رواية سجين الحياه الفصل الأول 1 بقلم هاجر الجميل
رواية سجين الحياه الفصل الأول 1 بقلم هاجر الجميل
رواية سجين الحياه البارت الأول
رواية سجين الحياه الجزء الأول
رواية سجين الحياه الحلقة الأولى
مس و انا وحش
_ليه يا نور بتقول كدا
تعرفي يا مس كنت دايما بشوف اصحابي و هما بيضحكوا مع اهلهم و دايما بيكون نفسي اكون مكانكم
_مكانهم!!
استغربت لما طفل عنده 12 سنين يقولي الكلام دا
ايوا مكانهم مش انتي سألتيني ليه بروح لوحدي و معنديش صحاب انا هقولك ليه علشان انا محدش بيحبني حتي ماما و بابا محدش بيحبني فيهم حتي ملك اختي راحت و سابتني لوحدي كنت انا و ملك قريبين من بعض جدا كنت وانا صغير بسمع صوت عالي زي حد بيزعق كانت ملك بتيجي وقتها و تاخدني في حضنها كنت كل يوم اصحي علي صوت زعيق كنت لما اسأل ملك تقولي ان بس ماما و بابا زعلانين من بعض و شويه هيتصالحوا كنت بسمع صوت عياط ملك بليل وانا مش عارف اعمل اي ولا هي بتعيط ليه لحد في يوم كنت راجع من المدرسه بدري و ملك مكنتش في البيت شفت بابا و ماما و هما بيتخانقوا كنت خايف اوي كنت عمال بعيط بس محدش اهتم اني بعيط بابا بعدها لما شافني بعيط جيه ضربني و قالي اني السبب و انه بيكرهني و بيكره اختي ملك كنت عمال بعيط و برتعش من الخوف وقتها كنت بس بدور علي ملك علشان تحضني زي كل يوم فضلت قاعد في مكان صوت زعيقهم و خناقهم كان عالي علشان كدا علشان كدا مقدرتش واللهي امسك نفسي محستش بنفسي غير لما لقيت مايه تحتي ماما وقتها زعقت فيا جامد و حبستني في اوضه ضلمه وو…
_كفايه عليك كدا يا نور بس عندي سؤال ليك ليه ملك مش معاك
معرفش انا في يوم صحيت لقيت ماما بتضرب ملك و فجاه لقيت د*م كتير اوي طلع من دماغ ملك ماما مكنتش شافت الد*م روحت قعدت جمب ملك علي الارض وانا بعيط علشان فاكره ان هي عندها عواره صغننه زي اللي كانت عندي وراحت فضلت قاعد بعيط و انا بكلمها علشان تقوم و متخفش من العواره (الجرح) بس مكنتش بتقوم لحد ما ماما شافت الد*م و خت ملك عند الدكتور بس لما رجعت رجعت من غيرها سالت ماما عليها بس مردتش عليا بعدها بشويه لقيت ناس كتير اوي جايه البيت و كلهم لابسين اسود و كله عمال يعيط و من يومها مشفتش ملك
_اخر مره شفت ملك كان امتي
وانا عندي 8 سنين
خلصت الجلسه مع نور كنت في حاله ذهول من اللي اتعرض ليه طفل زي دا كنت دايما بشوف حالات صعبه بس اول مره اقابل حاله زي نور و هو بيتكلم كنت ماسكه دموعي بالعافيه
ازاي طفل يتعرض لكل دا ازاي طفل عنده 12 سنه يكون في مكان زي دا قفلت ملف نور و خت حاجاتي و روحت مستنيه الصبح يجي بسرعه علشان اعرف اي اللي وصل نور للحاله و للمكان دا
يتبع..
لقراءة الفصل التالي : اضغط هنا
لقراءة باقي حلقات الرواية اضغط على 🙁رواية سجين الحياه)