رواية رغد وكبريائه الفصل الرابع 4 بقلم مروة حسن

رواية رغد وكبريائه الفصل الرابع 4 بقلم مروة حسن

رواية رغد وكبريائه البارت الرابع

رواية رغد وكبريائه الجزء الرابع

رواية رغد وكبريائه الحلقة الرابعة

رغد/ مستحيل اسامح الشخص اللي كان السبب في اني اقعد شهر كامل بتعالج يبابا
عبدالله/ مش بسببه يا رغد بسبب اخوه . سكت شويه لما لقى مفيش رد منها وبعدين اتكلم تاني . فاكرة بعد كتب الكتاب جاله مكالمه وبعدها نزل بسرعه . المكالمه دي كانت من اخوه
فلاش باك &
بعد كتب الكتاب
رغد / انا مش مصدقه اننا اتجوزنا فعلا
راعد/ ولا انا كل حاجه حصلت بسرعه لدرجه حاسس اني في حلم بس حلم جميل اوي
رغد / انت هتفضل دايما تحبني صح
راعد / لحد اخر يوم في عمري
رغد ابتسمت من تحت النقاب
راعد / طب شيلي النقاب ده بقا احنا كتبنا الكتاب خلاص
راعد مد ايده يفكلها الرباط بتاع النقاب فك اول عقده وقبل ما يفك التانيه التليفون رن
راعد / هو ده وقتك يا مارو .عايز اي
مراد/ سيب اي حاجه بتعملها وتعالي حالا . وقفل
راعد/ طيب يا رغد انا همشي دلوقتي بس بقولك اي هاجي تاني هه قال كده وهو بيغمز
عدا يوم واتنين وجه معاد الفرح وراعد مرجعش ومحدش يعرف السبب والفرح اتلغى . و رغد دخلت في حالة اكتئاب حاد وفضلت منعزله فترة كبيرة تقريبا شهر

باااك
رغد / انا فاكرة ان راعد ليه اخ اكبر منه اسمه مراد ده الكل في الكل تقريبا بس راعد محكاش اي حاجه عنه قبل كده . اي علاقته بالموضوع
عبدالله / هحكيلك
فلاش باك
راعد / نعم يمراد قولتلي تعالى بسرعه واديني جيت
مراد/ بسببك الشركه خسرت فوق ال 100مليون جنيه تعرف كده بسبب تهورك وانك مش فاضي غير للصياعه وبس
راعد / ما انت عرفت ان السكرتيرة خلتني امضي ع الورق من غير ما اخد بالي وطردتها
مراد بزعيق / كان فين بالك يا ترا وانت بتمضي هه حته سكرتيرة قدرت تضحك عليك ليه يا ترا عشان صايع وبتاع بنات مثلا .
راعد/ خلاص توبت والله والنهارده كتبت كتابي كمان
مراد بصدمه/ اييييه كتبت كتابك من غير ما تقول لحد وروحت اتقدمتلها لوحدك
راعد/ الموضوع جه بسرعه ولما اتقدمتلها ابوها سئلني عن اهلي قولتله مش عايشين معايا كل واحد في بلد شكل ومحدش مهتم وكتبنا الكتاب على طول و الفرح الاسبوع الجاي
مراد / ده اختيارك ومحدش من حقه يتدخل فيه بس كتبت الكتاب بادري لي لي مستنتش في الفرح
راعد بعفويه/ عشان اعرف امسك ايدها أصلها متدينه حبتين وكمان منقبه تخيل ممنوع حتى امسك ايدها ياخي
مراد بتريقه / ومسكتها يا فالح
راعد/ عيب عليك اخوك جامد

مراد / طب بص بقا ياجامد مفيش أفراح لحد ما ترجع للشركه كل الخسائر اللي اتسببت فيها . انت فاهم
راعد / بقولك فرحي كمان اسبوع وعريس وكده وانت تقولي سافر واشتغل بقا ده اسمه كلام بردو يا مارو
مراد / واقسم بالله يا راعد لو ملمتش حاجتك وسافرت من بكرا الفجر لاكون واخد منك كل حاجه
راعد / طب وفرحي طب
مراد / انت وشطارتك لو سريع هتقدر ترجعهم بسرعه و اول ما ترجع للشركه الخسائر ابقى روح اتجوز ع الاقل تبقى اتعلمت تشيل مسئوليه
بااااك
رغد / دلوقتي اتأكدت اني غلطت لما كتبت كتابي على واحد صايع زيه
صحيح ديل الكلب عمره ما يتعدل
عبدالله / احنا فعلا كان المفروض منتسرعش ف كتب الكتاب كان المفروض نسأل عن أهله وعن اخوه ده اللي أنا لحد دلوقتي معرفش عنه حاجه غير انه ملياردير.. بس انا عايزك تهدي عشان لما ييجي تقعدي معاه وتوصلو لحل وانا معاكي في اي قرار هتاخديه
رغد / حاضر يبابا .. عن اذنك هطلع ارتاح شويه عشان تعبانه
رغد طلعت على اوضتها اتوضت وصلت العصر ولبست بيجامه خفيفه كانت عايزة تنام عشان تهرب من الواقع اللي هي عايشه فيه حطت رأسها ع المخده

