رواية زوجتي بالتبني الفصل الثالث 3 بقلم محمد عصام

رواية زوجتي بالتبني الفصل الثالث 3 بقلم محمد عصام

رواية زوجتي بالتبني البارت الثالث

رواية زوجتي بالتبني الجزء الثالث

رواية زوجتي بالتبني الحلقة الثالثة

-مين دي
قرب عليها وهو مستغرب مين بتكون الطفله دي
-أنتي … مين أنتي
كانت بتفتح عنيها وبتنظر ليه وهي مش في وعيها وتقفلها تاني ، وقف وصرخ زي المجنون
-حراس الكامبوند فين ، انت يا زباله انت وهو
خرجت بسرعه أمراءه جميله جدا تشبه نيللي كريم في شكلها ذو شعر اصفر ووجه ملائكي وعين خضراء تسمي ” جهاد”
-في اي يا عمر
قربت وهي مصدومه وشاهدت ريم اللي علي الارض ولأول مره تبتسم
-مش معقوله سو كيوت
قربت منها ومسحت بأيدها علي شعرها ونظرت لعمر اللي هيتجنن
-مين دي يا عمر
-أنا اعرف ؟
-طب شيلها دخلها جوه باين عليها تعبانه
-انتي اتجنني أشيل أي دي بنت من الشارع
-عمر البنت فاقده الوعي بليز دخلها
بدأت جهاد تطلب من عمر ان يدخلها القصر وبعد فتره حمل ريم ودخل بيها لتحضن ريم رقبته قائله
-بابا
كانت فاقده الوعي ، عمر ترك البنت وأتحرك ناحيه جهاد اللي كانت بتتصل علي الدكتور
-انتي بتعملي أي ؟
-أكلم الدكتور
-جهاد أنتي عاوزه تجننيني ؟

-عمر ارجوك ، انت مش رايح شغلك اتفضل يلا روح وسيبني
-انتي أتجننتي انتي عاوزه بنت من الشارع تدخل هنا واسيبك
تركته جهاد وتذهب لريم وبدأت تنظر ليها وتقول
-وليه متقولشي ان ربنا جايبها ليا تعوضني عن موت صولا
-اتجننتي أكيد
-عمر ارجوك اتفضل روح علي شغلك وسيبني
اتعصب عمر وتركها وخرج ، جهاد بدأت تمسح علي شعر ريم وهي بتبتكي وبتتذكر بنتها اللي اتوفت بسبب السرطان
المساء بدأ يهل ، فتحت ريم عينيها ، كانت بجانبها جهاد علي السرير وبتنظر ليها
-انا
-حبيبتي سو كيوت انتي صحيتي
ريم نظرت ليها وبكل براءه وبكاء قالت
-انا جعانه 🥺
-اووووه حاضر يا قلبي انتي
اتحركت بسرعه جهاد وهي بتنادي علي الخدم انهم يجهزوا الطعام ل ريم
-أسمك اي
-ريم
-أسمك حلو قوي ، اسم باباكي أي
-انا معنديش بابا
-طب كنتي عايشه فين
سكتت ريم وهي خايفه وقالت بصوت متقطع
-ملجأ تريز
-ملجأ ؟
-ايوه
كانت ريم بتاكل بسرعه رهيبه وفي نفس الوقت بتحكي لجهاد علي اللي حصل لها
المساء

