روايات
رواية الوقوع في الغرام الفصل الثاني 2 بقلم سلسبيل أحمد
رواية الوقوع في الغرام الفصل الثاني 2 بقلم سلسبيل أحمد
رواية الوقوع في الغرام البارت الثاني
رواية الوقوع في الغرام الجزء الثاني
رواية الوقوع في الغرام الحلقة الثانية
– زين دول مش اهلي انا متبنيه من ملجأ وانا الى بقولك اهو لو مش عايز تكمل هقول اني طالبه الطلاق ومش هحملك اي ذنب
= طلاق؟ احنا متجوزين من كام ساعه تقوليلي طلاق!
– يعني اية؟
= يعني مليش دعوه بعيلتك! ليلي انا حبيتك انتي
– حبتني! بس انا معرفكش
= بمعني اية ؟
– ازاي حبتني
= زي ما حكيت لك حصل
– هتعيش مع واحده معندهاش عيله وقضت نص حياتها في ملجأ عشان اي عشان بتحبني؟
= ايوا لكن ده كله هيتهد لو انتي مش عاوزاني
– زين اسمعني ، انت ظابط وانا اية ؟ ولا حاجه انا معرفش ليه وافقت عليك انت بالذات انا كنت مرتاحه ليك وحاسه انك غيرهم نظرتك ليا كانت غيرهم لكن انا مش انانيه ولا كدابه
= خلصتي؟
بصتلي بستغراب فا قربت منها ومسحت دموعها
= تبطلي عياط بقي وتهدي خدي نفسك كدا وانا مش هسيبك لاخر نفس في عمري عشان اية ؟ عشان بحبك، ومش هجبرك تحبيني مش هقرب منك هنفضل سوا فتره بما انك بتقولي مرتحالي خلينا زي م احنا يا ليلي و اوعدك لو انتي الى طلبتي تمشي ومش عاوزاني هنفذ قرارك
– طب و اهلك هيقولوا اي!
= ملكيش دعوه بحد، ممكن ملكيش دعوه بحد غيري انا يعني.
ابتسمت وسط دموعها طبطبت عليها: انتي اجمل حاجه ممكن تحصل لأي حد صدقيني تلقائيتك وهدوءك و كسوفك كل ده حاجه نادره.
= وانت كمان اول حد احس انه مختلف تعرف لما عرفت انك من الصعيد حسيت انك مش هتبقي سايبني وهتبقي جمبي فاهم ؟
= تقريبا فاهمك انتي خايفه تبقي مع واحد مش مهتم بيكي بس عرفتي منين اني كده اكيد مش عشان من الصعيد ؟
– لا عشان كده كنت بسمع حكايات كتير عن الصاعيده وازاي بيحموا اهلهم ويخافوا عليهم ودايما نفسي اتجوز حد صعيدي بس مقلقه انا من موضوع انك مش بتتكلم صعيدي
ضحكت وحرفيا مكنتش متخيل الى سمعته:
– ليلي انتي غلبانه اوي والله طيبه لابعد الحدود
– يعني اية
= يعني جميلة
– بجد
= ايوا، بس صح افهم كدا انك بتثقي فيا
– انا بخاف اثق فحد ومحصلش اني وثقت فحد قبل كدا
= انا كده يعني زي ، زي اي حد؟
– لا انت في مستوي كويس يعني انا مطمنه ليك وده محصلش قبل كدا برضو
= يعني طلعت فحته كويسه انا ؟
– اها
ابتسمتلها = طيب كويس والله مش عارفه اقولك اية
ضحكت – طيب هنام بقي ، شكرا عشان فهمتني ، وشكرا عالحدوتة ممكن متقومش عشان لو صحيت وانا لوحدي هتخض
قربت ليها وحطيت راسي عالمخده قصادها:
– انا جمبك
ابتسمت وانا كنت بدوب من جمال ابتسامتها
ونامت.. يا الله انا مشفتش قبل كدا ملاك نايم بس اديني شوفت.
______________________
– زين.. زين زين اصحي
رديت بنوم وانا مغمض عيني:
– في اية انتي كويسة
= اه ، صباح الخير
– صباح النور هي الساعه كام
= مش عارفه
– شوفي موبايلك كدا
= انا؟ .. انا مش معايه موبايل!
فتحت عيني وبصتلها وانا بحاول استوعب: واهلك لما يحبوا يطمنوا عليكي وتكلميهم؟
قالت بهدوء – يمكن يجوا او يكلموك انت
بصيت فى موبايلي لقيت الساعه 10 الصبح
= انتي اية مصحيكي بدري كدا يا لولي ها
– مش عارفه
ضحكت: طيب تعالي نعمل فطار سوا
– ماشي بس لو باظ لو مليش
= انتي بتخلغي بدري بدري يعني
ابتسمت: اه
جهزنا الفطار وقررت اتكلم معاها:
ليلي ممكن اكلمك في موضوع
= اكيد اتفضل
– هي علاقتك بأهلك دول كويسة؟
= ايوا
– امال ليه حاسك عادي ، يعني حاسس انهم مش واحشينك
= مش عارفه هما مش بيحبوني يمكن
– مش بيحبوكي!!
