش هنتأخر، بس انا شايفها قاعده في البيت من ساعة ما جت
ملك تبص لرودينا بعدم راحه _ انتي قولتيلوه يتوسطلك صح
رودينا _ لا والله يا ماما محصلش
انا مش قولتلك يابني انه مينفعش
يوسف _ صح قالت بس انا اصريت عليها، انتي خايفه عليها هي ومعايا ولا ايه
ملك بقلة حيله_ لا طبعاً، خلاص روحي بس ساعه واحده وتكوني هنا
رودينا بفرحه _ ليه مكنتش عاوزه اروح بس خلاص مش هكسفك وتجري بسرعه تغير
ملك بشرود _ ربنا يستر انا مش مرتاحه لتعاملهم مع بعض
يوسف لنفسه _ انا عارف انك خايفه عليها بس متخافيش يا طنط انا مش هكسر حآجه غير قلب’ها هي وصحبتها اللي بيتراهنو عليه
في شركة ياسين
ياسين قاعد علي المكتب وشارد _ ودي هجيبها ازاي في الشقه، دي متعبه اوي.. وكمان شكلها متستهلش وملهاش ذنب في حآجه انا مدخلها في الموضوع ما اروح اتعامل معاهم بعيد عنها احسن
بيقطع تفكيره رنة التليفون
ياسين _ ايوه
زينه_ حبيبي وحشتني اوي يابيبي
ياسين _اي الاخبار
زينه _ مفيش مراد اجازه ومعرفش حآجه عنه، المهم انت عملت اللي اتفقنا عليه
ياسين بزهق _ لا
زينه _ ليه بقا هي صعبه اوى ولا انت اللي مبقتش ياسين اللي بيوقع اي بنت
ياسين بزهق _ متستفزنيش يازينه انتى عارفه ان مفيش واحده تفلت منى طالما نويت
زينه _ امال انت كاره مراد ويوسف ليه مش علشان منعوك توصل لجودي بردو، الحقيقه انك مبقتش زي الاول ومش هتعرف توصل للبنت دي كمان
ياسين بانفعال _ لو مسكتيش انا مش عارف هعمل فيكي ايه مفيش واحده تستعصا عليه وعلشان اثبتلك هو اسبوع بالكتير وهتشوفيها معايا يلا غو’ري وبيقفل في وشها
زينه _ ههههه معلش كان لازم ادوس علي الوتر الحساس عشان الظاهر كده انك بدأت تجيب ورا، وانا مش هرتاح غير لما اكس’ر منخير البنت دي
في بيت سليم
جني بتنضف البيت وفجاه تليفونها بيرن
جني _ الو
ياسين _ عاوز اشوفك
جني _ ايه ده مالك
ياسين _ هتيجي ولا لا
جني _ لا مش هاجي وكلمني بطريقة احسن من كده
ياسين _ اسف بس انا عاوز اقبلك واتكلم معاكي شويه
جني _ اتكلم علي كده انا سمعاك
ياسين _ خلاص مش مهم سلام، وبيقفل معاها
جني’ اتجنن ده ولا ايه بتقفل في وشي طيب ادي بلوك وريني هتوصلي ازاي
ياسين بزهق _ ايه اللي عملتو ده ماهي كده هتبعد اكتر بيتصل بيها بس الاتصال مبيوصلش، ف بيبعتلها علي الواتساب يلاقي انها عملتو بلوك
ياسين _ يااادي النيلة، اكلمها ازاي انا دلوقتي
في المستشفي
كلهم قاعدين جمب مصطفي، ومراد قاعد جمبه علي السرير وماسك ايده
هشام_ شوف ياخي الولد من الصبح مش قادرين نقومه من جمبك ما توسع شويه خليه يتنفس
مصطفى بإبتسامة_ خليه انا مرتاح كده
مراد بخجل _ سامحني يا درش مش هعمل كده تاني
هشام_ لا اعملها تاني، هو انت دوست علي رجله دا انت ضر’بته بالر’صاص
مصطفى _ ههههه مش زعلان منك بالعكس انا مبسوط انك طلعت راجل
