روايات

رواية شموس غائبة الفصل الأول 1 بقلم عزيزة مزربان

رواية شموس غائبة الفصل الأول 1 بقلم عزيزة مزربان

رواية شموس غائبة البارت الأول

رواية شموس غائبة الجزء الأول

شموس غائبة
شموس غائبة

رواية شموس غائبة الحلقة الأولى

(جاهزون يا أطفال ؟!)
=هاي هاي كابتن …..
انتفض ليث فجأة وهو قاعد بملل في السينما علي صوت الأطفال الي بيرددوا ورا القرصان أبو عين واحدة استعدادًا لبدء حلقة ….سبونج بوب
(من يسكن البحر ويحبه الناس ؟؟)
=سبونج بوب سكوير بانس !
بص لأخته لقاها مندمجة جدًا فابتسم ….ابتسامة متمثلة وموجهة للشخص الوحيد الي باقيله ف حياته …….
(لو كنت تبحث عن مرح في البحار ….)
=سبونج بوب سكوير بانس !
دقق فجأة في الصوت …بين كل الأصوات الطفولية دي حس أن في صوت هو عارفة …دقق بحيرة تاني ….
(فهيا للسطح وفك المحار !)
=سبونج بوب سكوير بانس !
لقي أن الصوت جي من قريب …ومش من قريب بس لا ده من وراه !!!!
ويبص لقانا الانسة حبيبة بتاع الكرتون !!!
لمحته فشهقت …..لالا أستاذ زحل مش معقولة ……
(هو حضرتك بتحب سبونج بوب ؟!)
(أنتي بتهببي ايه هنا ؟؟؟)
طلع السؤالين في نفس الوقت منهم ….
فرد بغباء : أكيد ….لا !!
وردت هي : زي ما حضرتك بتعمل !
حضرتك تاني ! ….أنا ناقص بلاوي ؟!
=مين دي يا أبية ؟؟
انطلق الصوت الطفولي من وراه …..فشهقت روتانا ….أخته شقرا ….وعينيها زحلية زرقا بردو !
أنتوا جايين منين ؟؟؟ خدوني معاكوا …..
=اتفرجي يا سجدة يا حبيتي علي باظ بتاعك !
_اسمه سبونج بوب سكوير بانس يا أستاذ زحل !
=مين أستاذ زحل دا يا أبية ؟!
_اسمي ليث …ليث !!
=واو ….يعني مش ملك المجموعة الشمسية بس …لا دا أنت ملك الغابة …..
_صبرني يا رب !
=مين طنط دي يا أبية ؟؟
_أنا روتانا يا قمر ….وأنتي ؟؟
=روتانا سينما …مش هتقدر تغمض عينيك ….
بصت روتانا لسجدة بغيظ ….ووسط كل الشلل ده …ضحك ليث ….
فبصت له روتانا ……وبصلها في المقابل …..وطالت النظرات …..
قطعت وصلة التسبيل دي سيا الكلب كما يحلو لي …والي كانت قاعدة جمبي ..
عرفتوا سميتها سيا الكلب ليه ؟
€ مين حضرتك ؟؟وازاي تكلم اختي كده؟؟
=هي أخت سيادتك ….
_آه !
=طب ياريت تسألي أختك الأمورة كانت بتعمل ايه من يومين كده عندي في القسم ؟؟
أتدخلت روتانا بسذاجة : أمورة ؟؟ يزيد فضلك يا أستاذ زحل !!
=يا بنتي انتي هربانة من مستشفي المجانين ؟؟
متوقعش هو الي حصل بعد كده !
ان عينيها تبصله بعتاب وتتملي دموع وتقوم تجري من القاعة ..دا غير الي توقعه تمامًا ….
أن أختها تبصله بشراسة وتسيب القاعة وراها بسبب جملة بسيطة زي دي …هو ما توقعش كده !!
اتنهد بعجز وبص لأخته الي بصلته ببراءة …..
خارج القاعة ….
خرجت سيا ورا روتانا بسرعة ….بس ملقتهاش ….فضلت تدور عليها لحد مالقتها قاعدة في الأرض بتعيط …..
اتنهدت بارتياح وراحتلها ….
=يا ستي هو مايقصدش ….
_مايقصدش ؟؟ دا قالي مجنونة مرتين …
€ خلاص مايبقاش قلبك أسود بقا !!
بصيت روتانا وراها لقت ليث واقف وراها وفي ايده سجدة ….
روتانا : ليث ؟؟
=لا أستاذ زحل ….
_أنا مابكلمكش ومسمحلكش و…و..اتفضل من هنا ….
ضحك وهو بيقول : خلاص قلبك أبيض ….
بصت قدامها بغيظ فابتسم ليث وهو بيقول :طب سجدة كانت جاية عشان تشوف فيلم ملكة الثلج وكان معاده لسه مجاش فدخلنا نتفرج علي اسبونج بوب ….تحبوا تيجوا تتفرجوا معانا ؟؟
=شوفته قبل كده ….
سجدة : لا يا طنط روتانا ..دا الجزء الجديد ….
=هو نزل ؟؟
_اها
سيا :اشطه أنا جايه معاكوا….
=سيا !
_معلش هو أنت أختي وكل حاجة بس دي Frozen يعني الحب كله ….
ليث :ها ؟؟ هتيجي ؟؟
=مش جاية ومش بكلمك هشتكي عليك …وووو

