رواية بلوة حياتي 2 الفصل الثالث 3 بقلم سارة
رواية بلوة حياتي 2 الفصل الثالث 3 بقلم سارة
رواية بلوة حياتي 2 البارت الثالث
رواية بلوة حياتي 2 الجزء الثالث
رواية بلوة حياتي 2 الحلقة الثالثة
وانتهت الاغنية ومالك خد باله إن في حد جنبه
مالك.بص ولقي ميساء:احم احم
ميساء.بانتباه: اسفه مخدتش بالي إنك هنا
مالك: حصل ومخدتيش بالك إن انا اللي مشغل الأغنية بردو
ميساء.بتمثيل عدم الفهم:اغنية إيه ؟
مالك: تحبي اغنيلك عشان تفتكري
ميساء:ياريت لو سمحت 😂
مالك:هو انا ممكن أسألك سؤال
ميساء:اتفضل 🙂
مالك:هو في حد… كان هيكمل ويقول في حد في حياتك لكن رنة تليفون ميساء قطعت كلامه
ميساء: ثواني هرد عشان مكالمة مهمة
مالك: اتفضلي…
ميساء: افندم سام ؟
سام (لو تفتكرو كان موجود في الجزء الأول مهندس بيئة حبيب سارة بنت خالة يوسف وفريده 😂): إنتي يا بنتي… إزاي رجعتي مصر كده من غير ما اعرف ؟ (كلامه عربي مكسر)
ميساء: حبيبي يا سام ابوس ايدك اتكلم عدل ياما اتكلم ألماني العربي المكسر ده هيشلني
سام:استحمليني يا حجة انا لازم اتكلم عربي كويس وإلا سارة هتموتني 😂…انا زي اخوكي بردو يا ميسااا
ميساء:طيب يا سيدي كنت عايز إيه ؟
سام: لأ انا بس كنت بستفسر رجعتي مصر تاني ليه؟
ميساء:مفيش رجعت بقي وخلاص بس غالباً هرجع تاني !
سام:هو جنبك 🙄
ميساء:مين ؟
سام:حبيب القلب ؟
ميساء بصت لمالك اللي كان ملامحه باين عليها الغضب والحزن:امممم
سام:طب رددي ورايا خلي يغلي وبعدين ابقي ادعيلي ربنا يوفقني في العربي اقلبي تمام
وبدأت تردد ميساء ورا سام
“والله وإنت كمان وحشتني يا حبيبي …اه طبعا الحياة وحشة من غيرك صدقني بفكر فيك ليل ونهار يا سام ده إنت العشق يا سيدي… مستنياك يا حبيبي تنور مصر 😂…مع السلامة يا قلبي خلي بالك من نفسك…عسل يا حبيبي وإنت بتكلم عربي مكسر صدقني …مع السلامة…اه هكون صاحية باليل نبقي نتكلم باليل فيديو كول يا حبيبي”
ميساء.قفلت مع سام وفي نفسها وهي بتبص لمالك “الله يخربيتك يا سام مالك شكله هيقوم يموتني من العصبية….ده كلام بردو…يبختك الاسود يا ميساء…ده عنيه حمرة اوي انا ميتة النهاردة خلاص 😂”
مالك.قام بغضب وراح ناحيتها.وبغضب مكتوم:مين سام ده ؟
ميساء:س…سا…سام حبيبي .
