رواية قلب لا يقبل الهزيمة البارت الثامن عشر 18 بقلم دودو محمد

بالاسكندريه

دخل منصور الفيلا الخاصه بأشرف وجد سويلم يجلس على الأريكة ذهب عنده وقبل يده وقال

منصور :- واحشتنى يا أبا نورت اسكندريه

سويلم :- عامل ايه يا منصور

منصور :- محتاج رضاك عنى

سويلم :- انت عارف يا منصور أن عمرى ما هسامحك على اللى عملته فى مراتك وبناتك

منصور :- يا أبا انا معملتش حاجه غير أن اختارت اعيش حياتى زى ما انا عايزها قولى يا أبا انا أخطأت فى ايه من الاول قولتلك بلاش يا أبا وانت اللى صممت اتجوزها من الاول كنت صريح معاك ليه بتعاقبنى على ذنب انت اللى ارتكبته يا أبا ليه

رضوى :- ذنبك انك اب مش مسؤول مشكلتك انك اب انانى مشكلتك انك عايز كل حاجه تحت امرك وليك ،تغلط وعايز الكل يسامحك مشكلتك انك راجل زى كل الرجاله

منصور:- رضوى يا بنتى

رضوى :- متقولش يا بنتى علشان مش لايق عليك دور الأب

منصور :- اقترب منها وقال انتى ليه بتعملى معايا كده إذا كان امك نفسها مش زعلانه منى

رضوى :- علشان بتحبك إنما أنا لاء مش بحبك ومستحيل اسامحك هى عندها استعداد تغفرك كل أخطائك إنما أنا لاء

منال :- كفايه يا رضوى يا بنتى بقى

رضوى :- بعصبيه لاء مش كفايه يا ماما، ونظرت لوالدها وقالت كفايه بقى عيشت عمرك كله بعيد عننا وكنا مرتاحين منك ايه فكرك بينا دلوقتى ها مش بعيد بتجرى ورانا علشان مصلحتك ،و تلاقى الحال تتدهور معاك فى الفلوس وقولت اروح اكسب مسامحتهم ومسامحة أبويا ويرجع ليا ورثى زى باقى اخواتى مش بعيد عنك تعمل كده لأن اللى بيعيش عمره كله انانى عمره ما هيكون مضحى ومسالم دلوقتى أبدآ

منصور :- أخرسى انا غلطان ومعترف بده ونفسى تسامحونى بس مش لدرجة هقبل أن بنتى لسانها يطول عليا وتكلمنى بطريقتك دى

رضوى :- ايه الكلام وجعك ودوست على الجرح ولا زعلان علشان كشفت منصور الحقيقى قصاد الكل

منصور:- شكلك فعلا تربية واحده ست ومجربتيش تربية الرجاله يا رضوى ورفع يده وقبل أن يصفعها

منال :- مسكت يده قبل أن تنزل على وجه رضوى ونظرة له بتحدى وقالت مش هسمحلك تمد ايدك على بنتى يا منصور هما اه تربية واحده ست بس هما ارجل من مليون راجل يا منصور

منصور :- نظر لها بصدمه

منال :- انا عيشت طول عمرى مطيعه وراضيه بظلمك ليا علشانهم هما ومش هسمح لاى حد مهما كان يكسر بنت من بناتى ولا يهنهم

سويلم :- خلصتوا ولا لسه

منال :- تركت يد منصور وقالت اسفه يا عمى بس انا ام

سويلم :- خدى رضوى واطلعى فوق يا منال

رضوى :- نظرت لوالدها بكره وقالت انا ماشيه يا جدى رايحه الشغل وتركتهم وذهبت

منال :- نظرت لمنصور بحزن وألم وصعدت إلى غرفتها

منصور :- نظر بصدمه إلى منال ونظر لوالده وقال عجبك اللى حصل ده يا ابا

سويلم :- اقترب منه وقال دى نتيجة بذرتك اللى زراعتها من سنين يا منصور حصدها دلوقتى كره من بنتك ووجع وحسره من مراتك متلمش حد غير نفسك كتير نصحتك زمان وقولتلك اعمل حساب ليوم زى ده فكرت أن انا عايز افرض رأى عليك وخلاص بس هتعرف دلوقتى قيمة الكلام اللى كنت بقوله ليك زمان انت دلوقتى اب وحسيت بكسرة القلب لما يكون ابنك عاق ومش قادر ترجعه عن اللى فى دماغه

