رواية للحياة باقية الفصل الرابع عشر 14 بقلم يارا عبدالعزيز

رواية للحياة باقية الفصل الرابع عشر 14 بقلم يارا عبدالعزيز

رواية للحياة باقية الفصل الرابع عشر

رواية للحياة باقية الفصل الرابع عشر

رواية للحياة باقية الحلقة الرابعة عشر

طارق قام بغضب و مسك ايديها بقوة ، سلمى بصتله بخوف و دموع
طارق :- ايه دا انطقييي
سلمى بخوف و بكاء :- معرفش
طارق بدأ يتحكم في غضبه و اتكلم بهدوء عكس الغضب اللي جواه
:- اوماال بيعمل ايه في ايديك جبتيه منين
سلمى بخوف و شهقات:- و الله طنط عزة ادتهولي و قالي خديه اول اما طارق يجي من غير ما يحس بس انا معرفش ايه دا انا انا
مكلملتش الجملة و ميلت على السرير و فقدت وعيها
طارق بخوف و هو بيهز وشها برفق
:- سلمى سلمى ردي فيه ايه و الله مقصدش يا سلمى ردي
مسك فونه و رن على الدكتورة و طلب منها تيجي في اسرع وقت ، مسح على وشه بغضب
:- غبي كان لازم اعرف انها اكيد متعرفش عنه حاجه ماشي يا ماما اطمنها عليها بس
قعد جنب سلمى و مسك ايديها و بصلها بخوف
:- فوقي بقى يا سلمى فوقي
نغم بخوف :- يعني انت هتعيش معانا هنا
احمد بخبث :- ايوا بيت عمي بقى ولازم اعيش فيه عن اذنكوا هروح اجيب حاجتي و ارجع
خرج احمد تحت نظرات الغضب و الغيرة من عدي
نغم بخوف و دموع :- انا خايفة منه انا عارفة ان مش من حقي اقول كدا لان دا ابن عمك بس لما بشوفه بخاف ممكن ميعقدش معانا هنا ارجوك
بصلها بحب و مسك ايديها و بص لياسين و اتكلم بهدوء
:- ياسين يحبيبى ممكن تطلع تشوف مالك روح العب معاه عشان ميعقدش لوحده
ياسين بطفولة:- ماشي يخالو بس متخليش نغم تعيط عشان انا مش بحبها تعيط
عدي :- حاضر يحبيبي
خرج ياسين من الاوضة و عدي قفل الباب و خد نغم قعدها جانبه و خدها في حضنه.. و مسك ايديها
عدي :- متخافيش مش هيجي هناا هو بس كان بيهزر
نغم بفرحة:- بجد
قبل.. راسها بحب كبير و اتكلم بحنية و هدوء
:- ااه بجد مش شايفة انك زعلتي كتير انهاردة و ضغطتي على نفسك جامد و انا مانعك من دا هو كل حاجه هتحصل هتعيطي عليها يا نغم
نغم :- هو ايه اللي كان بينك و بين فريدة و متقوليش مفيش حاجه انت نظراتك و صوتك كانوا مليانين بالحب
عدي :- هسأل سؤال لو جاوبتي عليه بجد اوعدك اني هقولك ايه اللي كان ما بينا و هخرجها من حياتنا نهائي
نغم بصتله بأنتباه ، كمل بتسأول
:- انا ايه بالنسبالك يا نغم ليه مضايقة اوي كدا من فريدة
نغم بخجل و احراج :- مش عارفه حقيقى مش عارفه بس انا فعلا مضايقة يمكن غيرانة عليك منها يمكن عايزة قلبك يكون ليا و يمكن
عدي :- هااا كملي سامعك
لا حول ولا قوة الا بالله العلي العظيم 🤎
نغم :- عايزة جوازنا حقيقى مش عايزة…..
