رواية عشقت ممرضتي الفصل السابع والعشرون 27 بقلم جودي عصام
رواية عشقت ممرضتي الفصل السابع والعشرون 27 بقلم جودي عصام
رواية عشقت ممرضتي البارت السابع والعشرون
رواية عشقت ممرضتي الجزء السابع والعشرون
رواية عشقت ممرضتي الحلقة السابعة والعشرون
في القصر…
ماهر اتحسن و بقي كويس جدا و رجعوا القصر و طبعا كنز ياعيني كانت هتموت من الرعب ليكون سمع الاعتراف أو يكون فاق اول ما حسام جه اصلا ف هي من ساعتها و هي خايفه خايفه ايه دي مرعوبه منه اوي اوي اوي…
ماهر:بقولك
كنز بهدوء:نعم
ماهر:حضري شنطتك عشان مسافرين
كنز بإستغراب:مسافرين فين و ليه بتجمع افردي مثلا انا مش عايزة اروح معاك
ماهر بخبث:لا ما احنا مش هنروح اي حتي قوليلي يا سندريلا قلبي ايه المكان اللي كان نفسك تسافريه من وانتِ صغيره
كنز بسخريه:ماهر حبيبي انا مش فكره انا اكلت ايه امبارح اصلا عايزني افتكر انا كان نفسي اسافر فين من وانا صغيره ونبي سيبني ارتاح و انام علي السرير المريح ده
ماهر ابتسم من كلمه حبيبي:انا كنت عارف انك هتقولي كده ف عشان كده انا عامل حسابي انا هفكرك يا بنت عمي تعالي((انا نسيت اقولكم ماهر يبقي فعلا بن عمها تمام يلا نكمل))
امسكها من ايديها و هي ماشيه وراه و مش فهمه اي حاجه و استغربت اكتر من كلمه بنت عمي بقالها كتير اوي مسمعتش الكلمه دي من ساعه ما جت القصر دخلها اوضه صور كنز و ودها لي صوره معينه بصت عليها و هو مقربها لحضنوا من وراه وقال:فاكره الصورة دي يا كنز الصورة دي كنا بنلعب انا و انتِ و رامي أو رامز مش مهم الصورة دي انا سألتك نفسك تسافري فين افتكري يا سندريلا قلبي
..((فلاش باااااك من ٤ سنين))..
كنز بغضب طفولي:يا ميمو هات اللعبه بتاعتي بقي
ماهر بنفس الغضب:تؤ تؤ مش هديهالك غير لما تلعبي معايا انا لوحدي
رامي:لا يا ميمو كنوزه مش هتلعب معاك هتلعب معايا انا باللعب بتاعتي
كنز:بااااااااث انا هلعب معاكوا انتوا الاتنين حلو كده
رامي و ماهر:اه حلو
رامي:انا هدخل الحمام و بعدها هنلعب لعبه الكراسي الموسيقيه اوكي
كنز و ماهر بحماس:اوكي احنا هنلعب عقبال ما تخلص
ماهر:سندريلا قوليلي انتِ نفسك تسافري فين
كنز بإستغراب:انا سندريلا يا ميمو بس ازاي انا بابي بيقولي اني احلي من الأميرات
ماهر:مس عارف انا حبيت الاسم ده ف قررت اني هناديلك بيه علي طول ها بقي نفسك تسافري فين
كنز بتمني:انا سمعت بابي و هو بيقول لي مامي انهم هيسافروا مكان كده اسموا جزر المالديف دي فين دي
ماهر بتفكير:مس عارف والله مس مهم انا لما اكبر هسافرك بلاد العالم و اولهم المكان اللي قولتي عليه ده
كنز بحماس:اوكي ابقي خودني معاك ماشي
ماهر بنفس الحماس:ماسى
رامي:انا جيت و خليت بابا يجيب الكراسي
مجدي:يلا وانا هشغل الموسيقي
كنز:بابي بابي شغل اغنيه الحب الحقيقي
مجدي بإستغراب:وانتِ تعرفي الاغنيه دي منين
كنز:سمعتها علي الكمبيوتر بتاعك يا بابي عشان خاطري شغلها ونبي ونبي
مجدي:حاضر كنز قلبي تؤمر..مجدي شغلها و بدأوا يلفوا و كنز بتغني
كنز بغناء:الحب الحقيقي بيعيش يا حبيبي
ماهر:الحب الحقيقي بيعيش يا حبيبي
رامي:بيعملنا نسامح
كنز:بينسينا امبارح
ماهر:بيعملنا نفكر دايما في أيامنا اللي جايه..و قف مجدي الاغنيه و كلهم قاعدوا و رامي وقع و كنز ماهر ضحكوا عليه و رامي ضحك معاهم مجدي من غير ما ياخدوا بالهم صورهم صورة حلوة اوي
..((بااااااااك))..