منصور :- نظر لوالده نظره مطوله والقى نفسه داخل احضانه وقال بدموع انا تعبان اوى يا أبا اوى

سويلم :- علشان تعرف أن انا كنت عايز مصلحتك وخايف عليك من وقت زى ده يا منصور روح ليها وخليها تنفعك

رحاب :- دخلت رحاب من الباب وقالت ايوه هنفعه انتو بتقوى الراجل عليا ولا ايه ابنك معملش حاجه لا عيب ولا حرام ابنك اتجوز اللى حبها على سنة الله ورسوله وجاب منها عيال فى الحلال ايه الغلط اللى انت بتعقبه عليه بقى

منصور :- رحاب ايه اللى جابك

رحاب :- خوفت عليك احسن مقصوفة الرقبه بنتك تزعلك زى المره اللى فاتت وتتعب تانى

سويلم :- هى دى اللى فضلتها على مراتك هى دى اللى رميت بناتك علشانها ده ضوفر منال برقبتها بس نقول ايه طول عمرك معفن وتحب الزباله

رحاب :- مالها دى ده انا ست الستات وقطع لسان اللى يقول كلمه عليا

منصور :- بعصبيه رحااااااب عيب كده ده مهما كان ابويا ومش هسمحلك تتكلمى معاه كده

رحاب :- والله وانت مسمعتش قال عليا ايه

منصور :- زفر بضيق وقال روحى على البيت وانا جاى وراكى

رحاب :- انا مش هتحرك من هنا غير رجلى على رجلك

منصور :- يا رحاب اسمعى الكلام بقى انا مش حمل مناهده

رحاب :- وانا قولتلك مش ماشيه غير معاك

سويلم :- واحده بجحه صحيح يعنى تسيب بنت الناس المطيعه وكانت كل حاجه حاضر ونعم وتروح لواحده زى دى امشى يا منصور امشى ربنا بيجيب حق الغلبانه اللى فوق دى منك فرحان فيك اوى يا منصور

رحاب :- لولا انك راجل كبير وابو جوزى كنت رديت عليك رد يليق بيك

منصور :- رحااااااب لحد كده وكفايه امشى من قدامى حالا

رحاب :- لاء مش ماشيه

منصور :- أتجه لها وصفعها على وجهها بقوه وقال اسمعى الكلمه اللى بقولها ليكى انتى زوديها اوى

رحاب:- بصدمه انت بتضربنى طيب والله العظيم ما انا قاعده ليك فى البيت ثانيه واحده ونظرت لسويلم بغيظ وقالت فرحت انت كده منك لله حسبى الله ونعم الوكيل فيكم خربتوا بيتى وذهبت وتركتهم

منصور :- اغلق عينه بحزن وتنهد بألم

سويلم :- تسلم ايدك يا ابنى دى حرمه قليلة الادب اطلع فوق لمراتك وطيب خاطرها بكلمتين

منصور :- ورحاب يا أبا دى هتسيب البيت وانا مقدرش اعيش من غيرها

سويلم :- بعصبيه تانى يا منصور تانى كل اللى يهمك التانيه واللى فوق دى اللى انت عمرك ما فكرت تطيب خاطرها بكلمتين ذنبها ايه

منصور :- تنهد وقال حاضر يا أبا هطلع ليها وهسمع كلامك

سويلم :- ربنا يهديك ويفتح بصيرتك يا منصور هتلاقيها فى اوضه من الاوض اللى فوق محدش فى الفيلا اختك خديجه اخدت بنتها وجوزها وراحوا الدكتوره واخوك خرج من بدرى يعنى دور عليها فى الاوض براحتك

منصور :- حاضر عن اذنك وصعد إلى الأعلى وفتح اول باب غرفه وجدها فارغه ولا يوجد احد بها أغلق الباب وذهب إلى باب غرفه أخرى فتح الباب ونظر فيها ولم يجد أحد أغلق الباب مره أخرى وفتح باب آخر ونظر فيه ولم يجد أحد واغلق الباب مره اخرى ولكنه لمح شئ على الأرض فتح الباب مره اخرى واتجه إليها ومال بجسده إلى الأسفل والتقط صوره ملقاه على الأرض ونظر بها بصدمه ووضعها داخل ملابسه وخرج من الغرفه واغلق الباب خلفه وذهب إلى باب آخر وفتحه وجد منال تجلس على السرير وتبكى دخل واغلق الباب خلفه وتنهد بوجع

