رواية حب مستحيل الفصل الخامس والعشرون 25 بقلم سارة اللومي

رواية حب مستحيل الفصل الخامس والعشرون 25 بقلم سارة اللومي

رواية حب مستحيل البارت الخامس والعشرون

رواية حب مستحيل الجزء الخامس والعشرون

رواية حب مستحيل الحلقة الخامسة والعشرون

هسسسسس هتودينا في داهية في ليلتك السودة دي! همسلي وهو بـيبتسم : على اساس انك بـتوافقي على كل طلباتي يعني 😂 ؟ يا شيخه اتقي الله فيا دا انتي منشفه ريقي😥 و من ساعة ما وصلتي بيتنا وشوفتك وانا لا قادر اخد معاكي حق ولا باطل حتى 😂
بصراحه رده ضحكني لأنه معاه حق ، ابتسمت برقه : طيب انت عاوز ايه دلوقتي وربنا يستر من طلباتك الغريبة دي .
– لا غريبه ولا حاجه عاوز ذكرى منك تفضل معايا بس ، ان شاء الله إزازة برفان فاضيه حتى ..
فكرت شويه بعدين افتكرت أغنيه خليجيه كانت معاي من ايام الجامعه بتفكرني بيه ، مكانتش بتفارقني كنت بسمعها طول الوقت و انا اصلا بحب الاغاني القديمة اوي :
يا زين حبك فيه روعة و إبداع
خلاني في لحظة انسان ثاني
روعة و لوعة للمشاعر و للداع
حبك بكل اخلاص غير كياني
فتحت شنطتي واديتهاله : مش معايا برفان لكن معايا دي تنفع !؟
مسكها باسها وقالي دي تنفع قوي دلوقتي بس هـقدر اطلع يلا تصبحي على خير يا حبيبتي 😘
ومسك ايدي باسها وطلع على اوضته فرحان زي طِفل صغير بلعبه جديده
قفلت الباب ويا دوب هَـروح مكاني رجع تاني فتح الباب
انا : في ايــه تاني ؟!
– جِبتلك دي عايزك تحتفظي بيها ☺️
– اول ما شوفتها ارتبكت ؟ دي صورته اللي كانت جنب سريره ! الصوره دي انا بموت فيها ، ازاي فكر يديهاني ؟؟ مسكتها بتوتر وقفلت الباب .

