رواية جائزة السماء الفصل التاسع عشر 19 بقلم إيمان

رواية جائزة السماء الفصل التاسع عشر 19 بقلم إيمان

رواية جائزة السماء البارت التاسع عشر

رواية جائزة السماء الجزء التاسع عشر

رواية جائزة السماء الحلقة التاسعة عشر

صعد يوسف وخلفه أبيه وأخته الى شقته فطرق الباب لتفتح صفية
أيه ده انتى اللى بتفتحى امال فين البنت اللى معاكى
كنت قريبة من الباب يايوسف فقولت افتح مفهاش حاجة
طب خلاص حعديها المردى عشان خاطر بس المفاجأة الحلوة اللى معايا
مفاجأة أيه
تعالوا ياجماعة اتفضلوا
أيه ده الحاج مسعود وثريا أهلا وسهلا البيت نور
أنا قولت يجوا يتعشوا معانا وكمان ابلغ ابويا بالى عرفناه انهارده عند الدكتور

مسعود بانزعاج : خير يابنى الدكتور قالكم ايه
مالك بس يا حاج اتفزعت كده ليه تعالى اقعد ارتاح كده عشان اقولك ان الدكتور بشرنا وقال ان صفية حامل فى أربع اطفال
مسعود بفرح ودهشه : ايه يا ماشاء الله ربنا يباركلك فيهم يابنى ويقومك بالسلامه يا صفية
صفية بخجل : ربنا يخليك لينا يا حاج ويطولنا فى عمرك
مرت الايام فعادت ثريا للانتظام فى جامعتها وفى نفس الوقت اقتربت من صفية وأختها عفاف كثيرا فقد تولت ثريا وعفاف مسئولية الاهتمام بصفية بعد ان ثقل عليها الحمل كما تمت قراءة فاتحة ثريا على أشرف استعدادا لاتمام الزواج بمجرد انتهاء العام الدراسى وبعدها سفرهما الى المانيا
الحقنى يا يوسف الحقنى وجع شديد اوى
كده طب يلا بسرعة نروح المستشفى
الف الف مبروك يايوسف
الله يبارك فيك يا حاج يااااه انا كنت خايف اوى على صفية بس مكنتش عوزها تحس بخوفى عليها
لطفى : اهو الحمد لله ربنا جبر بخاطرك وخاطرها وقامت بالسلامة هى والولاد
يوسف : الحمد لله دى بركة رضاك ورضا ابويا عننا يا عم لطفى ربنا يخليكوا لينا يارب

مسعود : امال ثريا وعفاف راحوا فين
يوسف : الاتنين خدوا بعض وراحوا يشوفوا الولاد وقال ايه كل وحده عوزة تسميهم على مزاجها
فقالت عفاف ومعها ثريا : ايوة احنا اخترنا اسامى البنات والولاد كمان
يوسف : محدش حيسمى ولادى غير أمهم اللى تقول عليه صفية هو اللى حيمشى بقه تتعب كل التعب ده وحد تانى اللى يسمى ولادها
ثريا : طب يلا ندخلها ونشوف حتقول ايه
فدخل الجميع لصفية فقال يوسف مبتسما : حمدلله ع السلامة يا حببتى ها تحبى تسمى الولاد أيه
البنتين مودة وحنين والولادين حبيب وشاكر
فقالت عفاف وثريا معا الله دى اسامى احلى من اللى كنا مختارنها
عادت صفية هى وابناءها الى البيت وأحضر يوسف مربيتين لمساعدتها فى رعاية الاطفال ومع هذا كانت تقوم بكل شىء يخصهم بنفسها
عفاف ازيك
الله يسلمك يا ثريا

انت طلعه لصفية
ايوة وحشتنى هى والعيال قولت اجى اشوفهم
طب استنى ادخل حاجتى عندنا واطلع معاك لحسن انا كمان من يومين ماشوفتهمش بسبب المذاكرة والامتحانات
ربنا معاك وتخلصى على خير يارب عشان نفرح بيكى بقه
ربنا يخليكى يا عفاف وعقبالك يارب ايه قربتى ولا لسه
لا خلاص سميح قرب يناقش الدكتوراه ويمكن يكون فرحنا قبلكم او بعدكم على طول
طب بقولك ايه انا عندى فكرة حلوة تعالى اما نطلع لصفية وناخد رايها فيها هى كمان
طب يلا
السلام عليكم
وعليكم السلام ياختى انتى وهى ايه انتوا خلاص بقيتوا يا تيجوا مع بعض يا تقطعوا مع بعض
عفاف : ابدا والله ياصفية انت عارفة الشغل بليل والصبح شغل البيت دا غير انى بجهز نفسى خلاص ما انت عارفه ان سميح قرب يخلص الدكتوراه
ثريا : استنوا استنوا حقولكم على فكرة حلوة
صفية : فكرة ايه يا ثريا

أيه رأيك يا عفاف نعمل فرحنا احنا الاتنين مع بعض
صفية بفرح : الله فكرة حلوة اوى قولتى ايه يا عفاف
عفاف بتفكير : هى فعلا فكرة حلوة بس تفتكرى ان يعنى أشرف وسميح حيوافقوا ما هو الموضوع ده ما يخصناش لوحدنا
صفية : صح يا عفاف طول عمرك مخك كبير لازم كل وحده فيكم تسأل خطبها الاول
ثريا : بسيطة خالص واخرجت هاتفها واجرة مكالمه مع اشرف وبعدها عادت لتقول لهم أشرف قالى اللى يبسطك يبسطنى يبقه فاضل انت يا عفاف
صفية بمكر : أشرف ده شكله واقع لشوشته ربنا يسعدكم يارب
ثريا : عارفة يا صفية انا لما يوسف قالى انك حامل فى اربع اطفال قولتله ان دى جايز ربنا ليكم مكنتش اعرف وقتها ان ربنا محضرلى انا كمان جايزة كبيرة اوى كده بعد الايام الوحشة اوى اللى عديت بيها
عفاف بمكر : اه طبعا أشرف وغمزت لها بعينيها

ثريا : مش بس كده يا عفاف أشرف فعلا اى بنت تتمناه بس كمان قرب يوسف منى بعد اللى حصل كانت من جوايز ربنا ليا وكمان ان بقه عندى أحلى أختين فى الدنيا يارتنى قربت منكم من زمان انت وصفية كانت حاجات كتير اوى حتتغير
عفاف : يا حببتى يا ثريا
صفية بنوم : الله طب بقولكم ايه اقعدوا كده حبوا فبعض ورتبوا لفرحكم وخدو بالكم من العيال على ما اخش انام انا شوية
وتركتهم وانصرفت على الفور
فقالت ثريا بغضب : شوفى الجبانه بقولها ايه تقوم داخله نايمه ومدبسانا فى العيال
الله يا يوسف شايف البنات حلوين قد ايه هما وعرنسهم

ربنا يسعدهم وشايفة ابويا وابوك قعدين مبسوطين ازاى
ربنا يديم علينا الفرح يارب بقه كان حد يصدق ان ثريا وعفاف اللى مكنوش بيطيقوا بعض بيتجوزا فى يوم واحد سبحان الله
عارفة يا صفية اهو انهاردة بجواز عفاف وثريا كده تبقه جوايز ربنا ليا كملت الف حمد وشكر ليك يارب
💗 تمت 💗

لقراءة باقي حلقات الرواية اضغط على (رواية جائزة السماء)