منال :- تفاجئت بمنصور مسحت دموعها بكف يدها سريعآ وقالت منصور خير فيه حاجه

منصور :- جلس بجوارها ومسك يدها وقال أنا اسف يا منال

منال :- سحبت يدها ونهضت وقالت ا.ا اسف على ايه

منصور :- على اللى حصل تحت غصب عنى اتعصبت على رضوى وقولت ليها الكلام ده بس صدقينى انا بحبكم ونفسى رضوى تسامحنى

منال :- ضحكت بتريقه وقالت تقصد تقول بحب بناتى يا منصور وده حقك انت مهما كان اب وبتحبهم وبتخاف عليهم

منصور :- نهض ومسك يدها وقال وانتى كمان بحبك يا بنتى عمى وعمرى ما كرهتك

منال :- عارفه بتحبنى حب أخوى مش اكتر وسحبت يدها من يده واستدارت

منصور :- لو أخوى مكنتش جبت منك عيال

منال :- تحب افكرك ازاى جبنا عيال يا منصور اول مره بالغصب لما خوفت من عمى ينفذ تهديده ليك بعد ما اكتشف اننا عايشين مع بعض تحت سقف واحد زى الأخوات والتانيه كنت بتعاقبنى على حاجه مليش ذنب فيها وعمرى ما هنسى نظرتك ليا فى الليله دى كانت كلها كره وانتقام يا منصور

منصور :- وضع يده على كتفها وقال بدموع حقك عليا يا منال انا واحد غبى وحمار ومقدرتش النعمه اللى ربنا بعتها ليا حقك عليا يا بنت عمى انا اسف

منال :- نظرت له بصدمه وقالت لاء يا منصور علشان خاطرى بلاش دموعك دى مش هقدر اشوفها ومسحت دموعه بيدها سريعآ وقالت أنا عمرى ما زعلت منك وكرهتك بالعكس كنت بدعيلك فى كل الأوقات

منصور :- احتضانها وقال ياااااه يا بنت عمى قد ايه انتى قلبك طيب اوى ونضيف من جوه

منال :- اغلقت عينها بتوتر وابتعدت عنه وقالت سيب رضوى عليا انا هكلمها واهديها

منصور :- صح كنت عايز أسألك على حاجه كده

منال :- ايه اسأل

منصور :- هى رضوى عامله ايه مع جوزها

منال :- بأستغراب بتسأل ليه

منصور :- ردى علي سؤالى يا منال

منال :- سليم طلع متجوز واحده وهى عايشه معاهم هنا بس بيقولوا أنه هيطلقها

منصور :- وانتوا كنتوا عارفين

منال :- لاء طبعآ انا عمرى ما كنت هقبل أن بنتى تعيش مع ضره

منصور :- احم ماشى

منال :- ماشى يعنى ايه مش فاهمه

منصور :- اكيد ابويا هيعرف يتصرف فى الموضوع ده كويس اوى

منال :- انا مش هقبل أن بنتى تعيش وتشوف نفس اللى شوفته انا هطلق بنتى منه مهما كان السبب

منصور :- هو مش بيحبها؟؟

منال :- ضحكت بتهكم وقالت نفس اللى حصل زمان هو هو اللى حصل معاهم دلوقتى اتجوزوا غصب

منصور :- تنهد بحزن وقال ماشى انا هتصرف

منال :- اقعد

منصور :- مش هينفع انا لازم امشى دلوقتى

منال :- بحزن اه ماشى مع السلامه

منصور :- مسك وجهها بين كفوف يده وقال هجيلك تانى

منال :- رجعت للخلف وابتعدت عنه وقالت عادى اللى يريحك

منصور :- ابتسم لها ووضع قبله على جبينها وقال متزعليش منى يا منال

منال :- احم م.م.مقدرش ازعل منك انت مهما كان ابن عمى

منصور :- وجوزك ابو بناتك يا منال وتركها وذهب

منال :- تنهدت بوجع وقالت و حبيبى كمان وجلست على السرير

&&&&&&&&&&&&&&&&&&&&&&&&&&&&

بالشركه…….