مكملتش كلامها و لاقيت اللي بيشليها بسرعة و حب و كأنه مصدق يسمع منها الكلمة دي
الدكتورة:- مبارك المدام حامل في الشهر التاني
عزة بغضب :- ايه ازاي دي بتاخد حبوب منع الحمل
الدكتورة:- الحبوب مش اكيد بتمنع الحمل و ربنا رايد كدا المهم بس تهتموا بصحتها عن كدا و انا هكتبلها شوية فيتامينات يا ريت تمشي عليها بأنتظام عن اذنكوا
خرجت الدكتورة و طارق بص لعزة بغضب
:- لييييه ليييه يا ماما انتي تكرهيلي اني ابقى سعيد و اكون اب
عزة بغضب :- طارق الزم حدودك و انت بتتكلم معايا و انا مكرهش ان اشيل ولادك بس مش من دي مش من واحدة مجنونة… دي انت اتجوزتها عشان تحميها من عيلة ابوها غير كدا مينفعش تكون ليك تقدري تقولي هتربي اللي في بطنها دا ازاي لما يجي
طارق :- دي مراتي و دا ابني محدش ليه اي علاقة تربيه ازاي دي بتاعتي انا بس خلاص طفح الكيل انا مش هقبل على مراتي اكتر من كدا
عبدالله:- يعني ايه يا طارق
طارق :- يعني بمجرد ما سلمى هتفوق هاخد و همشي من هنا و مش هتشوفي وشي تاني يا ماما لا انا ولا هي استريحتي كدا
عزة بخوف :- لا يا طارق مش هتسبني عشانها اكيد هي مين اصلا
طارق :- دي مراتي يا امي و مش معنى انها في حالة مش كويسة يبقى نعاملها كدا انا سكت كتير و استحملت بس انتي بتيجي عليها و دا اللي انا مش هقدر بيه انا بحبها و هي كدا و مش هبقى مبسوط و انا مع غيرها و مبسوط جدا لان ابني هيكون منها هي تقدري تقوليلي استفدتي ايه من إللي عملتيه اهو ربنا مجبش فائدة من تخطيطك و حملت برضوا استنى ليه بقى عشان بعد شوية الاقيها بتاخد منك حبوب اجهاض..
عزة هزيت وشها بسرعة :- انا استحالة اعمل كدا استحالة اقتل…. حفيدي
طارق :- و الله بعد اللي انتي عملتيه انا اتوقع منك اي حاجه و انا اسف بجد انا مضطر اخاد مراتي و اسيب البيت
عزة :- لا يا طارق ارجوك انا مقدرش اعيش من غيرك انا اسفة يحبيبى اوعدك اني مش هعمل اي حاجه تاني بس متسبش البيت
سلمى بدأت تفوق بأرهاق
عبدالله:- يلا يا عزة
عزة بصيت لطارق بتوسل و متكلمتش كمل عبدالله بصوت عالى
:- بقولك يلا يا عززززة
نغم بخجل :- مقولتليش ايه اللي ما بينك انت و فريدة على فكرة
عدي بحب :- ياادي فريدة اللي قاطعة علينا كل حاجه حلوة كدا هحكيلك يستي انا اتعرفت على فريدة في بار للاسف عارف انك هتسغربي في اليوم دا اصحابي اصروا عليا انا اروح روحت معاهم وشوفت فريدة كانت بتشتغل هناك اعجبت بيها و اتقدمتلها و وافقت بس بعدين لاقيت ابويا داخل بيها و بيقول انه اتجوزها اتجننت… وقتها بس بعدين عرفت ان كل اللي هممها هي الفلوس و بس اختارت ابويا عشان هو المالك لكل حاجه بس ابويا مات… و طبعاً ليها نصيب من كل الثروة بس خلاص انا مش عايز اي حاجه تبوظ حياتنا هديها نصيبها و همشيها من هنا
نغم :- يعني مبقتش بتحبها صح
عدي بضحك:- هو دا كل اللي همك طب بذمتك هحبها ازاي و انتي اللي في قلبي
نغم بفرحة:- هاااا
عدي ببأبتسامة حب :- بحبك يا نغم
نغم و هي بتحضنه… بقوة:- و انا كمان بس هتمشيها من هنا صح
