Uncategorized
رواية حب وعذاب البارت الثامن والثلاثون 38 بقلم آية السيد
رواية حب وعذاب البارت الثامن والثلاثون 38 بقلم آية السيد
 |
| رواية حب وعذاب البارت الثامن والثلاثون 38 بقلم آية السيد |
رواية حب وعذاب البارت الثامن والثلاثون 38 بقلم آية السيد
في منزل حسن خليفه
حسن /يا ريم
ريم /ايوة يا حب
حسن /اندهي علي محمد يلا وقولي له يخلص بقا الناس مستنينا
ريم /حاضر
ريم راحت اوضه محمد وفتحت الباب ولقيته بيظبط هدومه
ريم /ولا كبرت يا واد وبقيت عريس
محمد بضحك /يبنتي احترميني شويه دا انا في مقام اخوكي الكبير برده
ريم /ماشي يا حمص
محمد بعصبيه خفيفه /بت بطلي حمص دي انتي شيفاني في الحضانه
ريم /لا يا كميله دا انتي في كيجي تو ههههههه
محمد /طاب تعالي بقا
وفجأه سمعوا صوت ضحك وكان صوت ضحك خارج من تليفون محمد
محمد خبط علي راسه /اوبس دا انا نسيت زين علي التليفون
ريم سمعت اسم زين واتصدم وضربات قلبها زادت ومشاعرها اتلغبطت وطلعت جري من الاوضه
محمد مسك التليفون واتصدم من جري ريم
محمد /ايه يبني انت لسه فاتح الخط دا انا نسيتك خالص
زين بضحك /هههههههههه ولا يهمك يا حمص
محمد بعصبيه خفيفه /ولا انا اسمي محمد وإياك تقولي الاسم دا تاني
زين بضحك /هههههة انت عارف دي تاني مره اسمع ريم بتقولك حمص وبصراحه الاسم عجبني اوي وناوي انديلك بيه دايما
محمد بضيق /طاب اقفل بقا عشان انت بارد
زين /ههههه خلاص معلشي بس بصراحه الاسم مسخره اوي
محمد /طاب يلا بقا سلام عشان ماشي
زين /ماشي وأما تخلص كلمني عشان نتقابل لاني عاوزك في موضوع مهم
محمد /ماشي بس خير
زين /لما نتقابل
محمد /ماشي سلام
زين /سلام
محمد قفل مع زين وراح لأهله عشان يروحوا عند حنان
__________________
في منزل زين
زين قفل مع محمد وسرح في ريم وضحك لما افتكر حركاتها الطفوليه وصوت ضحكتها اللي بيحسسه انه بيسمع مقطوعه موسيقيه
زين لنفسه /خلاص يا ريم هانت ان شاء هكلم محمد وبعد العمليه دي هتقدم رسمي وتبقي حلالي ومعايا دايما بس الاول لازم كل حاجه تخلص
مرفت دخلت اوضه زين لقيته سرحان
مرفت بضحك /اللي واخد عقلك
زين فاق من شروده علي صوت والدته
زين بانتباه /ها
مرفت /ها ايه بس بقالي ساعه بخبط وانت ولا انت هنا اصلا
زين /معلشي يا حبيبتي مكنتش مركز
مرفت بخبث /ايه الجميل شاغل بالك ولا ايه
زين بعدم تركيز /هو مش بيخرج من بالي اصلا
مرفت بضحك /ههههه للدرجه دي لا مش مصدقه بقا زين عز الدين اللي عمره ما حب يقع بالشكل دا
زين بضحك /هههه لا صدقي دا انا داخل علي حاجه اكبر من الحب بكتير
مرفت /هههههه ربنا يكتبلك اللي فيه الخير يا حبيبي.. قولي بقا هتطلب ايدها امته
زين /انا كلمت محمد الوقتي بس هو رايح يخطب وقولتله يكلمني بعد ما يخلص
مرفت /ربنا يتممله علي خير وانت كمان يا حبيبي
زين بأس ايد والدته /ويباركلي فيكي يا ست الكل
___________________
في المستشفى
كان باسل في مكتبه وبيفكر في علا اللي سرقت قلبه من النظرة الاولي وعيونها التي لا تفارق خياله ولكن لا يفارقه أيضا نظرة الحزن التي كانت تملئ عيونها
