رواية هل نلتقي الفصل الثالث 3 بقلم هاجر عصام

رواية هل نلتقي الفصل الثالث 3 بقلم هاجر عصام

رواية هل نلتقي البارت الثالث

رواية هل نلتقي الجزء الثالث

رواية هل نلتقي الحلقة الثالثة

اسلام- احرجتها حرام عليك
سليم – هو عنده حق ما ينفعش التجاوز ده احنا جايين نتعلم مش نحب
كريم كان في عالم تاني كان قلبه بيفكر في ليلى وياترى هيلاقي زيها تاني يا ترى نيللي لسه فاكراه أو لسه شبه ليلى
عند نيللي
نيللي- القهوه مش مظبوطه يا ريتني عملتها في البيت
نور-معلش اطلبلك واحده تانيه
نيللي- لا مش مهم بقى خلاص
يوسف -مساء الخير يا بنات
اه متستغربوش يوسف ف المحاضرات حاجه وبره المحاضرات حاجه لما بيخرج من المدرج بيبقى الشاب اللطيف المرح واللي بردو واقع في حب نيللي من سنه اولى
نور- استأذن انا هروح اصور حاجات
يوسف- اتفضلي
شد كرسي وقعد
نيللي- اتفضل يا دكتور يوسف جاي تطردنا من هنا كمان
يوسف- لا طبعا الكافتيريا للجميع
نيللي- كتر خير حضرتك
يوسف- لو عايزه اشرحلك المحاضره واي محاضره مش فهماها قوليلي وانا اشرحهالك انا موجود دايما
نيللي- شكرا لحضرتك كان ممكن تدخلنا المحاضره بدل ما تقولي كده
يوسف- ما ينفعش دي قواعد عندي
نيللي وهي بتلم حاجتها وماشيه-وانا بشكر حضرتك وبشكر قواعدك بعد اذنك
يوسف- استني بس لو عايزاني اغير كل ده معنديش مشكله
نيللي- حضرتك بتتجاوز حدودك وانا مسمحلكش بعد اذنك وسابته ومشيت
نور- كان عايز ايه
نيللي- سيبك منه
نور- طب قلتي لطنط على الرحله
نيللي- لما اروح هكلمهم
نور- شكلك متضايق
نيللي- لا مفيش حاجه
نور- هسيبك لما تحكي لوحدك
نيللي- تمام
اليوم خلص
يوسف على باب الجامعه
يوسف -انسه نيللي
نيللي- اتفضل يا دكتور
يوسف- اسف لو ضايقتك المحاضره هنزلها النهارده على الجروب والغياب اعتبريه مرفوع
نيللي- شكرا
يوسف- مش عايزه تعرفي ليه
نيللي- لا مش فارق معايا
يوسف- أنتِ وقحه
نيللي- عايز ايه يا دكتور يوسف
يوسف- متحضريش معايا اي محاضره أو سكشن واعتبري المواد بتاعتي شايلاها
نيللي- تمام يا دكتور في حاجه تاني
بعجرفه لبس نضارته وسابها ومشي
نيللي- شخص مريض ربنا يعافينا بجد
على الرغم من إن يوسف جميل بقدر يخطف قلب اي حد الا ان نيللي كانت مستنيه كريم هي مش عارفه ازاي ولا هتشوفه تاني ولا لا بس قلبها كان واثق كان مطمن أن حبيبه راجع تاني
في البيت عند نيللي
نيللي- ماما فايقه
الام- اه يحبيبتي بابا لسه مجاش تعالي اقعدي معايا ف البلكونه شويه
نيللي- بتسقي الزرع حبيبك بحسك بتحبيه اكتر مني يا لوزه
الام بضحك- هو انا عندي غيرك يا نولا يا قمر انت
نيللي- اه يا اختي عندك بابا وعندك الزرع
الام-ده انتوا اغلى حاجه عندي ربنا ما يحرمني منكم ويريح بالك يا نيللي يا بنتي
نيللي- يارب يا ماما بقولك صحيح
الام- وشك جاب الوان ليه واتوترتي ليه