مراد_ ههههه ما انتو جننتوني، اسمعكم بودني بتتكلمو انت وعمي وتقولو بتعذب ووحشاني عيب كده،،
ومي تبص للارض بكسوف
مصطفى_ طيب ماهي فعلاً وحشاني وبعدين مش مراتي يا اهبل
مراد بإبتسامة باهته_ طيب بس انت قوم كده علشان ترجع معانا البيت
مصطفى بخبث_ طيب اقولك ايه انا جعان خد البنت دي وروح هات اكل عاوز اتكلم كلام كبار مع الجماعه دول ويغمزله من غير ما حد ياخد باله
مراد بإبتسامة_ حاضر خلاص خدو راحتكم، ايه يا جودي جايه والله هتقعدي تسمعي كلام الكبار
جودي بإبتسامة_ لا انا قاعدة عاوزه اعرف هيقولو ايه
هشام_ امشي يابنت عيب روحي هاتي اكل وتعالي
جودي_ خساره كان نفسي اسمع
ياسمين_ امشي يابت لا اضر’بك
جودي_ خلااص مشيت يلا ياعم بدال ما نطرد
مراد_ لا احنا اطرنا بالفعل ههههه
في الشارع
مراد_ عاملة ايه مع يوسف لسه مخطوبين
جودي بإبتسامة_ انا هرفض خلاص مش موافقه
مراد بإبتسامة_ ليه بقا مش هو دا اللي بتحبيه وبتضيعي من غيره
جودي _ لا مش هو
مراد _ امال مين
جودي_ ملكش دعوه
مراد_ حويطه انتي
جودي بإبتسامة_ طلعالك
مراد_ طيب ايه
جودي_ ايه
مراد_ مش عاوزه تقوليلي حآجه
جودي بإبتسامة _ لا مش عاوزه
مراد_ خااالص؟!
جودي _ خالص
مراد_ فكري طيب يمكن في حاجه وناسيه او متردده
جودي_ ههههه مفيش حآجه، المهم مقولتليش عملت ايه مع البنت اللي بتبعتلك رسايل خياليه
مراد_ من يومين جاتني في الحلم
جودي_ وبعدين
مراد_ اسكوتي متفكرنيش
جودي_ اييه
مراد_ طلعت قمر انثي بمعنا الكلمه
جودي _ شكلها عامل ايه
مراد يبصلها بتركيز_ عنيها عسلي فاتح وشعرها اصفر او بني فاتح مش عارف احدد
جودي بإبتسامة_ ايوه واي كمان
مراد_ مش طويلة قوي يعني تطلع في طولك كده ومش تخينه تطلع في وزنك بردو
جودي_ ههههه ايوة
مراد يحط ايده علي شفايفها وبرومانسيه _ وشفايفها حلوين زي الكريز
جودي بخجل شديد وارتباك تشيل ايده _ كويس انها طلعت حلوه
مراد_ مش بس حلوه دي قمر، وتعرفي حصل ايه كمان
جودي _ ايه
مراد _ خدتها في حضني طول الحلم
جودي بارتباك _ اه ط طيب مش يلا بينا عشان اتأخرنا
مراد _ ماشي بس ادعيلي انها تجيلي تاني في الحلم علشان اقولها حآجه مهم
جودي بإبتسامة_ عاوز تقولها ايه
مراد_ بحبك يا جودي
جودي بصدمه _ ايه
مراد _ ايه مالك، انا اقصد هقولها بحبك بس اسمك جه بالغلط
جودي _ ههههه وانت بتحبها بجد؟!
مراد بتأمل _ عمري ما حبيت غيرها
جودي_ طيب وهي
مراد_ مش عارف لسه مقالتش انتي رايك ايه
جودي _ ههههه ابقا اسالها لما تجيلك
مراد _ لا ازاي انتي بنت واكيد عارفه هي بتفكر ازاي
جودي_ لا معرفش الحقيقه، ابقا اسالها وقولي
مراد _ امممم مش بقولك حويطه امشي يلا اتأخرنا
يتبع..
لقراءة الفصل التالي : اضغط هنا
لقراءة باقي حلقات الرواية اضغط على : (رواية شيء من الماضي)