كنز فاقت افتكرت فعلا و ابتسمت بس شالت الفكرة و بعدت ماهر عنها وقالت:لا مش فاكرة مش فاكره و مش عايزة افتكر و مش عايزة اسافر اصلا سيبني في حالي بقي
ماهر بغضب مسك شعرها وقال:في ايه بقي انتِ ليه عنيده كده اعمل فيكي ايه تاني اروح اموت الزفت ده يمكن تنسيه شويه فوقي بقي فوقي الحيوان ده قولتلك مليون مرة مش بيحبك مش بيحبك ما تفهمي بقي افهمي
كنز بصريخ:انت اللي لازم تفهم انت اللي لازم تعرف انا بحب حسام بحبوا مقدرش اقرب من حد غيروا مقدرش وانا قولتلك انا مبحكبش مش بحبك يا ماهر ما تخالى عندك دم يا اخي و سيبني بقي خليك راجل مره واحدة في حياتك و سيبني اعيش حياتي براحتي بقي
ماهر فقد ذره من عقله و تعصب اوي ضربها بألم بقوة و قال بصريخ:اهو اللي انتِ بتحبيه ده هو اللي سبب في الحادثه بتاعتي هو اللي بعاتلي ناس تضرب نار عشان اموت و ياخدك و علفكرة انا سمعت كل حاجه سمعت كل كلمه خرجت منك من اول الاوضه لما قولتي مش هقدر اتمم الجوازة بس انت مش هتفهمني و سمعتك و شوفتك و هو بيشدك لحضنوا وانتِ ساعتها اتخشبتي في مكانك لو فعلا بتحبيه مابدلتهوش الحضن ليه ها رودي عليا
كنز متكلمتش و انصدمت لما عرفت انوا سمع كل حاجه هي قالتها في المستشفي…
كنز بتوتر:يعني..يعني انت..انت س س سمعت ك ك كل ح ح حاجه
ماهر بغضب حارق:اه سمعت كان هاين عليا اقوم اكسر عضموا و ايدوا اللي لمستك دي و اعملي حسابك انتِ هتسافري معايا يعني هتسافري معايا انتِ سامعه و اه هناك هتمم الجوازة ها..و غمز لها و خرج يخرج الغضب بتاعوا كلوا في غرفه الجيم بتاعوا
كنز بغيظ:اووووووف ياربي بقي اعمل ايه بس اما اروح اطلع عصبيتي في الرسم
______________________________________
في الفيلا عند سهيل…
كان قاعد بيعمل الجلسات مع تالين و عمال يبصلها بغموض و عمال بيفكر معقوله تكون متفقه مع رامز ولا العكس هو مش عايز يظلمها لأن باين عليها أنها مستحيل تخدعه…
سهيل في نفسه:ياربي معقوله يا تالين تكوني بتخدعيني معقوله تكوني زي روز بس انا لازم اتأكد مع أن جواد أكدلي أنها فعل مرات رامز بس ليه مقالتش الحقيقه انا لازم اتأكد منها
تالين في نفسها:ياربي انا تعبت بجد انا قلبي بيتقطع ازاي هيجيلي قلب اقتلك ازاي طب مقدرش اهرب لا مش هنفع اكيد حد من رجاله رامز بيراقبني بس انا ليه متأكده ان رامز هو اللي باعتني ليك لحظه كده يعني ممكن يكون اليوم اللي..افتكرت اليوم اللي طلقت فيه
..((فلاش بااااااك))..
نعمه بهدوء ما قبل العاصفة:بص انا هتكلم بهدوء خالص بالهداوه كده تطلقها دلوقتي و تلم هدومها و تمشي حالا وإلا هيكون عندي تصرف تاني
تالين من الخوف مسكت ايد رامز جامد و بصت في عينوا جامد و كأنها بتقولوا لا اوعي تقولها ونبي اوعي تقولها…
رامز:بس..