استغفر الله العظيم الذي لا اله الا هو الحي القيوم و اتوب اليه 🤎
عدي :- صح
نغم :- و ابن عمك دا مش هيعيش معانا
عدي و هو بيفتكر احمد بغضب :- اكيد انا مش عايز غير راحتك راحتك و بس
نغم :- هنام انا بقى كدا تصبح على خير يحبيبى
عدي و هو بيقبل… راسها:- و انتي من اهله يعمري
فضل باصصلها لحد اما عينيها راحت في النوم و بعدين رن على احد رجلته
:- كله حصل يباشا
عدي :- تمام
احمد كان لسه خارج من بيته بس قابله قوات الشرطة على الباب
:- حضرتك متهم بشروع في قتل… المدعوة نغم عبدالله
احمد بصدمة :- ايييه
عدي ببأبتسامة و هو بيكلم طارق في الفون :- زمانه دلوقتي مصدوم صدمة عمره
طارق :- اه و الله بس فكرة حلوة اننا رجعنا نفتح قضية ضده و قولنا انه هرب…. طول الفترة اللي فاتت
عدي :- تصدق مش صعبان عليا و اه صحيح مبارك عليك يعم عرفت ان مراتك حامل
طارق :- عقبالك يدكتور
عدي بص لنغم اللي نايمة و راح قعد جانبها و ملس… على شعرها بحب
:- محدش هيقدر ياخدك مني يا نغم خرج برا حياتنا و مش هيرجع تاني ابدا
_في الصباح و بالتحديد في كلية الطب _
نغم كانت قاعدة في كافتريا الكلية و لاقيت واحد جاي عليها
سيف :- انسة نغم صح الاسم كدا
عدي بغضب و صوت عالي ارعب سيف
:- مدااااام نغم مراتي فيه حاجه ولا ايه يا دكتور
سيف بخوف :- لا مفيش هي بس وقعت… الكارنيه بتاعها انبارح انا كنت بس هديهولها بعتذر مكنتش اعرف انها مرات حضرتك
عدي بغضب :- و اديك عرفت هات الكارنيه دا و المرة الجاية مشوفكش واقف مع مراتي تاني تقدر دلوقتي تتفضل
مشي سيف و هو بيبلع ريقه بخوف و عدي راح قعد قدام نغم بغضب :- متعقديش مع حد تاني و متسمحيش لحد يتكلم معاكي
نغم :- هو انت ادتني فرصة اتكلم و بعدين مش ملاحظ انك اوڤر شوية و فيها ايه يعني دا كان بس ….
عدي بمقاطعة و غضب :- نغمممم كلام مع اي راجل غريب مش عايز انتي فاهمة
نغم :- خلاص فاهمة اهدى طب قولي عملت ايه في موضوع فريدة
عدي :- حضرت اوراق التنازل و هتمضي عليها متقلقيش
نغم :- دا ايه الثقة الجامدة دي
عدي :- على فكرة انا بعشقك
نغم :- على فكرة احنا في الكلية
رجع عدي البيت مع نغم بعد ما خلصوا اليوم الدراسي
عدي :- ادخلي انتي عندي مشوار مهم هعمله و راجع
نغم :- ماشي بس حاول متتأخرش
عدي قبل… راسها بحب :- مش هتأخر يعمري
_ في مخزن قديم _
كانت قاعدة فريدة على كرسي و متربطة….
دخل عدي المخزن بثقة و هو حاطط ايده في جيبه
فريدة بغضب… :- انت اتجننت يا عدي انت ازاي تعمل كدا
عدي :- التعامل مع الناس اللي زيك لازم يكون بالطريقة دي يا فريدة اظن عرفتي انا جايبك هنا ليه
خد الورق من واحد من رجالته… و بص لفريدة
عدي :- دا ورق التنازل عن املاك ابويا تاخديه كدا زي الشاطرة و تمضي عليه و الا انتي عارفه انا ممكن اعمل فيكي ايه
فريدة بترددد و خوف :- بس
عدي بغضب ارعبها:- اخلصييييي يلااااااا
مضيت على الورق بخوف مكنش قدامها حل غير دا الاملاك مقابل حياتها
_ بعد مرور شهرين _
