رواية سارة وحسن الفصل الثالث 3 بقلم آية

رواية سارة وحسن الفصل الثالث 3 بقلم آية

رواية سارة وحسن البارت الثالث

رواية سارة وحسن الجزء الثالث

رواية سارة وحسن الحلقة الثالثة

حسن : ردي عليا طيب…حصلك ايه ..طيب انتي فين..انا جايلك حالا ..
سارة : انا تعبت اوي يا حسن…كل حاجه حساها ماشية غلط…
حسن : زي ايه طيب ؟
سارة : مروان رفع صوته عليا…وزعقلي وانا متضايقه علشان كدا
حسن : ليه رفع صوته عليكي من امتي اصلا بيعلي صوته عليكي
سارة : علشان احمد كان عندنا في البيت وهو كان عاوز يروح الدرس..وكان مصر اننا منقعدش مع بعض..واتخانقنا وسمعنا احمد وزعل ومشي
حسن…كنت فرحان اوي من اللي عمله مروان..كدا انا ضمنت انهم مش هيتجمعوا لوحدهم في البيت ..قاط*ع تفكيري عياط سارة ..
بس رجعت اتضايقت انه رفع صوته عليها…لانها بتكره اوي اي حد يعلي صوته عليها ..
حسن : بس يا حبيبي اخوكي صح ..ليه تقعدوا مع بعض في البيت لوحدكم ؟
سارة : وايه الجديد ..ما احنا دايما كنا نعمل كدا ؟

 

 

 

حسن ؛ ممكن تهدي…بس ثواني .هو ايه اللي جاب احمد البيت ؟
سارة : لقيلي شغل جديد..وكان جاي يقولي علشان مكنتش برد ع الفون ..
حسن : شغل جديد ؟؟..غريبه مقليش ..مع اننا اتفقنا ندور مع بعض ..
سارة ؛ يمكن نسي ..اكيد مش قصده..
سارة : فكرك احمد زعل ؟
حسن : ما يتفل*ق …اللي عمله مروان صح
حسن…من لما عرض عليها الجواز وانا عرفت ان نظرته لسارة كأخت وصاحبه اتغيرت ..احنا الاولاد نفهم بعض ..بس صعب افهم سارةا …..غير انها بتحط ثقة عمياء في اللي حوليها يعني حتي لو حاولت افهمها هتتهمني اني مش بحب احمد واني بقيت شخص وحش ..السبب الوحيد اللي يخلي احمد يروح يعرض عليها الشغل من ورايا هو انه واخد حب سارة منافسه ..وانا بدأت اقلق من وجوده ….
سارة : حسن…الووووو…حسن
حسن : ايوا معاكي !!..صحيح جدو اتصل بيكي ؟

 

 

 

سارة : لا ليه ؟
حسن : اصل …
سارة : ثواني اهو بيتصل ..هكلمك تاني يا حسن باي
حسن…الوحيد اللي لما بيحضر بحس سارة بتنساني ..هو جدو..بحسها بتحطني ع جنب ..بس انا راضي طالما مش اي حد تاني ..
سارة : حبيبي يا جدو وحشتني اوي
الجد.: يا بكاشه ..مش اللي يوحش حد يتصل يطمن عليه..
سارة : والله يا جدو مشغوله ما انت عارف اللي فيها
جدو : فداكي ي ستي ..انا مسامحك ..المهم ..بما ان الاجازات بتاعت العيال جات كنا عاوزين نتجمع في البيت الكبير ..يوم السبت ان شاء الله
سارة : بس انا في كليه ولسه ما خلصت ..ومروان في ثانوي ما انت عارف
جدو : يوا عارف..خليه يجي يذاكر في البيت الكبير..مش هينفع يقعد لوحده في البيت
سارة : مش عاوزه اجي يا جدو…انت عارف ليه

 

 

 