نعمه بصريخ:انا قولت تطلقها يعني تطلقها انا مش عارفه حبتها علي ايه المسلوعة دي
تالين خلاص علي اخرها سابت ايد رامز و قالت بغضب:لا بقولك ايه لحد هنا و تسكتي مين دي المسلوعة ها مين انا لا يا طنط انا مش مسلوعة وبعدين انا مش فهمه ليه بتعملي كده ها ليه انا عملتلك ايه عشان تكرهيني بالطريقة دي..واكملت بدموع..ده انا اعتبرتك زي امي حسيتك طيبة و تعوضيني عن حنانها اللي افتقدتوا ولا مرة اخدتيني في حضنك و قولتيلي انتِ زي بنتي أو اي حاجه من دي انا دايما بشوف معاملتك الجافه ليا و كنت بطنش عشان رامز بس لحد كده و خلاص انا همشي من البيت ده دلوقتي عشان اريح حضرتك..وبصت لي رامز..طبعا لازم تفضل ساكت هتعمل ايه يعني مش هتقف في صفي و هتقف في صف مامتك اتفضل تطلقني حالا
رامز ببرود تام وقال:انتِ طالق يا تالين
نعمه ابتسمت ابتسامة نصر و رامز حس بنكسار في قلبوا جامد وهي دخلت اوضتها ولمت كل حاجتها في شنطه و مشيت وقبل ما تفتح الباب…
تالين بكره:انا بكرهك وبكرهكم كلكم وانت يا اللي اسمك رامز هيجي يوم و هتندم انك ضيعتني من ايدك
نزلت تالين و بدأت في العياط انها بقت وحيدة تاني و مش عارفه هتروح فين و فاجأة ظهرت عربية سودة و كتفتها و ركبت معاهم ، رامز دخل الاوضه و عمل اتصال مهم…
رامز:ها ايه الاخبار
_الامانه معانا و متقلقش هنقولها كل حاجه انت قولتها بالحرف
رامز:جدع ظبط البيت اللي هتقعد فيه
_اه يا باشا كل حاجه متظبطه
رامز بغيره:و الهدوم طويله و مقفوله
_طويله و مقفوله يا باشا متقلقش اومال
رامز بفخر:انا شكلي هخليك دراعي اليمين
_تلميذك يا باشا
رامز:تمام اول ما توصل ابقي كلمني سلام
رامز في نفسه:و بكده نبدأ رحله موت سهيل العربي
..((بااااااااااك))..
تالين افتكرت الخناقه و بعدها لما ركبت العريبة مكنتش متخدره اوي كانت لسه هتنام سمعت اسم رامز من حد من الرجاله بصت لي سهيل بخوف شديد و توتر…
سهيل بإستغراب قلق:تالين حبيبتي مالك
تالين و هي بتفقد الوعي:انا انا اسفه..و فقدت الوعي فورا و وقعت علي الأرض سهيل قام مرة و احده بس كان هيقع راح مسك في الكرسي و حاول يقومها مش قادر…
سهيل بصريخ:أمااااااااال
أمال بفزعه:يالهوي تالين هانم مالها
سهيل بخوف و توتر:معرفش معرفش ساعديني اشالها مش قادر
أمال حاولت تشيل تالين هي و سهيل و فعلا شالوها لحد السرير و كلموا الدكتورة سميرة لانها هي اللي عارفه حالتها كويس…
دكتورة سميرة:هو في حد اتعصب عليها أو خوفها من حاجه
سهيل بسخرية:وانا هخوفها ازاي و ليه
دكتورة سميرة:انا مقولتش أن حضرتك خوفتها انا اقصدي يعني حد هددها بي حاجه أو خوفها زيادة مثلا
سهيل بضيق:لا محصلش ليه بتسألي
دكتورة سميرة:واضح أنها سمعت أو حد خوفها من حاجه خلاها تفقد وعيها أو افتكرت حاجه مخوفها ف هي متحملتش ف ياريت ياريت محدش يعصبها أو حتي تزعل عشان ده ممكن يأثر علي قلبها
سهيل بخوف:هي عندها القلب
دكتورة سميرة:لا انا مقولتش كده انا بقول ممكن يأثر ممكن
سهيل:تمام يا دكتورة أمال ممكن توديني اوضتي
أمال:حاضر اتفضل
بعد ما سهيل مشي سميرة كانت بتبص علي تالين بحزن شديد و بعدها لمت حاجاتها و خرجت من الاوضه و أمال رجعت اوضه تالين بأمر من سهيل لأنوا خارج مع عزيز دخلت أمال الاوضه و قاعدت معاها و فاجأة حاست بحاجه بتكحت في الشباك فكرت ليكون طائر فتحت شباك فاجأة ليقت فؤاد قدامها…
أمال بصدمه:نهارك اسود انت جيت هنا ازاي جيت ايه انت نطيت ازاي ولا طلعت ازاي امشي امشي لحد من الحراس يشوفوك
