رواية مليكة قلبي الفصل الخامس 5 بقلم مريم الشهاوي
رواية مليكة قلبي الفصل الخامس 5 بقلم مريم الشهاوي
رواية مليكة قلبي البارت الخامس
رواية مليكة قلبي الجزء الخامس
رواية مليكة قلبي الحلقة الخامسة
جاسر جري على حامد ومليكة وراه وواقفة ورا الازاز بتعيط وبتدعي
جاسر شغل جهاز الكهربة وحاول ينعش قلب حامد كتير ولكن بعد محاولات استسلم جاسر وبص لمليكة بأسف
ومليكة صرخت بكل ما فيها ودخلت الاوضة تصوت ومسكت ابوها حضنته جامد
مليكة بعياط/لا يا بابا قوم قوم يا بابا انت مش هتسيبني قومي يا باباااا
صمت بين الدكاترة وصوت مليكة هو الي موجود وصراخها ومرة واحده صوت جهاز القلب اشتغل وكإن قلب حامد سمع توسلات مليكة وحاول انه يعيش مرة تانيه من اجلها
جاسر ابتسم ومليكة بصت للجهاز ورجعت بصت لجاسر /هو كده عايش صح
جاسر هز دماغه ومليكة ضحكت بكل فرحة وباست ايد ابوها
مليكة /بابا رجت هو رجع عشانا
جاسر وهو فرحان لفرحتها/الظاهر عمي كان بيحبك اوي ومستحملش كلامك وعياطك
الممرضة/استاذ حامد مناعته شديدة
جاسر /فعلا عمي مناعته قوية وبإذن الله هيعدي منها بالسلامه
مليكة ابتسمت وموبايلها رن كانت مايا
مايا/انزلي بسرعة عشان مش هسلك من اسئلة ماما
مليكة بصت لجاسر/ماما ومايا جات تعالى معايا انا مش هقابلهم لوحدي
جاسر ومليكة نزلوا
سوسن/مليكة!! …. طب امال في اي مين في المستشفى انتو جايبني ليه
مليمة/ماما…. تعالي معايا
سوسن /على فين
مليكة/تعالي وانا اقولك
سوسن/انا تعبت منك انت واختك
ومايا عيونها دمعت وطلعت معاهم لفوق على مكتب جاسر
مليكة قعدت سوسن علكنبة ونزل لمستواها ومسكت ايديها/ماما انت عارفة انا كل ما يصيبنا إلا ما كتب الله لنا صح
سوسن/انت ابتديتي تقلقيني فيه اي يا ملكية
مليكة /ماما هو بابا مشي راح فين
سوسن بزعل/نزل امبارح من غير ما يتعشى ولحد دلوقتي مرجعش وتلاقيه يا حبت عيني مكالش اصلي عارفة ابوكو طالاما مكلش اكل من البيت من هياكل من بره ابدا
مليكة دموعها لمعت في عيونها /ماما… بابا تعبان وجبناه المستشفى هنا
سوسن برقت وقامت وقفت/تعبان ماله حصله حاجه… فين يا مليكة ملكة بعدت وصدرت جاسر الي كمل/حماتي عمي حامد موجود في العناية المركزة بسبب حادثة حصلتله وانشالله يقوم بالسلامه
سوسن صرخت/اييي…. مليكة انت بتهزروا معايا…. فين ابوكي يا مليكة
مليكة جمدت/هدخلك ليه يا م اما تعالي معايا
سوسن مشيت معاها ودخلوا اوضته
وسوسن دموعها نزلت وراحت لسريرة وهيه بتقدم رجل وتاخر رجل
سوسن بعياط/اوعي تسيبني وانت زعلان مني…. حقك عليا يا حامد مش هزعلك تاني قوم انت ومتاكلش هم حاجه تاني اوعى تسيبنا يا حامد انت عارف اني منغيرك مش هقدر اعيش قوم عشان خاطري
مليكة ومايا حضنوها ومليكة قالت بعياط/هيقوم يا ماما هيقوم ويبقى احسن من الاول احنا هندعيله وهو مش هيمشي ويسيبنا دا روحه فينا
سوسن حضنتهم وفضلت تعيط في حضنهم وجاسر عيونه دمعت وخرج بره مسح دموعه حقيقي كان منظرهم صعب اوي وخصوصا سوسن
سوسن خرجت هيه و البنات /جاسر يابني
مسكت ايديه بتوسل/رجعلي جوزي حبيبي انت مش عارف هو بالنسبالي ايه
جاسر ابتسم /متقلقيش هو حالته اتحسنت وهيفوق قريب
جاسر استأذن عشان عنده حالة وراح مكتبه
ومليكة راحت وراه ولاقته قاعد علمكتب ماسك دماغه وقدامه فنجان قهوة
مليكة /ممكن ادخل