مالك: افندم حبيبك ده إزاي يعني
ميساء:حبيبي زي الناس…ثم إنت ماااالك ؟
مالك.في نفسه”مفيش حاجة اسمها انا مالي لأنك إنتي بتاعتي انا وبس سواء غصب عنك أو برضاكي إنت خاصة بيا انا وممنوع إن قلبك يفكر حتي إنه يحب غيري مش يحب وانا هشوف مين سام ده ولو وصلت معايا إني اقتله هعملها من غير تردد حتي …عشان إنتي بتاعتي انا ومستحيل أسمح إنك تكوني لغيري هتفضلي ليا زي ما بقيتي ليا من زمان إنتي هيفضل قلبك يحبني انا ومستحيل يحب غيري ولو فكر يحب غيري مش هتردد لحظة واقتلك واقتل اللي حبيتيه”
ميساء:هيي هييي إنت ساكت ليه وبتفكر في إيه
مالك.بعد عشان الغضب وصل معاه لدرجة أنه ممكن يتهور: وده حبيتيه ايمتا بقي وهو منين واصله إيه
ميساء.بمحاولة إنها تستفز مالك اكتر”اظن صعب تعرف إنت حبيت حد ايمتا أو حتي حبيته ليه هو بيكون شخص بيدخل حياتك وبيغيرك وبتشوف الدنيا بعنين جديدة…بس الأهم إنك بتبقي ليه…بتبقي ليه من غير ما تعرف ايمتا أو ليه وبيفضل السؤال إنت ليه بقيت ليه…ليه قلبك اختاره هو وبس دون عن الجميع ليه حياتك بقت متعلقة بحياته هو ليه كده…كان قصدها بكل كلمة حبها لمالك…بعدين رجعت كملت…سام معاه الجنسية الامريكية لكن هو اصله مصري بس عاش معظم حياته في أمريكا هو أصلا كله علي بعضه امريكي بس حب إنه يكمل تعليمه في ألمانيا”
مالك.سرح في كلامها في البداية ومركزش مع آخر الكلمات اللي هي قالتها يمكن لأن قلبه عارف إن الكلام ده ليه هو مش سام عارف إن كل كلمة قالتها عن حبها ليه هو وهي لسا مازالت بتحبه لكن عقله مصدق إن الكلام عن سام وقع ما بين دوامة تصديق القلب أو العقل
مالك: مش مسمحولك تحبي حد !
ميساء:ده ليه…. استني إنت رايح فين ؟!…كان مالك سابها ومشي بعد ما قال جملته
ميساء في نفسها مع ابتسامة بسيطة”مجنون ده ولا إيه هو إيه اللي مش مسمحولك تحبي حد…بيغير عليا أكيد… والله بتفهم يا واد يا سام 😂…ثواني لحسن بجد ممكن يعمل اللي قال عليه هو فعلاً ممكن يقتلني ؟!…ممكن!”
مالك.رجع البيت وهو مليان غضب كل همه يعرف مين سام ويتأكد إذا كان الكلام ليه هو ولا بجد لسام… وخلاص بقي هيتجنن ويعرف…ومع الأسف مالك من الناس اللي لما تحب بيبقي زي الاطفال في الامتلاك ! هو امتلك ميساء في نظره ومصر إنها تفضل تحبه حتي لو هو مش هيمنحها الحب ! عايز قلبها يفضل يحبه بالرغم من إنه عارف إنه بتتعذب زيه واكتر لكن شبح الامتلاك مسيطر عليه وده سبب قادر يقتل حب ميساء !
ميساء رجعت البيت:الواد الزفت حازم قالي هيجي يقعد معايا ومجاش معقول لسا مرجعش أما اروح أشوفه …
~~~~~~
في غرفة حازم
كان حازم لسا راجع من برا ومسك تليفونه وبص للساعة وقال ب ابتسامة”الساعة 10 أكيد صحيت دلوقتي أما اتكلم معاها”
حازم.فتح الانستجرام وبعت مسدج لبنت ب إسم Asso*** (مش هكمل إسم الاكونت عشان محدش يفكر يروح يبحث عنه 😂😂)
حازم.بعت ريكورد”صباح الخير…علي أحلي واحدة في الكون”
أسيل.بعتت ريكورد (اخت فريده) 🙊”صباح النور علي ارخم واحد في الكون”
حازم:ليه بس بتقولي كده (الكلام كله ريكودات تمام ؟)
أسيل”زوما متهزرش إحنا أصحاب والواحد حاسس إنك مصر تاخد الموضوع علاقة حب”
حازم”لا يختي حب مين ويوم ما احب هحبك إنتي ؟… لأ إحنا أصحاب يا اسو يا ختي”
أسيل”زوما بقولك ايه… إنت فاضي ؟”
حازم:”أيوة بس ليه”
أسيل”اصلك عيل قليل أدب”
حازم”ليه بس يا اسو”
أسيل”يا بني راعي إني في تالتة ثانوي إنت بتشتتني عن المذاكرة”
حازم”بسيطة اعمليلي بلوك مش صعبة يعني 🙄”
أسيل”والله فكرت اعملك بلوك واكسر الفون كتير بس مقدرش !”
