روايات

رواية الوردة الدبلانة الفصل السادس والعشرون 26 بقلم حسام محمد

رواية الوردة الدبلانة الفصل السادس والعشرون 26 بقلم حسام محمد

رواية الوردة الدبلانة البارت السادس والعشرون

رواية الوردة الدبلانة الجزء السادس والعشرون

الوردة الدبلانة
الوردة الدبلانة

رواية الوردة الدبلانة الحلقة السادسة والعشرون

المشهد الاول
—————–
مكتب عاصم
عمر : انا جيت لحضرتك النهاردة … عشان اعزم حضرتك علي خطوبتي يوم الخميس الجاي
عاصم : بجد يا عمر … طب الف الف مبرووك و عقبال الليلة الكبيرة يا سيدي
عمر : الله يبارك في حضرتك يا عم عاصم
عاصم : طب مقولتليش يا عمر مين العروسة
عمر : شهد بنت عم عبد الناصر
عاصم : اخت علاء
عمر : ايوة اخت علاء
عاصم : و وردة تعرف الكلام دة
عمر : دي هي اللي قالتلي عليها لما فاتحتها في موضوع الارتباط
عاصم : طيب يا عمر ربنا يتمملك علي خير
عمر : طب عمي تسمحلي اروح لوردة البيت اعزمها علي الخطوبة
عاصم : بصراحة يا عمر وردة في الشغل مش في البيت
عمر : ايه دة هي وردة اشتغلت
عاصم : ايوة فضلت تزن عليا … و اضطريت في الاخر اوافق
عمر : طب عمي هي شغالة فين
——————————

 

 

 

المشهد الثاني
—————–
مكتب صديق رئيس مجلس إدارة الشركة
اشرف يخبط علي الباب و يدخل المكتب و هو بيردد : ابي العزيز كيفك
صديق : اهلا و سهلا يا بشمهندس عاش من شافك .. موجودين في بيت واحد و مش بنشوف بعض
اشرف : و الله يا والدي غصب عني عندي شغل كتير فوق دماغي
صديق : مش انت اللي غاوي وجع دماغ … مانا قولتلك تيجي تشتغل معايا في الشركة و انت رفضت
اشرف : لاء يا ابويا كدة حلو اووي
صديق : المهم ايه اخبارك … الدنيا عامله معاك ايه
اشرف : اهو كله تماام الحمد لله
صديق : يا ابني انت مش ناوي تفرحني بيك بقي … نفسي اشيلك عيل قبل ما اموت
اشرف : يعني يا والدي هما اللي اتجوزا خدوا ايه … عندك اهو اخواتي البنات كل يوم حضرتك تروح تسلك بينها و بين جوزها
صديق : يا ابني العمر بيجري بيك هتفضل كدة لحد امتي
اشرف : لحد ما الاقي بنت الحلال
صديق : يا ابني البنات كتير بس انت شاور و انا اجوزهالك
اشرف : يا بابا كله باوانه … و علي العموم احب اطمنك هو انا فيه بنت قدامي بس اتأكد من حاجة و لو كدة اخلي حضرتك تروح تطلبهالي علي طول
صديق : كدة … طب لما نشوف يا سيدي
————————-

 

 

 

المشهد الثالث
———————
مكتب وردة
تجلس وردة علي مكتبها تنظر في دفاتر امامها و في لحظة تلاقي شخص يقف امام مكتبها و يخبط بيده عليه فتنظر علي الشخص تلاقيه عمر
وردة ( بابتسامة ) : مين … عمر
عمر : اول ما عرفت انك شغاله هنا قولت اجيلك اباركلك علي شغلك …. مبروووك يا ستي و ربنا يكرمك كمان و كمان يا رب
وردة : الله يبارك فيك يا عمر … ايه مفيش جديد عايز تبلغني بيه
عمر : مانا جاي عشان كدة
وردة : خير
عمر : خطوبتي ان شاء الله هتكون يوم الخميس الجاي
وردة : و الله …. طب هايل الف مبرووك … مين بقي العروسة
عمر : معقولة متعرفيش مين العروسة … دة انتي اللي قايلالي عليها
وردة : لاء … معقولة شهد
عمر : ايوة يا ستي شهد
يبدأ تعلي الضحكات في المكتب و بعد لحظات يخرج اشرف من مكتب والده
اشرف ( بنرفزة ) : هالله … هالله ايه اجيبلكم شجرة و اتنين ليمون
وردة : مش فاهمة حضرتك تقصد ايه
عمر : بعد اذنك يا وردة انا هافهم الاستاذ …بص يا استاذ …..
اشرف : مين … عمر الشامي
عمر : اشرف صديق … بالحضن يا صديقي و يحضنوا بعض
وردة ( بابتسامة ) : ايه دة انتوا تعرفوا بعض
اشرف : طبعا …. الا نعرف بعض … دة احنا كنا شلة واحدة من ايام الجامعه … ولا ايه يا صديقي فاكر احمد ياسين و البنت هنا و البنت سهر … تعالي تعالي معايا بعد اذنك يا وردة
وردة : اتفضلوا براحتكم

 

 

 