وصلت رضوى الشركه وهى متعصبه وصعدت إلى غرفة المكتب الخاصه بيها ودخلت وأغلقت الباب خلفها وجلست واخذت سماعة التليفون الخاص بالمكتب وطلبت السكرتير وانتظرت الرد وقالت

رضوى :- هات ليا اى حاجه لصداع وواحد نسكافيه ومتتأخرش ووضعت السماعه وأعلن الهاتف الخاص بيها عن وجود اتصال أخذته من على المكتب ونظرت فيه وجدت المتصل شادى تنهدت واجابته قائله ايوه يا شادى خير

شادى :- انا قولت أكد على الميعاد اللى ما بينا

رضوى :- زى ما احنا يا شادى

شادى :- مالك شكلك متعصبه

رضوى :- لاء مفيش وتنهدت وقالت انت فاضى دلوقتى

شادى :- اه فاضى ولا ورايا شغله ولا مشغله

رضوى :- خلاص انا جايه دلوقتى

شادى :- دلوقتى طيب وجوزك

رضوى :- ماله

شادى :- هتقوليلوا ايه لو سألك رايحه فين

رضوى :- سليم اصلا مشغول اوى النهارده حتى نزل بدرى عنى وجه الشركه قبل ما انا اجى

شادى :- اوعى سليم يعرف انك جايه تقابلينى

رضوى :- ما قولتلك خلاص يا ابنى مش هيعرف انا مش عارفه ايه سبب اصرارك على أنه ميعرفش حاجه

شادى :- ما قولتلك لما اشوفك هقولك كل حاجه

رضوى :- على الله ميكونش موضوع تافهه وانا على اخرى النهارده ومش مستحمله

شادى :- لاء مش تافهه صدقينى

رضوى :- لما اشوف انزل يلا وانا جايه ليك دلوقتى حالا باى وأغلقت السكه وزفرت بضيق وقالت أنا يرفع ايده عليا ويقولى تربية واحده ست ااااه هتشل وربنا ونهضت بعصبيه وقالت أنا احسن حاجه امشى دلوقتى بدل ما اتشل وخرجت من المكتب ونزلت إلى الاسفل و اوقفت سيارة الاجره وصعدت بها وذهبت إلى مقابلة شادى

&&&&&&&&&&&&&&&&&&&&&&&&&&&&&

فى غرفة مكتب سليم

طرق السكرتير الباب وسمع صوت سليم يأذن له بدخول فتح الباب ودخل وقال

السكرتير :- هى مدام رضوى مش هنا

سليم :- لاء تلاقيها فى مكتبها

السكرتير :- لاء مش فى المكتب طلبت منى حاجه لصداع و نسكافيه ولما دخلت المكتب عندها لاقيتها مش موجوده قولت اكيد هى هنا

سليم :- يعنى هى جات ومشيت تانى

السكرتير :- هى جات بس معرفش مشيت ولا لسه هنا

سليم :- ماشى روح انت ،وخرج السكرتير واخذ سليم الهاتف الخاص به واجرى اتصال برضوى وانتظر الرد وانتهى الاتصال ولم تجيب عليه جرب مره اخرى ولكن دون جدوى وضع الهاتف على سطح المكتب وتنهد وقال هتكون راحت فين المجنونه دى يمكن بتشترى حاجه شويه ابقى اجرب عليها تانى واكمل عمله

&&&&&&&&&&&&&&&&&&&&&&&&&&&&&

بالقاهره…..فيلا هشام

فى غرفة رحيم

اخذت اسماء الهاتف وقامت بأجراء أتصال وانتظرت الرد وبعد وقت سمعت صوت يجيب عليها قالت

اسماء :- ماما واحشتينى اوى

منال :- وانتى اكتر عامله ايه يا حبيبتى

اسماء :- كويسه

منال :- مال صوتك يا بنتى اوعى يكون جوزك عرف بموضوع احمد ده ولا تكونى انتى اتجننتى تانى واتكلمتى مع ابن عمك

اسماء :- لالالا محصلش حاجه من دى ولا رحيم عرف حاجه

منال :- اومال فيكى ايه

اسماء :- تنهدت بحزن وقالت أنا كويسه يا ماما متشغليش بالك بيا

منال :- ازاى يا بنتى مشغلش بالى بيكى اومال اشغل بالى بمين هو انا ليا غيرك انتى واختك فى الدنيا دى علشان اشغل بالى بيهم

اسماء :- ربنا يخليكى لينا رضوى عامله ايه واحشانى اوى

منال :- كويسه يا بنتى انا وجدك عندها

اسماء :- بقلق عندها، ليه مال رضوى فيها حاجه

منال :- أهدى يا حبيبتى اختك كويسه انا جيت اطمن على ابوكى علشان كان تعبان وجدك مرضاش يسيبنى لوحدى جه معايا وقاعدين يومين كده عند عمك اشرف