حازم.بغرور”متقدريش ليه بقي 😏”
أسيل”صوتك حلو وبيريحني وخصوصاً لما تغني 🤗 …علي فكرة انا لما بمل بفتح الريكوردات اللي إنت مغني فيها عشان ارتاح وارجع اذاكر”
حازم”باركااااااتي يعني هتنجي علي قفايا يا زبالة”
أسيل”ولاااا مش عايزة اشتم”
حازم”بقولك انا بفكر اجي كندا عشان اشوفك face to face”
أسيل متوترة وفي نفسها”يا خراااابي يجي يشوف مين طب انا كدبت وقولت في كندا عشان ميفكرش إني في مصر وكده ويبقي صداقة سوشيال بس يجي مين الموكوس”
حازم”يابا ردي لو مش عايزني اجي خلاص مش هاجي شكلك بخيلة ومش هتضيفيني كويس كنت حاسس إنك بخيلة”
أسيل”فكك من كل ده وغنيلي اغنية سنة الحياة ل حسين الجسمي بليزززز”
حازم”طب غني معايا بليززز مش هغني لوحدي”
أسيل”تمام هبدا انا وإنت كمل”
~”لو طالت المسافات وبعدتنا الايام ما بينا الف حاجه تبيِّن الاهتمام”
حازم”مين قال ان التلاقي لُقا وسلام بالإيد فيه قلوب بتحس بينا لو حتى من بعيد”
أسيل”دايماً جوانا كلام قصص محتاجه تتقال وناس غاليين علينا مابيروحوش م البال”
حازم”ده مافيش للدنيا معنى لو ما انتش لاقي ليك حد اما تغيب عليه يفضل يسأل عليك”
أسيل”فعلاً مش بيكون ليومي معني غير لما بتيجي تتكلم معايا وتسأل عليا 🖤”
حازم.بحماس وصوت كله حب”ودي سُنة الحياه نبعد نتوه ونمشي في مليون اتجاه ودي سُنة الحياه الغالى بيفضل غالى وانتا بقلبك معاه نتمنى لحظة تجمعنا بحبايبنا لا بعاد ولا غربة ولا شوق في قلوبنا دا لُقــــــــــانا بمعاد”
“خلاص انا عايز اشوفك face to face يا حجة إنتي بقيتي جزء مهم جدا من حياتي هو ممكن الصداقة دي تتحول ل حب يا اسو؟”
أسيل”لأ مش ممكن إحنا أصحاب وبس مش عايزين نزعل وسلام بقي عشان بذاكر فيزياء كهربية مش عايزة اتشتت”
حازم”اهربي يختي اهربي…معاك دكتور هنا لو” احتجتي اي حاجة…سلام 🖤”
ميساء.من وراه:هي ممكن الصداقة دي تتحول لحب يا اسو…مين اسو دي يا ولد ؟
حازم:ميسو إنتي هنا من ايمتا .
ميساء:لو طالت المسافات وبعدتنا الايام ما بينا ألف حاجة تبين الاهتمام
حازم: خلاص خلاص قولي إنك هنا من البداية !