فؤاد بفخر:لا متقلقيش انا اتصرفت انا بيسموني فؤاد الفراشه
أمال بسخرية:اقصدك دبانه مش فراشه قولي يا دبانه اقصدي يا فؤاد بيه عايز ايه
فؤاد:انتِ عارفه انا عايز ايه و بعدين انا لسه محسبتكيش علي الهروب ها انا هادي خالص مع أنها اول مرة ابقي هادي كده ف متنسيش بكره هتيجي عشان نتجوز ها لو مجتيش انتِ عارفه انا اقدر اعمل ايه..أمال بصت علي تالين ليقتها لسه نايمه أو الصح((عامله نفسها نايمه و سمعت كل الكلام اللي بيدور بين أمال و فؤاد))
أمال بخوف توتر:طيب هاجي بس لو سمحت امشي من هنا لحد يخش هنا أو البنت تصحي
فؤاد بنبهار:دي تالين مرات سهيل صح يالهوي زي القمر و بدر منور كده
أمال بضيق بتجز علي أسنانها:هو ده وقت معاكسه امشي بقي لحد يشوفك
فؤاد بخبث:ايه يا أموله بتغيري عليا ولا ايه
أمال بغضب:انا اغير عليك ليه ان شاء الله لا مش بغير امشي بقي يلا
فؤاد:ماشى ماشى بس متنسيش المعاد اللي بينا
أمال بتسرع:طيب طيب مش هنسي امشي بقي
فؤاد قبل ما ينزل قبلها من خدودها و نزل و هي بصتلوا بدهشه و خجل ممزوج بغضب قفلت الشباك و بصت علي تالين ليقتها بتفوق وقالت في نفسها:الحمد لله مسمعتش اي حاجه
تالين في نفسها:مين فؤاد ده و عايز يتجوز أمال ليه شكل الموضوع ده في سر و سر خطير كمان انا لازم اعرفوا و هعرفوا
أمال:حمد الله على سلامتك يا تالين هانم
تالين بتعب:الله يسلمك هو فين سهيل
أمال:سهيل بيه خرج مع عزيز بيه بس هو كان قاعد جمبك قبل ما يمشي
تالين:تمام ينفع تجيبلي كوبايه مايه
أمال:حاضر يا هانم
بعد ما خرجت مسكت الموبايل فتحت علي الرساله بتاعت البوص بتبص فيها كل شويه وقالت:يارب ساعدني يارب انت عالم اني بحبوا و مش عايزة اموتوا يارب
________________________________________
عند أسماء…
كانت قاعدة في الاوتيل بتجهز نفسها عشان هتقابل زياد تاني بس المرة دي هتاقبلوا هو و شله ف لبست بنطلون واسع لونوا برتقالي غامق بلوزه نفس اللون و طرحه بيضه و شنطه بيضه و حطت برفوم بتاعها المفضل راحت ليقتهم قاعدين و زياد شافها و كان منبهر بجمالها بالحجاب((اصلها من أيام الجامعه مكنتش لبسه الحجاب))
أسماء:ياسو و ميجو عاملين ايه
ياسمين:واو ايه ده يا أسماء انتِ اتحجبتي مبروك انا مكنتش اعرف بس تصدقي شكلك قمر بالحجاب صح يا حبيبي
أمجد بإبتسامة:اه فعلا زي القمر ما شاء الله عامله ايه كده
أسماء:الحمد لله كويسه قولولي بس اتجوزتوا أمتي
أمجد:بعد الجامعه هي طبعا اشتغلت في الفاشون زي ما كانت عايزة و انا اخيرا قدرت افتح شركتي و كان عندي شقتي ف روحت و اتقدمت و وافقت بعد مقالب و حاجات تافهه كعادتها و بعدها اتخطبنا و عملنا كتب كتاب و تجوزنا بس كده
ياسمين:و علفكرة انا حاولت اتواصل معاكي ليقت رقمك اتغير
أسماء:اه انا جبت رقم جديد
ياسمين:طب حلو اوي اديني بقي رقمك الجديد عشان نبقي نرغي بقي زي زمان لحد صبح فاكرة
أسماء:طبعا فاكرة دي حاجه تتنسي
أمجد بخبث:ايه يا زيزو سرحان في ايه..و خبطوا في كتفوا عشان يركز معاه عشان أمجد لاحظ ان زياد سرحان في أسماء و ياسمين اخدت بالها بصتلهم بخبث و أسماء بصت ف الأرض و خدودها عبارة عن فراولة مش بس طماطم
ياسمين:بقولك يا أسماء متيجي نتمشي علي البحر شويه
أسماء ارتاحت لان ياسمين انقذتها:تمام تعالي
((تعالوا اما نتعرف علي شخصيات اللي هتبقي قليله في ظهور))