= او يمكن لاء مش عارفه
– ليلي انتي بتحبيهم ولا اية
= مش عارفه
– طب بقولك سيبك من الموضوع تعالي ننزل انهارده نخرج
= مبحبش اخرج
– ولا ناكل بره؟
= تؤ ناكل هنا
– يعني هنفضل فالبيت
= ايوا انا مبحبش اخرج فالزحمه والفرهده والتلزيق
– انتي من محبي الشتا ولا اية
= لا انا محبي البيت في اي فصل من الفصول الاربعه
– خلاص تعالي نجيب طريقه اكله نعملها سوا عالغدا و معايا افلام على اللاب توب وهنعمل فشار او كيكه مثلا
حسيتها مش مستوعبه الى بقوله فا مسكت ايدها
= انتي معايا؟ مش بتحبي الاكل ولا ايه
– لا لا طبعا بحبه
= هايل
– فا ياريت لو تعرف طريقه اكل بيها من غير ما اطبخ ابقي شاكره ليك جداً
ضحكت: امال بتعملي اية؟
= بتنفس
-يا ليلي حرام عليكي
= انت بتحب تعمل حاجات كتير صح وتخرج وانا عاكسك
– جربي هتخسري اية؟
= هحاول.
فات تلت ايام بينا دايما انا الى بتكلم وبفتح مواضيع وهي علطول ساكته وهاديه زياده مش بتتكلم ملهاش صحاب مش بتحب تخرج بتخاف بزياده
كنت عارف الحاله الى بتعامل معاها بعد ما كلمت واحد صحبي دكتور نفساني وطلع عندها انطواء حاد وقالي ان صعب تبقي انسانه عاديه من يوم و ليله لكن لو مكنتش جمبها يعني هبقي جمب مين
– ليلي يا حببتي يا روح قلبي
= احم اية دا في اية
– مفاجأه
= ربنا يستر
– ردودك دي بتجتلني
ضحكت: طيب قول خلاص
– بصي مش انتي بتحبي القطط
= اها جدا جبتلي قطه!!!
– لاء هخدك مكان وتروحي تختاري انتي بنفسك
= هنخرج يعني لازم؟ مينفعش انت تجبها؟
– بصي هنركب العربيه ونروح المكان قريب متخافيش مش هسيبك
وافقت بعد ما حسستها ان الموضوع بسيط واني هبقي جمبها وده كان اول اختبار اخرجها بأرداتها.
ركبنا العربية وتعمدت افضل اقولها تبص عالمحلات الى متزينه بأنوار جميلة بليل وتشوف السما و القمر والزرع حولينا وحاجات كتير فالشوارع عشان تحب الخروج.
– جميلة الشجره دي
= مش قولتلك المكان هنا حلو اوي ، تحبي ابقي انزلك مطعم منهم ؟
– لا ياعني مش لازم
“اتنهدت وقولت لنفسي مش مهم نحاول بعدين.”
= ليلي وصلنا
– طيب
= يلا ننزل؟
بصت من الشباك عالناس: بس في ناس كتير اوي
– فيها اية
= مش عارفه
– هاتي ايدك و تعالي
= اية دا احترم نفسك عايز تمسك ايدي وخلاص
– انا جوزك!
= مش مبرر هو هنزل لوحدي
نزلنا وهي مش ماسكه ايدي لا خالص دي قفشه فالتي شيرت من ورا ومستخبيا ورايا ومصدراني فالاول كأننا فحرب لحد ما دخلنا المحل واول ما شافت القطط سابتني وقربت منهم بسرعه وبدون تفكير وفضلت تلاعبهم وبصتلي.
= زين ! دول حلوين اوي بجد كلهم حلوين اوي
– مكنتش اعرف انك بتحبيهم كدا!
= انا بحبهم جدا جدا
– طيب اختاري واحده بقي
بصت للتلاتة الصغيرين الى بيلعبوا مع بعض قدامها فا نزلت لمستواها:
= عاوزاهم؟
– هو ينفع التلاته!
= ينفع اي حاجه عشان خاطرك يا ليلي
وقفت وطلبت من الراجل بوكس كبير عشان ناخدهم قامت بفرحه وحضتني حضن سريع وبعدين بصتلهم وهي تقريبا مش مستوعبه امها حضنتي وانا عملت مش واخد بالي لكن من جوايا قلبي بيرقص.
– هعمل حدثه بطلي فرك ولما نروح اللعبي معاهم براحتك
= تعرف ان دي كانت امنيه حياتي! اشتري قطه واحده انا مش عارفه اقولك اية يا زين شكرا بجد
– ليلي متشكرنيش انا وانتي واحد ها؟
وصلنا الفيلا فا قعدت فالجنينه وطلعتهم وفضلت تلاعبهم
= طبعا هتقعدي فالجنينه دلوقتي معاهم ها؟ اها يبتاعت القطط ماشي
ضحكت: طب ممكن طلب يا زين
= ده ممكن طلبات والله يا قلب زين
– الله؟
= قولي قولي
– ممكن اشتري ليهم حاجات القطط
= انتي هتشتري هتنزلي؟
– لا اقصد انت طبعا هه
= مممم طيب هنزل اجيب ليهم اكل الاول
– اه اه ماشي
نزلت وروحت اجيب ليهم اكل وجبت ليها حاجه تانيه.
وانا فالطريق شوفت كمان مكان عجبني قولت لازم انزلها فيه بأي طريقه وبعدين روحت
– ينهار اسود ليلي؟
= زين اللحقني
يتبع
لقراءة الفصل التالي : اضغط هنا
لقراءة باقي حلقات الرواية اضغط على (رواية الوقوع في الغرام)
..