ميساء.قعدت بفضول:بتحبها ولا بتشتغلها …وهكسر رقبتك لو بتشتغلها…
حازم:ههه بشتغلها دي طيرت الباقي من عقلي يا ميسو والله
ميساء:طيب احكيلي ده انا زي اختك بردو 🌚
حازم:بصي يا ستي عرفتها من خناقة في الكومنتس في الانستجرام وبعدين اعتذرنا من بعض في الخاص ب ريكورد وبدأت صداقة ولحد دلوقتي صداقة بس انا باينلي بحبها …لأ مش باين انا فعلاً بحبها !
ميساء:طيب يا سيدي شكلها عامل إزاي وعايشة فين؟
حازم:هي عايشة في كندا وانا ضحكت عليها وقولت إني عايش في المانيا معاكي 😂 عشان يعني متخافش ولا حاجة وتتكلم بقلب جامد …أما بالنسبة لشكلها ف صدقيني مش عارف بس حبيتها
ميساء.بدهشة:حبيتها من غير ما تعرف شكلها مش مصدقة إنك حازم أخويا لأ غريب
حازم: صدقيني بجد مش بهزر انا من غير معرف حسيت إن قلبي بقي ليها من غير ما اعرف ومن غير إرادتي انا حبيتها لقلبها مش فارق شكلها انا فارق معايا القلب
ميساء.حضنت حازم لأنها اتأكدت إن كل كلمة قالها صحيحة لان هي بقت لمالك من غير ما تعرف ومش عارفه ده حصل إزاي وحازم حصل معاه كده وهو مش فاهم زيها
حازم:مالك ياختييي حسيتي ب اخوكي يا قلب اخوك
ميساء:بس بقي هعيط بجد أخويا حبيبي عنده قلب…دخلت قلبي يا واد 😂
حازم: لأ مالك يا ميسو كده حاسس إنك عاطفية زيادة عن اللزوم
ميساء: إنت تعرف عن اسو إيه بقي
حازم: اسمها أسيل تالتة ثانوي وعرفت بتحب وبتكره إيه من محادثتنا وكده بقي
ميساء:وكده بقي…طيب وهي عارفة شكلك صورك كده
حازم: حظها جه معايا في الاكونت الفيك بتاعي…الاكونت اللي عامله للمشاكل كله صور سودة ومفيش صورة واحدة ليا ومش عايز ابعت عشان نبقي نعيش اللحظة face to face 🤗
ميساء:أما تخلص تالتة ثانوي قولي وهنروح كندا انا وانت ومش هنرجع غير بيها 😂😂
حازم:أيوة أيوة يا ميسو يا جامدة ☺️
ميساء:ولد كده عيب لم نفسك وإلا مش هعمل كده
حازم:طيب لو سمحتي من غير مطرود برا عايز انام
ميساء: إنت بتطردني يا زفت ؟!
حازم: حاجة زي كده 😂
ميساء:قال هنقضي اليوم سوي قال
حازم:حاضر أما الكبير الاهبل يرجع هنقضي يوم سوي اهو بالمرة اوفر وقت مش يوم معاكي ويوم معاه ليه قاعد علي بنك أيام 😂 (حازم ده سكر انا بذات نفسي حبيته وانا بكتبه 😂)
ميساء:وكنت بتقول عن البت بخيلة طلعت إنت البخيل
حازم:براا عايز اناااام
ميساء.رمت عليه المخدة وخرجت
~~~~
عند مالك رايح جاي وبيفكر ازاي يعرف معلومات عن سام وهو مين خلاص بقي همه الوحيد يعرف مين سام مش لقي قدامه غير حل واحد
مالك.مشي ب إتجاه منزل ميساء ودخل عند ليلي:احم احم حضرتك فاضية
ليلي:تعال يا مالك يبني
مالك:كنت عايزك في خدمة
ليلي:قول يا سيدي عايز ايه من ميساء
مالك:انا عايز رقمها من تليفونها يا ليلي
ليلي:رقم مين بالظبط ؟
مالك: واحد إسمه سام ومش عارف إسمه سام إيه لكن هي اتكلمت معاه من حوالي 45 دقيقة كده
ليلي:حاضر يا مالك ولو إن بعملك اللي عايزه بس بردو حاسة أن ميساء زعلانة وإنت مزعلها 😒