نيللي بصوت واطي وسريع- عايزه اروح رحله
الام- علي صوتك واتكلمي براحه
نيللي- عايزه اروح رحلة الجامعه
الام- عايزه صنية باميه
نيللي- يا ماما رحله رحله لاسوان
الام- اسوان يالهوي لا طبعا ورحلة ايه دي لا انسي
نيللي- اصحابي كلهم رايحين متخافيش عليا ونور كمان معايا بالله اقنعي بابا
الام- إذا كان انا مش مقتنعه هقنعه ازاي
نيللي- وليه لا بس يا لوزه أنتِ مش واثقه ف بنتك او مش عارفه بنتك
الام- انا مربياكي اه بس مش مربيه اللي حواليكي
نيللي- ربنا الحافظ يالوزه اقنعي بابا بقى وطبعت بوسه على خدها ومشيت
الام- أنتِ كده يعني بتثبتيني انا مبتثبتش على فكره
نيللي- لا اتثبتي باين في عيونك بلاش شغل الستات الكبيره ده
الام- انا ست كبيره ده انا اصغر منك يا حبيبتي
نيللي- ايوه ايوه عارفه انا الكلام ده
الام-امشي يا بت من هنا وريني مين هيقنع ابوكي بقى
نيللي- لا خلاص ده أنتِ احلى كتكوت صغير كده كده يختي قمر
الام- ايوه كده اتعدلي عيال متجيش غير بالعين الحمرا
كل شويه يدخل يشوف مين شاف الرسايل عينه مستنيه تشوف اسمها هو اصلا باعت كل ده عشانها هي
نور- هو اللي انا شايفاه ده حقيقي ده يوسف اللي مربي لنا الرعب ده طلع سكر خالص ما شاء الله
نيللي في شات نور- هو اللي بيحصل ده حقيقي
نور- تقصدي على يوسف
نيللي- ايوه
نور- تقريبا وقع على دماغه وبقى طيب
نيللي- الموضوع فيه إنَّ
نور- تفتكري معجب بيكي
نيللي- معجب بايه اتنيلي ده شيلني الماده الصبح
نور- تلاقيكي رميتي دبش من بتوعك
نيللي- ما هو اللي بيستظرف
نور- خلينا نشوف التطور الجامد ده صحيح قلتي لأهلك على الرحله
نيللي- ايوه كلمت ماما وقلتلها تقنع بابا
نور- تفتكري هيوافق
نيللي- قولي يارب
عند يوسف
يوسف- لسانها متبري منها بس عسل سبحان من وضع جمال الكون فيها اه نسيت ارفع المحاضره على الجروب مش منزلها لجمال عيونها خالص لا ده للطلبه بس عشان يستفادوا المحاضره صعبه وعليها شغل كتير بردو
على جروب الدفعه
يوسف- اهلا يا شباب المحاضره النهارده كان فيها معلومات كتير وشغل كتير واللي عملناه النهارده جزء كبير من شغل بعد بكره في السكشن فلازم تتذاكر كويس اوي عشر دقايق وهبعتها تتذاكر مش هقول تاني
الطلبه- شكرا يا بشمهندس المحاضره كانت تقيله فعلا محتاجينها متسجله عشان نعرف نذاكرها
يوسف- العفو واللي هيقف معاه اي حاجه انا معاكم انا بعيدا عن الجامعه اخوكم وتحت امركم ف اي حاجه انتوا عايزينها
نيللي في شات نور- النهارده يوم المفاجأت باين
نور- حصل ايه تاني عمو وافق صح
نيللي- طب سبيني اقول حاجه يبنتي طيب
نور- يا الف نهار ابيض يا الف نهار مبروك
نيللي-كده رسمي هننور اسوان
نور- اوعى وهنشوف تطور يوسف 😉
نيللي- احترمي نفسك هو لو استظرف تاني هيجيبه لنفسه
نور- رفدك من الكليه على ايده
نيللي- ربنا يشفيه يلا بقى هروح اشوف المحاضره اللي بعتها دي وانام
