رواية حلمي أنت الحلقة السابعة 7 بقلم أميرة
رواية حلمي أنت الحلقة السابعة 7 بقلم أميرة
 |
| رواية حلمي أنت الحلقة السابعة 7 بقلم أميرة |
رواية حلمي أنت الحلقة السابعة 7 بقلم أميرة
سليم بفرحه:عشق
اميره لنفسها:حتي اسمها قمرين
عشق:سليم
وخدوا بعض بالاحضان وانا لسه واقفه مكاني مش فاهمه حاجه خالص والباب لسه مفتوح
عشق:مين دي انتي ايه اللي جابك بيت حبيبي
اميره بصدمه:حبيبك
عشق:اه حبيبي اطلعي برا
اميره:سليم
فجأة ضحكت وسليم ضحك وهاهاهاها وانا واقفه اتفرج شكل الهبله
سليم:اقفلي الباب وتعالي يا اميره تعالي يا عشق نقعد
روحت قفلت الباب وقعدت معاهم
عشق:دي حبيبتك
سليم:ايه رايك
عشق بصت لأميره ورجعت بصت لسليم:اممم حلوه
اميره:لا انا مش حبيبته
عشق:امال انتي مين
أميره:انا انا بنت عمه
عشق:بنت عمه
وضحكت تاني هي وسليم
سليم:دي عشق بنت خالتي يا أميره
أميرة:ااه
عشق:عادي يعني مش هاكلك لو انتي حبيبته انا مخطوبه
أميره:ااه
سليم:هرد علي التليفون واجي
عشق:بتحبيه
اميره:مين
عشق:سليم هيكون مين
اميره:لا مش بحبه
عشق:هتحبيه
اميره:لا
عشق:هو سليم بارد ومتكبر شويتين بس هتحبيه بس طالما بتقولي مش بتحبيه انتي هنا ليه
اميره:اسألي سليم
عشق:اشمعنا اسال سليم
سليم:تسالي علي ايه
عشق:هي هنا ليه
سليم:ااه قصه طويله
عشق:احكيها
سليم:قولي بس جايه ليه
عشق:وحشتني قولت اجي اشوفك ميت ولا عايش لسه
سليم: ولا لوز اللي وحشك
عشق:الصراحه اه هاته ليا بقي يا سليم
سليم:مستحيل
عشق:انت رخم
سليم:شكرا
عشق:ابقي تعال انت ولوز عندنا شويه وهات اميره معاك
سليم:لو فضلت هنا هجيبها معايا
عشق:ليه هتروح فين
سليم:يمكن ترجع بيتها
عشق:لا تعالي يا ميرو معاه
سليم:خلاص سبيها براحتها لو عرفت تيجي معايا هتيجي
عشق:تمام يلا قوموا
سليم:هنروح فين
عشق:نتغدي برا هو فين لوز
لوز خرج من اوضته وجاي جري:انا هنااااااااا
عشق قامت تجري عليه:حبيبااااااااااااااااااي
وخدته بالحضن
لوز:وحشتيني اوي اوي يا عشق
عشق:وانت وحشتني اوي يا قلب عشق
وبعدين بصت وراها لاميره وسليم:انتوا لسه قاعدين قوموا اخلصوا هنتغدي برا
سليم:قومي البسي يلا يا أميره
اميره:ماشي
عشق بصوت واطي للوز:هي عايشه هنا
لوز:ايوه وبتعمل الاكل لسليم كل يوم
عشق:سليم بيحبها
لوز:شكله كدا حبها
عشق ضحكت هي ولوز :هاااا خلصتوا
سليم من ورا الباب:اصبري يابنتي
…بعد شويه جهزنا وطلعنا من البيت وخدنا لوز معانا و هنركب العربيه ولسه بفتح باب العربيه اللي ورا
عشق:اقعدي انتي جنب سليم انا هقعد انا ولوز ورا
اميره:لا عادي اقعدي انتي جنب سليم
عشق:لا انا عايزه اركب ورا وتعالي انتي اركبي قدام
وشدتني وفتحت الباب العربيه ودخلتني جواها وركبت هي ولوز ورا وروحنا مطعم
عشق:مطعمنا المفضل
سليم:مش باجي فيه غير معاكي
عشق:بعشق الكريبات اللي هنا
سليم:طب يلا ندخل
عشق:لالا انا هقعد هنا انا ولوز اقعدي انتي جنب سليم
سليم:سبيها براحتها يابنتي
عشق:لا هتقعد هنا انا خلاص قعدت ولوز جنبي مش هيفارقني
فقعدت جنب سليم وطلبوا كريبات وكلنا
عشق:ااااه هنفجر كلت كتير اوي وكدا الدايت باظ
سليم:ما تبطلي طفح
عشق:جعانه والكريبات طعمها جميل ياعم
أميره:انتي حلوه مش تخينه خالص
