رواية نوارة حارتنا الفصل الخامس عشر 15 بقلم دودي مودي

رواية نوارة حارتنا الفصل الخامس عشر 15 بقلم دودي مودي

رواية نوارة حارتنا البارت الخامس عشر

رواية نوارة حارتنا الجزء الخامس عشر

رواية نوارة حارتنا الحلقة الخامسة عشر

أدهم بصدمة: ابنك!!!
نور فضلت بصّاله بدم.وع شوية وساكتة بعد كده فجأة قررت شيء
نور بسخرية: أه ابني يا دكتور
مسِك دراعها بقوة وهو بيز.عق: ابنك ازاي انطقِ، خلّفتيه امتى انطقِ بقولك
نور ببرود: خلّفته زي ما خلّفته انتَ مالك
واتحركت من قدامه وهيبتحاول تتماسك وخدت إيد أدم ومشيت
جه يجري وراها عشان يوقّفها لقى الكل ظهروا وراح مراد مسِك إيده: اهدى شوية يا أدهم
أدهم بعص.بية وصر.اخ: اهدي اييييه بقى أنا بقالي سنين بدوّر على مراتي وهم.وت عليها ولما ألاقيها ألاقيها مخلّفة ولد
مراد بضحك: وعاملّي ذكي وبتفهم ورجل أعمال كبير بلا نيلة
أدهم بصد.مة ودم.وع: قصدك اااا ابني
رد أمير بجمود: أيوة يا أدهم أدم ابنك، ابنك اللي نوّارة قعدت سنين تعافر عشان تربّيه لوحدها من غير أب
أدهم بزع.يق: ازاي ازاي ابني وازاي تخبّوا عليّا ازاي ٧ سنين عندي ابن واتحرم منّه مش من حقها يا أمير مش من حقها
أمير بزع.يق: وانتَ اللي كان من حقك كدبك عليها، كان من حقك كس.رتها ووج.عها سنين، كان من حقك دم.وعها اللي منشفتش طول السنين دي، انطق كان من حقككككك

أدهم بح.زن: مكنتش عاوز اخس.رها افهموا بقى كنت خا.يف اخسرها وكنت عاوزها جنبي وبس، افموني كله كان غصب عنّي ما عدا حبي ليها،انانفّذت كل اللي قولتلها عليه ومكنتش ناوي أفارقها أبداً ونطقتها يومها غصب عنّي عشان خطتي تكمل ومخسرش شقى عُمر أبويا وعمي كانت مسئوليتي مقدرتش أتخلّى عنها ولا اتخلّيت عن نوّارة لإني بحبها بحبها والله وروحت أصالحها ملقتهاش ومقدرتش على بُعدها ساعات وردّيتها على طول، ارحموني بقى سنين عذ.اب وأنا ساكت ومستحمِل أنا تعبت بقى تعبت
وقعد على صخرة وراه وحط راسه بين إيديه
قرّب عليه مراد وحازم وياسر وحطوا ايديهم على كتفه
والكل بقى حاسس بيه وإنه فعلاً مو.جوع
لمَع في دماغ أمير فكرة وقرر ينفّذها عشان يخلّي الاتنين يقدّروا حبهم لبعض ويرجعوا لبعض
أمير بخبث: ما هي برضه معذورة يا أدهم ما هي متعرفش إنك ردّتها
بصّله مراد والكل باستغراب فغمز أمير بسرعة من غير ما أدهم يشوف فالكل سكِت
أدهم بعص بية: نعمممم!! ازاي متعرفش كل السنين دي اني ردّتها انطق ما انتوا كلكوا لعبتوا عليّا وانتوا بتتواصلوا وانتَ معاك شهد يعني اتجوزتها اتجوزت أخت صاحبتها الأنتيم يبقى مبتتواصلوش كلكم ازاي انطقواااا مش أنا طلعت المغ.فل الوحيد اللي فيكم وبقالي سنين أدوّر ومش عارف طريقها وبتح.رق قدامكم وشايفني وساكتين ما تردوا تخميني صح ولا غلط ردووووا
الكل سكِت وبص للأرض لأن كل كلامه صح
أول واحد اتكلم مراد
مراد بتنهيدة: انتَ اللي بدأت أول غلط يا أدهم انك متصارحش شريكة حياتك بإنك متجوز وكان لازم تتوقّع خيبة أملها فيك لو عرفت الحقيقة بدري عن خطتك ما تتم
ثانياً متقدرش تلومها انها تتصدم فيك وتحس انك غد.رت بيها ومحبتهاش أصلاً لما تلاقيك بترمي عليها اليمين قدام أمك ومراتك التانية عشان تنقذ شركة أهلك اللي هي ملهاش إنك تنقذها على حساب حياتها وبيتها هي
ثالثاً متقدرش تمنعها أو تلومها إنها تختار البُعد على إنه تفضل مع واحد خا.ين وغد.ار من وجهة نظرها