 

 

Three seconds later…..
=أنا بجد مبسوطة أنك قولتيلي يا سجدة أن الفيلم نزل كنت هزعل أوي لو نزل وأنا ما تفرجتش عليه …..بجد شكرا …
_ وبالنسبة للي قاعد جمبيكي وقعد يتحايل عليكي عشان تيجي..ملوش اي حاجة …دا ابن البطة السودا يعني ….
= اها ….بالضبط ..
=طب بذمتك في بطن سودا بعنيك زرقا وغمازات …
_ها ؟؟
=ها ها ؟
=اسكت عشان ابتدأ الفيلم ….
وبعد فترة
=طب أنتي بتعيطي ليه دلوقت …؟!
_إلسا ماتت ….ماتت !!!
=ما تموت هي من بقية أهلك !……ده كرتوووووون ….
_أنت قلبك أسود ….
=ليه بس …
_يا حبيبتي يا ألسا ….
=خلاص ما تعيطيش ….اديك خليتي سجدة تعيط….حقك عليا ….امسحيها فيا …
_امسح ايه ؟
=متشغليش بالك …. بصي السا ظهرت علي الحصان اهيه ….
_بجد ….
=أنتي بتعيطي تاني ليه ؟؟
_من الفرحة ….
=يا ليلة سودا ….خلاص ما تعيطتيش ….والله لو عيطتي تاني هسميكي عيوطة …
_مش عيوطة أنا !
=لا عيوطة …
_ماتقولش يا عيوطة !
=طب يا عيوطة يا عيوطة يا عيوطة وكمان عيوطة ….
=_هعيط !
ضحك وهو بيقول :خلاص يا ستي حقك عليا ….
_عايزة منديل …
=حاضر …
$ اسكتوا بقا عايزين نسمع …
طبعًا أنتوا عارفين مين دي ….سيا الكلب ….
خلص الفيلم واحنا طلعنا مبسوطين وشكرنا أستاذ زحل ….بس هو نادا عليا وقالي : هو البلاغ الفيك بجد كان حكم في لعبة ولا حاجة….
……………
يوم عن يوم وأنا قلبي اتثبت بضحكتها …عفويتها اسرتني …اما عن جمالها فدا عدا الكلام والوصف وعدا كل حاجة حلوة ….
كنا بنتقابل مع كل فيلم فيلم ديزني بيتعرض ….كرتون طبعًا ….
أنا مع سجدة …وهي وسيا
ماخدتش رقم تيلفونها ….وهي ما طلبتش بتاعي ….وأنا احترمتها وقدرتها جدا ….
كانت مثال للبراءة والجمال والأحترام …ببساطة كانت ميكس غريب فيها أي حاجة وكل حاجة ….
مكنتش بمية راجل زي ما بيقولوا ….بس كانت قادرة تطلع عين وضغط وسكر أي حد تقابله ..لا وكمان تشله…وترجع في الآخر تبصله ببراءة …. وكأنها ماعملتش حاجة ….
مازالت ملاحظاتها عن غمازاتي ولون عيوني بتضحكني ..وكله كوم وأستاذ زحل دي كوم تاني …..
هتقولولي من امتي وأنت مبهدل البت تهزيق من أول الحدوتة …. صح ؟
أقلكوا أنا …
فاكرين يوم السينما ؟؟
بتاع البت بتاعة التلج الي ماتت والأغنية الوطنية لسبونج بوب ؟
ساعة ما سألتها عن السبب الفيك ….ساعتها ردت باستغراب أن البلاغ ممكن يكون ايه غير أنه حكم ؟؟
ما تعرفوش الرد دا ريحني اد ايه ..
طبعا انتوا ماتعرفوش السبب …
أنا شخص قلوق جدا …مهنتي كظابط علمتني اني اشك في اي حاجة وكل حاجة …..
وبصراحة انا شكيت فيها في الأول …أنها تكون عملية للظابط الي دخلتلوا في الأول ….
خصوصا ان الظابط دا جاسوس … خاين لبلده …عميل لتاجر ممنوعات كبير …واحنا عارفين دا كويس …. وبنراقبه …
وأنا افتكرتها بتتكلم بالشفرات …
عارف هتقولولي ايه …
دي يتشك فيها دي …دي أبعد ما يكون عن تجارة الممنوعات …
صراحة أنا في الأول كنت شاكك وعشان كده طلعت كلمتها في الأول بعد ما قدمت البلاغ مباشرة ….
وسرعان ما أبعدت نظر في موضوع الشك دا تمامًا …
فقت من سرحاني علي صوت سجدة الي كانت بتهزر ايدي وهي بتضحك …فبصتلها بشك ….
=أول مرة أشوف طفلة فرحانة أنها رايحة للدكتور…..
_يا اخي اتشطر علي عيالك ….
=أتشطر ؟؟…وعلي عيالي ….بتجيبي الكلام دا منين ؟؟
_من اللانهائية وما بعدها ….
=…..
_أبية ؟؟
=ارغي …
_هو أنا مش هفرح بعيالك بقا….
= كلي عيش يا حجة …كلي عيش ….
_أبية !
=اللهم ما طولك يا روح …..
بعد نص ساعة ….
ببص بذهول ….حاطط ايدي في خصري … فاتح بقي فتحة يعبر منها الذباب زي ما بيقولوا ….
ليه ؟؟
شايف الكارثة روتانا كما يحلو لي …وهي حاطنة سجدة ….
المصيبة مش فسجدة الي بتبصلي بانتصار ولا روتانا الي بتبص ببراءة …
المصيبة أننا اتخزوقت …
ومن مين ؟؟
من عيلتين !!
روتانا دكتورة أطفال !!
عرفتوا الي جاب روتانا ؟؟ وايه الي كان مخلي سجدة مبتسمة زي الهبل طول الطريق ….
=أبية …يا أبية..يا أبية يا حبيبي يا أبية ..
_ايه هتغنيها ….
=يا أبية…يا أبية….
_انطقي ….