عشق:شوف جبر الخواطر ردها جميل زيها
سليم:لا دي بتطبلك بس
عشق:أميره لو بتطبليلي فهقوم ارقص عادي وملكش دعوه انت يا سليم
سليم:تمام طبلوا لبعض
عشق:مش بتاكلي ليه يا أميره
اميره:كلت
عشق:كدا كلتي بقولك يا سليم اتجوزها هتوفرلك الاكل
سليم بصلها وضحك ومردش عليها
عشق:السكوت علامة الرضا لولولولولولي
سليم:السكوت علامه الخيبه لو طفحتي قولي علشان احاسب ونمشي
عشق:حاسب يابني
سليم حاسب وطلعنا من المطعم ولسه رايحين نركب العربيه
عشق:رايحين فين هنشرب حاجه الاول في كافيه تاني
سليم:هنروح فين
عشق:كافيه يو اند مي
سليم:مبحبوش
عشق:انا بحبه تعرفيه يا اميره
اميره:لا معرفوش
عشق:هتعرفيه دلوقتي
واقفين نتكلم فجأه واحده ست كبيره جت مسكت ايدي وقلتلي:لازم ترجعي
اميره بخوف:ايه
الست:لازم ترجعي بيتك
سليم بسرعه:وبيتها فين
الست:شوف حل بسرعه قبل ما يفوت الاوان
اميره:ايه اللي هيحصل
الست بصت لسليم وقالتله:خلي بالك منها
عشق:مش فاهمه حاجه
اميره:انا مش عارفه ارجع بيتي
الست:لازم ترجعي
ومشيت وسابتنا وانا وقفت خايفه من اللي قالته يعني ايه ارجع بسرعه قبل فوات الأوان
سليم:انتي كويسه
اميره:خايفه من كلامها
عشق:ايه اللي بيحصل
سليم:طب تعالو نروح كافيه واحكيلك هناك يا عشق
عشق:تمام يلا
ركبنا العربيه ووصلنا كافيه ودخلنا قعدنا طلبت نسكافيه وسليم قهوه وعشق كابتشينو ولوز قاعد جنبنا
سليم:اميره مش من هنا ف يوم شوفتها……………………………. وبس
عشق:مش قادره اصدق اللي قولته
اميره:لا صدقي
عشق:طب وهترجعي بيتك إزاي
اميره:مش عارفه
سليم:احنا لما نرجع نروح نشوف المكان اللي جيتي منه تاني
اميره:تمام
عشق:هاجي معاكوا
سليم:هو احنا رايحين فرح
عشق:هشش هاجي يعني هاجي
شربنا وقومنا بسرعه علشان نروح المكان اللي جيت منه بس لما وصلنا مكانش فيه حاجه برضه
عشق:مفيش حاجه
سليم:زي كل مره
اميره:طب وهنعمل ايه
عشق:هنعمل كدا
وعملت كوره من التلج ورمتها علي سليم ورمت عليا وقعدت تضحك وتعمل تاني وترمي علينا فعملت انا كمان كوره ورمتها عليها وسليم قعد يرمي علينا لحد ما فجأة فقدت الوعي من غير اي سبب وسليم اول ما شافني جري عليا هو وعشق
سليم:اميره ..اميره
عشق:شيلها بسرعه يا سليم ندخلها البيت
شالني ودخلني البيت ونيموني علي السرير وفضلوا يصحوا فيا
عشق:هات برفان بسرعه
سليم:امسكي
عشق وهي بتشممني البرفان:اميره، اميره اصحي
سليم:خدي مايه رشي عليها
عشق:سليم انا خايفه بقول نروح المستشفي دي مش راضيه تفوق بأي طريقه
سليم:امسكي المفاتيح افتحي باب العربيه هشيلها واجي
عشق راحت فتحت باب العربيه وسليم شالني وركبني وأيتن جت معانا وروحنا علي المستشفي اول ما وصلنا سليم خدني ودخل المستشفي بسرعه وفضل يصرخ
سليم:دكتور بسرعه دكتور
الدكتور:حصل معاها ايه تعال حطها هنا في الاوضه دي بسرعه
سليم:فقدت الوعي فجأة من غير اي سبب
الدكتور:طب اتفضل حضرتك هكشف عليها واطلع اطمنك
عشق:تعال يا سليم نستني برا
…بعد شويه طلع الدكتور
سليم بسرعه وخوف:صحيت مالها فقدت الوعي ليه
الدكتور:اهدي اهدي حضرتك انا برضه مش فاهم
سليم:نعم امال انت دكتور إزاي
عشق:مش فاهم ايه يا دكتور امال احنا اللي هنفهم
الدكتور:حالتها طبيعيه جدا ومفيهاش أي حاجه لكن مش راضيه تفوق اول مره اشوف حاله زي دي