ياسمين هجرس:عمرها ٣١ سنه عندها اكبر محل فاشون في العالم لأنها بتحب تصمم الملابس و عندها فرعين في القاهرة و اسكندرية اتجوزت أمجد صاحب زياد
أمجد المجالي أمام:عندوا ٣٤ سنه كان ماسك شغل أبوه في وقت الجامعه بس قرر انوا يعتمد علي نفسوا و يفتح شركتوا و قدر فعلا يثبت ده و اتجوز حب عمروا ياسمين
أمجد بغمزه:ايه يا زيزو ايه الدنيا معاك
زياد بإستغراب:ايه في ايه
أمجد:ايه يا زيزو هتصيع عليا ولا ايه
زياد بنفس الاستغراب:في ايه يا أمجد ما توضح كلامك مش بحب الالغاز دي
أمجد:انت بتحب أسماء مش كده
زياد:___
عند أسماء…
ياسمين بخبث:بقولك يا قلبي
أسماء:قولي
ياسمين بنفس الخبث:انا لحظت كده أن الواد زيزو بيبص عليكي و كان سرحان فيكي كمان
أسماء بخجل و توتر:ها لا ملحظتش
ياسمين بخبث:ملحظتش يابت
أسماء:ياسمين
ياسمين بخبث:يابت بقي
أسماء بإبتسامة:ايه بقي
ياسمين بفرحه:بتضحكي يبقي كلامي صح
أسماء:هههههه يابنتي كلام ايه انتِ عماله تخبطي فيا وانا مش فهماكي
ياسمين بخبث:يابت هتعملي نفسك يعني مشوفتيش نظرات الواد زيزو ده ناقص عيونوا تتطلع قلوب
أسماء بإستغراب مصطنع:اقصدك ايه
ياسمين بتعب:يابت انتِ عايزة تشليني بصي من الاخر كده زياد باين عليه بيحبك
أسماء بصدمه:بيحبني انا!!
زياد بصدمه:انا بحب أسماء!!
أمجد:اه باينه اوي و متعملش من بنها عشان انا حافظك
ياسمين:اه بيحبك ايه هتعملي نفسك مش واخده بالك من نظراتوا و سرحانوا فيكي
أسماء قبل ما تتكلم لقوا بنت زي القمر بتجري عليهم و هي فرحانه…
_يا بنات يا بنات في خبر حلو اوي اوي اوي
أسماء و ياسمين بإستغراب:انتِ مين
_مش مهم انا مين المهم ان الخبر الحلو عمرو دياب هنا في اسكندريه و عامل حفله جامدة طحن علي البحر قريب من هنا انتوا بتحبوا عمرو دياب صح
أسماء و ياسمين بفرحه:طبعا بنحبوا بس لو عايزين نحضرها هندفع فين
_طب خدوا الكبيرة هو عامل الحفله دي للكل و ببلاش يلا مفيش وقت نضيعوا لو انتوا معاكوا حد خليهم يجوا معاكوا و ياريت لو تلبسوا فساتين يلا يلا بسرعه
أسماء و ياسمين مستنوش جريوا علي أمجد و زياد عشان يلحقوا يجهزوا…
أسماء و ياسمين بحماس:أمجد زياااااااااد
أمجد و زياد بخضه:في ايه مالكم ايه الصريخ ده
أسماء و ياسمين بنفس الحماس:عمرو دياب موجود هنا علي البحر و عامل حفله ببلاش يلا عايزين نروح ونبي ونبي
أمجد و زياد:بتهزروا لو صح يبقي يلا نغير و نلبس لبس مناسب يلا
و أسماء جريت بسرعه اوي لي اوضتها دخلت و خبطت في يارا…
يارا:اااااااه في ايه براحه بتجري كده ليه
أسماء بتسرع:اسكتي خليني الحق البس هتأخر علي عمروه
يارا بإستغراب:مين عموره ده
أسماء:عمرو دياب يا يارا عمرو دياب موجود و عامل حفله ببلاش لازم الحق و البس
يارا بفرحه:بجد طب استني اجي معاكي
أسماء بتسرع:لا لا مش هنستاكي بصي هو علي البحر نفس المكان اللي كنتي بتتمشي فيه مع حاتم تمام يلا سلام بقي..جريت علي بره و طبعا كانت لبست فستان لونوا pink في أبيض و عليها طرحه نفس لون الفستان..اما ياسمين كانت لبسه فستان أبيض منقط عليه جاكت خفيف لونوا أسود و مربوط من فوق
أمجد كان لابس قميص أبيض و شورت كحلي..اما زياد لابس تي شيرت لونوا أخضر فاتح عليه نخل و شورت ازرق عليه اوراق شجر
و راحوا علي طول و يارا ملحقتش تروح وراها بس طلعت بلوزة كت أبيض و عليها جيبه طويله لونها اخضر في أبيض و فيها شويه أصفر لبست و كانت لسه هتخرج حاست بي حد وراها بصت فاجأة كانت هتصرخ بس هو حط ايدوا علي بقوها و هي شالتوا وقالت بخوف:صبري؟!!!!