 

 

=علي فكرة سياسة الأجبار دي ما تجيش معايا …
_سجدة !
الي نادي علي سجدة مش أنا……
دا أنا….. روتانا ….
ازيكم …عاملين ايه …
نرجع ليا ..أنا …ليث …
أنا كنت واقف مبهور لسرعة العلاقة الي اتشكلت بين روتانا وسجدة ….
لدرجة أنها دلوقتي بتبصلها ..النظرة الامهاتية الي معناها ….”حسابك معايا ”
ولقتني من حيث اللا مكان ببتسم …
حتي اني ضحكت ….
بعد دقايق …
واقف ببص من بعيد ..مبتسم بحب …وأنا شايف أكتر اتنين هبل واقفين بيضحكوا مع بعض ….
بعد ما سجدة عملت التحاليل الدورية بتاعتها …
كان ديما اليوم دا تقيل علي قلبي ……
ليه ؟؟
مشكلة الأطفال المعتادة …..مبتحبش الحقن ….
ودلوقتي واقف وببص علي روتانا الي ضحكت علي سجدة وخلتها تعمل بدل التحليل تلاتة !!
جميل والله …..دا هيفعص أخته أول ما تجيله بس ….
دي كانت بتقعد تعيط نص ساعة قبل ما تعمل التحليل …ونص ساعة بعد ما تعمله ….
قرب منهم كام خطوة …فضحك علي الي سمعه ….الاتنين هبل …
دا حتي مش مصدق ان روتانا دكتورة ….بأي منطق دا ؟؟؟
=الأشباح هيهربوا …
_وودِي هيوقفهم ..
=وباظ يطير هينقذهم …
_من الا نهائية وما بعدها …..
قاطع حديثهم ليث وهو بيبص للساعة … وبيقول : أحنا آسفين أن احنا عطلناكي يا دكتورة روتانا …
=لا تعب ولا حاجة يا أستاذ ليث …
_طب إذا سمحتيلي ..ممكن أعزمك علي أكله سمك تحفة ….
=سمك ؟؟
_آه ..مبتحبيهوش ؟؟
=لا بحبه …بس مبكلوش …
_ليه ؟؟؟
=لأن السمك صحاب مش طواجن ….
_………..
=أستاذ زحل ؟؟؟
_……..
=أستاذ زحل ؟؟…أستاذ قمر ؟؟؟…..يا أستاذ؟؟؟…طب حضرتك رايح فين وسايب أختك؟؟؟..طب ما تزعلش…..يا ملك الغابة ؟؟…..
_طنط روتانا متخافيش دي حالة جلطة مصحوبة بارتفاع في السكر وضغط الدم …دقيقتين وهيبقي فلة …
=فلة ؟؟….جلطنا الرجل وتقوليلي فلة ….

يتبع…

اترك رد