رواية العاشق المخدوع الفصل الأول 1 بقلم سولييه نصار

رواية العاشق المخدوع الفصل الأول 1 بقلم سولييه نصار

رواية العاشق المخدوع البارت الأول

رواية العاشق المخدوع الجزء الأول

رواية العاشق المخدوع الحلقة الأولى

-انا مش هقدر اجي النهاردة يا وسام ..
قولتها وانا متوتر سمعت نفسها العالي فكملت :
-حصلت ظروف ومقدرش اجي …
-ايه اللي أنت بتقوله ده يا رأفت اهلي كلهم مستنينك عشان تتقدملي ابوس ايديك متحطنيش في الموقف المحرج ده …انت بنفسك كلمت بابا وهو مستنيك بلاش تك*سر ابويا يا رأفت …
-قولتلك يا وسام حصلتلي ظروف عادي …قولي لابوكي يديني ميعاد تاني عشان اتقدملك فيه مش حبكت النهاردة يالا سلام …
وبعدين مستنيتش وقفلت السكة علطول …
…..
وقفت وسام للحظات وهي مش مستوعبة أن رأفت يعمل فيها كده ….طب ليه …ليه هي عملت ايه بس ؟!!ازاي يحطها في الموقف ده ..يا تري فعلا
عنده ظروف منعته ولا هو بيتهرب …دموعها نزلت ولقيت باباها قرب منها وقال:
-مالك يا حبيبتي …

بصت لباباها وفجأة انفجرت في البكا وحضنته وقالت:
-رأفت كلمني وقال مش هيجي يا بابا .
اتصدم باباها وبعدها عنه وقال:
-نعم ايه اللي هو مش هيجي هو لعب عيال …بعدين ليه يكلمك انتي أنا راجل البيت مفروض يتكلم معايا انا …
طلع تليفونه ولسه هيرن عليه مسكت ايديه وقالت:
-بلاش ابوس ايديك يا بابا…خلاص بلاش تنزل نفسك …هو قالي أن عنده ظروف بس انا مش مصدقة …أنا اسفة يا بابا اني حطيتك في موقف زي ده ياريتني كنت سمعت كلامك وبعدت …عندك حق هو انسان مش كويس وانا اللي زنيت عليك …افتكرت أنه هيصون قلبي بس طلع انسان مش كويس أنا اسفة يا بابا …ابوس ايديك سامحني …
حضنها باباها وقال:
-خلاص يا بت انتي كفاية عياط ما يغ*ور في داه*ية …يالا تعالي نأكل الجاتوه اللي اشتريته ليه خسارة في أهله
…ضحكت وسام وهزت رأسها وراحت مع ابوها …بس قلبها كان واج*عها مكانتش مصدقة أن رأفت يعمل فيها كده …
……
بعد ما قفلت مع وسام … كنت حزين ….طلعت الصور اللي وصلتلي وشوفت بصدمة وهي في حضن واحد تاني غيري…شوفت الصور اللي خلتني أغضب لدرجة اني نفسي اروح واقت*لها…أنا كنت فعلا رايح اتقدم عشان اعيش مع الإنسانة اللي بحبها ولكن قبلها بنص ساعة وصلتلي صور علي الواتس ليها وهي في اوضاع مش كويسة مع واحد تاني …دموعي نزلت وقلبي كان واج*عني…ليه وسام تعمل فيا كده ليه …كنت حاسس انها ك*سرتني ….مكنتش اتخيل أن الإنسان الوحيدة اللي حبيتها تك*سرني بالشكل ده ..اتنهدت بغي*ظ وانا بقرر انساها حتي مش هن*تقم أنها ك*سرت قلبي لأنها خلاص مبقتش مهمة عندي بس لازم أحر*قها بنفس النا*ر اللي اتحر*قت بيها الاول !!!
…….
مرت الايام ووسام ما زالت مش مستوعبة اللي عمله رأفت …بعد ما ك*سر قلبها ومجاش يتقدم اكتشفت أنه عملها حظر علي كل مواقع التواصل الاجتماعي…حاولت تتصل بيه بس مردش…فمردتش تقلل من نفسها اكتر وبعدت … رجعت شغلها تاني لكن اكتشفت أنه اخد إجازة …فقررت تتجاهله خالص حتي لو رجع …
….

في يوم …
قررت اقطع اجازتي وروحت الشغل …كنت شايف العتاب في عيون وسام بس مفكرتش تكلمني حتي ….المدير طلب يجتمع بينا ضروري ولقيت دي فرصة عشان اصد*مها….
كنا في الاجتماع لما قولت فجأة:
-اسف اني بقاطع الاجتماع يا ريس بس حابة اقولكم اني هخطب الاسبوع اللي جاي …
ابتسم المدير وبص لوسام وقال:
-بجد فرحت ليكم يا وسام
وبصلي وقال:
-انت ووسام بجد لايقين علي بعض …
وسام اتوترت وعيونها دمعت فابتسمت لأن طبعا كله عارف بقصتنا أنا ووسام وأننا بنحب بعض بس رديت علي المدير وقولت ببرود:
-بس أنا مقولتش وسام هي العروسة …
بصيت علي نسرين زميلتنا في الشركة وقولت:
-انا هخطب نسرين بإذن الله وكلكم معزومين علي خطوبتنا!!

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية العاشق المخدوع)