رواية بسمة الفهد الفصل الأول 1 بقلم زينب نبيل

رواية بسمة الفهد الفصل الأول 1 بقلم زينب نبيل

رواية بسمة الفهد البارت الأول

رواية بسمة الفهد الجزء الأول

رواية بسمة الفهد الحلقة الأولى

في مكان منتشر فيه الصمت فجأه
بنت جميله واقفه متبهدله وباصه فى الارض بتعيط
بتنهديده-هتفضلي تعيطي كتير يعني؟؟ .
ردت البنت وهي بتبصلها بحزن: حضرتك عايزه ايه مني ايه يا طنط نجوي؟
نجوي حطت رجل علي رجل وبصتلها بخبث : انا طلبت منك طلب يعني مش هتنفذيه ولا ايه؟؟.
بسمة انهارت اكتر : حضرتك انا اعمل اي حاجه تانيه ومعملش اللي بتقوليه دا بالله عليكي شوفي حد غيري يتجوز ابنك انا مش عايزه اتجوز ونبي.
{بسمة 18سنه بنت جميله جدا قصيره بشرتها قمحاويه محجبه واجمل حاجه فيها ابتسامتها مكملتش تعليم مع انها كانت مميزه جدا وشاطره كانت فى 2ثانوي مكملتش بسبب ظروف معينه هنعرفها في الروايه}
نجوي : هو انتي اللي هتقرريلي اعمل ايه؟؟مش فاهمه انا اصلا المفروض لما اقول طلب يتنفذ من غير ماتنطقي حرف”وطلعت سيجاره ولعتها وبدأت تشربها” .
بسمة فضلت تكح مش طايقه السجاير ورجعت ورا : ياطنط بالله عليكي انا عندي حساسيه منها
نجوي ضحكت بكل مكر وقامت من علي الكرسي وقربت منها وسحبت من السجاير ونفختها ف وشها: هاا ايه رأيك بقا؟
بسمة وطت فالارض تكح اكتر وماسكه قلبها وكملت وهي صوتها بيقطع: حرام …عليكي هتموتيني

نجوي بصتلها بقرف :هو انتي جايه تحللي وتحرمي عليااا ولا ايه يماما فوقي لنفسك ولشكلك ولا انتي فكراني هعيشك ف نعيم هناااا…مش عارفه هو هيتجوزك علي ايه …بس يلا خليه يتجوزك ويرميكي لكلا’ب السكك
بسمة بصتلها بكل حزن وقهره: ليه كدا ؟ هي دي وصية ماما ليكي ياطنط نجوي؟ ليه تخوني الثقة بتاعتها وهي مكانتش شايفه حد تثق فيه قد مابتثق فيكي؟
نجوي : انتي هنا تحت ايدي”كملت بسخريه” وبعدين مالكيش دعوه بوصايا الكبار
********************************
” في احد الشركات”
بتعب: انا جهزت كل الاوراق يابشمهندس فهد
فهد قاعد علي المكتب وبص للأوراق : مش بطالين
{فهد 35 سنه طويل مهندس كبير وذكي جدا ومهتم بشغله ووسيم وكل البنات بيتمناه بس هو قاسي ومابيعترفش بأي علاقه ولا اي ست تيجي علي هواه}
اتنهد بضيق وقال: هما مين دول اللي مش بطالين ياباشا؟؟
فهد ساب الورق وشبك ايديه الاتنين ببعض وسند ضهره علي الكرسي: مش بطالين ياحمدي يعني انت عندك احسن تقدر تقدمه….. عندك كلام تاني؟

حمدي بتعب: اقول ايه بس ياباشا
فهد وهو بيشاور علي الباب: طب اتفضل عشان عندي شغل.
“حمدي خرج بنرفزه من كمية الحاجات اللي بيطلبها فهد هنا السكرتيره نارين دخلت المكتب بكل مرقعه”
نارين : استاذ فهد استاذ فارس عايز يقابلك
فهد بيظبط الورق منغير مايبصلها : دخليه يانارين وبعد كدا ابقي خبطي قبل م تدخلي
نارين بصتله بإحراج وكملت : حضرتك انا كنت شايفه الباب م..
فهد بصلها وساب الورق : مش شايفه انك بتضيعيلي وقتي ولا ايه؟
نارين بغيط مدارياه: اسفه يافهد باشا.
“فارس دخل وفهد وقف سلم عليه ورحب بيه”
فهد : ازيك يافارس اخبارك ايه؟فينك كل دا مش بتيجي الشركه يعني!
فارس بصله وابتسم : ظروف شغلي انت عارف “كمل بإرتباك” كنت عاوز اطلب منك طلب يعني
فهد : اكيد يافارس قول وانا هنفذ
فارس : دلوقتي اخويا انور هيكتب كتابه علي واحده
“فهد اكتر واحد بيكرهه ف الدنيا ومبيطقش يسمع اسمه”
فهد بضيق: الف مبروك لأخوك ربنا يتممله علي خير…فين الطلب؟؟