سليم:والمفروض نعمل ايه
الدكتور:انا مش بإيدي حاجه انا دكتور لو فيها اي مرض هعرفه واعالجه انما هي مفيهاش اي مرض ومفيش اي سبب فعلا زي مانت قولت انها تفقد الوعي بالشكل دا
عشق:تمام شكرا يا دكتور،سليم يلا ناخدها البيت
سليم:وهنعمل ايه لما ناخدها البيت
عشق:سليم افتكر كلام الست الكبيره احنا ناخد اميره دلوقتي البيت أفضل ونشوف الست دي نسألها
سليم:تمام
دخل سليم شال أميره وهي لسه مغمي عليها وركبوا ووصلوا البيت وبقينا بالليل
عشق:سليم لو انت عايز تنام ادخل نام انا هفضل مع أميره متقلقش
سليم:لا انا هفضل صاحي اوصلك انتي يا عشق علشان اهلك ميقلقوش
عشق:انت عبيط يا سليم انا مش هسيبكم واهلي هكلمهم دلوقتي علشان ميقلقوش والصبح هبقي امشي
سليم:تمام انا هقعد ف الصاله لو عايزه حاجه ناديلي
عشق:ماشي وبكره الصبح هنروح نشوف الست
سليم:ماشي
فضل طول الليل سليم صاحي وحاسس بالخوف وهيموت من الزعل اما عشق فضلت شويه قاعده جنب أميره علي السرير وشويه ونامت جنبها وسليم كل شويه يقوم يشوف اميره صحيت ولا لسه نايمه
ثامن يوم الصبح….عشق صحيت وسليم كان ف المطبخ بيعمل قهوه علشان يقدر يخليه صاحي
عشق:انت منمتش
سليم: لا منمتش
عشق:طب أميره صحيت وانا نايمه
سليم:لا مصحيتش ومتحركتش
عشق:متقلقش هتكون كويسه
سليم:إن شاء الله
عشق:قوم يلا نروح المكان اللي كنا واقفين فيه نشوف الست
سليم:دلوقتي
عشق:ايوه قوم
سليم:طب مين هيفضل مع اميره
عشق:لووووووووووووز
لوز:نعم نعم
عشق:خلي بالك من اميره واول ما تصحي خليها ترن علي سليم
لوز:حاضر
وطلع سليم وعشق يدوروا علي الست العجوزه…
سليم:مش هنلاقيها يا عشق
عشق:هنلاقيها اصبر شويه
سليم:بصي بصي هي اللي ماشيه هناك دي
عشق:اجري هي اجري
جريوا عليها ووقفوا قدامها…
سليم:انتي فاكرانا
الست العجوزه:هي حصلها حاجه
سليم:ايوه ايوه نايمه من امبارح ومش بتصحي ولا بتتحرك تعالي معانا شوفيها
الست العجوزه:مقدرش اعملها حاجه
عشق:طب احنا نصحيها إزاي
الست العجوزه:هتصحي لوحدها بس اعرف انها لما تصحي هيحصل الاسوء لو مرجعتش بيتها دا مش مكانها
سليم:هتصحي امتي وايه هو الاسوء وهي مش عارفه ترجع بيتها إزاي ارجوكي ساعديها
الست العجوزه:خليك جنبها انت اللي هتساعدها
سليم:وانا مش قادر اعملها حاجه ومش عارف اصحيها ومش عارف ارجعها بيتها يبقي إزاي انا اللي هساعدها
الست العجوزه:يبقي تموتها
سليم وأيتن في صوت واحد:أييه
سليم:اموتها إزاي دا مستحيل
عشق:ايه اللي بتقوليه دا يموتها ليه
الست العجوزه:هتموت هنا في المكان دا لكن هتبقي عايشه في بيتها
سليم:واثقه من كلامك دا
الست العجوزه:لازم تجرب
سليم:ولو معملتش كدا ويمكن تموت ف الحالتين
الست العجوزه:يبقي تخليك جنبها ومتسيبهاش لحظه
سليم:لو عايزك ألاقيكي فين
الست العجوزه:هنا
سليم:تمام ،يلا يا عشق
عشق:هنروح فين
سليم:هنرجع البيت هنفضل جنبها لحد ما تصحى
وركبوا العربيه ورجعوا البيت…
عشق:لوز اميره صحيت
لوز:لسه نايمه متحركتش
سليم:اصحي بقي يا أميره
لوز:سليم تليفون اميره بيرن كتير
سليم بص في تليفونها واتنهد بزهق
عشق:مين بيرن
سليم:كرم عمال يرن من امبارح بالليل
عشق:طب ما ترد
سليم:مش وقته
شويه وتليفون سليم رن
