رواية بحر موجه كان عالي الفصل الرابع 4 بقلم دعاء زينه
رواية بحر موجه كان عالي الفصل الرابع 4 بقلم دعاء زينه
رواية بحر موجه كان عالي البارت الرابع
رواية بحر موجه كان عالي الجزء الرابع
رواية بحر موجه كان عالي الحلقة الرابعة
_أنت اتجننت يابحر
بحر بحرج بص حواليه: اس اسيااا
_اسيا ايه وزفت ايه على دماغك
بحر مازال الحرج مسيطر عليه: ده عيد ميلادك الواحد وعشرين
_ده ومعناه أنك تعمل الهبل اللي أنا شايفة ده
بحر بصوت جاهد يبينه طبيعي: احتفالي بعيد ميلاد بنتي اللي مربياها علي إيدي مش هبل ده شئ مهم عالاقل بالنسبة ليا
وطلع علبة شكلها حلو جدا حطها عالمكتب وبص للموظفين اللي كان السكوت بينهم هو سيد الموقف وده غير خوفهم من آسيا وزعلهم علي مديرهم المباشر
وبغضب وعصبية مبيظهروش غير بسبب تلك المتعجرفة
بحر: العرض خلص كل واحد علي شغله وكمل بصوت عالي يلاااااااااا
*************
هنا ونقف مع بعض وشية
بحر درويش إبن خال آسيا الكبير شخص أقل كلمة توصفه مرح لأبعد حدود وسبحان الله جميل الروح والمظهر بشرته قمحية جميلة وعيونه سواد شبه سواد النيل عالكورنيش بعد الساعة 12 وأشعة الضوء هربانة من البلكونات عشان تتعامد عليه فى صورة تبهر عقلك وتسحر عيونك بجمالها، ملامحه هادية تشوفها تحس بألفة تلقائي كل ده يكمل بدقنه السمراء المرسومة بدقة وحرفية سبحان المبدع
عنده 30سنة ويعتبر آسيا كبرت علي ايديه حرفياً فهمها أصول الشغل وشربها الصنعة بمعني أدق عشان تكون أصغر حد يتولي المنصب ده فى مجموعة شركات الدرويش جروب
أما هو بقي فشرب الشغل واتعلم تعبه وازاي يقدم أحسن ما عنده من جده درويش باشا المالك الأساسي والمأسس الرسمي ل الدرويش جروب عشان يكبر وتكبر الشركة بيه ومعاه……
******
أسيا بنت بحر وموج زي ماعرفتوا…….
وكلنا عارفين ان لكل واحد منا نصيب فى اسمه وللأسف آسيا كان نصيبها كبير جدا
بنت بشرتها برونزي بعيون ردمادي شبه سما الشتا الحزين بتقلب ساعة لما تكون فرحانة لون زيتوني صافي يجبر اي حد يقع في غرامها
طويلة وملامحها شرسة عن بعد، بس تقرب منها تشوف مدي برائتها وده طبعاً مش مسموح لأي حد
*******
لحد دلوقتي دول اهم حاجه تعرفوها
فى مكتب آسيا قاعدة كالعادة ببر’ود لا تهتم لما فعلته بإشعال تلك النيرا’ن بقلب ذلك البحر
جات عيونها علي العلبة اللي عالمكتب اتردد كتير تفتحها ولا لا بس قررت فى الآخر فتحها
عشان تلاقي فيها سلسلة فضة بتفتح فيه صورتها وهي صغيرة من ناحية ومن الناحية التانية كاتب
“””براءة طفلة تأسر من العيون اولوفات”””””
غصب عنها ابتسمت واختفت فوراً بغضب وهي بتن’هر نفسها بشدة بعد مارمتها من أيديها
أسيا لنفسها: فوقي يا آسيا من أمتي الهب’ل ده بيأثر فيكي
********
عند بحر باب مكتبه خبط
=أدخل
السكرتيرة بهدوء ودلع أنثوي: بحر بيه حضرتك لسه متعصب
=أنتي يخصك ياشهد أتحركي
السكرتيرة بحز’ن: آسفة يابحر بيه شكلي زودتها
وجات تمشي
وطبعًا لأن بحر زي اي راجل وميهنش عليه زعل حواء ابدًا🤦🏻♂️😂
=استني ياشهد حقك عليا أنا بس متعصب شوية
شهد بغنج قربت منه بهدوء: ولا يهمك أنا بس حبيت أطمن عليك بعد ما آسيا عملت اللي متعودة عليه
بحر بعدها عنه بعصبية: اوعي ثم اوعي تتجرأ أكتر من كده عليها إسمها آسيا هانم وليها حق تعمل اللي تشوفه أنه مناسب ليها وغير كده ميخصكيش