نور-وانا كمان ونناقشها سوا بكره
نيللي- تمام
الباب خبط
نيللي- اتفضل
الاب- البشمهندس بتاعي مشغول
نيللي ارتبكت شويه- لا يحبيبي مش مشغوله اتفضل
الاب- كنت قايل لعروستي الحلوه ومتفق معاها من صغرها أنها لو طلبت حاجه تطلبها مني متدخليش بينا حد
نيللي- انا بس مكنتش عارفه اقولك ايه واني هسافر ازاي
الاب- طب أنا موافق ومن غير ما ماما تلح عليا انا واثق فيكي وعارف انك عايزه تغيري جو ونفسك تزوري اسوان انا مش ممانع بس عندي شروط
نيللي-انا موافقه على شروطك شرط شرط
الاب بضحك- من غير ما تسمعي
نيللي- اصل مش هتقولي أفضلي في اوضتك ومتتحركيش وكده يعني انا عارفه انك عايزني اخلي بالي من نفسي اني اكون عارفه انا بعمل ايه متقلقش انا تربيتك
الاب- وانا واثق فيكي المهم تتبسطي
نيللي حضنته – شكرا يا بابا جدا
الاب- شكرا لوجودك يسكر حياتي يلا هسيبك تخلصي حالك
نيللي- تسلم يا بابا
دخلت على جروب الدفعه وفتحت المحاضره
نيللي- يخربيت سخافتك هو انا بطيقك ف الجامعه عشان كمان احضرلك محاضرات ف البيت معلش يانولا استحملي يا حبيبتي كلها كام سنه ونخلص معلش
يوسف- كنت عارف انك محتاجه المحاضره بس فتحتي متأخر ليه كده
نيللي- مين حضرتك
يوسف- اصلا
نيللي- معلش يا دكتور مخدتش بالي من صورة حضرتك على العموم انا اكيد محتاجه المحاضره لأن الباقي مبني عليها فلازم اذاكرها
يوسف- وأنتِ ناسيه كلامي الصبح
نيللي- معلش فكرني اي كلام
يوسف- انك شايله الماده
نيللي- انا مكنتش عارفه أن حضرتك بالسذاجه دي معايا اعتراف رسمي انك عايز تشيلني الماده ف بدل ما اخاف منك هتخاف مني
يوسف بلع ريقه بتوتر- عادي سهل احذفها أو اقول انكم مفبركين الشات اصل ليه هدخل اكلم طالبه عندي
نيللي- هو ده مش رقم حضرتك ودي صورتك
يوسف- سهل جدا يتفبركوا
نيللي- رقمك مع كل الدكاتره لو أنكرت مش هتعرف هتغير الرقم هيبان بردو في كل الجروبات يعني صعب جدا يا دكتور يوسف حبيت بس اوضحلك انك مش اذكى حد في الدنيا واني مش هشيل مادتك وده مش بمزاجك ده غصب عنك تهديد بتهديد يا بشمهندس يوسف
عمل سين ومردش الحقيقه كنت خايفه ومازلت بصراحه انا مين عشان اهدده اصلا بس كويس اني مخفتش منه واني وقعته في الكلام والا كان هيستظرف كتير
خلص الاسبوع اللي مليان محاضرات ودخلنا اسبوع اسوان القمر الانسان ممكن ياخد ايه معاه اول واهم حاجه الصن بلوك بتاعنا عشان منتحرقش فساتينا الحلوه ونضارات الشمس وجينز كتير عشان نعرف نتحرك وفستان بنفسج عشان لما اقابل كريم ده اهم من كل حاجه
صوت رساله من الواتس
نيللي- رقم مين ده حتى مش ظاهر على تروكولر
الرقم الغريب- بيبقى شكلك في بيبي بلو يجنن وكمان الروز الهادي
نيللي مردتش وعملتله بلوك- ايه السخافه وقلة الادب دي انسان مش متربي
اتصال من نور
نيللي- ايوه يا نور
نور- مالك شكلك متعصب
نيللي- لا متخديش بالك