فارس:الله يبارك في حضرتك…هو هيكتب كتابه علي واحده للأسف معندهاش اهل ف كنت محتاجك انك تبقي موكلها لأننا مش لاقيين حد
فهد بإستغراب: وانتوا مش لاقيين حد ليه؟؟انت معارفك كتير يا فارس
فارس : لو حضرتك مش عايز عادي انما دا مجرد طلب تقدر ترفض او توافق
فهد : المشكله يا فارس ان انا لو كنت الوكيل ليها يبقي انا عايز اجوزها ليه و موافق علي جوازها هي وانور …” كمل بثقه وغرور”وانت عارف يا فارس ان انور للأسف ضايع خالص وانا ليا وازنه للأسف .
فارس بقلت حيله : افهم من كدا ان حضرتك مش موافق؟؟
فهد : انا بفهمك ليه انا بسألك في حد تاني ليه! انت سمعت كلمه مني اني رافض دلوقتي ؟
فارس: لأ
فهد : يبقي ماتحكمش غير لما اخلص كلامي معاك…المهم كتب الكتاب امتى؟
فارس : انهارده ان شاء الله
فهد بإستغراب: انهارده؟؟و انت ليه قايلي دلوقتي؟مش المفروض تقولي قبلها بيوم علي الاقل احضر نفسي
فارس : ما اصل هو فجأه قرر انه يبقي انهارده
فهد : اشمعني انهارده يعني وقرر فجأه ليه؟

فارس ارتبك : ما اصل هو بيحبها وانت الواحد لما يحب مابيقدش يستني يوم
فهد اخد باله من حركاته وفهمها: ااه طيب هننزل دلوقتي ؟
فارس : ايوه ياباشا
“فارس قام من علي الكرسي واخد مفاتيحه ونزل هو وفارس علي عربية فهد وطول الطريق صمت تام بينهم وفارس اتصل كلم امه انهم جايين ف الطريق”
***************************
“نسمه قاعده بتعيط…معقول اتجوز غصب؟؟…علي اخر الزمن اتجوز واحد مابكرهش ف الدنيا دي كلها قده؟؟فضلت تدعيربنا انه يخرجها من الموضوع دا لأنها لو اتجوزته هيحصلها حاجه”
نجوي قربت منها وف ايديها شماعه فيها فستان شكله قديم: البسي دا هيليق علي شكلك جدا
بسمه بصتلها بعتاب واخدت منها الفستان ودخلت لبسته وخرجت”
نجوي بتحذير : اسمعي بقا ياحلوه في واحد هييجي هيبقي الشاهد بتاعك لما المأذون ييجي وافقي …” بصتلها بصه كلها شر” وعلي الله ترفضي ولا تعملي اي حاجه همو’تك فيها
“نسمه بصتلها بصمت وهزت راسها بمعني الموافقه”
————————-

“عدي نص ساعه فهد وفارس وصلوا وطلعوا البيت فهد دخل لقى انور بيرحب بيه جداا وزياده عن اللزوم لدرجه انه شك فيهم”
انور : انا بشكرك جدا علي مجيك يا فهد باشا
فهد ساكت مش عايز يكلمه عشان مايقمش يطلع عينه بس هو ماسك نفسه بالعافيه لأنه بيكرهه
“نجوي دخلت ومعاها نسمه عنيها ف الارض بحزن وباين عليها انها كانت منهاره جدا وفهد اخد باله”
نجوي : اهلا وسهلا اهلاا وسهلا فهد بيه نورتنا وشرفتنا
فهد : دا نورك يا ام فارس
“محبش يقول ام انور لأنه مابيطقش اسمه مع ان انور اكبر من فارس ب 3سنين”
فهد وجه كلامه لنسمه اللي واخده جنب وباصه ف الارض وبتفكر تعمل ايه : انتي اكيد موافقه علي جوازك منه صح ؟
نجوي : طبعا طبعا يا استاذ فهد احنا مابنخصبش علي حد”نجوي ضغطت علي رجل نسمه وبصتلها بحذر”
نسمه بصتله وبتحاول تبتسم : ا ا اه طبعا” نسمه كل دا بتحاول تخلي فهد عينه عليها عشان تفهمه بنظراتها انها مش عايزاه…بس للأسف بتفشل لأن نجوي بتكلمه وبتلهيه عنها ”
“المأذون دخل وبدأوا وهي قلبها بيدق وبتدعي ربنا انه يطلعها من الموضوع دا ”
“وهما قربوا يتموا الكتب الكتاب فجأه بدون اي مقدمات”
نسمه قلبها اتقبض وردت بتسرع: لاااااااا…..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية بسمة الفهد)