رغد في نفسها / هو قال انه بيحبني بس لما اخوه خيره بيني وبين الشركه اختار الشركه ده مفكرش حتى يحاول يقنع اخوه او كان ممكن يقولي نسافر سوا . مستحيل يكون بيحبني فعلا معقول ده حب .
راحت في النوم وهي بتفكر
باقي اليوم مر بهدوء من غير اي تفاصيل شروق قضت اليوم مع والدها ومرات أبوها مروة. ومحدش اتكلم عن راعد تاني
بليل كانت واقفه في البلكونه وماسكه فنجان قهوة وحاطه قدامها الورق اللي مضت عليه من غير ما تقرأه
شربت فنجان القهوة وقعدت ترسم بعض الفساتين
هوايتها هي التصميم اصلا بتحب ترسم وتبتكر موديلات جديده ولما بتخلص بتاخد رأي باباها ومرات أبوها وصاحبتها الجديده ” داليا ”
الوقت جري وحست انها عايزة تنام فتحت الورق و بصت على القواعد والشروط نظرة سريعه ونامت
_في صباح اليوم التالي _
رغد وقفت قدام الشركه بإنبهار فكانت الشركه اكثر من رائعه/ وااااو اي الجمال ده بسم الله ماشاء الله دي طلعت احلى من الصور
رغد دخلت وكانت الشركه من جوا فخمه جدا
كانت ماشيه وسط نظرات الموظفين اللي مستغربين من هيئتها ولبسها اول مرة يتم قبول موظفه بالنقاب في الشركه بل ان جميع من بالشركه لهم يونيفورم محدد كان عبارة عن اسكيرت قصير باللون الاسود وتوب ابيض وجاكت اسود
اما الرجال عبارة عن بنطلون اسود وقميص ابيض
غريب لم تكن تعرف ان للشركه يونيفورم
داليا (صاحبة رغد هتستقيل عشان حامل ورغد هتشتغل مكانها) / ازيك يا رغود . جاهز يمعلم تستلم شغلك الجديد
رغد/ الحمد لله . جاهزة اكيد

داليا / بصي بقا يستي ده هيبقى مكتبك، الجرس ده لما يرن تعرفي ان مستر مراد عايزك هتسيبي اي حاجه مهما كانت وتروحيله
بالنسبه للفون الاسود ده خاص بمكتب مراد بس اما بالنسبه الفون الأزرق ده خالص بالعملاء تمم
رغد / تمم شكرا يا دودو
لاحظت رغد فتاه شقراء تضع الكثير من مستحضرت التجميل مع ليبستيك احمر فاقع ونظراتها كلها تك*بر وغر*ور
رغد/ بقولك اي يداليا هي مين دي و عماله تبص بقرف كده لي
داليا / دي ميرنا خدي بالك منها متكب*رة و بتاعت مشاكل . وفي اشاعات ان بينها وبين مستر مراد علاقه بس انا مش مصدقه شايفه موظفات الشركه لابسين جواكت وكمان لابسين استرتش ابيض
ماعدا هي مش لابسه غير اسكيرت أضيق من حياتي وتوب بس
رغد بضحك على كلامها / خلاص فكك منها ربنا يهديها . انتي هتمشي دلوقتي ؟
داليا/ ايوا يلا ربنا يكون في عونك يحبيبتي باي
داليا مشيت ورغد استلمت مكانها ومراد كان لسه مجاش وكله تمم .
ميرنا راحت وقفت قدامها وبتبص من فوق لتحت / انتي يا ام نقاب انتي بتعملي اي عندك وفين السكرتيرة الجديده ..
رغد / سلامة النظر يا حبيبتي .انتي مش بتشوفي ولا اي ما انا قدامك اهو السكرتيرة الجديده .
ميرنا بحقد / وات.. ازاي سمحولك اصلا تدخلي الشركه بالمنظر المقرف ده انتي مشوفتيش نفسك في المرايه قبل ما تيجي
مراد وصل الشركه و كان داخل المكتب بس وقف لما سمع كلام ميرنا
قال بصوت جوهري سمع الشركه كلها/
اللي قدامك دي احسن منك مليون مرة انتي فااااهمه

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية رغد وكبريائه)