سليم:الو
أيتن:سليم بيه حضرتك مش هتيجي انهارده
سليم:لا مش هاجي
أيتن:في عقود لازم توقع عليها انهارده
سليم:ابعتيها مع حد للبيت
أيتن:حاضر
وقفل المكالمه….وماسك تليفون أميره في إيده ولسه كرم عمال يرن ففتح المكالمه
كرم:الو يا ميرو مبترديش ليه قلقتيني عليكي وبعتلك صور بتاعت الحفله ومش فتحتي تشوفيها
سليم:أنا سليم
كرم:سليم امال اميره فين
سليم:تعبانه دلوقتي
كرم:مالها هي فين بسرعه وانا هاجيلها
سليم:متجيش احسن
وقفل المكالمه في وش كرم ،،ودخل عند أميره وقعد علي الارض جنب السرير وفضل باصصلها وعشق قاعده علي السرير ورا أميره
….بعد نص ساعة الباب بيخبط قام سليم قفل الباب علي أميره وعشق وفتح باب البيت
سليم:اتفضلي يا أيتن
أيتن:جبت لحضرتك كل العقود اللي عايزه تتوقع النهارده
سليم:تمام اوقع هنا
أيتن:ايوه
سليم:في حاجه تاني
أيتن:لا مفيش بس حضرتك شكلك تعبان
سليم:لا مفيش حاجه انا كويس بس مش هاجي الفتره دي الشركه
أيتن:ماشي عن إذنك هرجع الشركه
سليم:مع السلامه
….بعد ساعه…الباب خبط تاني
عشق:انا هفتح خليك انت
كرم:سليم فين
عشق:انت كرم
كرم:ايوه انتي مين
عشق:انا عشق بنت خالة سليم اتفضل
سليم:جاي ليه يا كرم
كرم:اميره فين
سليم:وعايز أميره ليه
كرم:انت مش قولت انها تعبانه عايز اطمن عليها واشوفها
سليم:امشي يا كرم
كرم بصوت عالي:مش همشي الا لما اعرف أميره فين واشوفها
سليم سحبه من إيده ودخل الاوضه علي أميره:اهيه شوفتها نايمه مبتتحركش نايمه من امبارح لغاية دلوقتى
كرم مسك سليم من هدومه:عملت فيها ايه حصلها ايه اتكلم
سليم بعد إيده عنه ودفعه:انا مش مجبر اني اقولك حاجه اطلع برا بيتي
كرم ضربه بالبوكس في وشه:لا مجبر
سليم قام ضربه ومسكوا في بعض وعشق اتدخلت بينهم وبعدتهم عن بعض
عشق:ايه اللي بتعملوه دا البنت بتموت وانتوا بتتخانقوا زي المراهقين فكروا شوفوا حل
كرم:مش لما افهم اللي بيحصل
عشق:تمام اقعد هحكيلك اللي اعرفه
كرم قعد هو وعشق في الصاله وحكتله اللي حصل اميره جت هنا ازاي وانها مش عارفه ترجع بيتها وفضلت مع سليم وفيه ست قالت لأميره لازم ترجع بيتها
كرم:بس سليم قال انها قريبته
عشق:يعني هيقولك جايه من الدولاب هو قال وقتها قريبته وخلاص
كرم:طب روحوا للست العجوزه دي تاني يمكن تلاقي حل
عشق:روحنلها وقالت انها هتصحي لوحدها بس امتي بقي منعرفش
كرم زعل اوي علي اميره وقام دخل أوضتها وفضل واقف قصادها وباصصلها وسليم قاعد جنبها
…عدي ساعات وجيه الليل وأميره لسه مصحيتش وعشق وكرم وسليم قاعدين ف الصاله مستنينها تصحي.
سليم:وانت هتفضل قاعد هنا كتير قوم امشي
كرم:انا لو مشيت هاخد اميره معايا
سليم:انت اتجننت تاخد مين معاك
كرم:هاخدها الفيلا احسن من هنا وهجيبلها احسن دكاترة
سليم:انت متخلف يابني ما قولنا هي مفيهاش مرض
كرم:امال مبتصحاش ليه
سليم:كرم قوم امشي متعصبنيش
كرم:مش همشي إلا لما أميره تبقي كويسه
عشق:الاكل وصل تعالو كلوا
سليم:مش عايز
كرم:وانا مش عايز
عشق:اكل لوحدي يعني يا جماعه مانا زعلانه علي اميره بس..
اميره من وراهم:زعلانه عليا ليه..
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
نرشح لك أيضاً رواية الخادمة والأمير للكاتب محمود حماد.