رواية مروضة الرجال الفصل الرابع عشر 14 بقلم سلطان زماني

رواية مروضة الرجال الفصل الرابع عشر 14 بقلم سلطان زماني

رواية مروضة الرجال البارت الرابع عشر

رواية مروضة الرجال الجزء الرابع عشر

رواية مروضة الرجال الحلقة الرابعة عشر

قفلت مع مرات وبعدها بنص ساعة طارق ده جيه ومعه
حاجات شيلها كتير فضل يلعب ويهزر مع ابني وسألني ع
اسمه قولتله منصور قالي طب مش هتجهزلنا الاكل يا ام
منصور قولتله أنا مش جعانه كلت قالي ازاي بقا علشان يبقا
عيش وملح قومي ياشيخه متتكسفيش
بقلم سلطان زماني
قومت لقيته اصلا جايب اكل جاهز ..قولتله اكل ايه الي
هجهزه ماهو جاهز اهو قالي تعالي معايا ودخلنا المطبخ
جابلي الاطباق وحطها علي الطربيزة وفضينا الاكل في
الاطباق
باكل بس مكسوفه وهو ملاحظ ده وكل شوية يقولي كلي
متتكسفيش
وانا اقوله ما أنا بأكل اهو ويبصلي ومش فاهمه بصته دي
معنها اي
بقلم سلطان زماني
كلت ولميت الحاجة ودخلت قوضه تانية كان فيها سرير
ودولاب صغير قفلت الباب ومنصور ابني نام وانا هموت وانام
بس خايفه لقيته بيخبط فتحت الباب قالي انتي بتنامي
بدري ولا ايه تعالي اقعدي معايا شوية ونسيني
طلعت قعدت معه وقعد يحكيلي أنه مطلق من سنتين
وقولتله وأزاي حاجتها موجوده
قالي بقا أنها اتنزلت عن كل حاجه بسبب انها مكنتش بتزوره
لما كان في السجن وكانت بتمشي بطال
بقلم سلطان زماني
اول ما سمعت أنه كان مسجون كنت هعمل حمام ع نفسي
من الخوف والرعب ..سألني عن حكايتي فضلت احكيله
حاجات بسيطة ومش بذكر اسماء وبحاول أتوه في
الكلام ..لقيته قام ومسك طبق وفضه سجاير فيه وقعد يلف
حشيش وقالي ماتيجي في السالك والدوغري وتحكيلي الي
حصل علشان كل الهري ده مش داخل دماغي
بصتله جامد اوي ومش عارفه اقوله ايه

بقلم سلطان زماني
قالي محسوبك سواق مكيروباص اه بس مدقدق وافهمها
وهي طايره ومفيش وحده هتهرب وتسيب جوزها الا لو عمله
نصيبه ونصيبه كبيرة اوي كمان
قولتله والله ابدا وحكتله حكايتي من اولها لاخرها بالتفاصيل
قالي يخربيتك طيرتي الدماغ الي كنت عاملها وسألني ع امي
فين قولتله سافرت ومبقتش موجوده وأحمد اخويا لا بيحل
ولا يربط ولا هيدخلي في مشاكل واني كل الي عايزاه أنه
يطلقني بس ويسبني في حالي أنا وابني 🥺
بقلم سلطان زماني
قالي والي يخلصلك المصلحة دي تعمليله ايه
قولتله والله اعيش طول عمري ادعيله وعمري ما هنسه فضله
ولا معروفه
قالي تدعيله اي وفضله ومعروفه دي أنا عايزك تفتحي مخك يابت معايا
قولتله افتح مخي ازاي …هو انت بالله عليك ممكن تخليه
يطلقني ويسبني في حالي
قالي أنا ممكن اعملك اي حاجه في خيالك بس تقدري
قولتله والله لو عملت كده لهفضل شيلالك الجميل ده طول عمري
قالي وايه كمان
قولتله هو انت عايز ايه قربلي وقالي عايز ادوق القشطة
وادوب في المربي الهط السمنه البلدي قولتله انت اي الي
بتعمله ده وبقا يقرب جامد ومسك ايدي وانا جسمي اتخشب
ولا عارفه ازقه ولا امنعه قولتله بالله عليكي ماتاذيني أنا الي
فيا مكفيني علشان خاطر ربنا ابعد
بقلم سلطان زماني
وعيوني نازل منها شلال دموع وكتمه صوتي بالعافيه وعماله
اتشحتف زاي الاطفال لقيته مسك ايدي وصعبت عليه وقالي
خلاص خلاص اهدي في أي وبقا يمسحلي دموعي قومت
بسرعة دخلت الاوضه وقفلت الباب وبعد ما اتاكدت أنه دخل
أوضته وخلاص نام أنا النوم غلبني واخدت ابني في حضني
اطمنت بيه وبحضنه ورحت في النوم

يتبع…

• لقراءة الفصل التالي: اضغط هنا
• لقراءة باقي حلقات الرواية اضغط على (رواية مروضة الرجال)