اسماء :- بابا ماله يا ماما عنده ايه

منال :- بحزن جاله السكر ودخل يومين المستشفى

اسماء :- يا حبيبى طيب هو عامل ايه دلوقتى

منال :- كويس يا حبيبتى ولسه ماشى من هنا

اسماء :- كان نفسى اشوفه بس رحيم مستحيل يوافق اجى عندكم

منال :- رحيم مستحيل يرفض ويمنعك عن أهلك

اسماء :- بحزن لا يا ماما رحيم اتغير خالص وهيرفض يخلينى اجى اشوف بابا

منال :- رحيم لاء مش قادره اصدق رحيم طيب وبيحبك

اسماء :- بيحبنى اسكتى يا ماما اصلك متعرفيش حاجه انتى لو شوفتى رحيم هتتصدمى هتقولى أنه اتغير وبقى واحد تانى خالص

منال :- انا هبقى أكلمه اكيد فيه حاجه غلط

اسماء :- لالالا بالله عليكى بلاش تكلميه احسن يزيد معايا فى اللى بيعملوا انا بقيت اخاف منه اوى

منال :- بيمد ايده عليكى ولا ايه

اسماء :- لاء يا ماما بس بيعاملنى وحش اوى

منال :- لا إله إلا الله لا حولا ولا قوة ألا بالله يا حظك الاسود فى جوازات بناتك يا منال هلاقيها منين ولا منين بس ياربى

اسماء :- ليه هو فيه حاجه عند رضوى هى كمان ولا ايه

منال :- متشغليش بالك انتى بحاجه وانا هخلص موضوع اختك هنا واجيلك اشوف موضوع رحيم ده كمان

اسماء :- ماشى بس متتأخريش عليا بالله عليكى يا ماما

منال :- حاضر يا بنتى خلى بالك من نفسك لحد ما اجيلك

اسماء :- ماشى باى وأغلقت السكه وتنهدت بحزن ونامت على السرير

&&&&&&&&&&&&&&&&&&&&&&&&&&&&

بالاسكندريه……فيلا اشرف

دخلت خديجه ومعها مى وجاسر إلى الفيلا وجلست بتعب بجوار والدها على الأريكة نظر لهم سويلم وقال

سويلم :- عملتوا ايه

خديجه :- الحمدالله الدكتوره طمنتنا على الحمل وقالت كل حاجه طبيعيه بس طلبت منها متعملش مجهود نهائى علشان ضهرها خفيف شويه

سويلم :- خلاص خليكى معاها هنا لحد ما يثبت الحمل

خديجه :- مينفعش يا بابا انت عارف ان وحيد مش بيعرف يعمل حاجه فى البيت ولا يخدم نفسه وانا بقالى كذا يوم سايبه البيت ومش عارفه بياكل فين وازاى ومين بيغسل ليه هدومه

مى :- متشغليش بالك بابا هيعرف يتصرف اكيد هيشترى اكل من بره وعنده هدوم كتير يبقى يلبس فيهم لحد ما تروحى وافقى بالله عليكى

خديجه :- يا بنت مينفعش انا مقدرش ابعد عن ابوكى كتير

مى :- يووووه بقى

سويلم :- خلاص خديها معاكى وتقعد عندك لحد الولاده

جاسر :- بصدمه تروح فين لاء طبعآ يا جدى انا مقدرش استغنى عنها يوم واحد بس خليها هنا وانا هجيب ليها واحده مخصوص تخدمها هى بس وتاخد بالها منها لحد ما ارجع من الشغل

مى :- لاء طبعآ تجيب ليا واحده علشان تحلى فى عينك وتتجوزها

جاسر :- طيب اتكلموا انتوا احنا فى ايه ولا ايه

مى :- انا هروح مع ماما وانت تعالى معانا

جاسر :- وشغلى اعمل فيه ايه مينفعش طبعآ

سويلم :- خلصنا خلاص مى هتروح مع امها وانت تبقى تيجى تطمن عليها براحتك

جاسر:- يا جدى

سويلم :- خلااااص يا جاسر

جاسر :- نظر لمى بغيظ وتركهم وصعد الغرفه

مى :- نظرت لهم وقالت عن اذنكم وصعدت الغرفه ودخلت نظرت له وأغلقت الباب وقالت جوجو

جاسر :- نظر لها وتركها وذهب المرحاض

مى :- يووووه بقى وجلست على السرير وانتظرت خروجه وبعد وقت خرج من المرحاض وارتدى ملابسه نهضت واتجهت له وقالت جوجو جسوره انت زعلان منى

