رواية ذنب لم اقترفه الفصل الثاني 2 بقلم نور محمود
رواية ذنب لم اقترفه الفصل الثاني 2 بقلم نور محمود
رواية ذنب لم اقترفه البارت الثاني
رواية ذنب لم اقترفه الجزء الثاني
رواية ذنب لم اقترفه الحلقة الثانية
شيرين: وبعدين ده بيقول ساب الشغل انا مش هقدر اعيش كدا انا بحتاج فلوس كتير كنت بخدها من وراه دلوقتي هتصرف ازاي واحمد هو كمان شكله بدأ يزهق انا لازم اتصرف (ابتسمت بشر ) هو مفيش غير الفكرة دي انا اساسا زهقت من محمد ومن حقي اجدد
اخرجت حقيبة صغيرة وضعت بها بعض الملابس والنقود استعداداً لخطوة لن تؤذيها هي فقط بل ستؤذي كل من يعرفها
دخل محمد فجأة: بتعملي ايه
شيرين بارتباك: ولا حاجة دي شوية هدوم قديمة بلمها عشان ابقى اديها لحد
محمد: ماشي… مش يلا نام ولا ايه
شيرين: اه يلا عبدالله نام اهو
محمد: بقولك انتي تعرفي ان خطوبة فرح بنت عمك النهاردة
شيرين: اه عارفة كلمتني عشان تعزمني
محمد: طب كنا روحنا باركنالها
شيرين: انا لسه هروح لحد عندها لما ابقى اشوفها ابقى اباركلها
محمد: انتي حرة تصبحي على خير
شيرين: وانت من اهله
نام محمد سريعا من فرط ارهاقه ولكن بقيت هي تعد الخطة لخطوتها القادمة
في مكان آخر كانت هناك فراشة جميلة تتحرك بخفة ترتدي فستان من اللون الاحمر الهادئ وترتدي خمار من اللون الاوف وايت انها بطلتنا الجميلة فرح في حفل خطوبتها
فرح: ماما
والدتها( عائشة): يا بنتي ايه اللي قومك من جنب خطيبك
فرح: زهقت
امها بحسرة: عوض عليا عوض الصابرين يا رب يا بنتي دي خطوبتك الناس هتروح تبارك للعريس واحده مش لازم تكوني معاه
فرح: هبقى اروح شوية كدا المهم انا شوفتك معدية كدا بطبق جاتو شكولاتة عايزة منه
عائشة: انا ماشية من قدامك
فرح: يا ماما استني… طب قوليلي فين الجاتو…. يا ماما
سارة (اختها ): ايه يا فروحة واقفة هنا ليه
فرح: مفيش بقولك بعد ما الناس دي تمشي عايزة اتصور كام صورة بالفستان والورد والدبلة اهم حاجة الدبلة
سارة: انتي هتبدأي من دلوقتي جو المخطوبين
فرح: طبعا انا عروسة يا ماما انا مش عارفة انتي واقفة كدا ازاي طب انا دبلتي مدفياني انتي مش بردانة
سارة: امم الدبلة مدفياكي واحنا في الصيف اساسا…. خدي هنا بقا
فرح: لااا بقولك ايه انا عروسة والبيت مليان ناس هنتفضح وابوكي يجي يعلقنا زي الخرفان على باب البيت
سارة بتوعد: اصبري بس لحد ما اخر واحد يعدي الباب ده بس و ربنا لاوريكي
فرح: ايوا كدا يلا بقا هروح اقعد جنب قرة عيني
سارة: يا رب تعقل شوية بدل ما الواد يطفش منها عايزة اتجوز انا كمان
عمر( خطيب فرح):كنتي فين يا بنتي الناس بتسأل عليكي
فرح ببرأة: كنت بشوف ماما شالت الجاتو فين
عمر بتعجب: شالته؟!!!
فرح: اه عشان خايفة لا اكله كله ومتلاقيش حاجة تقدمها للناس
عمر: بس في جاتو كتير مش هتيجي على القطعة اللي هتاكليها يعني
فرح بتمثيل: شوفت عشان تعرف انهم بيعذبوني و يطفوا السجاير في دراعي وبابا بيضرني كل يوم بالنار مرتين
عمر بضحك: بيضربك بالنار وسعت منك دي شوية
فرح بتفكير وضحك: تصدق فعلا وسعت شوية
عمر: المهم عجبك الورد
فرح: اه جميل تسلم ايدك
عمر: تسلمي بس انتي قمر في الفستان
فرح: شالله يسترك
عمر بصدمة: شالله يسترني؟!!
فرح: اه ده اجمل حاجة الستر
عمر وهو يضرب كف بالاخر: ربي اني ظلمت نفسي فاغفر لي ( بدل ما يقول انا مني لله عشان مش صح نقول)
انتهى حفل الخطوبة وغادر كل الضيوف
عمر لفرح: يالا انا ماشي بقى تصبحي على خير
عائشة: ماشي فين يا ابني اقعد اتعشى معانا
عمر: الف هنا يا ست بس لازم امشي الوقت اتأخر
فرح: يا اسطا عيب لازم تتعشى معانا عشان نتصور مع الاكل وانزل او عشى لينا مع بعد وبعدين نقعد نتصور سوا و…
عمر: خلاص هقعد هقعد كفاية كلام
مر الليل سعيد على البعض والبعض الآخر يخطط ما سيدمر حياة الجميع
في الصباح الباكر كانت شيرين تتحرك ببطء حتى لا تقوم باصدار اي صوت يتسبب في ايقاظ زوجها محمد حملت حقيبتها واخذت بعض المال ثم خرجت من المنزل الى وجهتها
في مكان اخر بعيد تماماً
في منزل احمد على طاولة الافطار
ليلى(ام احمد) : بقولك يا احمد
احمد: قولي يا ست الكل
ليلى: جيبالك عروسة زي القمر
احمد: احنا مش اتفقنا تديني سنة وبعدين نتكلم في موضوع الجواز ده
ليلى: ليه سنة يعني هتعمل فيها ايه …. شغل وعندك شقة وعندك مستني ايه
احمد: مستني الفرج…. بعد اذنكم انا نازل الشغل
حمل احمد المفاتيح و فتح الباب ليقف فجأة ومعالم الصدمة تحتل وجهه
يتبع..
لقراءة الفصل التالي : اضغط هنا
لقراءة باقي حلقات الرواية اضغط على 🙁رواية ذنب لم اقترفه)