كانت ريم خرجت من الحمام وهي بدون ملابس في حجرة جهاد وعمر ، اتحركت جهاد وقالت لها
-خليكي هنا هنزل إجيب لكم هدوم من أوضة صولا
في نفس الوقت عمر دخل القصر وهو ناسي اللي حصل تماما الصبح ودخل حجرته لينصدم بوجود ريم بدون ملابس واقفه في الحجره ، ريم متعرفشي ان ده غلط او عيب لأنها اولا طفله وثانيا بيخلعوا ملابسهم في الملجأ امام بعضهم
-اي ده
وقف عمر عن الحركه وبسرعه خرج من الحجره وريم زي ما هي واقفه مكانها خايفه منه ، اتحرك عمر بسرعه لزوجته وبعصبيه
-البت بتعمل أي جوه
بدأت جهاد تحكي له قصة البنت وهو كان متعصب جدا
-هو اي حد من الشارع ندخله بيتنا ، خشي لبسيها
-طب أهدي ووطي صوتك
دخلت جهاد حجرة ريم وبدأت تلبسها ملابس بنتها صولا ، دخل عمر وهو مش طايق أي كلمه أخد ريم من ذراعها وهي بتبكي
-عمو انا معملتش حاجه
وقف وصرخ فيها بكل عصبيه
-مين الحرامي اللي باعتك يا بت أنطقي
ريم كانت بتبكي خوف منه وجهاد واقفه مصدومه من اللي عمر بيعمله
-انتي مين الحرامي اللي بعتك
-خايفه 🥺
كانت بتبكي ومن عصبيه عمر ضربها علي وجهها باليد , ريم صرخت وجهاد كانت في الخلف بتبكي ، اخذت جهاد منه البنت وبدات تحكيله قصتها ، بس عمر كان معصب جدا ، أخد التليفون وأتصل علي حراس الأمن
-في بنت غريبه عندي في البيت انتم الزاي مش واخدين بالكم يا بهايم انتم
-مدام جهاد قالت مفيش حد جه يا فندم
-تعالوا خرجوها البنت بره في الجنينه
ريم كانت بتبكي وخايفه من اللي عمر بيعمله ، اتحرك عمر ناحيتها ومسكها من أيدها واخدها وخرج خارج القصر ورماها علي الأرض ودخل وقفل الباب
ريم كانت بتبكي وتصرخ من اللي بيحصل فيها جلست بجانب السور وهي بتبكي
-انا معملتش حاجه لعمو ليه يعمل معايا كده
في الداخل كانت جهاد بتبكي وبتصرخ في عمر
-أنت جبت قسوة القلب دي منين ، أعتبرها صولا ، حط صولا مكانها
-مش عاوز صوت

-حرام عليك البنت ابوس ايدك ساعدها يا عمر
جهاد كانت بتبكي وعمر ظل ينظر ليها ثم اتحرك ناحيه الباب واخرج فلوس ورماها لريم وللحظه قلبه بدأ يحن لما لقاها بتبكي وبتنظر له في خوف وبترتعد من برودة الجو
قفل الباب تاني ودخل واتحرك ناحية جهاد وهو بيقول
-سيبتلها فلوس أهو أهدي بقي
-يالبنت في البيت يا أخرج ومش هتعرف انا رايحه فين
كانوا بيتشاجروا وصوتهم عالي جدا وفي نفس الوقت ريم بدأت تسمع خطوات الحراس بيتحركوا لعندها ، وقفت بسرعه وبدأت تدخل الجينيه ، بدأت تتخبي تحت النجيل وهي مرعوبه من خطوات الحراس
-هيرجعوني لتريز تاني
كانت بتكتم نفسها بأيدها ، في نفس الوقت كان عمر وجهاد بيتشاجرو
-اعتبر ربنا باعتها لينا ، البنت شكلها برئ ابوس أيدك
-ما انا مش هاخد قرار زي ده انا
-طب نرجعها الملجاء بتاعها ونتبناها
-لا لا لا ، وبعدين لو حصل انا مش هكتب بنت بأسمي لا يعني لا
-هكتبها بأسمي انا بس والنبي ألحقها
اتحركت جهاد بسرعه للخارج وهي بتبكي علشان توقف الحراس عند أخدهم لريم ، بس الحراس بيبحثوا مش لقينها
-البنت فين
-والله يا هانم مش لاقينها الظاهر هربت
-دوروا عليها كويس أرجوكم انا عوزاها
-سرقت حاجه يا مدام
-لا ، انا عوزاها واللي هيلاقيها هياخد اللي هو عاوزه
ريم كانت بتسمع الكلام ده، قامت خارجه بسرعه وحضنت جهاد من رجليها وقالت
-انا أهو ، وعاوزه ١٠ جنيه

