رواية رجل في مهمة مستحيلة الفصل الثالث عشر 13 بقلم عادل عبدالله

رواية رجل في مهمة مستحيلة الفصل الثالث عشر 13 بقلم عادل عبدالله

رواية رجل في مهمة مستحيلة البارت الثالث عشر

رواية رجل في مهمة مستحيلة الجزء الثالث عشر

رواية رجل في مهمة مستحيلة الحلقة الثالثة عشر

نانسي اتأخرت كتير في الحمام .قولتلها من ورا الباب انا هنزل استناكي في العربية .قالتلي لا انا خلاص خارجه وننزل سوا .
الاغرب كمان انها خرجت وكأنها في بيتها ولفة الفوطة علي نص جسمها تقريبا .
بصراحة الضغوط كدا بتزيد عليا اوي .ومفيش ثواني نانسي بتلف وهووووب الفوطة وقعت ……..
كل ده دار في خيالي وانا راكب عربيتي ورايح علي الشركة بعد ما كلمت نانسي واتفقنا نتقابل في الشركة .
دخلت الشركة وفعلا اول ما دخلت للشركة ولقينها فاضية ومفيهاش موظفين وعمال اتضايقت جدا .
دخلت مكتبي انتظر نانسي .ودقايق بالظبط كانت نانسي وصلت .وزي ما تخيلت كانت في قمة زينتها وجمالها .
دخلت نانسي وجابتلي الاوراق اللي انا عاوزها وبعدين قالتلي : حضرتك شكلك فيه حاجة مضيقاك .
طبعا انا سمعتها وابتسمت لان كلامها زي اللي دار في خيالي وانا جاي .وقولتلها شوية مشاكل وهموم .
نانسي ردت عليا وقالتلي ايه رايك تشرب قهوة من ايدي هتروق مزاجك وتفوق من همومك دي .
مقدرتش امسك نفسي من الضحك .لان ده نفس اللي كنت بتخيله من شوية وانا في العربية .نانسي بصيتلي باندهاش : حضرتك بتضحك علي ايه ؟
قولتلها لا ابدا مفيش .افتكرت حاجة .ماشي يا ستي شربيني قهوة من ايدك .
دخلت نانسي عملتلي القهوة وجابتها وقعدت قدامي .
بقيت من جوايا بقول امتي هتقول انها عاوزة تاخد شاور (زي ما حصل في خيالي ).
لكنها مش طلبت تاخد شاور زي ما كنت بتخيل وانا جاي علي الشركة .
لكن نانسي كانت بتغريني بنظراتها وكلامها وتصرفاتها .
وانا كنت بتجاوب مع اغرائها وبظهرلها اعجابي علشان اوصل لرؤوف .
نانسي بدأت تقرب مني وهي بتوريني الاوراق اللي طلبتها منها .وانا بدأت امسك ايديها واقرب منها …وفجاة الموبايل رن .
قلت في بالي الحمد لله .ده الانقاذ . رديت علي الموبايل كان هشام اخويا بيقولي انه اتصل بطارق وقاله ان والدتهم اصيبت بفيروس كورونا وانها محجوزه في المستشفي لان حالتها صعبة .وان طارق رد عليه وقاله ان الطيران واقف الايام دي وان اول ما الطيران يفتح هييجي يطمن علي والدته .
انا انتهزتها فرصة للهروب وقلت لنانسي لازم ننزل حالا علي اساس ان اخويا عاوزني في حاجة مهمه .
وفعلا نزلنا من الشركة ووصلتها لبيتها وانا روحت علي البيت .تاني يوم اخدت راندا اختي وسافرنا اسكندرية وروحنا شقتها .قعدت راندا تدور علي التوكيل لحد ما لقته .
اخدنا التوكيل وروحنا الشهر العقاري علشان نتاكد اذا كان التوكيل اتلغي ولا لسه ساري .
عرفنا ان التوكيل لسه ساري .نزلنا وروحنا البنك واستعلمنا عن الرصيد وعرفنا ان رصيد حسابه اكتر من نص مليون دولار يعني حوالي ٨ مليون جنية .
راندا طلبت تحويل المبلغ للجنية المصري وسحبه وتحويله بالكامل لحساب الشركة .
بدأ جزء من حقنا يرجع من رؤوف لكن لسه حق مراتي لسه مرجعش .وحق ولادي اللي اتربوا ايتام وابوهم وامهم عايشين .لسه حساب رؤوف معايا تقيل اوي .
رجعنا القاهرة ولاحظت ان عدا اليومين وابو حازم لسه مش اتصل .
كده اكيد ايو حازم هيحاول يتهرب من اللي ابنه عمله .
قعدت اكلم نفسي ( انا هلقيها منين ولا منين !! دا انا حاسس ان دماغي بتلف بيا .معقول كل دي مشاكل كانت مستنياني !!!!).
دقايق قليلة ولقيت الموبايل بيرن .ببص في الموبايل لقيت ابو حازم بيتصل .
رديت علي ابو حازم وقالي انه هييجي يقابلني هو وابنه .
بالفعل في الميعاد المحدد جي حازم مع والده واتقدم لخطبة دنيا .
انا طلبت منهم اننا نعقد القران مع الخطوبة .ويكون الزفاف بعد سنتين لما يتخرج حازم من الجامعة .
لكن المشكلة ان مفيش افراح بسبب وباء فيروس كورونا .
اتفقنا ان الخطوبة وعقد القران يكون في حفل صغير للاسرتين فقط ويتم بثه لايف علي النت للاصدقاء والاقارب .
بالفعل تم عقد القران والحمد لله خلصت من المشكلة دي بسرعة بدون تعقيد .
وبعد انتهاء الحفل الصغير وانصراف حازم واسرته اتفاجأت بنانسي السكرتيرة ولقيتها بتقولي مبروك يا استاذ طاهر .رؤوف رد عليا وقالي انه في الساحل الشمالي واتفقنا اننا هنتقابل في اسكندرية بكره .
قفلت مع نانسي علي اتفاق اننا هنتقابل الصبح وهنسافر مع بعض لرؤوف .
كنت في منتهي السعادة اخيرا هنتقم من رؤوف واخد حقي وحق مراتي واولادي منه .
ناديت علي نجلا وقولتلها ان انا عرفت مكان رؤوف واني بكره هروحله علشان اجبلها حقها وحق اولادي منه .
نجلا قالتلي خلاص سيبه لربنا هو ينتقم منه .واحنا خلينا مع اولادنا هما محتاجينا .ولما لقيتني مصمم اني اروحله طلبت مني انها تيجي معايا .لكن انا رفضت .
قبل ما انام اتصلت بهشام اخويا وقولتله اني عرفت مكان رؤوف واني هروحله بكره ووصيته يخلي باله من امنا ومن نجلا والاولاد وراندا اختنا .
هشام قالي بلاش اسافر لوحدي وانه عاوز ييجي معايا .
لكن انا قولتله لا بلاش انت خليك انت جنب امك واختك ومراتي والاولاد لان مش هيكون ليهم حد تاني من بعدي خصوصا اني اكيد هيكون مصيري السجن .
ازاي طاهر هينتقم من رؤوف ؟
هل ستعود الذاكرة لنجلا زوجة طاهر ؟
هل ستشفي والدة طاهر من مرض كورونا ام ستموت قبل ان يرجع طارق من السفر ؟
ماهو مصير الاسرة بالكامل بعد لقاء طاهر برؤوف ؟

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية رجل في مهمة مستحيلة)