نور- هتحكيلي واحنا بنشتري الحاجات جاهزه
نيللي- خمس دقايق ونازله اهو
نور- تمام
عند يوسف
يوسف ما تتخيليش يا تيته هي قمر ازاي يبان أن ملامحها عاديه بس واخده قلبي عندها فستان روز بيسحرني كإنها اميره
الجده- وريني صورتها اللي واكله عقلك دي
يوسف- اهي يا تيته
الجده في سرها ما شاء الله ربنا يحميها لصاحبها – مش حلوه عاديه ولا اميره ولا حاجه انت اللي خفيف بس
يوسف- بقى كده يا تيته مش هحكيلك حاجه تاني
الجده- متزعلش مش كل العيون بتشوف الحلو واحد كل عين بتشوف غير التاني وهي حلوه بس بضحك معاك المهم تبقى واثق من مشاعرك وهي بتبادلك نفس المشاعر ولا لا عشان متتعبوش انتوا الاتنين اديها مساحتها حبها من غير تحكم الرجل الشرقي الرخم اللي بيقتل اي حب فرحها هتلاقيها بتحبك وطايره زي الفراشه وهي معاك
يوسف- كنتي فين يا تيته قبل ما ابوظ الدنيا
الجده- انت بوظتها خالص
يوسف-خالص خالص يعني
الجده بضحكه- كلكم كده مبتعرفوش تتعاملوا معانا فاكرين طرقكم هي الصح واحنا بنعند اكتر بطريقتكم دي يا سذج هتحبك ازاي وانت ضاغط عليها هتحبك ازاي وانت مش مديها فرصه تتنفس بس غير اسلوبك وخليك كويس مع الكل عشان تلفت انتباهها
يوسف- انا بحبك اوي يا تيته
الجده- وانا بحبك يا نور عيني واللي باقيلي من الدنيا دي
يوسف واخد جماله من والدته من أصول تركيه شعر بني مايل على الاصفر ناعم تقيل عيون عسلي ابيض طويل فقد أهله وهو صغير عاش مع جدته والدة مامته تركيه بس عايشه من صغرها في مصر إلا أن طريقة كلامها مهندم ورقيق تقع في حبها من اول لقاء قدرت تكبر يوسف وتعلمه ازاي يتعامل مع الناس وينجح بس العوامل الخارجيه ليها تأثير بردو أذى فقدان الأهل أذى التعامل مع البشر ازاي واحد متربي على أنه باشا يتعامل مع الناس اكتسب القسوه وأنه يتعامل مع الأصغر منه بتعالي واستحقار ده طبعا عكس اللي جدته علمته عليه
يوم الرحله الساعه ٣ الفجر
حلم نيللي
فستان اخضر جميل هادي حلو اوي الفستان ده كل احلامي بفساتين تهبل
شخص الغريب- مستنياني بقالك كتير هنا
نيللي- هو انت ، انت مين
الشخص الغريب- هتستني كتير
نيللي- شكلك حلو
الشخص الغريب- مش زيك أنتِ احلى كتير انت شبه الملايكه
نيللي- عايزه اعرفك
الشخص الغريب- مش وقته
نيللي- انت تعرفني
الشخص الغريب- أنتِ اللي عايزاني
نيللي- مش فاهمه
الشخص الغريب- تتمشي
نيللي- معاك ياريت
كانت نفس الحديقه الجميله نفس الورد نفس ريحة البرفيوم بتهدي الأعصاب وصلنا عند بحر المايه فيه صافيه تشوف وشك فيه بكل وضوح
الشخص الغريب- عجبك المنظر
نيللي- جميل يشبه حواديت الكرتون
الشخص الغريب- بتفكري في مين
نيللي سكتت شويه وبصت للبحر – كريم ياه لو أقابله
لقيت نفسي بغرق ازاي بقيت ف وسط البحر مش قادره اتنفس مش لاقيه ايد تلحقني اللي انقذني من خنقتي ف الحلم صوت الاذان قمت بنهج كإني كنت بغرق بجد استعذت بالله من الشيطان واستغفرت وقمت اتوضى واصلي