ضحكت جهاد وحضانتها وقالت بكل عفويه
-هديكي اللي انتي عوزاه
دخلت جهاد وريم القصر ودخلوا حجرة صولا اللي كلها ألعاب
-الله اي ده كله
-كل دول هيبقوا بتوعك ويلا تعالي نامي
قربت ريم ليها وقالت ببراءه
-شكراً يا طنط
-قوليلي ياماما
بدأت تتذكر جهاد بنتها وهي بتقولها يا ماما
الصباح
جهاد وعمر جالسين يتناولوا الفطار وعمر قاعد بعصبيه
-انا طول الليل منامتش ، هتعملي اي في المصيبه دي
-أنا قولتلك ان انا هتبني طفله وانت وافقت ، هنروح نرجعها الملجأ ونتبناها
-بأسمك مش بأسمي اتفقنا ؟
-اتفقنا
اتحركت ريم مع الخادمه وهي خايفه من عمر واتحركت ان هي تجلس علي الكرسي معاهم صرخ عمر في الخادمه
-خديها وادخلي بيها المطبخ خليها تفطر معاكم ، طول ما انا هنا البنت دي مشوفهاش أنتم سامعين
اتحركت بسرعه جهاد والخادمه وأخدو ريم ودخلوا المطبخ
-هو عمو بيعاملني كده ليه
-عمر بيحبك يا حبيبتي بس …
-انا عارفه ان هو مش عاوزني هنا في البيت
-متقوليش كده انا عوزاكي يا حبيبتي ،قومي يلا افطري علشان نروح نخلص الورق علشان تقعدي معايا
مسكت ريم أيد جهاد وبتلقائيه
-هنروح فين
جلست جهاد علي ناكبها وحضنت ريم وقالت بأبتسامه
-هنروح الملجأ بتاعك نخلص اوراق
-تريز 😳

بعدت ريم بخوف وقالت بخوف
-هترجعوني لتريز
-لا يا حبيبتي احنا هنخلص اوراق اننا نتبناكي
وقفت جهاد وقالت للخادمه أعمليلي قهوه بسرعه ، اتحركت ناحيه ريم اللي كانت خايفه وبتقول
-تريز لا ، لو رجعت لتريز هتديني لشخص الظلام وهيقتلوني
بس جهاد اخدت ريم في حضنها وبدات تشرب القهوه
-اطلعي غيري هدومك يلا ياريم علشان نروح
ريم كانت بتفكر في الهروب وقالت في داخلها
-عاوزين ترجعوني لتريز انا مش هقعد ، انا ههرب
كان في نفس الوقت جهاد خلصت شرب القهوه وقالت للخادمه
-خدي أقرأي الفنجان النهارده
الخادمه مسكت الفنجان وبدأت تتفحصه وقالت بحزن
-الفنجان النهارده كله سواد يا ستي
-خير قلقتيني قولي
-لا مقدرشي
-في اي يا بنتي قولي
– الفنجان موضح ان في افعي
انصدمت جهاد ولفظت بصدمه
-أفعي ؟
-والحاجز الاسمر ده القصر ، الأفعي نصها داخل الخط يعني هتدخل القصر ومن الصعب انها تخرج منه وأول ما هيخرج من القصر هو أنتي بس بعد ما تلدعك .
أنصدمت جهاد وقالت بصدمه
-أفعي وقصر … اي ده …
صمتت قليلا وقالت بصدمه
-ريم؟
في نفس الوقت ريم كانت بتقرب علي الباب انها تهرب و عمر واقف بيتكلم في التليفون وشايفها

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية زوجتي بالتبني)