باسل لنفسه /مش عارف ايه حكايتك ولا ايه سبب نظرة الحزن اللي في عنيكي بس كل اللي انا عارفه هو انك شقلبتي حياتي من يوم ما شوفتك وانك دايما في بالي وبقيت حتي وانا نايم بحلم بيكي ومش قادر افسر سبب خوفي من أن شكوكي تطلع صح لما كنت مفكر انك مريضه كانسر مع اني في اليوم بيعدي عليا مئات الحالات بس مش عارف ليه كنتي اكتر حد شاغل تفكيري
وقطع شرود باسل دخول عادل صاحبه
عادل /فيه ايه يا عم بقالي ساعه بخبط وفتحت ودخلت وانت ولا انت هنا
باسل /ها انت هنا من أمته
عادل /ياه للدرجه دي حالتك صعبه
باسل /حاله ايه
عادل /الحب يا صديق
باسل /حب ايه بس يبني وبتاع ايه
عادل /طاب والله هي الحاله دي انا عارفها كويس….. اعترف بقا
باسل /اعترف بايه بس يبني
عادل /يعم اخلص بس يمكن افيدك
باسل بتنهيده /هو يعني لو حد قابل شخص يعتبر مره او مرتين ممكن يحبه
عادل /اممممم بص يا سيدي
باسل /بصيت
عادل /الحب اصلا هو تلاقي الأرواح قبل تلاقي الأجساد
باسل بعدم فهم /ازاي يعني
عادل /بمعني تاني هو الحب من أول نظرة… يعني بتبقا حاسس انك قابلت الشخص دا قبل كده وحاسس بارتياح معاه وحابب دايما انك تفضل معاه وشايفه قدام عينك طول الوقت ولو غاب عن عينك مستحيل يغيب عن ذهنك ودايما تفكيرك مشغول بيه
باسل /يعني انا
عادل بضحك /شكلك كده وقعت يا كبير
باسل /مش عارف
عادل /لا دا انت حالتك صعبه اوي
باسل /شكلي كده
عادل بضحك /ههههه ايه يا عم فيه ايه
باسل /متخدشي في بالك انت كنت عاوز ايه
عادل /بتوه بس اشطا لو احتجتني هتلاقيني
باسل بابتسامه /عارف يا صاحبي… ها بقا
عادل /كنت جاي اقولك علي مؤتمر الأطباء
باسل /اه عرفت وهروح ان شاء الله
عادل /خلاص تمام هو هيكون بعد اسبوع
باسل /ماشي تسلم يا صاحبي
عادل /ماشي مش عاوز حاجه
باسل /سلامتك
عادل /ماشي انا هروح بقا عشان عندي عمليه
باسل /ماشي
وعادل مشي وباسل فضل يفكر في كلامه
باسل لنفسه /يعني معقول اكون فعلا حبيتك…. يا رب لو هي نصيبي اجمعني بيها يا رب
___________________
في منزل محسن
والد حنان ووالدتها وجني اختها كانوا قاعدين لغايه ما سمعوا صوت الباب
ريهام (والده حنان) /قومي يا جني افتحي
جني /حاضر يا ماما
محسن /خليكي انتي يا جني دول اكيد عمك حسن انا هفتح وادخلي جوه انتي
جني /ماشي يا بابا
محسن راح يفتح الباب ودخل والد محمد ووالدته وريم ومحمد
محسن بابتسامه /اتفضلوا
حسن /يزيد فضلك
ريهام /نورتونا
هيام /بنورك يا حبيبتي
ريهام /ازيك يا ريم
ريم بحب /ازيك يا طنط عامله ايه
ريهام /الحمد لله يا حبيبتي
وفضلوا يتكلموا شويه
______________________
في اوضه حنان
حنان كانت بتظبط حجابها ولقت جني داخله عليه
حنان /فيه ايه يبنتي
جني /العريس وأهله جم
حنان بتوتر وضربات قلبها بتزيد /طاب انا هطلع ازاي
جني بضحك وهي بتمسك ايدها /ههههههه يبنتي اهدي بس فيه ايه هتطلعي عادي بصنيه العصير
حنان /لا انا اصلا خايفه والصينيه هتقع مني
جني بضحك /هههههههه لا متخافيش انا جربت قبلك وبقولك مش هيحصل حاجه
حنان بعصبيه خفيفه /بطلي ضحك بقا تصدقي انك بارده… مش كفايه اني حتي مش عارفه انا هقابل مين