جاسر :- بغيظ لاء خالص انتى بتعملى حاجه تزعل وجلس على السرير

مى :- اعمل ايه طيب ماما مش راضيه تقعد معايا وانا بقعد هنا لوحدى وبزهق وانت مش عايز تنزلنى الشغل معاك ورضوى علطول مع سليم فى الشغل عايزنى اقعد هنا ومروحش مع ماما خلينى انزل معاك الشغل وانا اوعدك مش هعمل مجهود خالص هقعد طول النهار على الكرسى

جاسر :- لاء يا مى مفيش نزول لشغل انتى سمعتى بودنك النهارده الدكتوره قالت ايه قالت اى مجهود هينزل الحمل وانا مش مستعد اخسره علشان طيشك يا مى ولو على المرواح مع امك مع الف سلامه على الأقل هستريح شويه من جنانك وتعب اعصابى منك

مى :- بدموع يااااا لدرجاتى انا تقيله على قلبك وكل اللى يهمك اللى فى بطنى طيب وعلى ايه خلاص طلقنى خالص وارتاح منى للابد

جاسر :- لو حكم الأمر هعملها يا مى

مى :- نظرت له بصدمه وقالت عايز تطلقنى

جاسر :- مش انتى اللى بتقولى

مى :- اه انا اللى قولت يا جاسر وانا بقى ماشيه مع امى ومش عايزه اشوف وشك تانى

جاسر :- اللى انتى عايزاه هيتنفذ وابقى خلى القاعده عند امك تنفعك واوعى كده خلينى اتخمد منمتش طول الليل منك

مى :- نهضت وقالت بدموع اتخمد اهو هسيبها ليك وابقى نام براحتك وتركته وذهبت المرحاض

جاسر :- نظر لها بعصبيه وزفر بضيق ونهض من على السرير وخرج من الغرفه ونزل إلى الأسفل واتجه إلى الخارج صعد السياره وذهب بها

مى :- خرجت من المرحاض ونظرت فى الغرفه لم تجد جاسر تنهدت بحزن وانهمرت الدموع من عيناها والقت نفسها على السرير

&&&&&&&&&&&&&&&&&&&&&&&&&&&&

بالقاهره……بشركة رحيم

يجلس رحيم على المقعد الخاص بى وهو شارد ويظهر على ملامح وجهه الحزن الشديد وتفاجئ بصوت انثى ينادى عليه انتبه لها وقال

رحيم :- ايوه يا اميره

اميره :- حضرتك انا بكلمك من بدرى ومش بترد عليا

رحيم :- معلش كنت سرحان شويه ومأخدش بالى خير فيه حاجه

اميره :- ايوه يا فندم الوفد الألمانى وصل فى غرفة الاجتماع ومنتظرين حضرتك

رحيم :- تنهد وقال ماشى ونهض لكنه شعر بألم فى معدته شديد وضع يده عليه واغلق عينه بألم

اميره :- استاذ رحيم حضرتك كويس

رحيم :- أومأ برأسه قائلا مفيش حاجه انا كويس يا اميره اتفضلى انتى وانا جاى وراكى

اميره :- انا ممكن أجل الاجتماع وأقول إن حصل ظرف طارق وحضرتك مش هتقدر تحضر الاجتماع

رحيم :- لا خلى الاجتماع زى ما هو وانا خمس دقايق وجاى وراكى

اميره :- تمام حضرتك عن اذنك وخرجت وتركته

رحيم :- وضع رأسه على سطح المكتب الخاص بى بألم شديد وطرق بيده عليه من شدة الالم وبعد وقت قصير أخذ نفس بهدوء حتى يستريح ونهض من على مقعده واغلق عينه بألم واتجه إلى غرفة الاجتماعات

&&&&&&&&&&&&&&&&&&&&&&&&&&&

بالاسكندريه……فى منزل منصور

وصل منصور المنزل ودخل يركض يبحث عن رحاب وأولاده وجد ابنته جودى نظر لها وقال

منصور :- فين امك يا حبيبتى

جودى :- ماما فى الأوضه جوه

منصور :- وأخواتك فين

جودى :- منه فى الجامعه ومحمد فى المدرسه بتاعته لسه مجاش

منصور :- ماشى يا حبيبتى وركض على الغرفه وفتح الباب وجد رحاب تحمل حقيبة ملابسها دخل عندها ومسك ذراعها وقال رايحه فين بس يا حبيبتى