جدو : تعالي يا سارة علشان خاطري..وبعدين اللي هيضايقك انا هقفله
سارة : لما اشوف مروان ..هيرضي ولا لا
جدو :سارة دا امر تعالي يوم السبت …
سارة..قفلت معاه وانا بقنعه اني ممكن مجيش ..انا مش عاوزه اروح اولا علشان اخويا ومذاكرته وثانيا علشان تيته…تيته مش بتحب عيال بنتها ايمان ..اللي هو احنا. لانها اصلا م بتحب ايمان لان ماما اصرت ع جواز بابا في حين انهم رفضوا ..وشوية حاجات هتعرفوها مع الوقت ..
لقيت مروان رجع من دروسه ..فقومت وانا متضايقه دخلت اوضتي
مروان..لما دخلت البيت مرحبتش بيا زي ما بتعمل كل مره..كنت عارف انها هتزعل لما أعلي صوتي عليها ..فروحت وراها اوضتها ..
سارة !!
سارة :الاكل في التلاجه سخنه بس ..
مروان : عاوز اتكلم
سارة : انا مش عاوزه اتكلم وتعبانه يا مروان
مروان : يا مروان !! انتي دايما تقوليلي حبيبي
سارة : عاوز ايه يا مروان
مروان : انا اسف اني عليت صوتي عليكي …بس انتي مكنتيش راضيه تقتنعي وحاضر هتأسف لاحمد
سارة : بجد ؟
مروان : انا عمري كدبت عليكي ؟

 

 

 

سارة : طيب جدو اتصل بينا علشان هيتجمعوا في البيت الكبير قولتله اني هسألك الاول ..ايه رأيك
مروان : بجد ..انا عاوز اروح اوي..زهقت من البيت للدرس ومن الدرس للبيت..
سارة…مكنش قدامي حل…انا مكنتش عاوزه اروح وكنت هتحجج بمروان لكن مروان اصلا عاوز يروح ..
لقينا الباب بيخبط : طيب روح شوف مين ع الباب ..
فجاة سمعت صوت حسن ..فخرجت
غريبه يعني مقولتش انك جاي…
قولت اجي اساعدكم وانتو بتلموا الشنط..علشان انهردا هنتحرك
ايش عرفك اننا هنوافق مش يمكن نرفض
لا جدو مكنش هيسيبك ترفضي…اخلصي بقا..علشان نعدي ع خالتك قالتلي اجيبك تروحي معانا ..
(اللي هي مامته)
طيب انت ساعد مروان وانا هجهز شنطتي لوحدي
مروان …بصيت عليه لقيته بيبصلها وهو مبتسم اوي : مش يلا ولا ايه ؟؟
حسن : يلا فين ؟…ااه ..الشنطه يلا …
بعد شويةوكنا جهزنا كل حاجه ورصيناها ع الارض

 

 

 

فوقفت هي تتأكد واحنا جنبها : شنطتي ولبس هبه وشنطه مروان…
والفلوس وتلفوني والشاحن وتلفون مروان والشاحن..والابتوب
وانا ببص عليها حسيت بالاطمنان…حسيت انه طالما سارة كويسه فانا كويس..حنينه اوي وبتاخد بالها من الكل…..ايه دا..فين حلقها ؟؟
حسن : سارة ؟؟…
سارة : هاا ؟..نسيت حاجه ولا ايه
حسن : فين الحلق بتاعك ؟
سارة …نسيت اني رابطه شعري ..واهه هياخد باله ..
مروان : ايه دا ؟؟..فين الحلق يا سارة ..
سارة..نزلت شعري وفردته بسرعه : موجود جوا بس ضايقني شوية فقلعته
مروان : ولا بعتيه ؟؟؟
فضحكت سارة ..وكان باين عليها التوتر : ابيعه ليه يا اهبل انت ؟؟..لا طبعا..معايا ..
مروان : انتي ليكي كام يوم مش بتروحي الشغل ..انتي اترفدتي؟؟

 

 

 