في البحر…
وصلوا أسماء و ياسمين و أمجد و زياد و كان عمرو دياب بيغني أغنيه جميله حاسها زياد كأنوا بيهديها لي أسماء و هي بصت لي زياد و هو بصلها و عمرو دياب بيغني
عمرودياب:وهتبتدي الحكايات ماعنيك قالتلي حاجات واهو بان عليك علامات ماخلاص كفايا سكات..وهتبتدي الحكايات ماعنيك قالتلي حاجات واهو بان عليك علامات ماخلاص كفايا سكات
احساس جميل صعب اوصفه واللي انت لازم تعرفه انا قلبي كنت محلفه لا يحب ولا يهوا
لا يحب ولا يهوا..لا يحب ولا يهوا
شوفتك نسيت انا كل ده مشيت عنيا مغمضه علي فين واخدني معاك كده مع روحك الحلوة
مع روحك الحلوة..مع روحك الحلوة
وهتبتدي الحكايات ماعنيك قالتلي حاجات واهو بان عليك علامات ماخلاص كفايا سكات
الوقت ليه هنضيعه قلبك و قلبي اتجمعوا والحب ده مين يمنعه
اشوقنا تغلبنا..اشوقنا تغلبنا..اشوقنا تغلبنا
مشوار طويل وده اوله مع بعضنا هنكمله العمر ايه هيجمله
غير كلمه في قلوبنا..غير كلمه في قلوبنا..غير كلمه في قلوبنا
و هتبتدي الحكايات ماعنيك قالتلي حاجات واهو بان عليك علامات ماخلاص كفايا سكات..وهتبتدي الحكايات ماعنيك قالتلي حاجات واهو بان عليك علامات ماخلاص كفايا سكات
و أسماء كانت بتبص عليه و لحظت انوا هو كمان بيبص ف راحت غيرت نظراها و بصت علي عمرو دياب و هو فاضل باصص عليها
عند يارا…
يارا بصدمه:صبري انت بتعمل ايه هنا؟!!
صابر:اهدي يا يارا انا هفهمك كل حاجه
يارا بخوف:تفهمني ايه تفهمني ايه انت عرفت مكاني ازاي انت انت جي ترجعني تاني انا و أسماء صح
صابر بهدوء:لا يا يارا انا مش جي عشان كده
يارا بخوف اكتر و اكتر:امم..امم اومال جي عشان ايه
صابر:انا جي عشان اقولك اني مش اسمي صبري و مش شغال مع المافيا اصلا
يارا بعدم فهم:ها مش فهمه ازاي مش اسمك صبري و مش بتشتغل مع المافيا انا مش فهمه اي حاجه طلما كده يبقي انت مين
صابر بهدوء:انا اسمي صابر شوقي أو عشان اقول المعلومة كامله معاكي الرائد صابر شوقي من المخابرات
يارا برقت و بصتلوا بصدمه و دهشه و برضوا مش فهمه اي حاجه…
يارا بنفس الصدمه:مخابرات انت انت ظابط مخابرات يعني انت طول الفترة دي بتضحك عليا
صابر:انا هشرحلك الموضوع بدأ ازاي بس تديني فرصه
يارا:اتفضل اشرح
..((فلاش باااااااك بعد خطف تالين بيوم))..
جواد:ها يا صابر عرفت ايه المهمه اللي بعد كده
صابر:حضرتك مش شايف أن الموضوع ده صعب شويه يعني مش بس انا بيقت واحد من رجالتوا عايزيني كمان اهرب يارا أخت تالين ازاي دلوقتي
جواد:ايه يعني يا صابر هو ده صعب يعني انت هتفضل شغال معاهم طبيعي خالص و طبعا من غير ما تتدخل في أي جرائم مع رامز لغايت ما تلاقي الفرصه المناسبه و تهربها بس كده
صابر:طب و تالين يا باشا دي كده هتتروط في جريمه هي مش اقدها
جواد بغموض:سيبلي انا الموضوع ده انت بس ركز مع رامز و يارا بس و هبعت معاك كمال و خالد انا مفهمهم دورهم بالظبط
صابر:تمام يا جواد باشا اي أوامر تانيه
جواد:لا يلا روح نفذ
..((باااااااك))..