رحاب :- ابعد عنى ملكش دعوه بيا متلمسنيش ولا لسانك يخاطب لسانى فاهم

منصور :- حقك عليا انا اسف متزعليش ما انتى يا رحاب اللى غلطى فى ابويا وانا مش هقف اتفرج عليكى وانتى بتغلطي فيه وقولتلك امشى امشى وانتى اللى صممتى تكملى اللى بتعمليه

رحاب :- اهو عندك خليه ينفعك هو والست هانم بنت اخوه شاطرين بجد عرفوا يوصلوا للى هما عايزينه فى وقت صغير اوى

منصور :- يا حبيبتى ايه الجديد بس ما من يوم ما اتجوزتك وابويا رافض وجودك فى حياتى ومع ذلك اتمسكت بيكى وكملت حياتى معاكى وبقى معانا واولاد زى القمر انا بعت الدنيا كلها علشانك بلاش تبعدى عنى وتسبينى دلوقتى يا رحاب

رحاب :- انت اللى وصلتنا لكده يا منصور لما مديت ايدك عليا قدام ابوك

منصور :- قبل يدها وقال حقك عليا انا اسف واوعدك مش هكررها تانى والله

رحاب :- مبقاش ينفع يا منصور انت مديت ايدك عليا بعد العمر ده كله ومش بينا لا قصاد ابوك اللى هو اكتر واحد هيفرح باللى حصل ده انا ماشيه لحد ما اقدر انسى اللى حصل منك ده ووقت ما احس نفسى مستعده للرجوع هتلاقينى رجعت لوحدى سلام يا منصور وخلى بالك على نفسك وعلى الأولاد وتركته وخرجت من الغرفه

منصور :- لاء يا رحاب علشان خاطرى متعمليش كده انا بحبك ومقدرش اعيش من غيرك خليكى معايا وانا اوعدك مش هكررها تانى وهعملك اللى انتى عايزاه كله

رحاب :- نظرت له بدموع وتركته وذهبت

منصور :- بزعل رحاب متسبنيش يا رحاب

جودى :- بدموع ماما انا عايزه ماما

منصور :- احتضن ابنته وقال ماما جايه يا حبيبتى جايه ونظر إلى الباب بحزن

&&&&&&&&&&&&&&&&&&&&&&&&&&&&

فيلا اشرف

انتهى اليوم ووصل سليم إلى الفيلا وألقى السلام على الجميع ونظر بالمكان على رضوى وقال

سليم :- اومال رضوى فين فى اوضتها فوق ؟

اشرف :- رضوى ! رضوى فى الشغل

سليم :- لاء رضوى مش فى الشغل

منال :- هو ايه اللى مش فى الشغل هى خرجت الصبح وقالت إنها رايحه الشغل

سليم :- ايوه جات الصبح والسكرتير قالى أنها مشيت فى سعتها

خديجه :- خرجت هتكون راحت فين

سليم :- طيب هو حصل حاجه الصبح عصبيتها

اشرف :- ايوه ابويا قالى أن منصور كان هنا الصبح وهو ورضوى شدوا مع بعض وعمك اتعصب عليها وكان هيضربها

سليم :- بصدمه يضربها

اشرف :- ايوه

مى :- انتوا لسه هتتكلموا اتصلوا بيها طيب شوفوها فين

سليم :- من الصبح بتصل بيها مش بترد

مى :- جربوا تانى طيب

سليم :- اخذ هاتفه من جيبه واجرى الاتصال برضوى ونظر لهم بصدمه وقال تليفونها مقفول

منال :- بدموع قلبى يا بنتى هتكون راحت فين بس

خديجه :- أهدوا يا جماعه يمكن مخنوقه ولا حاجه وراحت تتمشى شويه علشان ترتاح ما انتوا عارفين رضوى تحب تظهر قدامنا قويه ازاى ومش بتحب تظهر ضعفها قدام حد