حسن : سارة…
بصيت لحسن علشان ميقولش اني اترفدت وقاطعته : لا طبعا مترفدتش ..هو يعني علشان قلعت الحلق شوية ابقي اترفدت ..يلا نزلوا الحاجات دي للعربيه تحت..لحد ما اصحي هبه وواقفل البيت واجي وراكم
سارة…نزلوا واخدوا الشنط وانا قعدت ع الكرسي وانا بحمد ربنا اني عرفت اهرب من اسألتهم اللي مبتخلصش..صعبت عليا نفسي ..مش هكدب انه صعبت عليا نفسي
سارة …واحنا في نص الطريق..كان عدي ع بيته بس موقفش علشان ياخد خالته. .
سارة : ايه دا موقفتش ليه ؟؟
حسن …اتوترت..انا افتكرتها نسيت…: ااه ما هي ماما اتصلت وقالتلي انها هتروح قدامي ..
كملنا الطريق
..كانت هي نامت…وتلفونها بدأ يرن…فمسكته ..لقيت احمد بيتصل فقفلت التلفون ..
مروان : مين ؟
حسن : باين زميلتها..مش مهم…انا قفلته علشان تنام شوية احنا طريقنا طويل ..
احمد…كانت الناس كلها وصلت البيت الكبير مش فاضل غير سارة واخواتها والزفت حسن….اتصلت عليها علشان جه في بالي انه ممكن يكون عدي عليها وهيجوا مع بعض بس مردتش وبعدين قفلته ..
ميرنا : احمد ..انت بتعمل ايه ؟؟…تعالي العب معانا كوتشينه
احمد : انتي مالك ؟..وبعدين ايه لعب العيال دا

 

 

 

 

ميرنا ..انا اخت حسن ..الصغيرة …عندي ٢٢ سنه ..بحب احمد اوي..بس هو مش حاسس او يمكن حاسس بي عامل نفسه مش واخد باله…مش بتضايق من اسلوبه الجاف..لانه كدا مع الكل مش معايا لوحدي…
سارة…اول ما وصلنا وصحيت لقيت ترحيب كبير من عيلتي ..وبدأ حسن ينزل في الشنط ..فكنت بحاول اشيل هبه علشان اركبها الاوضة بس وانا برجع بضهري خبطت في حد لقيته احمد ..
فابتسمت : ايه دا انت هنا من بدري ؟؟
احمد : مردتيش ع الفون ليه ؟؟
سارة : ايه دا …امتي اتصلت ؟..انا كنت نايمه
احمد : كنتي نايمه ولا مش عاوزه تردي ؟
سارة : في ايه يا احمد…انا كنت نايمه..هكدب ليه
احمد : علشان قفلتيه بعظ ما رنيت ..
سارة : ثواني..هو تلفوني فين ؟؟..مروان..تلفوني معاك ؟
مروان : لا مع حسن

 

 

 

 

سارة….اول ما عرفت انه مع حسن عرفت اللي هيحصل..يا اما هتقوم خناقه….يا اما هتقوم خناقه ..
فرجعنا نبص احنا الاتنين لحسن ..فجه ناحيتنا ووقف قصاده وقريب منه اوي وقال بصوت واطي وابتسامه مستفزة : اصلها نامت ..مكنش ينفع اصحيها ..
احمد…تمالكت اعصابي بالعافيه…كنت عاوز امد ايدي عليه ..اطيبه الارض ..بس مكنش ينفع علشان الناس كلها شيفانا…
احمد : مقلتش ليه انكم هتيجوا مع بعض ..كنت استينكم وجيت معاكم زي كل مره
حسن : طب ما انت مقولتش لما لقيتلها شغل …
احمد : واحده بواحده يعني ؟؟؟
حسن…فابتسمت : ااه
احمد…زقيته بخفه علشان معملش مشاكل ونفس الوقت اكون شفيت غليلي منه ..وروحت شيلت هبه…علشان هي مكنتش هتعرف تشيلها…..

 

 

 

 

ميرنا …احمد وحسن كانوا قريبين من بعض وبيتكلموا …اي نعم محدش كان سامعهم علشان صوتهم واطي واحنا اصلا بعيد عنهم بس كان باين من عنيهم انهم بيتوعدوا لبعض ..ااه نسيت اقولكم انه جاف مع الكل ماعدا سارة ….انا مش عاوزه اتقبل الواقع دا ..بس يا رب تكون صعبانه عليه مش بيحبها ..
سارة..فضوا المناظره بالعنين اللي كانوا عاملينها…واحمد ركب هبه فوق ودخلها الاوضه اول ما خرج شافني بس تجنبني وكان هيمشي فمسكت ايده : احمد !!
احمد : هاا
سارة : انا مش عوزاك تزعل من حسن…يمكن تلفوني اصلا فصل ..ما انت عارف ان بطاريته بايظه..بس اكيد هو مقفلش في وشك ..ممكن متزعلش
احمد : انا مش بزعل منك
سارة ….بس انا كان قصدي ميزعلش من حسن مش مني ..بس قاطعتنا ميرنا…
ميرنا …

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية سارة وحسن)