صابر:و بس كده يا ستي و الباقي بقي انتِ عارفه
يارا:يعني انت عايز تفهمني انكوا عارفين موضوع رامز و خططتوا انوا يبعت تالين عند سهيل و هو يدور عليا و بعد ما لاقني خطفني و اقتل جوزي و بنتي و هدد تالين بيا لو منفذتش جريمه سهيل وانا اموت مش كده
صابر:لا طبعا انا مكنتش هسمحلوا انوا يقتلك كنا هنتصرف يعني لو ده حصل بس اهو كل حاجه اتغيرت زي ما انتِ شايفه كده و اه علفكرة انا سمعت كلامك و ليقت البنت اللي هتكمل معايا حياتي بس انا دلوقتي زي أخوكي يا يارا لو عوزتي اي حاجه قوليلي تمام و اه صح تقبلي مني دعوة فرحي بعد يومين لو جيتي هبقي مبسوط اوي
يارا بصت للدعوة و أخدتها و قالت بإبتسامة:تمام هحضر انا و أسماء و حاتم
صابر بإستغراب:مين حاتم ده
يارا:ده هيبقي خطيبي ان شاء الله
صابر بإبتسامة:بجد طيب ياستي عموما الف مبروك مقدما و انا اول واحد هحضر و اشوف حاتم ده بنفسي يلا انا هخرج ما كان ما جيت سلام
يارا:صابر
صابر:نعم
يارا بأمل:هتقدر تنقذ تالين زي ما وعدتني قبل كده
صابر بإبتسامة:اوعدك هنقذها متقلقيش
بعد ما خرج لقت حاتم نط و دخل الاوضه…
يارا:اعاااااا حاتم انت دخلت هنا ازاي
حاتم بهدوء ما قبل العاصفة:زي ما ظابط صابر دخل بالظبط انا دخلت بصي بقي انا عايز افهم الحكايه كلها من طقطق لي سلام عليكوا تمام عشان مش عايز اتفاجئ بعد كده
يارا:لازم دلوقتي انا رايحه حفله عمرو دياب اللي هنا قبل ما تخلص ممكن تيجي معايا و بعد الحفله وعد مني هحكيلك كل حاجه
حاتم:اه انا سمعت علي الحفله و كنت جي اقولك بس شكلك عرفتي قبلي يلا نروح يا خطيبتي
يارا بصتلوا بخجل و مشيت و هو ابتسم و مشيوا و راحوا علي الحفله…
عمرو دياب:ب و ح و ب و ك بحبك لو قصادي ده و ده هحبك لو يعيدوا عمري برضوا بحبك و هحبك أضعاف..ب و ح و ب و ك بحبك لو قصادي ده و ده هحبك لو يعيدوا عمري برضوا بحبك و هحبك أضعاف..ب و ح و ب و ك بحبك لو قصادي ده و ده هحبك لو يعيدوا عمري برضوا بحبك و هحبك أضعاف
عندي اعترافين الأولاني لو سوا واقفين مبشوفش تاني وانا مالي العين غيرك حبيبي ولا ولا غيرك يتشاف هما اعترافين التاني باجي عندك و بسيب روحي بمزاجي من غير ترتيب انت اللي بقي يا حبيبي يظهر بتخاف..ب و ح و ب و ك بحبك لو قصادي ده و ده هحبك لو يعيدوا عمري برضوا بحبك و هحبك أضعاف..ب و ح و ب و ك بحبك لو قصادي ده و ده هحبك لو يعيدوا عمري برضوا بحبك و هحبك أضعاف
تحكي متحكيش مييت حاجه قالت انا و انت مفيش ما بينا تالت الليله هنعيش وبكره بقي يبقي يحلها حلال..ب و ح و ب و ك بحبك لو قصادي ده و ده هحبك لو يعيدوا عمري برضوا بحبك و هحبك أضعاف..ب و ح و ب و ك بحبك لو قصادي ده و ده هحبك لو يعيدوا عمري برضوا بحبك و هحبك أضعاف
و الحفله خلصت و أسماء راحت الاوضه و يارا فضلت قاعدة مع حاتم تقولوا كل حاجه بتفصيل و زياد جري بسرعه ورا أسماء…
زياد بتعب:أسماء يا أسماء استني هديتي حيلي عمال اجري اسبتي بقي
أسماء بخجل:في ايه يا زياد بتجري ليه
زياد بتوتر:أسماء انا
أسماء بخجل و توتر:انت ايه
زياد بتوتر زيادة:انا..انا
