رواية حب عبر الانترنت الفصل العاشر 10 بقلم رقية عبد الباسط

رواية حب عبر الانترنت الفصل العاشر 10 بقلم رقية عبد الباسط

رواية حب عبر الانترنت البارت العاشر

رواية حب عبر الانترنت الجزء العاشر

رواية حب عبر الانترنت الحلقة العاشرة

_انا عوزه اشوف احمد … قصدى خالد
_نعم!!!؟..انتى اى اللى بتقوليه ده
_زى ماسمعت .. لو سمحت عاوزه اشوفه
_وعوزه تشوفيه ليه يامريم .. اوعى تكونى لسه بتحبيه ولا مفكره مثلا أنه هو بيحبك بس الشيطان شاطر .. فوقى يامريم انتى اتضحك عليكى زى ماعمل مع قبلك كتير
_تمام .. انا بردو عاوزه اشوفه لو سمحت
_…… طيب يابنت خالتى تقومى بالسلامه وهخليكى تشوفى الزبا*له ده
دماغى كانت كأن جواها حرب .. حرب ومش عارفه أوقفها .. صداع رهيب من كتر التفكير .. لو مكنتش طلعت معاه الشقه ومشيت مكنش ده حصل .. لومكنتش نزلت أقابله مكنش كل ده حصل .. لو مكنتش صدقته اصلا مكنش كل ده حصل .. ولو مكنتش رديت عليه ف الأول ف التعليقات مكنش كل ده حصلى … بالرغم كل ده ربنا سترنى ف الآخر وجات سليمه .. كان زمان جثتى مرميه بعد ماخدونى قطع غيار على رأى مراد … سبحان الله يعنى الظابط اللى يكون بيدور عليه يكون هو هو ابن خالتى … قد اى ربنا بيلطف بينا ف حاجات كتير واحنا مش بناخد بالنا …
مع تانى يوم ليا ف المستشفى دى الدكتور قال انى اقدر أخرج ..
وبالفعل خرجت من المستشفى مع مراد وامى … امى اللى لحد دلوقت متعرفش حاجه عن الحيوان اللى ضحك على بنتها … مراد مقالش حاجه لامى عن اللى حصل وكل اللى قالهولها أنه كان فى مأموريه ونزل اسكندريه وهو ف الشارع بالصدفه لقا ناس. متجمعه ولما قرب عشان يشوف اى اللى بيحصل لقانى فاقده الوعى والناس متجمعه حوليا والستات بيحاولوا يفوقوا فيا …
ده كل اللى مراد قاله لأمى .. الكدب مالهوش رجلين اه بس ماما تعبانه ولو عرفت ممكن يحصلها حاجه ومراد مقدر انها اكيد مش هتستحمل وعشان كده مقلهاش حاجه خالص عن الموضوع …
…………………………

بعد ما وصلنا انا ومراد القسم …
_هاتلى يابنى الزفت اللى اسمه خالد ده
_تحت امرك يافندم
دخلنا انا ومراد مكتب وبعد كده العسكرى جاب احمد اقصد خالد ع المكتب…..
كنت مستقويه بمراد وانا واقفه قودام احمد اللى مطلعش احمد خلاص …
_بص بقى يارو*ح امك….
_مراد .. بالراحه
مراد بصلى بأستغراب وبعد عنه شويه …
فمشيت خطوتين لقودام ووقفت قوصاد احمد اللى كان واقف متخشب مكانه …
وقفت قودامه ورفعت ايدى وضربته بالقلم…..
احمد بعد ماضربته القلم قالى
_متشكرين ياامريم
مراد قرب منه ومسكه من القميص بتاعه وقاله
_لو نطقت اسمها على لسانك الزباله ده وربى لأكون قاطعهولك نصين انت سامع يابن ال…..
مراد فضل يشتم فيه ومسح بكرامته الأرض .. وانا واقفه مكانى وماسكه نفسى بالعافيه من العياط ..
_خلاص يامراد … بنى ادم زيه مايستحقش نبصله حتى
مراد سكت شويه ..فأنا كملت كلامى

_انت ليه عملت كده يااحم… يااخالد … ليه عملت كده .. انت فاكر أن ربنا سيبك كده وخلاص .. ربنا مش هيسيبك ومش هيضيع حق البنات اللى ضحكت عليهم .. انا كنت حماره لما صدقت واحد زباله زيك .. وافتكرتك راجل .. طلعت راجل ف البطاقه وبس… حسبى الله ونعم الوكيل فيك … حسبى الله ووو.. نعم..الو..
مقدرتش امسك نفسى .. فضلت اعيط وانا صعبانه عليا نفسى م اللى حصل ده…
مراد نده ع العسكرى عشان يخرج احمد من المكتب ….
بعد مالعسكرى خد احمد وخرج ..
_خلاص يامريم بطلى عياط ..
_…..
_بالله عليكى خلاص ..
_…..
_طب اروح اقتلهولك طب
حركت راسى بالنفى
_طب اجيبلك مصاصه
ضحكت وهو كمان ضحك على ضحكى
_خلاص بقى ياعم هتقضيها عياط طول اليوم ولااى ده انتى وليه نكديه صحيح
قولتله بعياط ممزوج بابتسامه
_خلاص هبطل اهو
بعدها بخمس دقايق لاقينا العسكرى جاه بيخبط ع الباب
_ادخل
_الحق يامراد باشا
_خير فيه اى
_اللى اسمه خالد … قتل نفسه…..

يتبع..

لقراءة الفصل التالي : اضغط هنا

لقراءة باقي حلقات الرواية اضغط على (رواية حب عبر الانترنت)