نغم كانت قاعدة في الڤيلا مستنية عدي اللي اتأخر عليها ، بصيت للساعة بملل
نغم :- اتأخر كدا ليه دا و كمان مش فونه مغلق
طلعت فوق و كانت متوجهة ناحية اوضتها بس وقفها صوت غاضب جدا
فريدة:- نغم استني عايزكي
نغم بصتلها بضيق ، طلعت فريدة و وقفت قدامها و اتكلمت بغضب
:- اوعي تكوني مفكرة انك انتصارتي عليا لا انا مبخسرش
نغم بثقة :- و الله أنا مش في لعبة عشان اقول انا كسبت او خسرت انتي ملاقكيش مكان ما بيني انا و جوزي يا فريدة و كان لازم تمشي
فريدة بغضب مفرط:- بس انا مش هسمحلك تبقي معاه كتير انتي هتطلقي.. من عدي
نغم بسخرية : و الله ازاي بقى بقولك انا دايخة و مش قادره حتى اتكلم معاكي يلا بقى برا بيتي لو سمحتي وجودك غير مرغوب فيه
فريدة بصتلها بغضب و مسكت ايديها و وقعتها… من فوق
في اللحظة دي دخل عدي ، بص لنغم اللي واقعة بخوف شديد
راح عندها و نزل لمستواها
عدي :- نغم نغم
بص لفريدة بغضب و طلب أمن الڤيلا اللي طلبوا لفريدة الشرطة و عدي شال نغم و طلع بيها على المستشفى
_ في المستشفى _
اللهم صل وسلم وبارك على سيدنا محمد وعلى اله وصحبه اجمعين 🤎
عدي بدأ يفحص و حمد ربنا ان اصابتها سطحية و زاد فرحته اكتر لما عرف أن نغم حامل
نغم بدأت تهز راسها بخوف و هي بتفتكر كل حاجه حصلت معاها قبل الحادثة…
عدي :- نغم انتي كويسة
قامت بسرعة و هي بتحضنه و بتمسك فيه بقوة و خوف
نغم بخوف شديد:- احمد احمد هو
عدي بهدوء :- اهدي مبقاش موجود و مش هيجي تاني
نغم ببكاء:- ابني انا عايزه مالك هاتهولي
عدي :- هنروح دلوقتي و هنشوف مالك و ياسين و هنستنى اللي في بطنك دا كمان يجي و هنعيش كل مبسوطين بس متخافيش انا جانبك
” كمل بدموع” ارجوكي يا نغم انا معنديش اي استعداد اني اخسرك انا بحبك
نغم حاولت تتماسك و كلامه بدأ يطمنها ، حطيت ايديها على بطنها و ابتسمت
:- و انا كمان بحبك خلينا نخرج من هنا مش طايقة اقعد هنا ممكن
عدي :- اكيد طبعاً يلا يحبيبى
ليلى بخوف :- الحقيني يا اسراء حمزة سخن اوي و السخونية مش بتروح خالص
اسراء: طب اهدي و خلينا نروح المستشفى
ليلى خدت حمزة ابنها و راحت بيه المستشفى فاضلوا منتظرين بخوف و الدكتور بيكشف عليه
ليلى ببكاء :- ابني ماله يا دكتور
الدكتور:- للاسف الحالة خطيرة داخل في حمة مميتة…. احنا بنعمل كل اللى علينا و مفيش اي استجابة ادعوله
ليلى بدأت تعيط بخوف ، اسراء راحت عندها و طبطبت عليها
:- اهدي يا ليلى هيبقى كويس
ليلى بتفكير و هي بتمسح دموعها:- خليكي معاه يا اسراء انا رايحة مشوار مهم و راجعة ارجوكي متسبيهوش
عدي :- عاملة ايه دلوقتي
نغم ببأبتسامة:- حلوة اوي الحمد لله
كملت و هي بتحط ايديها على بطنها:- انا مبسوطة اوي عشان هنا في بيبي منك هو انا بجد حامل انا لسه لحد دلوقتي مش مستوعبة من الفرح
عدي حط ايديه على ايديها و قبل.. ايديها التانية بحب
:- انا بقى سعادتي اضعاف اضعافك
قاطعهم خبط الباب
عدي :- ايوا
:- فيه واحدة عايزة نغم هانم تحت اسمها ليلى يا دكتور
عدي :- قوليلها مش ….