أسماء بتوتر:في ايه يا زياد ما تقول علي طول انا اتوترت من تورترك
زياد بهدوء و حب:حاضر هدى من الاخر كده و من غير مقدمات انا بحبك يا أسماء و عايز اتجوزك
أسماء:___
و نسيب أسماء لحد كده في صدمتها…
__________________________________
عند جومانا كانت قاعدة مع يزيد تتطمن عليه زي كل يوم بتلاقيه بيتحسن بس شويه شويه…
الدكتورة:يلا يا حبيبي كل آخر معلقه ايوة ايوة شاطر
يزيد:ممكن كفايا انا شبعت والله مامي قوللها اني شبعت
جومانا:خلاص يا حبيبي كل دي من أيد مامي و تخش تغسل ايدك
يزيد:ماشي
جومانا:يلا شاطر يا حبيب مامي يلا خش الحمام اغسل ايديك و بعدها خلص h.w مع أخوك
يزيد:حاضر يا مامي
جومانا:قوليلي يا دكتورة يزيد عامل ايه دلوقتي
الدكتورة:هو حاليا بقي احسن كتير من المرة الأولي بس ياريت تبعديه عن اي خناقه عن اي حاجه تخليه يخاف عشان مش عايزين حالتوا ترجع زي الاول تاني
صابر:متقلقيش يا دكتورة مش هيرجع زي الاول تاني
الدكتورة:تمام يا صابر باشا آخر معاد هيبقي يوم الجمعه ان شاء الله عن اذنكم
صابر و جومانا:اذنك معاكي
صابر:حبيبت قلبي عامله ايه
جومانا بخجل:احمم كويسه جدا
صابر:طب كويس انا عاملك مفاجأة هتعجبك
جومانا بفضول:بجد انا عايزة اعرف يلا يلا
صابر:طيب طيب اهدي استني تعالي..قرب عليها و غمى عينيها بشريطه سوده و مشي مشي بيها لحد ما وصلوا لي اوضه فتحها و كان فيها لمبه واحده بس وشال الشريط و عينيها فتحتها براحه لحد ما بصت بصدمه علي حاجه شافت فستان أبيض طويل و جميل و عليه من فوق طرحه بيضه و تاج شكلوا رقيق…
جومانا بعدم استيعاب:ده ده ده
صابر بكتم ضحك:اهدي يا جوجو اهدي والله شكلك مسخره مش قادر
جومانا استوعبت انوا فستان فرح و طرحه منقوشه زي الفتسان و انبسطت اوي من شكلوا بصت لي صابر بفرحه و جريت اترمت في حضنوا و هو رحب بكل سعادة
جومانا بفرحه:الفستان حلو اوي اوي اوي بس لحظه لحظه افهم
صابر:ايوة ايوة انا جيبتوا للي في بالك فرحنا يا جوجو بعد يومين
جومانا بصدمه و توتر:يومين بس بس
صابر:هههههه مالك اتورترتي كده ليه يا حبيبتي اهدي اهدي
جومانا بتوتر:انا لسه مجهزتش الحاجات التانيه و القاعه انت حجزتها شكلك محجزتهاش و الناس اللي هنعزمهم و صحابي و كروت دعوة و الكراسه يالهوي لسه هندور و نشتري كل دول و لبس لي ساهر و يزيد
صابر اخد جومانا في حضنوا تاني عشان يهديها:اهدي يا جوجو مالك متوتره كده ليه انا مظبط كل حاجه يا روحي و الدعوات جهزت و باعتها لي كل اصحابك و صحابي و بدل ساهر و يزيد جهزه و بدلتي كمان و كلمتلك احسن ميكاب ارتست تبظبط جوجو حبيبت قلبي
جومانا بإرتياح:بجد طب مش تقول كده من الاول
صابر:يعني انتِ اديتني فرصه اتكلم انتِ قاعدتي تتكلمي وراه بعض وراه بعض وراه بعض و بسرعه و ملحقتش بقولك يا جوجو
جومانا:قول
صابر:مفيش كده اي حاجه حلوة منك يعني كلمه رومانسيه تصبيره يعني قبل الفرح
جومانا:تؤ تؤ بعد الفرح هبقي اقولك كل اللي انت عايزوا
صابر:طيب بصي علي الكروت
جومانا بإنبهار:واو شكلهم تحفه اوي اوي اوي
صابر:طيب يلا نخش ننام
جومانا:يلا