رواية المطلقة الفصل الأول 1 بقلم أسماء حشمت

رواية المطلقة الفصل الأول 1 بقلم أسماء حشمت

رواية المطلقة البارت الأول

رواية المطلقة الجزء الأول

رواية المطلقة الحلقة الأولى

لو سمحت لو سمحت
إلتفت ليا ويا ريته ما التفت … يخربيت جمال امك هو دا وقته
أفندم!!!!!!
رديت بسرعه وابتسامه … أخبار حضرتك اي النهارده ..ي رب تكون بخير ..لا لا أكيد بخير باين عليك أهوو
رد بعدم فهم….نعم انتي مجنونه
ي خبر حضرتك باين عليك مرهق وعرقان لازم ترتاح .
شديته من أيده وباين عليه علامات الصدمه وقعدته ع ترابيزه
ممكن أفهم حضرتك بتعملي اي …انتي مين
هو أصل يعني أصل
؟؟؟؟؟؟.
طبعا هتشرب القهوه اللي بتحبها ومتعود عليها ي حبيبي صح
باستغراب….انتي بتكلميني أنا
طبعا ي حبيبي هو في حد غيرك قاعد معايا
لاء دا انتي أكيد مجنونه انا ماشي
استني بس هقولك
خير

هو أصل ….اي قله الأدب دي يا أستاذ مش عيب توقفني كدا وتعاكسني ….جاتكم القرف مليتو البلد
طبعا بعد الكلمتين دول سيبتو وجريت وطارت.ف وسط دهشتو .والناس اللي بقيت بتبصله بقرف وهو يعيني ولا فاهم حاجه …بس أعمل اي كنت عاوزه أغيظ خطيبي السابق اللي عايرني هو وأهله وقال عمر ما حد هيقبل بيا عشان ممرضه ، أنا معرفش الناس بقيت غبيه كدا ليه ، أنا بحب مهنتي جدا وفخوره بيها ولو رجع بيا الزمن هختارها ألف مرة وتبا للناس وكلامهم ،أهم حاجه راضيه عن نفسي،
روحت البيت …اي دا اي دا بيتنا بيلمع كدا ليه هو العيد بكره ولا اي ، دخلت المطبخ لقيت ماما واختي بيجهزوا حلويات….
اي ي جماعه هو السيسي هيزورنا ولا اي اي اللي شقلب البيت كدا
أسماء حبيبتي أنتي رجعتي
لا لسه قدامي نص ساعه
بطلي لماضه بقي
في اي يا ماما انا مش متعوده عليكو كدا اي اللي حصل
ولا حاجة ي حبيبتي ، إيمان جايبالك حته دريس ع السرير جوه إنما اي هيعجبك أووي
دريس!!!!! وانا من أمتي بلبس دريسات

ردت بتلعثم …أهو تغيير بدل الچينز اللي طول الوقت مصدراه ده
بصيت بخبث….ماما اطلعي بالمعلوم
هي بتلعثم….م ممعلوم اي
أموول مش علي أسماء الكلام دا
طيب أصل طنط سميره عرفت اني تعبانه شويه وجايه تشوفني
أمممم طنط سميره ويا تري بقي جايه لوحدها
م ممعرفش،،، هي كانت بتقول ابنها راجع من السفر وهيجي معاه
رديت بصوت عالي شويتين …ااااه بقي هي الحكايه كدا جاي يعاين ما تقولي كدا من الاول ي ماما
بصت ف الأرض …. الموضوع مش كدا هو أصل يعني
بخبث ، خلاص ي ماما مش محتاجه تبرير ييجوا ويشرفو طبعا
بفرحه…بجد ي أسماء بجد
بخبث ….أه طبعا وف سرها دا أنا هطلع عينك
ربنا يكرمك ي بنتي ويوفقك وييسر حالك

سيبتها ودخلت أوضتي اترميت ع السرير ما حستش بنفسي غير وهما بيصحوني عشان عريس الغفله ع وصول ، قومت اتوضيت وصليت وجهزت وماما ناداني عشان أقدم العصير
تعالي ي أسماء ي حبيبتي تعالي
دخلت وانا حاطه وشي ف الأرض وقدمت العصير للكل وجيت أرفع الكوبايه لي ببص لوشه
ينهار أسوح…وهوب العصير وقع مني عليه وطلعت أجري ودخلت الاوضه وماما حاولت تلطف الجو وجاتلي
ممكن أفهم اي اللي هببتيه بره ده
ماما بلغيهم رفضي ،دا لو أخر واحد مستحيل أتجوزه
قسما عظما ي أسماء لو ما قومتي أعتذرتي للناس علي اللي هببتيه ده لهتشوفي مني وش مش هيعجبك
يا ماما بقي
قدامي
أنا أسفه جدا مكنش قصدي أنا بس متوتره شويه ،أسفه ي باشمهندس عز
بخبث ….لا ولا يهمك عادي

طيب نسيبهم لوحدهم شويه ي جماعه
خدي يا ماما راحه فين سايباني مع دراكولا دا لوحدي لي كدا ، دا انتي لو لقيتني ع باب جامع مش هترميني الراميه دي، طب خدي ي طنط ي أم دراكولا خدي بس هقولك يختاااااي
أخبارك اي ي مس أسماء
كنت لسه هرد …ي رب تكوني بخير لاء أنتي أكيد بخير ،مال شكلك متوتره كدا اي وعرقان
فركت ف ايدي بتوتر …أنا أنا أسفه والله أصل
هو لسه في أصل
رديت بتلعثم ….كل الحكايه أنه أنه
أيوه أنه
أنا أسفه والله
والله والله انا بس كنت
والله ااه ، ع العموم الموضوع دا هحاسبك عليه بعدين الأيام جايه بينا كتير ولينا بيت يلمنا
ننننننننننعم ..هو لسه في بيت هو انت مش هترفض
رد باستفزاز ….لاء
طب عفكره انا كان قصدي أدلق عليك العصير
بضحكه خبيثه وقام دلق الكوبايه التانيه عليا ..ااه ااه قصدك لما عملتي كدا ..عارف
انت اي اللي انت هببته دا

نفس اللي انتي هببتيه من شويه
ع فكره أنا مش هوافق ع الجوازه دي
ااه ااه طبعا ومالو حقك
بصيت لي بانتصار …اتفضل بقي عشان بننام بدري
اتكلم بهدوء …تمم وقام وقف وبياخد حاجته وفجأه لقيته بيقرب مني …
قولتيلي بقي …إنك مش موافقه عليا …
هزيت دماغي بتوتر
بص فعنيا وبدأ يقرب أكترولو أنا أخر راجل ف الدنيا مش هتتجوزيني

يتبع…..

لقراءة الفصل التالي : اضغط هنا 

لقراءة جميع فصول الرواية اضغط على (رواية المطلقة)