مالك:هكون شاكر لحضرتك لو بعتي الرقم في مسدج …سلام
ليلي:مهما عملت عشان اغيرك يا حجر انت ولسا بردو مش اتجوزت البت ومخليها عايشة حزينة وانا مش هاين عليا حزنها بس بردو هساعدك عشان عارفة إن سعادة ميساء تكمن فيك انت
ليلي قدرت توصل لتلفون ميساء وخدت رقم سام وبعتته في مسدج لمالك
مالك: دلوقتي انا معايا رقم سام ده لكن السؤال دلوقتي هوصله إزاي ؟
~~~~~~
في القاهرة
كان بالنسبة لشهد صباح غريب جداً هي لاول مرة بتصحي وهو مش موجود صوته مش موجود بدأت تفكر هل هي فعلاً كانت غلطانة …كانت غلطانة إنها كانت بتعبر عن حزن وخوف ونسيت باقي العلقات وتجاهلتها مبقتش فاهمة حاجة محتارة هل الغلط منها أو من يوسف اللي مل ومش عايز يكون جنبها ويفهمها… محتارة تغير من تفكيرها عشان متخسرش جوزها وحبيبها أو تعاند وتفضل علي نفس التفكير والخوف
شهد.تخطت حاجز التفكير ومسكت تليفونها ورنت علي يوسف اللي خرج من البيت من غير ما يودعها علي غير العادة
يوسف.رد وببرود:نعم
شهد: إنت لسا زعلان
يوسف.بص لعمر اللي قدامه واللي بيقوله يعمل إيه: لأ مش زعلان ممكن تقفلي عشان مشغول … قالها بجفاء يقتل…
شهد:مشغول.!….تمام سلام
يوسف.قفل من غير ما يرد وبعدين فضل ياخد أنفاسه وكأنه كان مخنوق وهو بيعمل كده
عمر: اهدي بالراحة مكنش كلمتين
يوسف: أخرس عشان إنت مش مجرب
عمر: الحمدلله الذي عافانا مما ابتلى به غيرنا
يوسف:عايز أدعي عليك بس مش قادر
عمر:متدعيش عليا عندي حد بيخلص حق كل حاجة انا بعملها
يوسف: الواد والله غلبان بس إنت اللي مجننه ف أكيد لازم يخنق اللي جابوك
عمر:امممم
يوسف: عمر هو إنتو ليه مش بتتخانقو عشان اطلع عينك زي مانت مطلع عيني
عمر:قر علينا يخويا قر هو ده اللي إنت فالح فيه
يوسف:في حد بيقر علي أخوه بس عشان انا وشهد من ساعة ما اتجوزنا واحنا بنتخانق ودايما في مشاكل أما حضرتك لأ
عمر: إحنا بنتخانق بطريقة تانية 😂
يوسف:مش فاهم
عمر:مش لازم تفهم وأرجع شوف شغلك وسبني هنا
يوسف:طب بتتخانقو إزاي
عمر:براا يا يوسف
يوسف: ماشي سلام بس انا كده هقر علي فكرة 😒
عمر:قر براحتك بردو هنحل مشاكلنا بالجنون المعتاد 😂
وخرج يوسف وعمر سرح في ذكريات خناقتهم ☺️
فلاش باااااااااااااااك بعد الزواج بفترة
تليفون عمر بيرن وهو في الحمام
فريده:يا عمر تليفونك بيرن من ساعة
عمر:سبيه يرن وخلاص
فريده:عمررر هو إنت بتخوني ؟
عمر:وليه بتقولي كده يا بنتي
فريده:مفيش
عمر.مازال بياخد الشاور وتليفونه بيرن ب استمرار
وفريده.عمالة تأكل في ضوافرها بشك والفضول خلاص هيموتها وعايزة تعرف المكالمة من مين
عمر: حبيبتي متخاليش الفضول ياخدك وتردي
فريده:مالك خايف كده اكيد مخبي حاجة
عمر:يادي النيلة مخبي إيه بس يعني انا مش عايزك تردي افرض طلع راجل ولا حاجة مش بحب إنك تتكلمي مع حد
فريده: خلاص تمام مش هرد 😒
الفضول بيزيد ونفس الرقم اللي مش متسجل بيرن