اشرف ل عمر : تعالي دة انا ما صدقت لقيتك و يشدو من ايديه
عمر : طب شاددني علي فين
اشرف : يا ابني هننزل نتمشي بالعربية شوية هو انا هاخطفك
عمر : طب بعد اذنك يا وردة
اشرف : بعد اذنك يا وردة
وردة بابتسامة : اتفضلوا
————————-
المشهد الرابع
—————-
اشرف : ايه يا عم عمر ايه الغيبة الطويلة دي فينك و فين اراضيك دلوقتي
عمر : و الله يا اشرف الدنيا مشاغل مانت فاهم بقي
اشرف : طب ايه اخبار الدنيا معاك اتجوزت ولا لسة
عمر : لسة … دة انا خطوبتي يوم الخميس و كنت جاي اعزم وردة علي خطوبتي
اشرف : كدة دة انا اجيلك علي عيني و الله يا صديقي
عمر : و انت ايه الاخبار معاك اكيد طبعا اتجوزت
اشرف : لاء لسة معندكش ليا عروسة
عمر : بقي معقول اشرف صديق اللي كان بنات الجامعه دايبين فيه نش لاقي عروسة اهو دي بقي نكتة
اشرف : لاء مانا خلاص ربنا تاب عليا خلاص و بادور علي بنت تبقي بنت حلال اقدر اطمن علي نفسي و اسمي معاها و بعدين عشان اسكت ابويا اللي في الراحة و الجاية بيفاتحني في الموضوع
عمر : ربنا ان شاء الله يكرمك ببنت الحلال
اشرف : بالمناسبة انت تعرف وردة دي منين
عمر : كنا جيران زمان و كنا شلة واحدة ننزل نلعب مع بعض في الشارع زي ما تقول كدة متربيين مع بعض
اشرف : كدة طب كويس
عمر : اشرف ايه اللي في دماغك بالظبط
اشرف : بكرة اقولك
—————————

 

 

 

المشهد الخامس
——————
منزل عاصم
علي سفرة الطعام
وردة : عمر عدي عليا النهاردة في المكتب
عاصم : ما هو كان عندي و طلب عنوان الشركة عشان يعدي عليكي يعزمك علي خطوبته
سحر : يا بنتي ما كنتي وافقتي عليه و اتخطبتي ليه
وردة : تاني يا ماما انتي مبتزهقيش من الحوار دة … قولتلك ١٠٠ مرة انا مش بافكر في الجواز و لو اتجوزت مش هتجوز عمر لاني من زمان و عمر بالنسبالي اخ و بس
عاصم : سيبيها براحتها يا سحر … بكرة ربنا يكرمها بابن الحلال
سحر : امتي بس انا خلاص تعبت منها اللي في سنها دلوقتي بقي معاهم عيال في مدرسة و هي مفيش فايدة فيها
وردة : يا ماما يا حبيبتي كل شئ قسمة و نصيب في لحظة واحدة لما نصيبي يجيلي هتلاقيني متجوزة و فاتحة بيت … عارفين … اضحكم عارفين عمر طلع يعرف مين
عاصم & سحر : مين
وردة : طلع صاحب اشرف ابن عمي صديق
—————————–
المشهد السادس
—————-
منزل صديق
منال : يعني يا صديق اشرف قالك كدة
صديق : ايوة يا منال
منال : يعني هو قالك ان فيه بنت بيفكر فيها
صديق : هو مقاليش كدة بالظبط هو قالي ان فيه بنت قدامه هو مستني بس يبقي يتكلم معاها و يتأكد من شعورها ناحيته و هيبقي يرد عليا عشان لو كدة اروح اخطبهاله
منال : يا ريت يا صديق دة يوم المني ان ابني الكبير يتجوز
صديق : عارفة يا منال انا من زمان و انا نفسي في اليوم دة … نفسي اشيل ابنه … دة انا زعلان عليه ان اخواته البنات الاصغر منه اتجوزوا و هو لسة
منال : يا صديق ان شاء الله ربنا يكرمه ببنت الحلال
صديق : يا رب
—————————–

 

 

المشهد السابع
—————–
عمر : جري ايه يا اشرف انت جايبني هنا عشان نفضل نتكلم عن وردة ولا ايه
اشرف : بصراحة … اه
عمر : اه …. طب بقولك ايه يا اشرف ما تجيب من الاخر و مفاية بقي لف و دوران
اشرف : بصراحة كدة يا عمر انا معجب بوردة و عايز اتقدملها و محدش هيقدر يفيدني في الموضوع دة غيرك
عمر : بصراحة يا اشرف انا مش عارف اقولك ايه
اشرف : في ايه يا عمر قلقتني هي وردة اخلاقها مش ..
عمر : متكملش …. مش اللي في دماغك خالص بالعكس وردة اخلاقها راقية جدا مؤدبة و محترمة و بنت ناس بس الموضوع كله
اشرف : في ايه يا عمر … ايه شغل الفوازير دي
عمر : يا عم ولا فوازير ولا حاجة … كل الحكاية ان وردة قلبها مشغول
اشرف : مشغول بمين
عمر : مشغول بحسن خاطيبها
اشرف : يا عم خضتني
عمر : خضيتك هو انت مش فارق معاك
اشرف : مش بالظبط بس انت قولتلي ان حسن خطيبها مات
عمر : هو مات بس لسة عايش جواها
اشرف : يا عم مسيرها مع الوقت و الايام هتنساه
عمر : ماظنش
اشرف : بكرة تشوف
عمر : يا ريت فعلا كلامك يطلع مظبوط و اشوف فعلا

يتبع…

اترك رد