منال :- لالالا قلبى مش مطمن حاسه ان فيها حاجه

سليم :- نهض وقال أنا هروح ادور عليها فين جاسر

مى :- جاسر خرج من الصبح ومعرفش راح فين

اشرف :- هتروح تدور عليها فين بس يا ابنى

سليم :- هدور عليها فى اى مكان المهم الاقيها

منال :- انا هاجى معاك

سليم :- لاء خليكى انتى هنا يا مرات عمى وهبقى اطمنك بالتليفون وخرج وتركهم

مى :- اومال جدى فين

اشرف :- فى اوضه مريح شويه محدش يقوله حاجه غير لما نطمن عليها الاول

منال :- يا ترى انتى فين يا بنتى يارب رجعها ليا ومتوجعش قلبى عليها يارب

خديجه :- أهدى يا منال أن شاءالله هتلاقيها داخله من الباب دلوقتى

منال :- يارب يا خديجه يارب

&&&&&&&&&&&&&&&&&&&&&&&&&&&

عند سليم

صعد السياره الخاصه بى وقادها بسرعه جنونيه وظل يبحث عنها فى كل مكان ولما يجدها وقف بالسياره فى احدى الشوارع وقال

سليم :- روحتى فين بس يا رضوى طيب افتحى تليفونك طمنينا عليكى وجرب مره اخرى واجرى الاتصال بها ولكنه وجده مازال مغلق ألقى الهاتف بجواره وشرد فى الشارع قليلا وقال تكون راحت عند عمى منصور علشان تكمل الخناقه اللى حصلت ما بينهم واخذ الهاتف واجرى الاتصال بعمه منصور وانتظر الرد

منصور :- عامل ايه يا سليم يا ابنى

سليم :- عمى هى رضوى عندك

منصور :- رضوى لاء مش عندى ليه هى مش عندكم

سليم :- لاء يا عمى من الصبح مختفيه ومش عارف راحت فين

منصور :- بقلق انت فين انا جاى ليك حالا

سليم :- لاء خليك يا عمى وانا هبقى اطمنك

منصور :- بعصبيه بقولك انت فين اخلص

سليم :- انا فى (….)

منصور :- مش بعيد عنى ربع ساعه هتلاقينى عندك سلام

سليم :- سلام واغلق السكه وانتظر وصول عمه وبعد وقت قصير وصل منصور عند سليم وصعد السياره وقال

منصور :- امشى

سليم :- حاضر وأدار السياره وذهب بيها مره أخرى وبحثوا فى كل مكان ولكن دون جدوى اخذ سليم الهاتف واجرى اتصال بالفيلا وانتظر الرد

منال :- بلهفه ايه لاقيتها

سليم :- بخيبة أمل قال لاء انا اتصلت اسأل على أمل أنها رجعت

منال :- يعنى برضه ملاقتش بنتى انت ترجع بنتى بأى طريقه فاهم

سليم :- حاضر يا مرات عمى سلام واغلق السكه ونظر لعمه وقال برضه لسه مروحتش البيت

منصور:- طيب ملهاش اصحاب ولا اى حد تروح ليهم

سليم :- رضوى متعرفش حد هنا خالص يا عمى

منصور :- يعنى ايه الأرض انشقت وبلعتها

سليم :- مش عارف هتجنن يا عمى هتجنن

منصور :- فين مراتك التانيه لتكون ليها يد فى اختفأها

سليم :- رانيا لاء مستحيل ونظر له نظره مطوله وأدار السياره ورجع إلى الفيلا بسرعه جنونيه وعاد إلى الفيلا ونزل يركض من السياره ودخل الفيلا وقال رانيا فين

منال :- انت بتسأل على التانيه وبنتى لسه مرجعتش

سليم :- ابوس ايديك مش وقته الكلام ده رانيا فين

اشرف :- فوق فى أوضتها

سليم :- صعد يركض على الغرفه وفتح الباب ونظر لها

رانيا :- حبيب قلبى جيت فى ميعادك مظبوط

سليم :- دخل واغلق الباب خلفه وقال فين رضوى يا رانيا

رانيا :- وقفت وقالت ايه واحشتك

سليم :- امسك شعرها وقال انطقى فين رضوى

رانيا :- وانا مالى بتسألنى ليه

سليم :- مفيش غيرك اللى عايز يأذيها

رانيا :- ليه حد قالك عليا مجرمه

سليم :- ررررررانيا اتكلمى أنا متأكد أنك تعرفى مكانها وبدليل انك كنتى بتتكلمى امبارح بثقه

رانيا :- امممم طيب كويس انك فاكر كلامى امبارح والاجابه بقى فى كلام امبارح

سليم :- مش فاهم اتكلمى علطول فين رضوى

رانيا :- اقتربت منه وأحاطت رقابته بذراعيها وقالت؟؟؟؟؟؟؟؟

يتبع..