جاسر اتعدل /تعالي يا مليكة
مليكة/جاسر انت تعبان
جاسر/مطبق بقالي يومين ودماغي خلاص بتحتضر
مليكة/يالهوي يا جاسر… ليه كدا
جاسر/عادي يا مليكة انا متعود من وانا في الكلية كان بيبقى عندي نبطشيات وبطبق باليوم والاتنين
مليكة/بس انت دكتور واكيد عارف ان دا غلط
جاسر غير الموضوع/…فكك….. خليكي جنب مامتك يا مليكة هيه حالتها اصعب منكو انتو الاتنين
مليكة هزت راسها بأسف وابتسمت/ماما وبابا بيحبوا بعض اوي وتقدر تقول كانوا روحهم في بعض مش متخيل ماما لما تعبت شوية في حمل مايا بابا كان عامل ازاي وكان خايف عليها ازاي مابالك بقا لو حد فيهم خسر التاني
مسحت دموعها وبعدين بصتله وابتسمت/انا بشكرك انك طمنت ماما وطمنتني والحمد لله انك انت الي ماسك حالته
جاسر /لا يا مليكة مش معني ان الحالة الي ماسكها تبقى حمايا دا معناه اني هعمل الي عليا اوي لانه حمايا انا بعمل كدا مع كل المرضى الي بيجو ولو خسرت واحد فيهم بزعل كإني خسرت حد من عيلتي فمتحوطيش دا سبب ان باباكي اتعالج بإذن الله لان اي دكتور كان هيعمل كده ويمكن اكتر كمان احنا بنخاف على المرضى اكتر من نفسنا
مليكة ابتسمت حاجه من جواها خلاها فرحت ان الانسان النقي دا يبقى جوزها
الليل جيه وجاسر جيه لمليكة ومايا وسوسن
جاسر/مليكة روحو انتو وارتاحوا وهو هنا موجود عنده حمايات وفيه ممرضين بيدخلوا ومهتمين روحو ريحو عشان تقدروا تيجو بكره
مايا/يلا يا ماما نروح وبإذن الله بكرة بابا يفوق اما نيجي
مليكة/ايوه يا ماما انت مكلتيش من الصبح
سوسن /انامش هتحرك من مكاني ولو حصل اي روحوا انتو وانا هنام هنا مع جوزي
مليكة بصت لجاسر /صعب نقنعها
جاسر حاول مرة تانيه/يا حماتي لازم ترتاحي
سوسن/وهو انا لما اروح وانام على سريري وهو مش موجود فيه هرتاح خد مراتك وروح يا جاسر انا مش هتحرك من هنا الا وجوزي في ايدي علبيت
مايا /يعني انا هنام في الشقة لوحدي يا ماما
جاسر/خلاص يا مايا روحي مع مليكة وانا كده كده عندي اشراف على حالة ومش هبات في البيت هنزل
مايا وافقت وجاسر طلع على مكتبه ومليكة استأذنت تقوله حاجه
دخلت المكتب وقفلت الباب وبصت لجاسر باستغراب/هو انت ليه مبتفكرش غير في الناس ما تفكر في نفسك شوية يا اخي
جاسر ابتسم بتعب/للأسف شغلي جابرني على كده
مليكة/يا جاسر انت لازم تنام
جاسر/عادي يا مليكة بقا بكرة ابقى انام
مليكة/انت عايز تشلني انت كده مش هتركز في شغلك ولازم ترتاح
جاسر بغلاسه/ثواني بقا فيه حاجات كتير باقت بتحصل انا مش فاهمها مش ملاحظة ان اهتمامك بيا زايد اوي اليومين دول وكده انا ممكن احبك…
قرب منها اوي ومليكة احمر وشها
___________________________________
فارس كان قاعد في اوضته وبيقلب في مجله وجاله تلفون /ايوة يا زفت
ليه بس كده يا باشا
فارس/عشان شوية اغبية ضيعتو الفرصة من ايدينا
*ياباشا دا قضاء ربنا الراجل قلبه وقف خلاص ومرة واحدة رجع نبض تاني بعد محاولات الدكتور
فارس قفل السكة ف وشه وهو متنرفز ودخل اوضة فيها اربع صور وبص غلى الفون ورة منهم
فارس/الظاهر انكتبلك عمر جديد يا حامد قسما بالله لوريك اسود ايام حياتك
هدير دخلت عليه وحضنته /متقلقش يا فارس هتاخد حقك منهم كلهم بس الصبر كله هيجي في معاده
فارس دموعة لمعت في عنيه/هوريكو كلكوا جزاتكو بالي عملتوه فيا وفابويا وامي وخاصتا انت يا حامد الكلب