فريده: لأ بقي هي مين دي انا دلوقتي اتأكدت إنها بنت استني أما ارد وهتبقي ليلتك سودة معايا النهاردة يا زفت إنت
فريده ردت وقبل ما تتكلم
بنت:يااااه يا عمر ده كله عشان ترد…انت مش عارف انا اتعذبت قد إيه عشان أوصل لرقمك…مالك اختفيت فين كده يعني لا في الاخبار ولا الانترنت ولا كأن كان فيه عمر الصياد مبقاش فيه اي حاجة متعلقة بيك إنت اختفيت فين ؟
فريده.بغيظ:معلش اصله اتجوز
البنت.بتناكة: وإنتي مين بقي إن شاء الله
فريده والله في الغالب انا اللي لازم أسأل إ طفل
نتي مين لأن انا مراته
البنت:قولي ل عمر سوزي وهو هيفتكر
فريده:سوزي قولتيلي
سوزي:أيوة
فريده:حاضر من عنيا هقوله تحبي اقوله حاجة تانية
سوزي:وقوليه بتقولك وحشتني اوووووي
فريده:اي طلبات تانية حضرتك !
سوزي:أيوة
فريدة:كاتك داهية ي بنت **** قال وحشتني قال ي ****
وقفلت الخط
عمر طلع بعد الشاور: التلفون بطل يرن اهو
فريده:أيوة سوزي بتسلم عليك …
عمر:الله يسلم …بتقولي إيه سوزي مين
فريده.بغضب: شوف إنت سوزي مين
عمر:ماضي أسود يا حبيبتي وإنتي عارفة
فريده:مش مكسوف تقول كده قدامي
عمر:من ايمتا وانا بخبي حاجة انا دائما صريح
فريده: طيب
عمر:علي فين
فريده:هنام ع الكنبة اللي هناك دي مخنوقة منك .
عمر:هو ماضي أسود انا عارف قولت ماضي يا حبيبتي متسمحيش إنه يأثر علينا
فريده: عمر انا في البداية مكنش بيفرق معايا ماضيك لكن أنا دلوقتي بزعل اوي منه وبضايق مش قادرة أتخيل إنك كنت مع غيري انا عايزة احذف الماضي بتاعك من دماغك ومن دماغ اي واحدة عرفتها لكن ده صعب
عمر:هيكون سهل لو إنتي حاولتي تنسي ومتسمحيش للماضي يأثر علي علاقتنا
فريده: عمرررر بلاش تتكلم معايا عشان انا مضايقة والله
عمر:طيب ممكن كوباية الماية اللي جنبك دي يا حبيبتي ☺️
فريده.ناولته كوباية الماية
عمر.خد الكوباية وكبها عليها 😂:لما تكوني مضايقة هي دي الطريقة المثالية عشان ترتاحي
فريده:يا متخلف الماية ساقعة اوي
عمر: عشان تحسي بيا وأنك كنتي بتعملي كده كتير فاكرة
فريده: لأ مش فاكرة حابة افتكر وملت كوباية ماية وكبتها عليه 😂
عمر:ارتاحتي مش كده
فريده:والله بحس براحة نفسية كبيرة لما بغرقك ماية
عمر:وانا خدت شاورين كده النهاردة
فريده:بس لسا مضايقة 😒😒
عمر:طب تيجي نتفق إتفاق
فريده:إيه
عمر:لما تكوني مضايقة مفيش غير لغة الماية وانا كذلك+مفيش ماضي يقدر إنه يأثر علينا إحنا هنعيش حياة جديدة مفيهاش ماضي فيها حب من غير خناق الخناق والخصام ممنوعين والله اقتلك فيها بكره الخناق وكمان خلي في بالك إن نهيت الماضي وكل حاجة مرتبطة بالماضي ده الانترنت مبقاش فيه صورة واحدة ليا عمر الصياد بقى لأغلب الناس هو إسم وبس الماضي اتحذف مع الكل مفيش حد امتلك عمر غيرك إنتي وإنتي عمري وحياتي وكل حاجة إنتي الماضي والحاضر والمستقبل كل حاجة وهقولك تاني متخليش الماضي يدخل بينا حتي لو كان صعب وانا بحبك إنتي وبس فاهمة
فريده:برافو عليك يا عمر ثبتني والله .