متقدرش تلومها إنها متبقاش عاوزاك تشوفها أو تعرف مكانها، هي أه غلطت إنها مقالتش إنها حامل وإنها حرمِت إبنك منّك وحرمِتَك منّه بس هي شافت إن ده عقابك على غد.رك بيها كل واحد وله الحق يدافع عن كبريائه وانتَ عارف ان نور بتعتَد بكرامتها جداً
أدهم بحزم: نور مراتي وهتفضل مراتي انتَ فاهم يا مراد
كمّلت أميرة بحز.ن: خد بالك يا دكتور، نور فعلاً لما انتَ طلّقتها كانت مقاطعاني وفضلت كده أكتر من سنة وكان أمير بيكلّمني يطمّني عليهم ويتطمّن عليّا وهي مبترضاش تكلمني خالص لحد ما أمير فضل يتحايل عليها لحد ما وافقت تكلمني من وقت للتاني اتطمّن عليها وعمرهم ما قالولي عنوانهم هنا خالص ومكانتش بتقبل أي كلام يخصّك حد فينا يفتحه
ومعرفتش إنها خلّفت غير بعد ولادة أدم ومشوفتوش حتى لما نزلوا هي وأمير يخطب شهد وأول وآخر مرة شوفته لما روحت كتب كتاب وفرح شهد وأمير ومن يوميها منزلوش تاني القاهرة ومنعرفش غير إن هما في إسكندرية
كمّلت ضي: حتى لما شهد وأمير اتجوزوا بلّغوا بابا وماما ان بيتهم وصيدلية أمير ونور موجودين في إسكندرية بس العنوان بالظبط أنا نفسي معرفوش ومحدش يعرفوا غير بابا وواخدين عهد عليه ميقولوش لحد أبداً وأمير وشهد اللي بيجولنا كل فترة يقعدوا شوية ويمشوا
أدهم بتعب: أنا مش قادر أجادل حد فيكم في زعلي منّه حالياً، أنا عايز نور وآدم وبس، عاوز مراتي وابني، لازم نور تعرف انها لسه مراتي ولازم ترجعلي
أمير بخبث: فعلاً لازم تعرف لاحسن دكتور حسن بقاله سنتين هاريني طلب وأنا مش عارف أقوله إيه لأنها مش عارفة إنها متجوّزة وهو عمّال يقنع فيها وشكلها اقتنعت لأنها كلمتني عنّه
أدهم بترقّب: طلب ايه ها؟؟!؟!
أمير بخو.ف من ملامح أدهم: طلب ااا جوا..
قاطعه أدهم بزع.يق: اوعى تكملها يا أمير أحسنلك، نور مراتي سامع واللي يفكّر يقرّبلها أقت.له فاااهم
كلهم اتخضوا من غيرته الجامدة على نور
اتكلمت شهد بتو.تر: بص يا دكتور في حل يخلّي نور لو بتحبك أو لسه باقية عليك هي اللي تقرّب الأول وساعتها قولها انكم لسه متجوزين ولو مفرقش معاها يبقى تدّينا وعد انك تبعد فعلاً المرة دي وتطلّقها وتسيبها تلاقي سعادتها
أدهم بتو.تر: حل إيه يا شهد؟
شهد بخبث: تتجوز
أدهم والكل: نعم!!!
شهد: اسمعوني بس، لازم نستفذ غيرة نور عشان نعرف لسه بتحبه ولا لأ، شوف أي واحدة معرفة تعمل دور خطيبته ونشوف
الكل وافقها وقرروا ينفذوا الخطة دي
وراح أمير وشهد والبيت وعملوا نفسهم مكانوش يعرفوا بوجود الباقي وانهم اتفاجئوا زيّها وحكولها إنهم قالوا لأدهم إنها متعرفش إنه ردّها عشان يربّوه شوية واقترحت عليها شهد خطة
شهد: إيه رأيك في دكتور حسن، شاب وحلو و….

