روايات

رواية أنت أم هو الفصل الخامس 5 بقلم لوجين جمال

رواية أنت أم هو الفصل الخامس 5 بقلم لوجين جمال

رواية أنت أم هو البارت الخامس

رواية أنت أم هو الجزء الخامس

أنت أم هو
أنت أم هو

رواية أنت أم هو الحلقة الخامسة

انت اتجوزت؟
هشام بحزن: آه
– إزاي؟
• مقلتلكيش عشان وعد متزعلش
– اتجوزت منة صح؟
• اه،، الله يرحمها
بصتله بصدمة: هي …؟
– اتوفت وهي بتولد آدم اللي اتولد طفل مش طبيعي ،، انا كل اللي عملته فيكي بيتردلي يا هيام بجد انا ندمان على اللي عملته معاكي
• الله يرحمها،، عن اذنك
اخدت وعد وطلعنا برغم انه نده عليا اكتر من مرة بس مردتش عليه واخدتها وطلعت دخلت اوضتي قعدت اعيط وانا بفتكر بسمة وهي بتقولي “هتفضلي كده لحد ما يجيلك خبر جوازه ولا ساعتها برضه هتدوريله على حجج؟”
كنت مخنوقة جدا قلت اتصل عليها احكيلها مفيش غيرها ممكن يهون عليا اللي أنا فيه
– هيام إزيك؟
• إزيك يا بسمة
– مال صوتك؟
• هشام…
– هشام؟؟! ماله هشام انتي شفتيه؟
• هشام اتجوز وخلف يا بسمة
– يخبر اسود !! ازاي وامتى وعرفتي منين؟
حكيتلها اللي حصل من اول ما خبطنا بالعربية لحد اللي حصل من شوية
– كل ده يا هيام؟؟ أنا بجد مش عارفة اقولك ايه بس اللي اقدر اقولهولك انه هيبتدي يستغلك ويقرب منك الفترة دي عشان ترجعيله اوعي تضعفي

 

 

• اضعف؟ فين المشكلة لما ارجعله؟ انت مشفتيش نظرة الندم والدموع اللي كانت في عينيه وهو بيتكلم معايا
– انتي بتتكلمي بجد يا هيام؟
• اومال بهزر؟ بس طبعا مش هرجعله دلوقتي هسيبه يتعذب من غيري الاول زي ما سابني اتعذب من غيره
– يعني هو معرفش قيمتك غير بعد ما مراته ماتت؟ هونتي عليه انتي وبنتك وسابكوا واتجوز وخلف ولما مراته ماتت افتكرك؟ كل ده وهتآمنيه عليكوا تاني !!
• بسمة انتي متعرفيهوش عشان تتكلمي عليه كده، هشام بيحبني وغلط، وربنا عاقبه على غلطه ده يعني خلاص كفر عن اللي هو عمله وبعدين ربنا بيسامح انا مين عشان مسامحش؟
– يعني انتي مصممة؟
• اه مصممة وملكيش انتي دعوة
– خلاص يا هيام اللي تشوفيه صح اعمليه بس حطي بنتك قدامك وانتي بتقرري يا هيام
• متقلقيش يا بسمة يلا سلام
– سلام
عند بسمة قفلت مع هيام وبعتت ماسدج لمحمد
: “محمد انا عايزة اقابلك ضروري”
بعد شوية كانوا واقفين في مكان بعيد عن بيتهم شوية
محمد: خير يا بسمة؟
بسمة: هيام يا محمد…
محمد: هيام؟ مالها هي كويسة؟؟
بسمة: كويسة بس للأسف حصل اللي انا كنت خايفة منه
محمد: اوعي تقولي انها هترجع لطليقها
بسمة: شكلها كده
وحكتله اللي حصل
محمد: ايه التهريج ده؟؟ ترجعله ازاي بعد اللي عمله

 

 

بسمة: ارجوك تساعدني يا محمد وتبعدها عنه، انت متعرفش هيام بتبقى باهتة ودبلانة ازاي لما بتبقى معاه، هيام هتتدمر لو رجعت لهشام تاني
محمد بحزن: طب أنا ممكن أعمل ايه؟
بسمة: اظهر في حياتها اكتر من كده، حاول تبينلها انك بتحبها وخد خطوة واتكلم معاها مش احنا قاعدين نخطط ازاي نخليها تحبك وهي اصلا بتفكر في طليقها
محمد بعصبية: ايه الانانية اللي انتي فيها دي انتي واختك؟ انا اه حبيتها بس لما كنت عارف انها كرهت طليقها مش لسة بتحبه !!
بسمة: يا محمد حتى لو مش هتتجوزها بس ارجوك ساعدني ابعدها عنه وبعدين ابعد
محمد: بسمة لو سمحتي موضوع هيام اتقفل بالنسبة لي انا اسف عن اذنك
مشي محمد وهو متضايق ومخنوق ورجع بيته
تاني يوم نزل يجيب سيف من الحضانة ولسة طالع لقى هيام ووعد بيقربوا عليه وهيام بتقوله: محمد إزيك؟
محمد: الحمد لله انتوا عاملين ايه؟

 

 

هيام: الحمد لله ممكن تاخد انت وعد المرة دي توديها لأختي عشان عندي مشوار؟ واسفة لو هتقل عليك
محمد: لا مفيش مشاكل تعالي يا وعد
وعد بصت لهيام: هتروحي فين يا مامي؟
هيام: هروح لبابي يا حبيبتي
محمد بصدمة: …….

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية أنت أم هو)

اترك رد