فضلت صاحيه بعد الفجر كل حاجتي جاهزه بس خايفه انام لسه حاسه بخنقه كإني بجد كنت بغرق قلبي مقبوض مش عارفه ايه اللي حصل وهل دي اشاره طب اشاره لأيه اني ابطل افكر في كريم انا غرقت لما ذكرت اسمه انا مش فاهمه حاجه دماغي هتنفجر يارب يارب انت اللي عالم بحالي وحيرتي اللهم ابدل حيرتي أمن وقلقي اطمئنان ارح قلبي يارب
جروب الدفعه
يوسف- صباح الخير يا شباب اتمنى تكونوا نمتوا كويس وجاهزين لرحلتنا الجميله هتكون جميله بوجودكم اتأكدوا من الحاجه بتاعتكم وما تنسوش اي غرض كل حاجه هتحتاجوها هناك إن شاء الله تبقى رحله سعيده بصحبتكم
نور- بإذن الله يا بشمهندس
الطلبه- اكيد هتبقى حلوه بوجودك يا دكتور
نيللي بتقرأ الرسايل وهي في عالم تاني كل حاجه جاهزه الا عقلها مش راحمها
نور- نيللي أنتِ صاحيه جهزتي ولا لسه المفروض نتحرك دلوقتي عشان نوصل في الميعاد
نيللي-……
نور- بتعملي سين ومش بتردي ليه المهم انك صاحيه هطلب اوبر دلوقتي عشر دقايق وتنزلي
هي بتعمل سين ومش بترد ليه هما رفضوا ف اخر لحظه ولا ايه استر يارب
نيللي قامت تجهز نفسها وتتأكد من الشنط خدت معاها ادوات الرسم عشان ترسم الفساتين وصورة كريم عشان لما تقابله
نور- ايه يا بنتي مالك عماله ابعتلك في ايه
نيللي- كنت بعمل قهوه
نور- كل ده ده انا افتكرت في حاجه
نيللي- القهوه دي مزاج يا ماما ابقي اتحايلي عليا عشان تشربيها بقى
نور- لا متغدريش ده انا مصحباكي عشان فنجان القهوه الرايق بتاعك
نيللي- يلا يا ماما من هنا شطبنا
نور- بقى كده طب شوفيلك اوبر تاني بقى يوصلك
نيللي- يغداره مفيش الكلام ده مفيش وقت اطلب
نور- نص المج ده بتاعي من غير نقاش
نيللي- المج كله يباشا تحت امرك
نور- ايوه كده اتعدلي
عند كريم
كتب جواب قبل ما ينام
ليلتي الجميله ذات العيون البنيه الواسعه غزالي الرقيق هل يأتي الزمن بكِ مرة أخرى ام سأظل انتظر حلمي الجميل ، يا حلوة عمري اعلم انك ازدتي جمالا فوق جمالك وان شعرك المموج كموج البحر أصبح طويلا كما حلمتي وقلبك كقلب طفل صغير لم تكبري مازلت اشتاق لك ياجميلة عمري مازلت اريدك وان تكوني واقعي لا في احلامي فقط ♥️
هذا الكريم غارق بها كيف أن يتخطى ليلته وهي من جعلت البسمه دائمه على وجهه وقلبه من اسعدته بعد جدته
المنبه رن
كريم- ايه الورقه دي ااااه هو انا مخبتهاش ده انت ف الطراوه خالص لو ماما شافتها هتقول عليا ايه وهقولها عايز اروح القاهره ازاي طب صحابي وممكن اقنعهم نجرب مطعم جديد اقنعها ازاي بس انا مشتاق اوي لبيتنا القديم وعايز ازور تيته انا مش فاكر المكان اوي بس هحاول افتكر ونفسي اشوف نيللي ليلة عمري الجميله هقنع ماما أننا هنجرب مطعم مش هتمانع اكيد يعني

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية هل نلتقي)