شهد: أااا انااا بس
بحر: أنتي تطلعي برررة فاهمة يلاااااا
**********
موج خرجت راحة للنيل شريك أهاتها وسنين عمرها وعذابه بعد كل اللي حصل لسه بتحن لأيام ماكانت الدنيا كلها بالنسبة ليها كوباية شاي يدفي كفوف ايديها الصقعانة وكتفه اللي كانت تميل عليه ترمي كل همومها علي الكورنيش عشان تكون السيدة الأولي اللي تكون جمعت بين هياج البحر بموجه العالي والنيل بروقانه وهدوء ليله
راكبة فى العربية ومع حركات البيوت والشجر اللي عكس حركتها هاجت فى دماغها زكرياات بتجاهد أنها تنساها عشان ميبقاش منها غير الحلو وبس
★**فلاااااش بااااك**★
فى اوضة ضلمة قاعدة موج زي اللي مستني يتنفذ فيه حكم الإعدام عشان تلاقيه داخل عليها بغضبه اللي صبح عادة مؤخرًا
_ايه فكرك هترتاحي ورحمة أمي لا هريحك ولا هرتاح إلا لما أعرف مين الو*سخ اللي كسر’تي ضهري ويااااه
موج بقوة تتنافي مع حالتها: وانا لا هرد عليك ولا هعبر كلامك اللي مالوش معني ده غير لما تتعدل وتفوق وتعرف أنت بتكلم مين يا بحر أنا مووووج
عشان تكون نهاية آخر كلمة تقولها قلم نازل علي وشها خلّ الد”م يسيل علي شفايفها
_موج اللب أعرفهااا مااااتت واللي قدامي دي ست و”سخة وزز”بالة معرفهاش مس’خ مشو’ه عنها وبس ولازم يمو”ت
عشان يمسك رقبتها بقوة
موج بخنقة وصوت مش طالع بتخب’ط علي دراعه بضعف: ب ببح بحرررر همووت
★**باااك**★
السواق: وصلنا ياهانم
موج بصت ليه وفيه غيامة دموع علي عيونها: طيب ياسعيد تعالي بعد ساعة عشان نروح
السواق: أمرك ياهانم
نزلت تتمشي عشان توصل لمكانها الخاص اللي كان قبل كده مكانهم لقيت أخر شخص تخيلت أنه ممكن يكون موجود
بنبرة ارتعشت من كم الذكريات اللي اكتسحتها وهمس مسمعوش غيرها: بحررر
عشان فى اللحظة دي القلب يعلن عصيانه ويدق بنغمات مبتتعزفش غير فى حضرة وجودها بص ليها بعيون بتلمع من الفرح المخلوط بحزن سنين متراكمة جواه واترسبت فى بحور عيونه: مووج
★*************★
فى الشركة عند آسيا خارجة كالعادة بوجه بارد خالي من اي ملامح او تعابير هتفتح باب عربيتها
بحر: أسياااااااا
قرب منها: تعالي اروحك
بصت ليه ببرود كالعادة وطلعت العربية وبعدين نزلت الشباك حتة صغيرة: لتكون فاكرني صغيرة ي درويش
واتحركت بالعربية
بحر بتنهيدة خرجت منه بقلت راحة: فى عيوني هتفضلي العيلة الصغيرة اللي كانت بتتشعقل فى رقبتي
حد من وراه: ايه يازميلي هي المك”نة نفضتلك ولا ايه
بص ليه بحر بعدم فهم عشان يلاقيه بيغمزه علي أسيا اللي اتحركت بعربيتها وهنا كانت ملامح بحر اتقبلت فى أقل من ثانية زي ما موج البحر بيهيج فى لحظات متذكرش: ده حلو الملامح قلبه جايبة
عشان يرفع عليه أداة حاد”ة: اوماااال
عشان فى لحظة يكون متكوم فى الأرض بعد مانال جزاءه من بحر وبعدين نفض ايديه وبص ليه بشفقة: ياعيني عالرجالة
واتحرك عشان يركب عربيته سمع صوت عربية جاب من وراه بأقصي سرعتها
وفي ثانية
عم صوت الهدوء عشان يعلي صوت نفس آسيا وتزيد ضربات قلبها فتوقف العربية فوراً وصوت بيردد بهمس رن صدي صوته علي قلبها خلاها ولأول مرة تخاف: بحرررر
★*************★
ايه اللي ممكن يكون حصل……؟؟؟!
يُتبع ..
- لقراءة الفصل التالي : اضغط هنا
- لقراءة باقي حلقات الرواية اضغط على (رواية بحر موجه كان عالي)