جني /هههه خلاص اسفه بس يعني الموضوع عادي… وغمزت لحنان /وبعدين يا ستي مستعجله علي ايه لما تطلعي هتعرفي
حنان /بس…
وقطعها صوت خبط علي الباب
جني /ادخل
ريهام /يلا يا حنان هاتي العصير وتعالي
حنان بتنهيده /ماشي
حنان اخدت الصنيه وراحت الصالون تقابل الضيوف واتصدم لما شافت حسن والد ومحمد ووالدته ومحمد وريم
حنان من صدمتها الصنيه وقعت منها وفضلت واقفه متنحه
ريهام راحت عندها بسرعه/فيه ايه يبنتي مالك
حنان بصدمه /هو… هو محمد العريس
ريهام بضحكه حاولت تكتمها /ايوة وبعدين ينفع كده
حنان فاقت من صدمتها وبصت علي الارض والعصير اللي اتدلق وبعدين جرت علي اوضتها
محمد كتم ضحكته علي منظرها
حنان لنفسها /معقول… يع.. يعني محمد جاي يخطبني
وفجأه صرخت وفضلت تتنطط علي السرير
والدتها دخلت الاوضه لقيتها بتتنطط
ريهام بعصبيه خفيفه /يعني انتي سايبه الناس وبتتنططي هنا
حنان هدت /خلاص يا ماما جايه اهوه
ريهام /يلا
حنان خرجت بصنيه تانيه واعتذرت وسلمت علي الكل وبعد شويه سابوهم لوحدهم
وحنان كانت باصه في الارض ومتوتره
محمد /احم… ها مش عاوزه تسالي حاجه
حنان /ها
محمد /مش عاوزه تسالي حاجه
حنان لنفسها /طاب اقوله ايه دا… دا انا عارفه عنه حاجات هو نفسها ميعرفهاش
(هذه هي الفتاه يا سيدي ????)
محمد /حنان
حنان /ها
محمد /مش حابه تسالي حاجه
حنان /اه… ليه انا
محمد بابتسامه /بعد ما نكتب الكتاب هقولك
حنان باستغراب /اشمعنا
محمد /عشان ساعتها هتبقي مراتي
حنان /ماشي
محمد /ممكن لو وافقتي نكتب الكتاب يوم الخطوبه
حنان /بس…
محمد /انا حابب اتعامل معاكي براحتي بدون قيود
حنان هزت راسها بالموافقه
وبعدين والدها دخل واتفقوا انهم يردوا عليهم في اسرع وقت بنائا علي رغبه محمد
وبعد كده عايله محمد رجعت البيت ومحمد نزل يقابل زين وحنان دخلت اوضتها وهي مش مصدقه ان حب عمرها جه يتقدملها وفضلت تتنطط وبعدين سمعت صوت والدها
حنان /ايوة يا بابا
محسن /ها يا بنتي ايه رائيك
حنان بكسوف /اللي تشوفه يا بابا
ريهام بضحك /هههههههه اللي يشوفه بردوا شوفوا البت
حنان /بس بقا يا ماما… وبعدين انتوا ليه مقولتوش ان محمد هو العريس
جني /هما اللي قالوا محدش يقول لحنان…. بس ايه اول لما شفتيهم دلقتي العصير ههههههههه
حنان /بس بقا وبعدين ما انا اتصدمت بردوا
محسن /خلاص يعني ارد عليهم بايوة
حنان /هصلي استخاره الأول يا بابا
محسن /ماشي يا بنتي صلي وقولي لي قراراتك عشان اعرفهم
حنان /ماشي يا باب عن اذنك
ودخلت اوضتها وصلت استخاره وحست براحه
__________________
في الكافيه
زين ومحمد اتقابلنا ومحمد حكي لزين اللي حصل وزين فضل يضحك عليه
محمد /خلاص بقا يا عم بطل ضحك وقولي عاوزني في ايه
زين /بصراحه انا………
____________________
في شرم
نادين كانت بتتمشي علي البسين ومشغله الهاند فري وبتسمع اغاني وفجأه حد حط ايده علي كتفها
نادين بصت بصدمه لما لقت الشخص دا قدامها ومن صدمتها رجلها اتزحلقت و……
يتبع..
لقراءة البارت التاسع والثلاثون : اضغط هنا
لقراءة باقي فصول الرواية : اضغط هنا
نرشح لك أيضاً رواية أحببت عفيفة للكاتبة آية السيد