أمير بغيرة: وبعدين يا هانم
شهد بحب: حبيبي يا ميرو بتغير عليّا؟
نور بغيظ: يا جدعان إرحموا أمي مش وقت نحنحة
شهد: باختصار يا ستي دكتور حسن معجب بيكِ من زمان وانتِ عارفة ومطنّشاه صح؟
نور بنفاذ صبر: أيوة يا ستي بس الراجل محترم وعمره ما عدّى حدوده
شهد: احنا بقى عاوزين من حضرتِك انك تمثلي ان انتِ ودكتور حسن هتتجوزوا عشان نربّي أدهم شويتين ونشوف اللي هيحصل هل هيتمسك بيكِ ولا لأ
وبعدين كفاية بقى يا نور أدهم وآدم كل السنين دي محرومين من بعض لازم يعرفوا بعض ويتقابلوا
نور بتعب: حاضر يا شهد أما نشوف آخرتها خلاص مبقاش ينفع هروب
خرج الجميع في كافيه على البحر وأمير جاب الباقي وجه
دخل آدم فابتسم أدهم وراح عليه
أدهم بحب: صباح الخير يا أستاذ آدم
آدم عجبه كلمة أستاذ فرَد بجدية كبيرة على سنّه: صباح الخير يا أستاذ…. انتَ اسم حضرتك إيه؟
أدهم بحب: اسمي أدهم محمود الزيّات
آدم باستغراب: غريبة اسمك شبه اسم بابي بالظبط يا uncle
أدهم: يخلق من الشبه أربعين يا سيدي
آدم بحز.ن: مقدرش أقول حضرتك شبه بابي أو لأ لإني عمره ما شوفته
بص أدهم لنور بعتاب وغض.ب وكمّل آدم: مامي بتقول إنه مسافر في شغل وإنه مش بيحب التصوير عشان كده معندناش صور ليه
شاور لأدهم يقرّب فاتكلم بهمس في ودنه: بس أنا شاكك إنه مزعّل مامي لأنها كل يوم بعد ما بتقرألي قرآن عشان أنام بتقعد تعيّط كتير أوي
بص أدهم لنور بحز.ن وسكِت وهي على حالها ساكتة ومبتبصّلوش
كمّل آدم: بس صوت حضرتك قريب أوي لصوت بابي
أدهم باستغراب: ازاي بقى وانتَ بتقول عمرك ما شوفته!!
آدم: أصلي بسمع صوته على طول على فون مامي مع المنبه كل يوم وهو بيقول صباح الورد على…
قاطعته نور بجدية: أدم، كفاية كده كلام يا حبيبي uncle صدّع
كان ساعتها أدهم مبتسم لإن نور لسه محتفظة بالريكورد بتاع صوته وعملاه منبه زيّه
فاق وكمّل: لأ يا مدام نور أنا مصدّعتش خالص، تعالى معايا يا آدم نلعب سوا في الkids area أوكي
بصّت نور لأمير فشاورلها تهدى وتسكت
راحوا يلعبوا ويتصوروا ونور مبسوطة بيهم وبتتمنّى كانوا يبقوا عائلة جميلة وهادية بس للأسف محصلش
لاحظت نور بنت محجبة جميلة بشرة بيضاء عيون خضراء لابسة فستان سيمبل وجميل وقاعدة معاهم وبتتكلم مع مراد وهدى والكل وهي أول مرة تشوفها
فمالت على أميرة تسألها: مين دي يا أميرة ؟؟
أميرة بتو.تر: دي دي….

نور باستغراب: ما تنطقي في إيه يا بنتي
فاجيء نور دخول دكتور حسن قامته طويلة بشرة قمحية عيون عسلي فاتح دقن وشنب خفاف فبصّت لأمير فغمز لها تسكت وتتماشى مع الكلام وهو كان قايلها انه هيتكلم معاه ويفهمه كل شيء، سلّم دكتور حسن وقعد وجه أدهم وآدم واتفاجئ أدهم بوجود دكتور حسن
آدم بوِد جري على دكتور حسن حضنه وسلّم عليه فبَص أدهم لأمير فشاورله إن ده دكتور حسن اللي حكاله عنّه
حاول أدهم يتحكّم في أعصابه وراح ناجية البنت اللي كانت لسه معاهم حاوط كتفها فانتبهتلهم نور بصد.مة وغض.ب
أدهم: أحب أقدّملكم يا جماعة آنسة ياسمين… خطيبتي
نور بصوت واطي: دي باين عليها ليلة طين
وكمّلت: وأنا كمان أحب أقدملكم دكتور حسن الزهيري خطيبي
أدهم مقدرش يمسك عصب.يته وغيرته فنطق بصوت عالي نسبياً: نعم يا عنيّا

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية نوارة حارتنا)