هو راح شغل الأغنيه بتاعتي وقعد يسمعها وانا قعدت جنب الباب غمضت عيوني وحضنتها وقعدت جنب الباب وفضلت ابكي بحُرقه ، كان عندي احساس غريب اني مش هـشوفه تاني وانه دا آخر لقاء ما بينا .. مش عارفه ازاي لقيت نفسي الصبح نايمه جنب الباب زي ما انا ، قومت بسرعه لميت هدومي حطيتها في شنطتي وطلعت من غير ما حد يشوفني ، لقيت طنط نفيسه في المطبخ بـتحضر الفطار ، استغربت لما شافتني بشنطة هدومي الصبح بدري : خير يا بنتي رايحه فين عالفجر كده ؟
– رايحه بيتنا يا طنط ومعلش انا آسفه على كل اللي حصل بسببي ، ما كانش قصدي توصل الأمور لحد كده
قالتلي بحزن : انتي مالكيش ذنب يا بنتي انا عارفه ابني هو كده طول عمره مش ثابت على رأي بـيحب ويـمل بـنفس السرعه ، وما تخافيـش هو هيعقل ويرجع عن الجنان اللي هو فيه دا ، انتي بس خلي بالك من نفسك ”
– ماشي يا طنط يلا اشوف وشكم بخير
– سافرت على بيتنا وانا بـفكر في حجم الصدمه اللي هيكون فيها محمد لما يصحى ويعرف اني مشيت ، طول السكه قاعده ابكي ودموعي بـتنزل غصب عني ، المهم وصلت بيتنا عيوني مورمه وخايفه حد يشوفني ويحس بـحاجه ، دخلت اتسحب على اوضتي مش عايزه حد يلمحني ، حطيت شنطة هدومي وطلعت اغسل وشي لقيت أمي قصادي مستغربه : بسمه ؟؟! انتي إمتى رجعتي وإمتى وصلتي ؟ ومال وشك مخطوف كده ليه وعيونك حمرا ؟
مفيش يا امي انا عايزه أنام بس لاني ما نومتش كويس
– لا انتي اكيد مخبيه عني حاجه قوليلي ايه فيه خضيتيني ؟
– طيب لما اصحى هـبقى اقولك انا تعبانه دلوقتي ومش قادره اتكلم سيبيني أنامـلي ساعتين .
روحت رميت نفسي عـالسرير وحاولت ما افكرش في اي حاجه خالص ، غمضت عيوني والنوم خدني ..
لما صحيت لقيتها قاعده مستنياني على نار
– هاه !! ايه اللي حصل خلاكي ترجعي بالسرعه دي مش قولتي إنهم عندهم فرح وعاوزينك ؟!
– حصلت مشكله مع ابنهم والجو اتكهرب خالص ومَـكنش فيه لزوم لقعدتي هناك
– وايه اللي حصل مع ابنهم ؟
– عايز يطلق مراته قبل ما يدخل عليها والامور اتكركبت ما بينه وبين اهله ..
– يا نهار اسود وهيا بنات الناس لعبه في ايده ولا ايه ؟ طبعاً ما هو متهور ومجنون واكيد يعملها ! ماشي بس ايه الحكايه بردو انتي مالك بيهم ؟
بارتباك : اناااا مَـكُنتش عايزه الوضع يتأزم اكتر فرجعت…..بصراحه ؟ وبعد ما بلعت ريقي قولتلها
– الحقيقه هو كان عاوز يطلق مراته بسببي انا ومن وقت ما روحت عندهم وهو بيلاحقني في كل مكان زي خيالي ولو كنت فضلت اكتر من كده كان هيتجنن ، ويا عالم ممكن يقدر يعمل ايه ؟!

– يا نهار مش فايت ؟! روحتي خربتي بيت الناس يا بسمه ؟ هيا دي اخرة تربيتي فيكي يا بنتي ؟؟
اعمل ايه بس يامي ؟ هو شافني وحبني أقوله ما تحبني يعني ؟؟
– طيب وهو فاكر أنه حتى لو طلقها هيتجوزك ؟؟ مين اصلا اللي هيرضى يجوزك ليه ! دا واد صايع وبتاع نسوان وماشي علي حل شعره وكل العيله عارفه عنه كده !
– وما توافقوش ليه ؟ مش يمكن يتغير ؟
– يتغير ايه دا ديل الكلب عمره ما يتعدل وبعدين شوفي نفسك انتي فين وهو فين ؟؟
كلام امي عصبني لدرجة اني رفعت صوتي من غير ما احس بنفسي : ليه بقااا هو ناقصه إيد ولا رِجل مثلاً ؟!
– لا يا نبيهه ناقصه علام انتي خريجة جامعه وهو جاهل يعني مش من مستواكي .
– ومالـه يامي يعني ما هو راجل زي كل الرجاله ويمكن احسن كمان ! أمي انتبهت على طريقة كلامي قامت مسكتني من زمارة روحي وجزت على سنانها : هو فيه ايه بالضبط !؟ ايه اللي انتي مخبياه عني يا مقصوفة الرقبه ؟!!

– ما عرفتش اخبي وانهرت بـالعياط : بحبه يامي بحبه ومن زمان !! من غير تفكير وبكل عِزمها راحت ضارباني بقلم علي وشي : اخرسي يا قليلة الحيا هيا حصلت تحبيييي واحد وعِرهه زي دا كمان ؟؟ انتي الف مين يتمناكي ، كفايه إنك بس بنت سيد القناوي على سِن و 100 رمح ؟
– بس انا مش عايزه حد تاني غيره وعمري ما اتخيلت نفسي الا معاه ، طول عمري مستنيه اليوم اللي يحس فيه بيا واهو جـا اليوم دا ليه عاوزين تبعدوني عنه ليييه؟! 😭

يتبع..

لقراءة الفصل التالي : اضغط هنا

لقراءة باقي حلقات الرواية اضغط على 🙁رواية حب مستحيل)