رواية امتلكني صعيدي الفصل التاسع 9 بقلم ندى سامي

رواية امتلكني صعيدي الفصل التاسع 9 بقلم ندى سامي

رواية امتلكني صعيدي البارت التاسع

رواية امتلكني صعيدي الجزء التاسع

رواية امتلكني صعيدي الحلقة التاسعة

رؤي:- اهلا بيك يا ادهم اتشرفت بمعرفتك
ادهم: انا اكتر يا رؤي وان شاء الله هنكون صحاب ولو احتاجتي اي حاجه قوليلي
رؤي بابتسامه: إن شاء الله
زين كان حاسس بشعور غريب وقال بغيظ
زين: مش يلا بقا يا ادهم ولا اي
ادهم عارف طريقه زين لما بيكون متغاظ وحب يرخم عليه
ادهم بخبث: ليه بس يا زين دا القاعده هنا حلوه اوووي
رؤي ضحكت علي كلام ادهم وطريقته هي والدتها مياده
زين بيضغط علي سنانه بغيظ وقال
زين: والله! طب يلا يا حبيبي عشان متفضلش قاعد هنا طول عمرك بقي متقدرش تتحرك وسابه ومشي
ادهم بخوف: حاضر انا جاي وراك اهو علي طول
ادهم: باي يا رؤي باي يا عمتو وجري بسرعه ورا زين
مياده ورؤي كانوا بيضحكوا علي شكله المرعوب وهو بيجري
رؤي: بقولك ايه يا ماما
مياده بحب: قولي يا قلب ماما
رؤي: هو زين دايما عصبي كده وخلقه ضيق؟!
مياده بضحك: هههههه ليه بتقولي كده دا زين زي العسل والله لو اتعودتي عليه هتحبيه
رؤي: يا ستار يارب احبه ايه بس ده روحه في مناخيره ده من ساعه لما جيت وهو مش طايق ليا كلمه
مياده: ههههههه عسل يا رؤي والله يلا يا حبيبتي عشان ترتاحي شويه لما الاكل يجهز
رؤي: يلا يا ماما
رؤي طلعت تستريح في اوضتها وزين وادهم راحو المصنع
زين دخل المكتب بتاعه وكان متعصب جدا ومحدش من اللي في المصنع كان قادر يكلمه
باب المكتب بتاع زين خبط وكانت السكرتيره
زين: ادخل
السكرتيره: زين بيه في ورق مهم عايزه حضرتك تمضيه عشان الصفقه الجديده
زين: تمام هاتي الورق امضيه
السكرتيره: تمام يا فندم بالنسبه للوفد اللي جاي عشان تبدأوا المشروع عايزين يقابلوا حضرتك بكره ان شاء الله
زين بضيق: الغي اي مواعيد بكره
السكرتيره: ليه يا فندم
زين بصوت عالي: انا قولت الغي اي مواعيد بكره انتي مسمعتيش
السكرتيره بخوف وزعل: تمام يا فندم بعد اذن حضرتك وخرجت من المكتب
ادهم: ليه بس كدا يا زين مينفعش اللي انت عملته دا
زين: بقولك اي يا ادهم انا مش ناقص اي كلمه من حد قوم شوف شغلك عشان مش عايز اتعصب
ادهم.: ماشي يا زين ومشي هو كمان
زين اضايق من نفسه انه بيتعصب علي ناس ملهمش ذنب
ادهم خرج من المكتب لقي السكرتيره بتعيط بسبب ان زين شخط فيها
ادهم: سما! انتي بتعيطي
سما: لا يا فندم مبعيطش ولا حاجه حضرتك كنت محتاج اي حاجه
ادهم: لا يا سما شكرا
ادهم: بقولك اي يا سما
سما: نعم يا فندم
ادهم: متزعليش انتي عارفه زين لما بيكون متعصب بيقول اي حاجه انا اسف ليكي بالنيابه عنه
سما بابتسامه: شكرا ليك يا ادهم باشا
ادهم بابتسامه؛: العفو ومشي
بعد مرور الوقت والليل جه وزين روح من المصنع هو وادهم ورؤي كانت لسه نايمه
زين وادهم دخلوا القصر لقوا العيله كلها متجمعه ماعدا رؤي
زين: السلام عليكم
الجميع: وعليكم السلام
الهلالي: ايه يا زين يا ولدي اخبار الشغل ايه
زين: الحمد لله يا جدي كله تمام
ادهم: اي يا عمتو فين رؤي
مياده: نايمه يا حبيبي
زين استغرب ازاي نايمه دا كله
ادهم: شكلها بتحب النوم اوووي يا عمتو
مياده: هههههه اووي اووي يا ادهم
زين: طب استاذن انا هطلع اوضتي
الهلالي: مش هتاكل يا ولدي
زين: لما السفره تجهز يا جدي هنزل علي طول
مياده: اطلع يا حبيبي ولما الاكل يجهز هطلع مخصوص انادي عليك
زين: ربنا يخليكي ليا يا ست الكل
مياده: ويخليك ليا يا حبيبي
زين كان طالع علي السلم قابل رؤي في الطرقه بص ليها ومكلمهاش
رؤي: انسان مغرور معرفش انا عملتله اي بس ونزلت
رؤي: مساء الخير يا جماعه
الجميع: مساء الخير
مياده: نمتي كويس يا حبيبتي
رؤي: اه يا حبيبتي الحمد لله
الهلالي: تعالي يا بتي اقعدي جمب جدك
،رؤي: حاضر يا جدو
كلهم اتجمعوا علي السفره وزين نزل عشان يأكل معاهم
الهلالي: انا هستغل الفرصه ان كلكم موجودين وعايز اقولكم ان زين ورؤي فرحهم بكره
عم السكوت المكان والكل كان مصدوم ماعدا زين ومياده
رؤي:……………….

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية امتلكني صعيدي)