عمر:انا مش بثبتك انا بتكلم معاك بالعقل مش اكتر ☺️
ودي كانت طريقة عمر وفريده في الخناق تقريبا هما اكتر ناس في العالم بتستهلك كميات كبيرة جداً من الماء 😂😂
~~~~~~
مالك.لسا بيفكر يعرف كل حاجة عن سام وكان الحل هو أنه يروح للعالم المظلم برجليه من غير ما يناديه يروح لاكتر حاجة بيكرها
وكان من جهة فادي بيتفق مع عصابة لخطف مالك ابن عمر
فادي:المهمة دي مهمة جداً انا عايز ابن عمر ب أي شكل من الأشكال
زعيم:طيب يا فادي بيه هنتصرف وهشوف كام واحد من رجالتي الاذكياء ومالك الصياد هيكون معاك
فادي:لو العملية دي نجحت انا هديك فلوس تعيشك من هنا لآخر عمرك إنت فاهمني ؟
الزعيم: خلاص فهمت ابن عمر الصياد في اقرب فرصة هيكون بين ايديك
فادي خرج وساب الزعيم يفكر في انسب حد للمهمة
..مالك.كان متردد وبيفرك في صوابعه من التوتر مش متخيل أنه بيعمل كده
مالك.دخل مكان مظلم هو فعلاً زي الوصف عالم مظلم
الزعيم.نفسه اللي كان قاعد مع فادي:شرفت يا ابن الأدهم
مالك:انا جاي عشان عايز منك مهمة مقابل المهمة اللي رفضتها أول امبارح بالليل أو أي مهمة تانية
الزعيم:عايز إيه
مالك:انا عايز كل المكالمات اللي بين الرقمين دول وكمان معلومات عن سام ده ولا لازم الأمر عايز اللي يقتله في ألمانيا…!
الزعيم:مهمتك حلها عندي لكن أنا عايزك تنفذ مهمتي انا بقي
مالك: وايه هي المهمة
الزعيم:مالك الصياد
مالك.تصنم ثواني بعد سماع الإسم في إحساس جواه بيقوله انت تعرف الإسم كويس في علاقة ليك بالاسم ده الإسم ده مش غريب عليك انت ليك ماضي مع الصياد أو الصياد أصلا ماضيك
مالك:قولتلي مين
الزعيم:مالك الصياد…ابن عمر الصياد…عمر واحد من أكبر رجال الأعمال في مصر وكمان ليه مستوى عالمي ومن الصعب خطف إبنه لأنه مش أي حد…عمر شخص ليه سلطة كبيرة يقدر يختفي وقت ما هو عايز ويظهر وقت ما هو عايز كل اللي لازم تعرفه إن المهمة مش هتكون سهلة
مالك:انا موافق اعمل المهمة لكن أهم حاجة مهمتي تخلص بسرعة وفي اقرب وقت مالك ده هيكون بين ايديك
الزعيم: الموضوع محتاج خطة مدروسة بقولك ده ابن عمر الصياد وعمر الصياد معناه الرجل الغير متوقع ومقدور لو نفذت المهمة دي هتكون ملك لو قدرت تتخطي ذكاء عمر الصياد
مالك: خلاص المهمة اعتبرها تمت المهمة دي عبارة عن تحدي ليا
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية بلوة حياتي 2)