روايات

رواية شطرنج الحب الفصل العاشر 10 بقلم جنى غنيم

رواية شطرنج الحب الفصل العاشر 10 بقلم جنى غنيم

رواية شطرنج الحب البارت العاشر

رواية شطرنج الحب الجزء العاشر

رواية شطرنج الحب الحلقة العاشرة

عزيز قرب لنورا بشكل كبير فقالت : أنتَ بتقرب كده ليه يا عزيز ؟
عزيز حا”وط نورا و قال بحب : نورا أنا بحبك
نورا من الصدمة تنحت و مقدرتش ترد فقال عزيز : بصي أنا متفهم أني قولت في الوقت الغلط و اننا لسة متعرفين على بعض بس بصراحة أنا مش قادر اكتم مشاعري ..مش عارف ازاي و أمتى بس ..
قاطعته نورا : مش شايف نفسك اتسرعت شوية يا عزيز … و بعدين هو كل الستات اللي اشتغلوا معاك بقا كنت بتحبهم
عزيز : اكيد لا ! لأني في شغلتنا مفيش حاجة اسمها مشاعر بس فكري فيها مش حاسة أن في كيميا ما بينا
عزيز بيقرب اكتر نورا قالت بتوتر : عزيز ارجوك انا صحيح بدأت اثق فيك متهدمش كل حاجة ..ابعد عني ارجوك عشان انا بدأت اخاف منك
عزيز بعد عنها و مسك ايدها و قال : نورا خودي وقتك بس صدقيني لغاية ما تحبيني انا هحاول قدر المستطاع اسعدك و اعوضك عن الايام الصعبة
عزيز با”س ايدها و قال : اركبي يا نورا عشان نروح
عند غفران
غفران يدخن سيجا”رة و قال : انا عايز تعرف لي حركات عزيز كلها
– يا باشا عزيز مش سهل
غفران بعصبية : أتصرف ! 24 ساعة و كل المعلومات تبقى قدامي
عزيز شايل كياس المشتريات و نورا ماشية جانبه فقال : بقولك ايه ما تيجي نروح السينما بكرة
نورا بصيت له بتعجب و قالت : بمناسبة ايه ؟

 

 

 

عزيز ابتسم و قال : يعني في فيلم عايز اتفرج عليه بس مش عايزة اروح لوحدي
نورا ابتسمت و قالت : اممم ..ماشي
عزيز و نورا طلعوا و نورا دخلت اوضتها
عزيز قعد بتعب و لقى مصطفى داخل عليه ، عزيز يبص في ساعته و قال : هو أنتَ كنت في كل ده ؟
مصطفى رمى شنطته بملل و قال : و النبي يا عزيز مش ناقصة تحقيق انا مش قادر
عزيز : طب انا عندي اتفاق حلو انا مش هسألك كنت فين ؟ بس يا ريت نكون صحاب
مصطفى بملل : حاضر يا عزيز …انا داخل انام
تاني يوم في السينما
نورا لابسة فستان اسود قصير و عزيز ماشي جانبها و عمال يبص عليها فقالت : ممكن كفاية تبص عليا عشان أنتَ بتحرجني
عزيز : يعني القمر ده ماشي معايا عايزاني اعمل ايه ؟
نورا : أنتَ كده المفروض تجاميلني ليه تشبهنى بحجر ياخد الضوء من انعكاس الشمس
عزيز : لا و النبي اجابات فلسوفية مش عايز ..أنتِ الست البنات كلهم ايه رأيك ؟
نورا ابتسمت و سكتت فقال عزيز : ها بقا عايزة فشار بالملح و لا كراميل ؟
نورا : فشار بالكراميل طبعا
عزيز جاب فشار
عزيز و نورا داخلين قاعة الافلام فقال : ليه صممتي على فيلم كيرة و الجن ما كنا ندخل فيلم بحبك بتاع تامر حسني
نورا : اكيد مش هفوت فيلم لكريم عبد العزيز

 

 

 

عزيز : يا رب ربع الاعجاب ده
نورا مسكت دراع عزيز و انجچيته و قالت : بس على الاقل دخلت معاك انتَ ♡
اثناء الفيلم
كان في مشهد رومانسي ، عزيز مسك ايد نورا و نورا حاطت راسها على كتفه و كانت تاكل فشار عزيز قال بهدوء : مبسوطة
نورا بفرح : جدا !
نورا و عزيز طلعوا من السينما و قالت : ياه يا عزيز انا بجد مبسوطة شكرا
عزيز طبطب على كتفها و قال : نورا ممكن توعديني وعد ؟
نورا : ايه هو ؟
عزيز : تسامحيني مهما اعمل ؟
نورا : عزيز مش هقدر لأن اكيد في اعمال مش تغتفر مهما كان الحب و المودة
عزيز لسة هتكلم الدنيا بدأت تمطر فقالت نورا : هي الدنيا من امتى تمطر في سبتمبر ؟
عزيز مسك ايدها و قال : تسمحي لي بالرقصة دي ؟
نورا : انتَ بتهزر؟ احنا كده هنعدى الافلام الهندي و الناس كمان
عزيز حاط ايده على وسطها و الايد التانية مسك ايدها و قال : سيبك من اي حاجة هو الواحد هيعيش كام مرة ؟
عزيز حضن نورا و كان يرقصوا تحت المطر فقالت نورا فجأة : عزيز هو أنتَ مخبي عليا حاجة بخصوص شغلك عشان يكون معاك الفلوس دي كلها ؟

يتبع ..

لقراءة الفصل التالي : اضغط هنا

لقراءة باقي حلقات الرواية اضغط على : (رواية شطرنج الحب)

اترك رد