نغم قاطعته و اتكلمت بسرعة:- نازلة دلوقتي
عدي :- مش هتقابليها انا ما صدقت انك بقيتي كويسة
نغم :- متخافش انا عايزه اشوف عايزه ايه و اثبت لنفسي انهم مبقوش فارقين بالنسبالي
عدي :- امممم طب هنزل معاكي
نغم :- ماشي يلاا
نزلت نغم مع عدي ، ليلى اول اما شفتها جريت عليها و اتكلمت ببكاء
:- نغم نغم ابني بيموت… و انتي الوحيده اللي تقدري تنقذيه ارجوكي يا نغم. سامحيني انا اسفة
نغم بصيت لعدي بأستغراب و كانت لسه هتتكلم بس قاطعها رنيت فون ليلى رديت بسرعة لتسقط ارضا من صدمة الخبر اللي سمعته
ليلى :- لااااااااا ابني لااااااااا
نغم بصتلها و ليلى بدأت في تصعب عليها ، نزلت لمستواها و قعدت جانبها ، حطيت ايديها على كتفها ، ليلى دخلت جوا حضنها و بدأت تعيط بأنهيار
:- ابنيييي ابنيييي مات…. انا السبب انا السبب يا نغم ابنييي مش قادرة ياااااا رب لييييه
نغم بدموع :- اهدي يا ليلى متعمليش في نفسك كدا اهدي يحبيبتى
_ مروا سنتين على ابطالنا _
نغم اللي خلفت بنوتة زي القمر و سميتها ليلى و علاقتها بليلى بدأت تتحسن و ترجع زي الاول و سلمى اللي جابت ولد و سميته عمر و حالتها العقلية اتحسنت بعد الجلسات اللي خدتيها
عزة كانت ماسكة عمر و بتلاعبه بحب ، دخلت سلمى الصالون و قعدت معاهم
سلمى :- تعرفي ان طارق بيغير منه عشان انا و انتي بنحبه عنه
عزة ببأبتسامة:- طارق دا قلبه عامل زي العيل الصغير كلمه بتحيبه و بتوديه انا اسفة يا سلمى اسفة يبنتي عشان كنت بعاملك مش كويس بس
سلمى بمقاطعة:- ينهار ابيض يماما بتعاملني مش كويس دا انتي مفيش احن منك عليا دا انتوا معوضني عن كل حاجه فقدتها
دخل طارق و اتكلم ببأبتسامة و خد عمر من عزة
:- وحشني اوي الواد دا ما بصدق ارجع من الشغل عشان اشوفه
عزة :- هو دا اللي بيغير منه دا بيحبه اكتر مني و منك
طارق :- اومال بابا فين
عزة :- راح يجيب عيال نغم عشان هيعقدوا معانا هنا شهر جوزها هياخدها الساحل
سلمى بضحك :- عيني عليا متجوزة ظابط بيرجع من الشغل يجري على ابنه و انا ولا موجودة
طارق قبل… راسها بحب :- ربنا يديمكوا ليا يا ام عمر
_ في عربية عدي_
نغم :- احنا رايحين فين
عدي :- مفاجأة يستي هتعرفي اما نوصل
وصلوا بعد تلت ساعات قدام شايله جميل جدا على البحر
نغم بأنبهار:- الله جميل اوي
مسك ايديها و دخلوا ، راحت البلكونة و بصيت للبحر
عدي :- مبسوطة
نغم :- اوي اوي
دا مين اللي قال اننا منقدرش نكمل حياتنا
مين اللي قال انها بتوقف على الحزن أو على اشخاص معينين
حقيقى لو ابصر العبد على اللطف الخفي ورا كل ابتلاء مكنش عمره هيزعل ابدا من تلت سنين انا كنت فاقدة الامل في حياتي كنت حاسة انها نهاية العالم بس الحمد لله طلع عوض ربنا حلو اوي لو هحمده الف مرة على تدبير حياتي مش هوفيه حق نعمه و عطاءه
عدي قبل… راسها بحب :- احنا الاتنين ربنا بعتنا لبعض في اكتر وقت محتاجين بعض فيه سبحان الله دبرها بطريقة جميلة اوي دي مكافأة صبرنا لكل حاجه حصلت معانا و فعلا الحياة مش بتقف على حزن الحياة هتفضل باقية و مستمرة و هيفضل ورا كل صعب بنعيشه فرح و لطف كبير بعده
نغم ببأبتسامة:- بحبك
عدي :- و انا بعشقك يا اجمل عوض في الدنيا

#تمت

لقراءة باقي حلقات الرواية اضغط على : (رواية للحياة باقية)